المطبخــ الامــريــكيــ / منــ a2z

[بطه فيها نطه]

دودي / يعطيك العافيه ... وتسلم ايدك

مريامه / الحمدالله على السلامه ... بالنسبه للبن اذا ماتحبينه حامظ مثل النوع اللي ينباع

اشتري روب وسوي اللبن بالبيت ترى يضبط ... قبل اهل الكويت كله يسونه

روب + ماي + ملح + نعناع + ثلج = كلهم بالخلاط

يطلع لذيذ ... قبل لاتفتح عندنا البقاله العربيه ... كنت اسوي نفس الطريقه

حق بناتي ... يحبون اللبن

 

[ام كوشه منكووشه]

مااااشاءالله بطووط تسلم ايدج عاللقمات شكلهم حده يمي يمي :rerrerek::rerrerek:
تسلم ايدج

دودوووو
حراااااام عليج انا امووووت بالمحشي
عساج عالقووه :eh_s(7)::eh_s(7):

على هالاكلات مفروووض تحطون لجنه تذوق وتحكم عالطعم لان مايصير بس نشووف صور
وانا ماعندي مشكله اضحى بوقتي مع عايلتي وشغلي واكون بهاللجنه

 

[ام كوشه منكووشه]

احم احم اول مشاركه لى بالمطبخ :ggdw::ggdw:

:eh_s(17):حلا التووت البري:eh_s(17):

بسم الله نبتدي

* المكونات:

- علبه كيك سارا لي.
- علبة شرايح اناناس.
- علبة جلى اناناس.
- علبة كريم كراميل.
- 3 علب قيمر (قشطه).
- 1جيس دريم ويب.
- علبتين حشو الفطير بطعم التوت البري.

*طريقة التحضير :

- اول خطوه نصفي العصير اللى موجود بعلبة شرايح الاناناس بكوب(لان راح نحتاج للعصير) .

- ثاني خطوه نقطع الكيك لشرايح مستطيله ونصففها بالبريكس.

- ثالث خطوه ناخذ عصير الاناناس اللى صفيناه ونرش منه على سطح الكيك كميه بسيطه عشان يطريه شوي.

- الخطوه الرابعه ناخذ القيمر-الكرميل-الدريم ويب- شرايح الاناناس وجلي الاناناس (يفضل خلط جلي الاناناس مع كمية قليله من الماي الدافي) ونخلطهم بالخلاط.

- بعدها نضيف الخليط على سطح الكيكه ونحطه بالفريزر لمده نص ساعه .

- وبعد مانطلعه من الفريزر نضيف عليه اخر طبقه واهيا التوت البري.

وهذا الشكل النهائي له

وبالعاافيه علىكم :eh_s(7):

 

[Miss Chanel]

واااااااااااااااو
ام الكوش شكله روووعه
تسلـــــم ايدج

 

[ام كوشه منكووشه]

مشمش

الله يسلمج قلبي

 

[مجنونة حبه]

كوشه ما شاءالله عليج طلعتي مبدعه
ليش خاشه عنا هالفن
عاد ريلي مو يموت بهالسوالف
لدرجه صار يدش المطبخ ويسوي حق عمره
بس كستر من زمان يقولي سويها والصراحه مااعرفها
وريته الصوره استانس وقالي سويها بس يبيها بالرمان
او ككاو

مشكووووووووره من القلب وجاري التطبيق

 

[اختكم بالله]

يسلمووووو شوشو
بسالج

<<<<< يا حبها للاسئله ههههههه

١ -المكونات تنباع بالول مارت وتارغت ولا بقاله عربيه؟
٢ - الدريم ويب وين احصله ؟
٣ - اقدر استبدل الأناناس بشي ٢ وشنو تقترحين احط بدال الأناناس. ؟
٤ - التوت البري وين احصله ؟
٥ - بعد ما حطيتي التوت البري نحطها بالثلاجة ولا ؟
شكرًا

 

[مجنونة حبه]

اليوم
غدانا مقالي وحمص بيروتي ( بالنخي ) وحمص العادي

والفتوش

 

[مجنونة حبه]

اما الحلو ياحلوين

قيمات على طريقه بطوط

اول شي يعطيج الف عافيه ومشكووووره وايد عالوصفه الحلوه واييييييد
والله يحفظ الوالده ويطول عمرها ان شاءالله

وحياااااااااااااكم حبايبي

 

[Miss Chanel]

ماشاالله ماشالله مج مج ابداع
جوعتـــــــيني اهي اهي

عليكم بالف عافيه

 

[مجنونة حبه]

الله يعافيج شنول

 

[اختكم بالله]

مج مج عوافي ياقلبي

انتي حاطه صوره لان مو طالع عندي شي

 

[مجنونة حبه]

الله يعافيج حبيبتي
اي حاطه صور بس سوي رفرش او دشي مره ثانيه

 

[اختكم بالله]

ماطلعت عندي الايباد بولدني قبل موعدي هههههههه

 

[اختكم بالله]

صورة كيكة كوشه طالعه عندي شمعنى صورة مج مج مو طالعه

 

[ام كوشه منكووشه]

مج مج
عوااافي على قلبكم
امبيييه من شفت الفتوووش قمت اسعبل شكله لذيذ الله مع الزهره والديااان لا مووصج

 

[ام كوشه منكووشه]

يسلمووووو شوشو

الله يسلمج خووخه

بسالج

<<<<< يا حبها للاسئله ههههههه

١ -المكونات تنباع بالول مارت وتارغت ولا بقاله عربيه؟
-تحصلينهم في ول مارت- تارغت-او اي جمعيه يمكم
٢ - الدريم ويب وين احصله ؟
- تلقينه بقسم baking وعدة الكيك في ول مارت
٣ - اقدر استبدل الأناناس بشي ٢ وشنو تقترحين احط بدال الأناناس. ؟
- ممكن تستبدلينه بخووخ, مانجا ,برتقال او اي شي تحبين لان انا بصراحه دايم اسويه باناناس
٤ - التوت البري وين احصله ؟
- بنفس قسم الكيك والجلى وممكن تستبدلينه بكرز- فراوله-توت احمر-اناناس او تي شي تفضلين في كذا نكهه
٥ - بعد ما حطيتي التوت البري نحطها بالثلاجة ولا ؟
- اي حطيها لين وقت التقديم
شكرًا

العفووو قلبي :eh_s(7):

 

[اختكم بالله]

يسلموووو شوشو

شوشو قلبي ممكن تصورين اطباق مج مج لان صورت كيكتج طالعه عندي

او دورهم لي بالواتس اب

شوقتوني عالاطباق

تسلم ايدج مج مج بس ماشفتهم مو طالعين عندي

 

[Miss Chanel]

مج مج حطيلنا طريقة الفتـــــــوش عفيه


بطوط ممكن تحطين شكثر احط روب وماي وهكزا حق اللبن :d

 

[مجنونة حبه]

الله يعافيج ام كوشه

شنول الفتوش اهم شي يكون تقطيع صغار علشان لما تاكلينها كل المكونات اتكون موجوده

الفتوش

بقدونس مقطع صغار ( شبه مفروم )
نعناع مقطع صغار ( شبه مفروم )
طماطم مقطعه صغار
بصل اخضر مقطع صغار
خيار مقطع صغار
جزره مبشوره
خس مقطع الى شرايح
( يمكن اضافه الفجل والبربير اذا توفر )
خبز لبناني مقطع الى مربعات ومقلي

تخلط جميع المكونات ويضاف اليه السماق وعصير اليمون والملح والزيت الزيتون

وبالعافيه