المشاكل المادية بين الزوجين تعالي فضفضي

[ام سعود ديكسون]

أنا قبل فترة مريت بمشاكل مادية طفت ع السطح و سببت لي هم و كدر بعيد الشر عنكم
أنا طبعي هادية و مرحة و كتومة لآخر درجة لو شنو احترق من داخل ما احب اشتكي و فوق هذا طيبتي الزائدة عن اللزوم
ساعات كلام الحق لازم ينقال بس أخاف أقوله و أخسر اللي جدامي اداري شعورهم وانا منو يداري شعوري ؟؟؟؟؟؟!!!!

بس بغيت افضفض لان بس امس هديت و استقريت عقب ما انفجرت من الضغط النفسي و قلت ماكو الا خواتي بكويتيات

صبايا مرت فيكم ظروف مادية او تصرفات من الزوج او اهله بغت توصلكم لابغض الحلال
شايل ايده من المصرف
طالب منج تاخذين قرض
اهله يتدخلون باموركم المادية
كانت حياتكم سمنة علي عسل لين دشت الامور المادية بينكم

انزين !!!
اشلون نحافظ علي عش الزوجية
اشلون حليتوا خلافاتكم المادية بدون حزازات
و بدون ما الريال يطير و تطير معاه حقوقج و حقوق عيالج
اشلون تقصين الحق من نفسج يدام اهله بدون لا تخسرينهم

المايك لكم 

 

[ام سعود ديكسون]

أخيرا نزل الموضوع انشالله تفيدوني
أنا للحين امر بظروف صعبة ما يعلمها الا رب العالمين
الله يفك عني الضيجة و لا يبتلي احد باللي شفته

 

[فوفو22]

المشاكل الماديه من اهم المشاكل اللي يمر فيها الزوجين اذا ما تم تفاهم وتنسيق بينهم وبرضا الطرفين

ودايما اقول ان اي مشكله حلها

الصدق

مش الهروب والعيش تحت ضغوط حتى ما اخسر بشر

وبالنهايه القى خسرانه

صحتي ....وحلالي

الحل

1- يعتمد على وضع المادي للزوج يكفي ايجار وراتب خدامه ومصرف لليهال وامهم ومصاريف جمعيه وغيره

2- في الغالب ما يكفي تاتي هنا الاتفاقيه شنو لك وشنو لي

لي اشيل نفسي من مصرفك
لي اساهم في مصاريف السفر والتذاكر
لي اساهم براتب خدامه

لك مصرف البيت من والى ....ملاحظه مع استلام 50 لكل طفل وعلاوه اجتماعيه للزواج بحدود 88
لك تسليم ايجار الشقه ..........ملاحظه مع استلام 150 من الحكومه
لك الصرف على اليهال ومدرسين

تاتي امور مفاجأه

كسفر خدامه
تجهير لعرس من الاهل
خراب سياره

يكون الاتفاق فيها غير موجود وياتي على حسب امكانيه اي طرف

3-عدم اعطاء صلاحيه لاي مخلوق التدخل براتبك وغير مسموح لهم السؤال عنه وهذا يحتاج يتترجم باقوال مش افعال

بمعنى كم راتبك ؟؟؟

ج: امر خاص فيني لا يعينيكم ولكن لله الحمد مستوره

س : شاركينا ب .....
ج : اسفه راتبي لي .....وانا غير مسئوله عن ......

وهكذا

4- اوعي تكتمين مشاعرك ومشاكلك بقلبج مراعاة لشعور الاخرين انما فضفضي لهم .....حتى لو لم يقتنعوا بوجهه نظرج

5- من وجه نظري لا العيال ولا الزوج ولا الاهل لهم امااااان 100% بمستقبلج

فالافضل كل وحده فيكم .....تجمّع مبلغ كل شهر للظروف المفاجأه تلاقين نفسج بروحج

فوفو

 

[ناتشوو]

ام سعود
الله يفرج همج ويرزقج من حيث لا تحتسبين
مشكلتنا بناتنا كريمات
وتبادر بالدفع
ومع الوقت تلقى هالشي صار اجباري
وبدون مقابل ولا تقدير لا مادي ولا معنوي
مو دعوة للبخل
بس اصرف ع البيت بتعقل واساهم بحدود المعقول
اشلون القوامة للرجل

 

[قمرية الفيس]

اب. اب

 

[Alias]

اول شي شوفي وضع زوجج المادي هل يكفي لكم وشكثر مصروفاتكم. حاولي تقللين من الكماليات وفري لج مبلغ خاص فيج وبعدين تفاهمي مع زوجج شكثر بتساعدينه كل شهر حددي المبلغ لان اذا ما حددتي المبلغ راح تلبش المشاكل تزيد. قروض ممنوع وفيزا ممنوع

 

[كارلوفي فاري]

المشاكل الماديه من اهم المشاكل اللي يمر فيها الزوجين اذا ما تم تفاهم وتنسيق بينهم وبرضا الطرفين

ودايما اقول ان اي مشكله حلها

الصدق

مش الهروب والعيش تحت ضغوط حتى ما اخسر بشر

وبالنهايه القى خسرانه

صحتي ....وحلالي

الحل

1- يعتمد على وضع المادي للزوج يكفي ايجار وراتب خدامه ومصرف لليهال وامهم ومصاريف جمعيه وغيره

2- في الغالب ما يكفي تاتي هنا الاتفاقيه شنو لك وشنو لي

لي اشيل نفسي من مصرفك
لي اساهم في مصاريف السفر والتذاكر
لي اساهم براتب خدامه

لك مصرف البيت من والى ....ملاحظه مع استلام 50 لكل طفل وعلاوه اجتماعيه للزواج بحدود 88
لك تسليم ايجار الشقه ..........ملاحظه مع استلام 150 من الحكومه
لك الصرف على اليهال ومدرسين

تاتي امور مفاجأه

كسفر خدامه
تجهير لعرس من الاهل
خراب سياره

يكون الاتفاق فيها غير موجود وياتي على حسب امكانيه اي طرف

3-عدم اعطاء صلاحيه لاي مخلوق التدخل براتبك وغير مسموح لهم السؤال عنه وهذا يحتاج يتترجم باقوال مش افعال

بمعنى كم راتبك ؟؟؟

ج: امر خاص فيني لا يعينيكم ولكن لله الحمد مستوره

س : شاركينا ب .....
ج : اسفه راتبي لي .....وانا غير مسئوله عن ......

وهكذا

4- اوعي تكتمين مشاعرك ومشاكلك بقلبج مراعاة لشعور الاخرين انما فضفضي لهم .....حتى لو لم يقتنعوا بوجهه نظرج

5- من وجه نظري لا العيال ولا الزوج ولا الاهل لهم امااااان 100% بمستقبلج

فالافضل كل وحده فيكم .....تجمّع مبلغ كل شهر للظروف المفاجأه تلاقين نفسج بروحج

فوفو

هذا الكلاام عين العقل بس ياافوفوو احيانا الضروف تكون اكبر مننا يعني لما يقولي احد شاركي معانا ولا لما تكون في سفره هو مايقدر القى نفسي انسى نفسي. وبالاخييير والله اتحسف. الا انا ماعندي شي ولا احد عاذرني واول من يقول لي وين وديتي معاشج هو زووجي ولا كانه يدري وين راااح

 

[شوارفسكيه :$]

الموضوع حلو
بسس عندي سوؤال هل من الافضل ان الموظفه
تأخذ من الزوج مصروف وهو مقتدر ماليا
ام انها لا تأخذ وتعتمد على راتبها
واذا طالبت
زوجها مصروف شهري هل راح يعتبرها طماعه
والمصروف عباره عن ١٠٠ والزوج للعلم راتبه
ممتاز
*

 

[ديانا سبنسر]

اب اب

 

[Koka_alotaibi]

اول شي الله يعينج يام سعود ويفج ضيقتج عاجلاً غير اجلاً
ثانياً حبيبتي يعتمد على طلب الزوج ونوع المساعده
وعلى سبب الطلب << بمعنى ان عدم مساعدتج لزوجج ممكن تسببله مشاكل (( سجن او غيره لاسمح الله
واذا كان في جديه للطلب وحاجه ماسه ولا الطلب لمجرد انه يبيج تدفعين وطمع
وانتي ادرى بزوجج وادرى بظروفه
اذا كان زوجج شخص طيب ومايقصر معاج من الاول وانسان مش طماع ومحتاج مساعدتج فعلاً ان اقول تساعدينه بالمعقوول واطلبي ان اهله يساهمون في فج ضيقته وحاولي تلمحين لهم مشاكل زوجج الماديه
اما اذا كانوا عارفين مشاكله ومتجاهلين لسبب انهم معتمدين عليج ويبونج انتي الي تدفعين او اهو يدبر نفسه فالله يعينج
واكيد يام سعود انتي ادرى بحاجة زوجج وعارفه مدى حاجته واذا كان صادق او الشغله مجرد طمع
وحاولي تتاكدين من صدق طلبه خوفج باجر تساعدين ويطلع الموضوع كله لعبه لمجرد استغلالج
والاهم انج تصلين استخاره وربي بيفتحها عليج
ةاستشيري اهل الثقه
وربي يقدرلج الخير ان شاء الله

 

[لذه السكر]

وايد استفدت من الموضوع جزاكم الله خير

متابعه باجي الردود

 

[ام سعود ديكسون]

يا حياتي بردتوا قلبي ب ردودكم

فوفو هذي مشكلة بشخصيتي طيبتي الزائدة و كرمي
بس الأهل يتدخلون و يصفون مع الزوج جني أنا غلطانة
هذا اللي ما اقبله و لا يقبله شرع ولا دين
أنا مو ملزومة بالدين اصرف من راتبي الا برضاي
هالمرة مو مشاركة بالصرف

مشكلتي هالمرة طقي لي قرض
و حقوقي ضائعة ماكو شي يثبت أني حطيت مبلغ و قدره في بيت العمر
والبيت بيصير باسمه مو مشترك
و من انفتحت السالفة جنه بوابة إبليس انفتحت علي


مال اقدم استقالة و اخلي اللي يتحجي يتحجي
كيفهم يطحسووووون و يتكلمون و يعادوني لي بأجر

 

[ام سعود ديكسون]

ناتشو اي أنا كنت كريمة
وهالشي فاتح العين علي الحين
من زادوا الراوتب ٢٥٪ع الراتب الاساسي
الكل مستخف

كوكو العتيبي
لا يمه ما وراه سجن
وراه حريم من اهله
وراه تشيش و تحرض و هدام بيوت
و أنا طول عمري طيبة ما طلبت زايد
و لا قلت بنتف ريشه و الا بقعده ع الحديدة
بس كلام فوفو عدل
كل وحدة يا يمه تشيل مبلغ بالبنك للازمات
لا عيال
ولا ريل
مضمونيين هالايام
كل واحد يا الله عمري
ف الاستقلال المادي ضرورة


بعد اب اب
ابي استفيد من ردودكم
ادري هذي معاناة الزوجة الكوبتية

 

[ام الدرر]

يا حياتي بردتوا قلبي ب ردودكم

فوفو هذي مشكلة بشخصيتي طيبتي الزائدة و كرمي
بس الأهل يتدخلون و يصفون مع الزوج جني أنا غلطانة
هذا اللي ما اقبله و لا يقبله شرع ولا دين
أنا مو ملزومة بالدين اصرف من راتبي الا برضاي
هالمرة مو مشاركة بالصرف

مشكلتي هالمرة طقي لي قرض
و حقوقي ضائعة ماكو شي يثبت أني حطيت مبلغ و قدره في بيت العمر
والبيت بيصير باسمه مو مشترك
و من انفتحت السالفة جنه بوابة إبليس انفتحت علي


مال اقدم استقالة و اخلي اللي يتحجي يتحجي
كيفهم يطحسووووون و يتكلمون و يعادوني لي بأجر

حياتي اذا كانت المساهمة لبيت العمر
اشرطي عليه يسجل نصه باسمج
قولي له انا مو مخونتك ولا اشككك فيك بس الدنيا حياة ومممات
باجر اللله يطول بعمرك عقب عينك شيضمن لي حقي
ترى اختي مرت بنفس ضرفج وكانت تقول لزوجها سجل نص البيت باسمي
الله يرحمهه ويحلله يقول لها ليش حسبالج اهلي بيحطون عينهم على بيتج
سبحان الله توفى بحادث سيارة له فوق ال10 سنين والحين امه لها نصيب
ومع انه عند خير بس لا تنازلو ولا يابو طاري
عسى الله يفرج همج حبيبتي ويفك ضيقتكم ويسخر لج ابوعيالج ويكفكم كل شر

 

[((غلاي))]

يا حياتي بردتوا قلبي ب ردودكم

فوفو هذي مشكلة بشخصيتي طيبتي الزائدة و كرمي
بس الأهل يتدخلون و يصفون مع الزوج جني أنا غلطانة
هذا اللي ما اقبله و لا يقبله شرع ولا دين
أنا مو ملزومة بالدين اصرف من راتبي الا برضاي
هالمرة مو مشاركة بالصرف

مشكلتي هالمرة طقي لي قرض
و حقوقي ضائعة ماكو شي يثبت أني حطيت مبلغ و قدره في بيت العمر
والبيت بيصير باسمه مو مشترك
و من انفتحت السالفة جنه بوابة إبليس انفتحت علي


مال اقدم استقالة و اخلي اللي يتحجي يتحجي
كيفهم يطحسووووون و يتكلمون و يعادوني لي بأجر

لا طبعن محد له حق من اهله انه يتدخل بينكم
الكل يوقف عند حده
دام السالفه فيها بيت العمر لاحياتي اظمني حقج فيه انتي اكيد بتاخذين قرض ومبلغ كبير لايقل قسطه عن15سنه
و استقطاع جايد مو شويه
مو اقل من400دينار
لاحبيبتي
كيفه رضى رضى
يسجل لج ربع البيت باسمج مو شرط نصه الا اذا بتدفعين نص المبلغ
ماكو شي مضمون
ولاتدرين عن الظروف بعدين
الله يسهل اموورج ياااااااااااارب:yaaaaaarb:

 

[Gifts&Occaions]

الله يعينج

 

[ام سعود ديكسون]

ام الدرر و غلاي

اهو رافض يسجل شي باسمي
و القرض أنا مجربته و شايفته انه يهد الحيل
لا و الحجي ان ياما رياييل حطوا مع حريمهم
و مارده البيت صفا للزوج عقب محاكم و طلاق والا يتزوج عليها


أنا ادري بيت العمر حلم ما ينطال
و الحياة صعبة
بس ع الاقل الموضوع يتم علي تخطيط و اتفاق و علم مسبق
مو ينفتح بوجود اهله و يشورون عليه شلون يتصرف
حط راسك برأسي و شاورني و لا تدخل العائلتين بالسالفة
لا تقول اهلج ناموا براسج و حرضوج تسجلين اسمج بالبيت
لان هذي مو شورة اهلي هذي واقعية و عقلانية


نفس ما قالت ام الدرر
الدنيا حياة و ممات
و الوحدة الشاطرة تضمن حقها

 

[ام سعود ديكسون]

الله يعينج

اي يا اوخيتي بغينا نوصل لابغض الحلال
بسبب هالموضوع يا تسوين اللي في بالي يا انتي مو نافعة

زعلان و قالب علي قلبة عجيبة

 

[صاحبة معرض]

الله يبعد كل المشاكل ويسعدناا

المشاكل الماديه والله ماتخلص الا بالتفاهم المشترك

والمساعده بين الزوج والزوجه!!!

كثير بنات ما تفهم نفسية زوجهاا!!!

كثير بنات تسمع نصايح من غيرها واللي تنصحهاا يبيله نصح!!!!

والله بنات الزوج يبي من يساعده وأنا جربت الظروف الماديه قبل فتره

وكنت أجهل أمور كثيره حطيت الثقل والمسؤوليه كلها على زوجي

ليما حسيت بالغلط في السنوات الأخيره نسيت إن كل سعادتي

ومستقبلي معاه وإكتشفت من نفسي ومن إستفات للبنات اللي حولي

إن كثير من البات يظلمن أزواجهن وفاهمات الحياه غلط ؟؟؟؟؟؟؟؟؟؟؟؟؟؟

أول : إستغلال الزوج إستغلال كبير بكل شئ بحياتنااااا

الدين أمر بأن الرجل يصرف علي بيته وعلي عياله !!!!!!!! صح ولكن بالمعقول

الوضع الحين غير عن قبل ؟؟؟؟؟؟

شوفواااا مصرووووف زوجي ؟؟؟؟؟؟؟؟؟؟؟؟؟

١- عدد خدامتين في البيت معاش كل وحده٧٠
٢- سايق للبيت معاش ٩٠
٣- زايدين ٣٥٠٠٠ الف علي البيت تورق
بقسط ٤٢٠ دك
٤- قسط ١٠٠ دك سيارته
٥- قسط ٧٠ سيارة السايق
٦- ثلاجة البيت ( ٢٥٠ دك)
٧- قسط ١٠٦ دك للقسيمه مال ٧٠الف
٨- يعطي عياله حق كل واحد ٥٠دك بالشهر
اللي تعطيه له الحكومه لهم
٩- يصرف علي لايقل عن ٢٠٠دك بالشهر طلعات ومطاعم
وعطايا الحريم منه وبانزين سيارتي وغسيلها وتبديل زيوتها وتصليحاتها
وتصليحات البيت منه وعزايم جيراني كلهااا منه

بنات أنا متزوجه ومعاشي بالغصب يكفيني
١٠ أيام من الشهر والباجي علي زوجي
الله يحفظه
وموقادره أوفر شئ ودي أساعده بس ما أقدر معتمده علي الله سبحانه وتعالى

وثم زوجي

وصرفي كله شهر عبايتين وكم جنطه وساعه وجمعيه ( قطيه ) وكريمات وحبوب تخصني
من الصيدليه وشغلات رجيم وعطور وشامبي
وأحس ماصرف شئ بالنهايه خلص
وأقول حق زوجي علمني شلون ما أصرف يقولي
عطيني معاشج وأعلمج ؟؟؟ أنحاش عنه
يضحك علي يقول أنا أصرف أغلب الشهر عليج

بالنهايه خففت عليه بعض الأمور

التبذير أوالاسواف لابد نبتعد عنها والضغط
علي الزوج إبتعدي عنها إنتي أبخس من كل وحده بزوجك
بعض البنات لو قالها زوجها محتاج فلوس لو بسيط ضربته بالطوفه ليش؟؟؟؟؟

لو قالهااا ما عندي زعلت ؟؟؟؟؟
لو قالت له أبي أطلع عيالك وعطاها اللي يكفيهاا تطلب دبل تساومه مايكفي مايكفي زيد زيد
ورانا ألعاب ورانا عشااا ؟؟؟؟؟؟؟؟
والله عيب إنتي شايفه مصروفه يالله يكفيه الشهر
لاتنظرين لبوكه واللي فيه اليوم فكري بالاسبوع الجاي الاسبوع اللي بعده ثلاث أسابيع
لاتقولين شايفه بوكك عندك عيب وتطيحين من عينه زوجك أبو عيالج أنتي اللي تحرصين عليه وعلي فلوسه

المفروض تشجعينه يوفر لآخر الشهر شئ من معاشه مستقبلج معاااااه مو مع غيره

فديت حبيباتي

 

[ام سعود ديكسون]

مشكورة علي المرور صاحبة معرض ومنورة غلاتي
ما اختلف معاج كلامج كله عدل

حتي أنا الهدايا و المجاملات و الصرف الزايد حادة منها
ماله داعي تكسرين مجاديف ريلج عشان تستانسين و تحسين انج فلستيه

بس أنا مشكلتي دشوا فيها اهله
علما أني زينة معاهم و ما ابي اخرب العلاقة


تعرفين لي قال لج أحد تعزينه >>> اذا تحبيني سوي لي الشغلة الفلانية
و انتي بين عقلج و قلبج
هذا يسمونه بعلم النفس >>>> ابتزاز عاطفي
حلاته أمور الزوجين تتم باتفاق و بخصوصية مو بزعل و تحدي