المصممات يدشون يكملون لي فستان العرس

[english muffin]

بنات خلاص بسوي هالفستان ونفس الطرحة لاني متحجبة والعرس لين ادش بيصير خلط اهلنا بيدشون

المهم

ابييييي اسوي له جموم وابي اخلي الدلعة جذي الصدر طالع عشان لين بلبس الشبكة تبين شبكتي بس لين بيدشون الرياييل ابي حل

يعنيييي ابي حركة للجموم شلون اسويهم ؟؟ ضيج ؟ بف ؟ علمووووني

وابي حركة حق فوق
اسوي صديري من نفس الشك ؟؟

ماعرف ماعرف علمووووني
ابي شي شيك و ناعم

 

[english muffin]

رد : المصممات يدشون يكملون لي فستان العرس

 

[دلوعت مودها]

انا اقول سوي نفسه بالضبط وسوي نفس الشك والخام سديري في جموم حركه على الايدين ولبسه لما يدخلون الرياييل,,,

 

[مسس غلوي]

رد : المصممات يدشون يكملون لي فستان العرس

حلات العروس يتسريحتها ونفنوفها..

اذا حطيتيله كم وسكرتي صدره راح يصير شكله موحلو.. مو مبين نفنوف عروس..

سوي النفنوف مثل اي عروس.. والتسريحه..
واذا صار اختلاط البسي الرداء..هذي ليلة عمرج..
واهم شي تكشخين لزوجج..

 

[fr7ty]

رد : المصممات يدشون يكملون لي فستان العرس

8

نفس الكلام

مادري عروس ومتحجبه ! غطى نفسج بالرداء واذا راحوا اكشفي واستانسي..

واذا نظامكم يقعدون الرياجيل والحريم مع بعض ليما يخلص العرس اعـزميني ههههههههه

احجزيلج غرفه خاصه يدخلون فيها محارمج عشان تآخذين راحتج احسن ..

 

[دنياالوله]

سوي صيديري صغير بجم من فوق الغوله فيه شريطه عريضه شوي تنربط فيونكه على صوب
تقدرين تلبسينه وتقطينه وبس
الله يوفجج

 

[نورالدنيا***]

رد : رد: المصممات يدشون يكملون لي فستان العرس

سوي صيديري صغير بجم من فوق الغوله فيه شريطه عريضه شوي تنربط فيونكه على صوب
تقدرين تلبسينه وتقطينه وبس
الله يوفجج

نفس تفكيري احلي قطعه بروحها تلبسينها اذا دخلو الرياييل واذا دخلتي مع ريلج بروحكم قطي وصوري:aha::aha::aha::aha::aha::aha::aha::aha::aha::aha::aha::aha:

مبروووك حبيبتي

 

[english muffin]

رد : المصممات يدشون يكملون لي فستان العرس

^^
اي خلاص شكله راح اسوي جذي من نفس الخام والشك بسوي صديري

 

[al7lwa` `]

الله يوفقج ياارب

 

[فيونكا$]

رد : المصممات يدشون يكملون لي فستان العرس

اول شي الله يوفقك انشالله ويهنيك وانا اايد مس غلوي حلات العروس بالتسريحه وبدلت العرس

 

[حنين]

انتو كويتين حبوبه ؟
ليش ريايل يدخلون ؟

 

[الـحـ الاول ـب]

الله يوفقج ومثل ما قالو البنات
حاولي تفصلين لان حرام هذي ليلتج حلات تكونين كاشخه جدام زوجج مو لابس حجاب وجم

عارفه شنو الرداء يعني نفس الروب لادخلو لبسيه

حنين اهي بحرينيه

 

[حنين]

اي سوري
بس حلات العرس يكون كله حريم
الله يوفقج

 

[english muffin]

رد : المصممات يدشون يكملون لي فستان العرس

^^
حلاته بعمامي وخوالي دار مداري

الحب الاول
اي بسوي نفسه بالضبط اخيرا بتجرأ لان ماحب اطلع زنودي اكرهم
وبلبس فوقه شي من نفس الخام والشك بجموم

 

[~ زعفرانه ~]

رد : المصممات يدشون يكملون لي فستان العرس

منو قالكم مو حلو الجموم حق العروس ؟؟؟

انا بدلة عرسي كانت جم طويل ومو زمان توني كملت سنه وراااااااقيه حييييييييييل الدانتيل بس كلفني مبلغ وقدره ,,, بالعكس ذرررب ذرررب ذرررب اصلا لو تلاحظون لبس الاميرات والملكات والعصور الارستقراطيه كلها جم طويل << لوول حلوه العصر الارتسقراطي هع وكانت تقريبا ستايل هندي بس ذربه حيل الكل لبسها عقبي ..... واغلب بدلي الحفلات الا كلها جم طويل وكل بدله لها فكرتها وستايلها استر واررقىى ,,,

بالعكس سوي جم طوويل ولاتلبسين حجاب ليش ؟؟ كشخي وسوي شعرج هذي ليلة العمرر ... لادخلو الرياجيل لبسي رداء يغطونج فيه الله يوفقج يارب

 

[shak!shoka]

رد : المصممات يدشون يكملون لي فستان العرس

ما استوعبت الفكره !!!
عروس وجم وحجاب موشي احس

سوي رداء احسن واسهل واستر