المطلقه والحب مابعد الطلاق

[ليش يازمن]

:yaaaaaarb:مرحبا خواتي الفاضلات في منتدانا الرائع اللي يعطينا الفرصه نعبر عما بداخلنا من مشاكل وهموم حبيت اطرح هالموضوع.هل المطلقه بعد الطلاق من حقها تحب وتتزوج؟او خلاص لقب مطلقه محكوم عليها انها تندفن بهالحياه وتكرس حياتها فقط لابنائها اذا معاها اطفال وتعيش وحيده؟ خوااتى ابي مشاركاتكم موضوع محير بهالمجتمع اللي يرى المراه المطلقه مذنبه واهيا في بعض او اغلب الاحيان مظلومه بنصيب مالها ذنب فيه.وشاكره لكم تعاونكم:bbbiu:

 

[حبي بيرين]

اكيد لها حق العيش والزواج بعد الطلاق الطلاق مونهايه الحياة صراحه استغراب من نظرة المطلقه لنفسها بانه خلاص كل شي انتهى والعالم توقف بمجرد انه صارت مطلقه وانا بصراحه اشوف الان المجتمع صارفيه تغير من نظرته للمطلقه والناس صارت واعيه وتعرف من هو صاحب الحق ومن الغلطان ومن المسؤول

 

[دنيا جديدة]

انا نفسج استغرب شنو غلطت فية
بس العلاج هو تقوية الشخصية واثبات الذات والظهور بالصورة الحسنة
وعدم سماع للغير
الدعاء الدعاء الدعاء يدفع البلاء او يستجاب
ولا بذكر الله تطمئن القلوب
سبحان الله وبحمدة سبحان الله العظيم

 

[Tom ♥ Jerry]

.


شكو مو محكوم عليها تتزوج !
اهيه تطلقت ما ذبحت احد لا سمح الله
المطلقه انسانه من مشاعر و احاسيس لها حق تحب و تتزوج
و تعيش حياتها طبيعيه حالها حال اي بنت ثانيه !
و الصراحه الي يقول غير هالحجي متخلف ..
يمكن يكون العيب مو منها يمكن العيب من الريال ،
يمكن الريال يطلع فيه مشكله كبيره ما تقدر المره تتعايش وياه
شلون يعني مالها الا الطلاق :|
ليش تحكمون على المطلقه انها عار على المجتمع
و الله انا اعرف بنات وايد متطلقين كيفهم هااذا اختيارهم
بنت كبيره و عاقله و تبي تتطلق اهيه ادرى بمصلحتها !
و من حقها تتزوج اكيد عقب الطلاق !
و اعرف بنت ماشالله تبارك الرحمن تطلقت 3 مرات
و تزوجت الحين البنت حلوة و الكل يتمناها شنو الي يعيبها



شًكرًآ !

 

[لحظآتَ]

أكيد يحق لها كل شيء
بموجب الإنسانيه ..!
شنو يعني مطلقه خلاص تنتفي عنها الآدمية ؟
نحتاج توعيه فكرية شوي
لازم نتحرر من أفكارنا الغبيه والرثــّه .. !!!
طبعاً تحب بشرع الله حُب طاهر يتبعه زواج على سنة الله ورسوله ..
مو حب نص كم

وكل شيء ما يتنافى مع دينها . يحق لها مادامها إنسانه !

 

[ليش يازمن]

اشكركم وانا معاكم بالراي المطلقه انسانه حالها حال اي انسانه ثانيه بالعكس انا معاكم مو ضدكم بهالشي لانى اساسا مطلقه بس تعبت من نظره الناس وتخلفهم للمراه المطلقه لي متى حتى الشرع مايرضى بهالعادات والتقاليد اللي تظلمها او لها امى للاسف تقولي لاتطلقتى لاتفكرين تتزوجين عيشي لبنتج واذا تزوجتى بنتج وين تروح قلتلها معاي قالت لا عندها تقعد تعبت من هالعقليه ليش انا مو بشر تبيني ادفن روحي بتجربه فاشله اهما السبب فيها واهما اللي جبروني عليه اتزوجه والا اهوا مطلق وعنده ولد وانا كنت بنت بس تعبت من عقليتهم وحبيت اشوف ردود ناس فاهمه لانهم عمرهم مايحسون فيني ولا بالالم اللي سببوه لي

 

[غراوي]

هذي مشكلة المجتمع ونظرته السلبيه
معن اغلب البنات مساكين يتطلقون لظلم الرجال

والله ماراح تخلصين من هالمجتمع وتفكيره العوج..بلعنه تلعنهم اذا جتج فرصه زواج توكلي على الله
بس حب لاااااااااااااااااااااااااااااااااااااااااااااااااااااااا ديري بالج يبني لج قصور بالرمال وخلج حذره

 

[ليش يازمن]

صح لسان الجميع والاخت غراوي شاكره لج حبيبتى لاتحاتين عمري30 واعرف مصلحتي عدل والله يكتب اللي فيه خير لي وللجميع ويعوضني بانسان يعرف قيمتي ويهتم فيني لان العيب كان من طليقي مو مني شاكره لكم واللي يحب يضيف لكم الحريه حبيباتي الموضوع للجميع فديتكم

 

[سرور]

والله ياحبيبتي اني مطلقه وعمري 19 سنه والحمدالله ماعندي اولاد يعني صار عندي حمل والحمدالله سقط ولله مرات احسن ابواب الدنيا كله تنسد وجهي حسبي الله على من كان السبب بس الحمدالله اكو الله موجود

 

[ليش يازمن]

والله ياحبيبتي اني مطلقه وعمري 19 سنه والحمدالله ماعندي اولاد يعني صار عندي حمل والحمدالله سقط ولله مرات احسن ابواب الدنيا كله تنسد وجهي حسبي الله على من كان السبب بس الحمدالله اكو الله موجود

سرور حبيبتى اسفه اذا موضوعي ضايقج بشي او ضايق المشتركات بس احنا بهالهم كلنا والله يعوضنا باحسن منهم انا عن نفسي كنت رافضه فكره انى اتزوج بس لمى شفت نظره اهلى ونغزات اللي تنقط على لا مستحيل ولايمكن اعيش وحيده بتزوج وانحاش من ظلمهم لي بكل امور حياتى والله يرزقني ويرزق الجميع يارب:eh_s(2):

 

[بحر الرمال]

اي والله خليها بالقلب
انا نفس ظروفج و احس بهالاحساس
بس بيني و بينج هم الاطفال نعمه في غيرج تطلقو بدون عيال و ماتزوجو عالاقل الاطفال نعمه من الله و تتسلين فيهم ليما الله يكتب لج نصيب ثاني

 

[ليش يازمن]

الله يجزاج خير حبوبه الله كريم

 

[دلوعة أبوهآ]

هي إنسآنه حالها حآل غيرهآ ..
مآسوت معصيه عشانهآ تطلقت
هذا قدرهآ ونصيبهآ ..
ونصيبهآ تكمل وتعيش حيآتها طبيعيه ..


لآزم نتحرر شوي من بعض الخرآفات الموجوده !!

 

[ديمــــــــــه]

ربي معوض كرريم وكل وحده ماتوفقت بحياتها المره الاولى موب نهاية العالم يمكن يكون خير لها وربي بيعوضها بحياه افضل واحسن من الاولى بس المهم مانيأس من رحمة الله

 

[عادت ذكرياتي]

لها الحق تحب حب طاهر وعفيف مو شخبط شخابيط ...

 

[سرور]

لا حبيبتي ليش الزمن بالعكس انتي فتحتي اهم موضوع ومو مشكله حتى لو منزوج بعد شوفي ربج شنو ضاملنه يارب ضاملنه الحور العين بالجنه احسن من ظلم رياجيل هالوكت لا مخافه الله ولا عبده حسبي الله ونعم الوكيل اني احمد الله انو مصار عندي طفل منه جان ظليت طول عمري مربوطه في الله كريم صارلي شهرين من دخلت 20 بنات ههههههههه الله يوفقكم جميع ولي ممزوجه تزوج والي مزوجه الله يسعده والي مطلقه اله الله هه

 

[brettey]

غبيه المطلقه الي ماتتزوج وتكرس حياتها لعيالها لا والله تتزوج ونص وتعيش حياتها قبل فيهم الزوج خير وبركه ماقبل فيهم الابو مثل الحمار وانتوا بكرامه مجبور يربيهم باجر يكبرون ويتزوجون وتبقى بروحها اي شي
لا والله تتزوج وتعيش حياها الا اذا اهي اساسا ماتبي عشان تبي الحريه هذا كلام ثاني
انا مع تكرار تجربه الزواج هذا حقها الشرعي والفتن وايد
ياما مطلقات اهلهم رفضوا انهم يكررون التجربه بس رفعوا دعوى عضل على اهاليهم وتزوجوا خوش يمنعونهم اخاف بس الاخو يسند الحين مالت كل من يالله نفسي

 

[سرور]

والله كلامج ذهب بس وين بهالزمان تلاكين ريال يحترمج ويحبج لو عنده شخصيه ومايسمع الكلام الغير اوووووووووووف لا تشيكيلي لا ابجيلج ياعيني

 

[جلكسيه اس 3]

تقصدين الحب قبل الزواج وانج اتعرفين على واحد بنية زواج
اهو شرعا حرام

اما الزواج عاادي و شوفي قسم الحياة الزوجيه في موضوع للمطلقات و في بنات مطلقين الله كتب لهم يتزوجون
و الوحده اذا الله كتب لاها تزوج بتزوج واذا مو مكتوب تتزوج ما راح تزوج. لان هذي ارزاق الله موزعها على عباده

 

[أبلة فاتن]

حلو لقب مطلقة امنيتي اتزوج علشان اتطلق وراح اسويها انشاءالله

اصلا مافي احلى من الحرية

تحت مسمى مطلقه ولها الحق بالحب

واخذيها مني زواج الثاني للمطلقه مو الكل بس بشكل عام احسن من الاول

لان يكون عندها خبرة


وعندج وايد بنات عاديات تزوجوا أمراء في القرن هذا

مع ان الامير ما يصير يقترن بمطلقه عند الاجانب طبعا

بس خلاص انتهى زمن العيب والخ بس الوحده كثر ما تقدر تستر على روحها

يعني حتى وان انفصلت ماله داعي تشهر بروحها انا منفصله ولا

بين الناس تتكتم على خصوصياتها والله يحمي كل البنات يارب​