المطلقه والحب مابعد الطلاق

[ليش يازمن]

الاخت سرور كل عام وانتي بخير حبوبه والعمر كله لج حبيت اهنيج والله يرزقنا بازواج يدلعونا ويعوضونا عن الهم الي شفناه وللجميع يارب

 

[سرور]

اشكرج حبيبتي ليش يازمن ويارب يرزقج بريال ابن حلال ويرزق كل ابنه بجاه الحبيب المصطفى والله ياعيوني ياعزيزي مو الكل اني خطبوني 2 ممزوجين قبل يعني مكان عندهم تجربه قبل الاول والدته هيه الي اجت خطبتني بس حسيته مره قويه فمقبلت يعني اني اتلقت اول مره من ورا امه هالنوب هم ايب مصيبه الروحي والثاني حسيته مااعرف شلون يعني مافي شخصيه هم رفضت يعني مو الكل الي ميتقبل يتزوج مطلقه اني عندي عمي ممزوج واول زواجه كان من مره مطلقه بس ماعده اطفال والحمدالله هسه صار عدهم 3 اولاد ويحبه يموت عليه بس يغار عليه وايد هههههههههه

 

[بحر الرمال]

NightBear
لا والله نصيب صدقني, انا اعرف بنات مطلقات و تزوجوا احسن رياييل و ثنتين منهم مطلقين مرتين و حده خذت مطلق بدون يهال و الثانيه خذت ولد ماسبق له الزواج. و في بنات بكر كاهم قاعدين, فسالفه بنت او مطلقه مالها علاقه حسب اللي اشوفه

 

[سرور]

كلامج ذهب بحر الرمال

 

[أم عمور93]

أكيد يحق لها تحب وتتزوج ليش مو انسانة ولابس الريال حلال يحب ويتزوج وايد حريم اطلقوا واتزوجت بس طلغت من العده عادي حياتي

 

[الزورق222]

يبه اشفيج العيب مو بالمطلقة العيب بالمطلق هههههههه سورى على الضحكة العيب فى الرجل المفروض محد يزوج اى مطلق خلوه عزابى بعض الرجال يطلق لاسباب تافهه جدا ..
كثير جدا من النساء تطلق بسبب تافه واستعجال وفساد وادمان رجل جميع الاسباب على الرجل لن ادافع عنهم لانى اعلم تماما بان العيب ليس بالمراه الخليجية بالذات ..المجتمع يقتل هذه الوردة الجميلة بحكمه الظالم احيانا ام الزوج هى من تدمر حياة ابنهااا وغيره الاخوات غير غباء الرجال ..
ادرى انى متحاملة كثيرا على الرجال لكن هذا مااشاهدت وسمعت من تجارب الاخرين ..
المطلقة تطلع وتعيش حياتها عادى ولا ترفع راسها بعد خللى يبون اعيالهم الفاشلين وبعدين يجوون يتهزووون اللى يتكلم عن اى مطلقة قدامكم من النساء ياليت توقفونهم عند حدهم لانه ممكن فى يوم من الايام تظلمين بسبب قرار تافه من زوج مدمن او مستهتر اوفاسد اخلاقيا او غبى ( هيلقى ) وتصبحين مطلقة ..

 

[فطوم 84]

والله ياالمطلقات ماعندكم سالفه عيشوا واستانسوا شكثر الحين بنات مطلقات وجمال ومهتمين بعمرهم من ناحية الشكل ومن المراكز طموحات واحسن وظايف مااحس انه المطلقه لازم تنعزل شكووو؟؟بالعكس بهالزمن الوحده الزم ماعليها تكون طموحه وماتهتم لكلام الناس الحجي الفاضي الناس تتحجي حتي بتلمتزوجات سوت وماسوت "قالات الحريم ماتخلص عيشوا حياتكم وكونوا طموحات واستانسً ولا اشيل هم هالكلام لكل مطلقه انا وايد اقرا العيب دايماً بالريال ياسكير ولا راعي شقق ولا ظالم فبهالحاله الوحده ماتنلام الله جعل الطلاق رحمه للمراه اذا الريال شين ومايقدر وخربوطي وانشالله ماتوقف الحياه الله يرزق كل مطلقه زوج صالح وتقي يعوضها اللهم امين والله "الله اعطف وارحم فينا من امنا وابونا ورزاق يرزقنا ومتفضل علينا بنعمه سبحانه اقولكم هالكلام وانا بنت مومتزوجه عزابيه بس حبيت اشارككم خواتي بالموضوع

 

[سرور]

والله ياحبيبتي مو مرات السبب مو من الريال من امه حسبي الله ونعم الوكيل عليه وعلى الي كان السبب والله يااختي احس بنكسار من اسمع بكلمه مطلقه

 

[ام سعود ديكسون]

لا حبيبتي والا جان الشرع ما حلل لها تتزوج بعد الطلاق
إحنا عندنا موروثات اجتماعية مو من الشرع ولا من الاسلام
و الحمدلله اذا قوانين الحضانة و النفقة موجودة العيال حقهم ما يضيع
تتربي البنت في بيئة عائلية بين اهل الام وأهل الابو
بالتفاهم او بالقانون

و بيني و بينج الحين الطلاق زاد
ف نظرة المجتمع للمطلقة تغيرت
والله ياجرج في مصيبتج و يخلف خير منها

 

[PuPa^^SWeeT]

لها حق العيش و انها تتزوج من يديييد


بس لاتحب خارج نظاق الزواج على امل الزواج


لأنه الرياييل بيكونون طمعانين فييها

 

[manoooram]

أكيد المطلقه بشر مسكينه
من حقها تتزوج مرة ثانيه وتعيش حياتها

 

[om-3azo-83z]

مشكله مجتمعنا تفكيره عوي دايم المطلقه معقده و ادور المشاكل حسبي الله و نعم الوكيل انا مطلقه و مليت من الكلام

 

[cba girl : )]

انسانه حالها حال الناس !!

بس من وجهة نظري لو كان عندها ابناء تضحي بحياتها وعمرها عشانهم لانه الام ماصارت ام الا انها تضحي

مايمنع تتزوج طبعا بس وجهة نظري العيال اهم من الريل والطلعات والوناسه

 

[ملهمه حبيبها]

نضرت المجتمع للمطلقه جنها مسويه جريمه ذابحه احد انا تطلقت وعمري 20والحمدالله قعدت سنتين ماحملت خيره من تطلقت كل ما اروح مكان انخطب بعرس ولا بمناسبه وياخذون الرقم من يدقون يعرفون اني مطلقه يغيرون رايهم ليش شسالفه انحكم علينا انه مانتزوج يعني الا واحد مطلق وعنده عيال مجتمع غريب *

 

[قمر بيت أبوها]

وش فيها المطلقه انسانه وله بالحياه مثل ماعليها وكان عندها اولاد ليش ترفض الزواج والحبيب يطلق ويتزوج لا حبيبتي بين امهم وابوهم الوحده لازم تفكر بنفسها مهما كان هالزمن ماعاد احد يوفي لاحد حتي العيال تبروا من اهلهم شحقه احرم نفسي تزوجي حبوبه والبسي فستان وارقصي الماضي احرقيه وعيشي حياتك الجديده

 

[* ليــــدي *]

الحب مايعرف عمر ..
صباح الشرشوحه تقول حتى لما اموت راح احب ..
عيشي حياتج وحبي وتزوجي من يسوا توقفين حياتج عشانه ..
بس حب عفيف شريف نظيف مو قص ولزق

 

[فطوم 84]

هذاك اول بعصر الفريج المطلقه ماتعيش حياتها والله الحين المطلقه تعيش حياتها طول بعرض وتستانس وتشوف لها ولد الحلال وتتزوج واذا تعرف خطابه ثقه تتعامل وياها وتتزوج وتعيش حياتها )))شكووو تتضايق لا والله نصيحه تطلع وتستانس واذا جاها نصيب تتزوج وانا اشوف المجتمع عندنا متفتح بصراحه المطلقه صار الكل يطالعها بنظره متحرره مومثل اول حالها حال اي بنت لانه صار كل بيت فيه مطلقه فالمساله عاديه جدا والله اقول هالكلام وانا بنت مومتزوجه بس اقول اللي اشوفه احنا بزمن العيب بالريايل الاغلب ياسكير ياراعي شقق وحريم يا سكانه خواته ومعذب زوجته الريايل مومال مسووليه وبيت عطيهم لعب وخربطه وسفره ولامبالاه هالشي اهو اللي يجبر البنت علي الطلاق والله يرزق كل مطلقه زوج صالح تقي نقي اللهم امين

 

[8yoona]

انا مع ام سعود المجتمع الخليجي بشكل خااص اهوه اللي حط فكرة انه المطلقة لازم تربي عيالها وتجابلهم وماتتزوج ابد لين تروح قبرهاا واحنا كبرنا مع هالمفهوم بس الحمدالله الدنيا كل مالها تتطور وتتفتح بس هم يضل فيه فئة للحين على مفاهيم قبل وماتبي تتقبل انه الزمن تغير والله يسهل لهم النصيب الزين .

 

[سرور]

ملهمه حالج من حالي والله اني تطلقت عمري 19 سنه بس الحمدالله والله قبل فترا خطبني واحد بس الله لا يوفق الجان السبب والحمدالله والشكر الحين ادرس واشتغل ولا يهمني احد ولا كلام الناس مدام راضيه نفسي وراضيه ربي ميهمني احد بالطقاق الي يطقهم اي والله وترا الناس ماله شغل ولا عمل بس النميمه وهاي سوه جذي وهذيج سوه جذي بس ماعلينه منهم اهم عايشين حياتهم واحنه منكدين على عمرنه عيشو حياتك ترا الانسان له مره وحده بالحياه مو مرتين وحرامات الوحده ضيع عمره على مود الناس حسبي الله ونعم الوكيل

 

[شيام]

انا عمري 23 و اطلقت و بعد ان تبهدلت في المحاكم 3 سنين و عندي ولد و تزوجت و الحمدالله و الله وفقني مب شرط ان الوحده اذا اطلقت تدفن روحها بالحيا بالعكس تعيش حياتها بالعكس هي انسانه حالها حال غيرها من حقها تدرس تلبس ادوم الطلاق مب نهاية الدنيا .