المطبخــ الامــريــكيــ / منــ a2z

[مجنونة حبه]

غداي اليوم مع عيالي حميسه (بيديان وكوسه وبطاط وزهر ) وعيش مشخول حق العيال

 

[ام دونه]

بالعافيه مج مج
عشتو عيال هالوقت والله ماينضحك عليهم عيش يعني عيش هذا احنا قبل امهاتنا يرقعونها علينا بس هالجيل عشتو لا والله

 

[اختكم بالله]

ماشالله ام دونه عليكم بالعافيه اموت على الورق عنب

مج مج ماشالله خوش حميسه عليكم بالعافيه

 

[مجنونة حبه]

اي والله صاجه عاد انا عيالي صغار وحده بو ٣ سنين وثاني سنه ونص مايعرفون ياكلون بالخبز فعيش اسهلي واسهل لهم
الله يعافيج خوخه عاد ورينا غداج موتنسين خوخه

 

[ام دونه]

بنات يالله عاد همتكم بالصور شفيه قسم المطبخ حايشه خمول خل ننعش هالقسم يالله عاد بلا دلع
ريوق او غداء او عشاء

 

[ام دونه]

بنات يالله عاد همتكم بالصور شفيه قسم المطبخ حايشه خمول خل ننعش هالقسم يالله عاد بلا دلع
ريوق او غداء او عشاء

 

[ام دونه]

طبعا شي لابد منه واهو

شاي نعناع

وهذي بعد حوسه اليوم وتعب الصغار لازم الواحد يدلع نفسه شوي

قهوه تركيه ريحتها تعدل المزاج مع قطعه بقلاوه

:rerrerek::rerrerek::rerrerek::rerrerek::rerrerek:

 

[ام دونه]

ماشالله ام دونه عليكم بالعافيه اموت على الورق عنب

مج مج ماشالله خوش حميسه عليكم بالعافيه

الله يعافيج خوخه

 

[ام دونه]

هذا غدانا اليوم مطبق ربيان

:rerrerek::rerrerek::rerrerek::rerrerek:

 

[ام دونه]

بالعااااااااااااافيه علينا:eh_s(14)::eh_s(14)::eh_s(14)::eh_s(14):

 

[زمردة الكويت]

شسالفه امس نزلت مشاركة وين راحت !!

 

[زمردة الكويت]

مره ثانيه بنزل المشاركه

عليييج بالعافيه ام دووونه و تسلم ايدج ما تقولين خيتج مريضه تتنقصين لنا خخخخ

فول عشاي قبل 3 ايام

شوربة فريكة عشاي قبل يومين مع فته

ان شاء الله ما تنحذف المشاركه نفس امس:bbbiu:

 

[زمردة الكويت]

ياا سلاام تسلم اييدج

 

[ام دونه]

بالعاااااااااااااااااااااااااافيه زمرده
تدرين وين راحت مشاركتج كليناهاهههههههههههههاي

 

[** باربي **]

الله الناتشوز:eh_s(16):

 

[مجنونة حبه]

تسلم ايدج ام دونه عالمطبق ربيان شكله لذيذ

زمرده اي مو انتي حطيتي الطبق جان انا وام دونه تعشينا فيهم لووول
تسلم ايدج بس بغيت اسال عن الشوربه الفريكه شلون امسويتها لان جنها شوربه صينيه بالخضار ودجاج

 

[ام دونه]

ههههههههههههههههههههههههههه
حلوه مج مج هذا ايدج اللي انمدت وخذت الطبق وانا على بالي قطاعين طرق اثاري من اهل البيت :krkrkr::krkrkr:

 

[زمردة الكويت]

ههههههههههههه اييييي

اذا عرف السبب بطل العجب

بس عاد هالمره خلوه حق البنات الباجي مساكين مو تاكلونه بعد خخخخخخ


مجمج شورية الفرييكه لذييذه حدهاااا الصرااحه لا تطوفج :rerrerek:

انا ماخذه الفريكه من عند العربي

اول شي تاخذين نص كوب فريكه ترى ينفش مثل اليريش و تغسلينه بالماي 3 مرات تقريبا يعني لمن تشوفين مافي شي يطفح عالماي فوق

تكونين فايحه الدجاج بس لاتكثرين الهيل

و بعدها بجدرج حطي لتر و نص ماي الدجاج و شوفي ملوحته لا يكون مالح اذا مالح ضبطيه و نص بصله مقصصه صغار و طماطه مقصصه صغااار و كزبر مفروم و تحطين الفريكه و تخلينه يغلي و بعدها خليه على نار هادئه لمدة نص ساعه و حطي الدجاج المفيوح المنتف فيه و خليه نص ساعه زياده و اخر شي اذا بغيتي تصكرينها حمسي ثوم مدقوق و شوية كزبر و كمون عدل مو وايد بزيت و حطيه عالشوربه

واستمتعي بالطعم اللذييذ

 

[مجنونة حبه]

مشكوره زمرده ان شاءالله اجربها واصورلها اهني
واذوقج ياها لوووول

 

[Miss Chanel]

رد : المطبخــ الامــريــكيــ / منــ a2z

قوه بنات شلونكم انشالله طيبين
بغيت اسالكم مممممم مدري شكتب:eh_s(22):
حبيباتي في سوس انتي تسوينه بالبيت يعني تحطينه على الرز مثلا؟؟
بنات يعني الي تعرف سوس خاص لللحم بليز تقولي
فديتكم خواتي:eh_s(17):