المطبخــ الامــريــكيــ / منــ a2z

[بطه فيها نطه]

فراوله وكيوي

 

[اختكم بالله]

ماشالله بطووووطه رووووووعه

 

[بطه فيها نطه]

كنابيه التوست





المقادير :



توست مقطع الاطراف ( الاطراف يا توكلونها البط مثل حالتي - او تحمصونه بالفرن وتطحنونه ( بقسماط ) )

مشروم فرش

شبنت مفروم ناعم

جبن سلايس ابيض او شيدر




الطريقه :



نقطع اطراف التوست

الحبه نقسمها 2

نحط شرايح الجبن

نرش الشبنت ونرص المشروم عليه

ندخله الفرن ( النار من تحت 300 د ) مو وايد يدوب يذوب الجبن ويتحمش التوست بس

وماله داعي فوق



ملاحظه :



لو برد اعيد التجربه ... بحمس بصل مع مشروم واحطه على شرايح الجبن ( مع بهارات - ثوم - زبده )

وماله داعي الشبنت ...

 

[بطه فيها نطه]

ماشالله بطووووطه رووووووعه

خوخه مشكوووره حبي .. تمنيتك معانا

 

[بطه فيها نطه]

زنود الست كويتيه

بصراحه هالسويت مابقيت اسويه ... بس لاني كنت مطلعه الجلاش ... خفت تخترب العجينه

الطعم لذيذ والنكهه كويتيه ..

بس ما كان هذا الشكل اللي في بالي ... لاني اول مره اتعامل مع الجلاش

بط جبدي ... وايد رقيق ويتشقق ... يعني يبيله مزاج وطولة بال


مقادير القشطه :


كريمه سائله

نص قفشه هيل ناعم

زعفران شوي

صبغه شوي مو وايد ( علشان اللون يكون مثل الكاسترد )

4 قفاش سكر



الطريقه :



نطبخ المقادير كلها ... لما تبدي تغلي شوي نضيف نص قلاص نشا مذوبه بماي بارد

راح تثقل معاك بس مو وايد

نصب الخليط بطاسه وندخلها الثلاجه ... وبين فتره وفتره نطلعها ونحرك علشان تبرد

تاخذ تقريبا 3 ساعات ... تكون مضبوطه

ندهن طبقات الجلاش بالزبده او الدهن

ونشب الفرن من تحت بالاول وماتاخذ وقت ... وبعدين من فوق ... وهم تستوي بسرعه

نصب عليه الشيره البارده

نرشها بالفستق المطحون + هيل شوي


وعواااااااااااااافي جربوها

 

[اختكم بالله]

ماشاءالله بطوطه يعطيج العافيه حبيبتي

 

[بطه فيها نطه]

حلو ستار .. وصفتي


الصوره قديمه ... نسيت اصوره امس




المقادير:

2 ك طحين

2 م ك حليب بودر

2 م ك سكر

ربع قلاص دهن

1 م ك bb

ملح شوي

1م هيل ناعم

2 م ينسون او حبة حلوه مجروشه

ماي للعجن



الطريقه :



تخلط جميع المقادير ... وتقطع ( اذا عندك قطاعه على اشكال - بس الجحم صغير )

نقلي القطع ونصب عليهم شيره

ونرش سمسم ... وقت التقديم

 

[بطه فيها نطه]

حبيبتي خوخه ... الله يعافيك

كنت مسويه بعد معكرونه بالباشميل الطبق الرئيسي ... بس ماصورته

والبنات كل وحده يايبه طبق حلو مثلها ... ماقصروا

 

[بطه فيها نطه]

مره مج مج اسالتني عن صب القفشه ... عاد انا ماخذه الطريقه من هبوش هذي المقدير مره وحده ... علشان لا انسى



صب القفشه


المقادير :



2 ك طحين

1 ك طحين نخي ( في بالبقاله العربيه - الهنديه )


3 بيضات

1 ك حليب دافي

نص قلاص دهن ( انا حطيت اقل من نص )


1م ك خميره

1م سكر


( هيل ناعم - ماء ورد - صبغه )



الطريقه :



نخلط النواشف - نخلط السوائل - ونخمرها مثل اللقيمات

بمكان دافي ..

نقليها بدهن اقل من دهن اللقيمات + نصبها بالقفشه ... بعد ماتطلع نصب عليه شيره



للعلم / جربتها مره وحده ومن زمان وكانت جدااااااااااااا لذيذه وناجحه

 

[بطه فيها نطه]

البقدونس ضروري بسلطاتنا

فيه نوع plain /flat parsley
وهو العادي مثل مال الكويت

والثانيcurly parsley
ينفع للزينة اكثر من السلطات لان شوي يابس

البقدونس بامريكا شي .. الورق ماله كبيروفرش يهبل

 

[بطه فيها نطه]

شلونكم بنات؟

بما ان الموضوع يختص المنتجات المجربة

فانا حيل عجبني هالحمص!!

موجود بكل السوبر ماركات ، وفيه منه نكهات وايد

وهذا موقعهم

http://sabra.com/products/category/hummus

ام وهيب ... اذا لك خلق سوي طريقتي

موجوده اهني ...

ان شاء الله تعجبك ... لذيذه واحلى من المطاعم

والماركه هذي موجوده عندنا ... بس ماجربتها من قبل

 

[love love]

خوخه مشكوووره حبي .. تمنيتك معانا

والله انا الي تمنيت اكون وياكم لوووووووووول

الي اشتهيتهم السلطات والفراوله وحلاته صلصه كاكاوو



عليكم بالف عااااااافيه

 

[بطه فيها نطه]

والله انا الي تمنيت اكون وياكم لوووووووووول

الي اشتهيتهم السلطات والفراوله وحلاته صلصه كاكاوو



عليكم بالف عااااااافيه

جان زين والله حواااااااااا ... هذي الساعه المباركه

والله يعافيك ... تشكر ياجميل

 

[love love]

بنات ان شاءالله عيد ميلاد ريلي اول شهر الياي ووراه باسبوع عيد ميلاد ولدي حبيبي

عاد مادري اشلون احتفل فييهم

فكرت بالبيت واسوي جم طبق وتصير حفله عائليه بينا


نبي افكاار بموضووع الديوانيه واطبااق اهني

 

[ذكريات]

رد : المطبخــ الامــريــكيــ / منــ a2z

بنات ابي طريقة الكوكيز

ربع ريلي كل وااحد يتحدى الثاني انه يسوي كوكيز احلى من الثاني ..

و السالفة انقلبت على راسي .. الحين انا اللي لازم اسوي !!

 

[digital]

احسن طريقة كوكيز انا جربتهه اهيه الطريقه المكتوبه على كيس كاكاو الكوكيز الهيرشي

جربيهه ان شاء الله تعجبكم

 

[digital]

حووووئه دمجي العيدميلادين مع بعض وييبيلهم كيكة صغيره وسوي اطباق خفيفه سلطه و حمص و عرايس صينية دياي بالبطاط بالفرن

 

[اختكم بالله]

بطوط ماشالله اطباقج حلوه

 

[اختكم بالله]

حوووووووا سوي كيكه وبعدها اما تسوين سلطه وحمص ودياي ولا معكرونه ولا اي طبق يحبه او اعزميه على عشا برا

 

[ام عبدالوهاب555]

اهلين بنات

بطوطة

الكيوي والفراولة مو صج

شكله حيل يونس وفنتق