المطلقة والمجتمع؟؟؟؟؟؟؟؟؟؟؟؟؟

[معلمه متميزه]

رد : المطلقة والمجتمع؟؟؟؟؟؟؟؟؟؟؟؟؟

لان شباب الحين جيل السبايكي والقصات واللبس والشعر المنفوش .. والبنات الله يهديهم ترقم وفراره بالسالميه وصياعه صارو اخس من الشباب ..

شنو تتوقعين من هالجيل .. لايتحملون مسؤليه مايعرفون شنو زواج من اول مشكله طلقني ولا على اتفه مشكله مابيها .. بلاوي .. روحي سمعي سوالف بقصر العدل يصكج راسج ...

الله يعين ..

 

[xxx]

رد : المطلقة والمجتمع؟؟؟؟؟؟؟؟؟؟؟؟؟

الله يستر علينا وعلى بناتنا

 

[معلمه متميزه]

رد : المطلقة والمجتمع؟؟؟؟؟؟؟؟؟؟؟؟؟

امين

 

[xxx]

مشاركة: المطلقة والمجتمع؟؟؟؟؟؟؟؟؟؟؟؟؟

للرفع

 

[حبيبة الكويت]

مشاركة: المطلقة والمجتمع؟؟؟؟؟؟؟؟؟؟؟؟؟

مشكورين خواتي لتفاعلكم معنا في قضية المطلقة ونظرة المجتمع لها وهذي أنا أعاني منها لحد الحين مع إني مطلقة من 6 سنين بس لحد الحين نظرة الناس لي ما تغيرت لا وقاموا يقطون علي كلام يقشعر له البدن هذولا كوم وأهلي وجماعتي كوم ودائماً يقولون أنت السبب في الطلاق شصبرني على واحد كل يوم يطقني وطب علي في الدوام لأن الأخ عنده غيره مو طبيعية والحين هو متزوج ونفس إلي سواه معي يسويه في زوجته يا سبحان الله والكل الحين عرف إني مظلومه بعد شنو بعد ما ألفوا قصص علي تصلح مسلسل ينعرض بالتلفزيون بس ولله الحمد مدام أنا واثقة من نفسي وعندي ولدي هذا أهم شئ وخل يألفون لي باجر

 

[همس الروح]

مشاركة: المطلقة والمجتمع؟؟؟؟؟؟؟؟؟؟؟؟؟

انا اعتقد ان ظاهرة الطلاق انتشرت حيل بسبب التفتح و التطور و العولمه في الحياه فقبل المراه كانت تسكت عن حقها خوفا من اهلها و الناس و كلامهم عن حالة البنت المطلقه .....

و مشاء الله الخوات كفوا و وفوا .....

مشكوره حبيبة قلبي عالموضوع الحلووو ....

 

[xxx]

مشاركة: المطلقة والمجتمع؟؟؟؟؟؟؟؟؟؟؟؟؟

حبيبة الكويت

مشكورة على المشاركة

واهم شي تكونين واثقه بنفسج ومالج شغل بكلام النااااااااااااس

الناس يتكلمون على الزينه والشينه ماعندهم غير الكلام الفاضي


راحيل

حياج الله ومشكورة على المرور

 

[al7anona]

مشاركة: المطلقة والمجتمع؟؟؟؟؟؟؟؟؟؟؟؟؟

بالعكس المرأة المطلقة يمكن يكون عندهااسباب للطلاق مو شرط يكون الطلاق اهي السبب فيه بالعكس يمكن يكون من ريلها والواحد مو عارف ظروف الناس

 

[xxx]

مشاركة: المطلقة والمجتمع؟؟؟؟؟؟؟؟؟؟؟؟؟

مشكورة شموعة على المشاركة

 

[جوك احلى جو]

احنا مشكلتنا ندعي بالحضاره والتطور بس احنا مجتمع ماعنده عقل ابدااااااا اللي الدين يحلل احنا نحرم ونقول عنه عيب لان مانطبق الدين عدل صار المجتمع عقله مثل القوطي هههههههههههههه بس انا ما اقول الكل البعض لان هم في ناس بلعكس متفتحه

 

[um wahaby]

بالنسبه لي ... وانا وحده من المجتمع ... عمري ما انظر للمطلق او المطلقه نظره دونيه ... ليش دونيه التوفيج من الله مو شرط يعني في عيب معين يمكن ماحصل توافق ... او الاختيار ماكان صحيح من البدايه ...

 

[طبيبة مطلقة]

انا عندي لج سؤال؟

اشرايج بالمطلقة الي ما عندها يهال وما اتقول حق الي بيخطبونها انها مطلقة الا بعدين ؟

القصد مو الجذب بس عشان لا ينحاشون الخطاطيب ويمكن يقتنع فيها ويتقاضا عن طلاقها

 

[زوجة ناصر]

مرحبا اولا اشكر اختي انها تطرقت لها الموضوع و اسمحولي اتكلم بانفتاح شوي و اتمنى اني ما اجرح احد بس لو تفكرون ترى هذا الواقع المطلقة منبوذة عند الرجال و النساء عند الرجال منبوذة لانهم يسيؤون الظن فيها انها راعية هوا و كيف و كل من يبيها لانها مفتوحة المجال (....) فاهمين قصدي و الحريم ينبذون المطلقة خوفهم على رياييلهم أو وحدة تحب و تخاف على حبيبها و صدقوني و خلوكم ثقة اني و الله ما قاعدة اتلكم من عقلي هذي تجربة الصراحة انا عايشتها و وحدة حييييل جريبة علي لدرجة ان صديقاتها بدو يسوون اي خلاف بيتهم و بينها عشان يقطعون العلاقة فيها خوف على ازواجهم ما اقول الا حسبي الله و نعم الوكيل يعني مثل ما في مطلقة شينة ترى في مطلقة جداَ محترمة بس وين اللي يعطي نفسة فرصة ان يعرف الشخص اللي جدامه الناس ماخذتهم السرعة بالحكم عالغير . و ما احب اطول عليكم اكثر و سامحوني اذا كلامي ثقل على البعض منكم .

 

[ii DareeN ii]

للاسف مجتمعنا على كثر ماينقد على الناس ويعيبون ويتكلمون زاد الانحراف فيه المطلقه حالها حال اي انسان دشت تجربة وفشلت فيها صج مهي مجبورة تتحمل انسان مارتاحت وياه والدين احل الطلاق لان فيه حكمة حق الناس وراحة لهم بس للاسف المجتمع فيه وايد امراض ومن كثر امراضة زاد فسادة هذي وجة نظري يعني الحين بس المطلقة الي ممكن تغلط ممكن البنت والمتزوجة والمطلقة كلهم معرضين للانحراف ما يت على هالفقيرة الي نقردت بتجربة مع ريال مايندرا من الغلط عليه بس بكل الاحوال تجربة الطلاق تجربة اتوقع سيئة

 

[sowsan]

اب









اب

 

[ضحكتي هيبة بكاي]

لماذا ينظر المجتمع الى المطلقة نظرة دونية تملأها الشك وان هي السبب في الطلاق؟؟؟

لان بشكل عام عندنا المجتمع يصفح ويعفو عن الرجل عكس المرأة اللي مفروض تكون متساوية معاه فالحقوق:eh_s(4):

المطلقة يجب ان تقبل بأي شخص كما يقول البعض وتحمد ربها على ان وجدت لها زوج بعد طلاقها!!!!!!!!!!!

هالفكرة مازالت عند بعض الناس :eh_s(4):
لكن من وجهة نظري دام انها انخطبت تفكر مليون مره أكثر من تفكيرها وهي بنت واول مره تتزوج ..لان هالمره لازم تحسن الاختيار .. واذا مارتاحت تقول للرجال اكبر بيباي فالدنيا وتكمل حياتها :eh_s(6):

اذا اختار الشاب فتاة مطلقة لأنها اعجبته في دينها وخلقها وامور اخرى تجد العائلة تقوم ولا تجلس ليس لسبب وانما لأنها مطلقة؟؟؟؟؟؟؟

والله ان هالنوعية من الرجال ترفع لهم القبعات احتراما :ggdw:

المرأة المطلقة لاتتوقع ان تتزوج ألا برجل متزوج او كبير السن؟؟؟كما يضع لها المجتمع هذه الخيارات امام عينيها!!!!!!!!!

:denya:

بس كثير منهم كسروا هالقاعده الشهيرة وتزوجو احسن الرجال :ggdw:

وبالجهة المقابلة الرجل المطلق لمرة او اكثر ليس عليه عتب فهو رجل وله الحق في زوجة اخرى وتكون بنت بكر جميلة صغيرة مهما كبر سنه فهو مسكين كان حظه سيئ في اختياره الأول ويجب ان يعوض ما فاته ؟؟؟؟؟

:0bee2e8d89:

 

[بمبة المفترسة]

بصراحة ما اشوف المجتمع ينظر للمطلقة بنظرة دونية
اشوف المطلقة هي اللي تنظر لنفسها نظرة دونية لانها تحس نفسها ناقصة او مو مثل غيرها
وفيه مطلقات هم اللي يراكضون عشان يتزوجون ويتعرفون على فلان وعلنتان لعل وعسى يتزوجها وتالي يقولون الناس تتكلم عنااااااااااا هم المطلقات مو سهلات
وفيه مطلقات لاتقدم لها شخص تقعد تتشرط ابي جذيه وابي جذاك وابي شبكة الماس وعرس ووووووو كأنها بنت بنوووت هم مايصير
المفروض الطلاق عقلها وصارت اكثر حكمة وعقلانية لكن اللي نشوفه العكس
وفي منهم تبي واحد ماسبق له الزواج وهي مطلقة
وبعدين تلومون المجتمع او الرجل بنظرته للمطلقة طيب والمرأة كيف تنظر للمطلقة ؟؟؟
في وحدة منكم ترضى تخطب لولدها ولا اخووها مطلقة او تحاول تقنعه ياخذ مطلقة ؟؟؟!!! لااا الكل يبون يخطبون لعيالهم بنت بكر
بالعكس اشوف الرجل عادي عنده ياخذ مطلقة البلا في الحريم
المرأة هي عدوة المرأة