المعاش قبل العــــيد ...........؟!

[dream]

السلام عليكم والرحمة ..

طلبتكم معلمات كويتيات



بنت عمي مسافرة وموصيتني أسأل وأستفسر حقها


معاش شهر تسعة احتمال ديوان الخدمة ينزله قبل العيد يعني قبل الدوام الرسمي ؟


اتقول انها فسفست بالحلااااااال وبالعربي الفصيح امفلسة



اشرايكم ؟

اقول حقها مسكي ايديج يا بنت الحلال ؟ ولا معاش شهر تسعه راح ينزل قبل العيد عيطيهــاااااااا ؟





وشكرا جزيلا مقدمـااااااا للمساعدة :33_1185028183:

 

[أبلة كويتية]

قبل العيد يعني يكون قبل تاريخ 10 /9 /2010

ما اظن وااااايد مبجر ...اتوقع لأ

بس بعد كل شي يصير

عموما ما قريت شي رسمي بالجرايد يتعلق بهالموضوع

خليها تمسك نفسها أحين

لا تفلس بسرعة

موفقة يالغالية

 

[هيبة ملك]

تمسك أيدهااااااااااااااا أحسن

 

[ريفيل]

رد : المعاش قبل العــــيد ...........؟!

وايه خل تستانس وتعيش والعيد امره هين

 

[login]

ماعتقد في معاش قبل العيد

 

[يازمان العجايب]

معقول معاش قبل العيد ماظن جذي بنروح فيها بنقعد فتره طويله عقب بدون معاش

 

[أميرة طفولتي]

لا ما اعتقد قبل العيد لان التعيين اليديد للحين ماتوظفوا ولازم ينزلهم معاش شهر 9 !!
شلون ينزل حق المدرسات وللحين ماداوموا التعيين اليديد ومايصير هم ياكلون عليهم معاش شهر 9 ؟؟ لان التربيه رواتبهم كلها تنزل مع بعض ماعتقد ينزلولهم باثر رجعي بعدين

 

[جيسيكا]

ما اعتقد في معاشات قبل العيد خل تمسك ايدها شوي ترى بعد وايد على المعاشات :weight_lift:​

 

[عطراللافندر.]

مااادرري ...

 

[مشغوله و محتاسه]

خل تمسك ايدهاااا عدل و لا تفسفس البيزات ..


ماكو معاشات قبل العيد ...


صعب حيل .. و ما نبي بصراحه !!

 

[شوق&حنين]

الله لا يقوله

 

[محلبية]

ما أتوقع
الله كريم إن شاء الله

 

[Om JooD]

رد : المعاش قبل العــــيد ...........؟!

لا ما اتوقع صراحة..

 

[السحر؛؛؛الحلال]

أنا مع أميرة بطفولتي كلامها واقعي

 

[ماما نونا]

لا ماله علاقه التعيين اليديد , تنزل معاشاتهم شهر 10 واصلا ما تبلش حسبتهم إلا بعد المباشره

 

[صباح الليل]

مادري
بس انا عندي احساس ان بينزل قبل العيد

 

[فطفط نجد]

الله يسمع منج وينزلونه قبل العيد

 

[لمعة الماسه]

جريدة الوطن كاهي يمي مالت باجر

ومكتوب العنوان الرئيسي / الرواتب قبل رمضان ؟

قاعدين يطالبون النواب بصرف راتب شهر 8 قبل رمضان وصرف راتب سبتمبر قبل العيد حتى يواجه المواطنون اعباء المعيشه خلال هذه الفتره .......

 

[لمعة الماسه]

وهذا المقال .. والرابط


الـرواتب قبـل رمضــان؟



طالب عدد من أعضاء مجلس الأمة الحكومة بصرف راتب شهر أغسطس قبل شهر رمضان المبارك، وصرف راتب شهر سبتمبر قبل عيد الفطر، وذلك حتى يواجه المواطنون أعباء المعيشة خلال هذه الفترة حيث ترتفع الأسعار، وتزداد مصاريف الأسر.
وقال النائب ناجي العبدالهادي ان عدم جدية وزارة التجارة بخفض الأسعار أو ضبطها يجعلنا نطالب بصرف رواتب المواطنين قبل رمضان وقبل العيد، في حين أشار النائب سعد الخنفور الى ان ارتفاع الأسعار غير المبرر يحمل وزير التجارة مسؤولية كبيرة، ويتوجب معه تحرك حكومي سريع من خلال صرف رواتب الموظفين قبل هاتين المناسبتين، بينما أكد النائب حسين مزيد ان وزارة التجارة تتعمد تجاهل ارتفاع الأسعار، وعلى الحكومة ان تنظر لحاجة المواطنين لرواتبهم مبكرا لسد احتياجات شهر رمضان والعيد، وصرفها قبل المناسبتين الكريمتين.
مطالبات النواب بصرف الرواتب قبل رمضان والعيد تزامنت مع تأكيدات وزير التجارة والصناعة أحمد الهارون من ان الوزارة تراقب عن كثب المهرجانات التي تنظمها الجمعيات التعاونية والأسواق هذه الأيام، وتقوم بالتعاون والتنسيق مع الجهات المعنية وخاصة بلدية الكويت بالكشف المستمر على صلاحيات المواد الغذائية المعروضة في هذه المهرجانات، وقال الهارون لـ «الوطن» ان الوزارة لن تسمح بأي زيادة أو تلاعب في الأسعار واستغلال شهر رمضان المبارك من أجل الكسب السريع، وأنها ستخالف كل من تسول له نفسه استغلال المستهلكين وتحيله الى الجهات القانونية.


http://www.alwatan.com.kw/articledetails.aspx?id=45073

 

[راية الكل]

رد : المعاش قبل العــــيد ...........؟!

اقول احلموووووووووووووو اي شي احنا نبيه يصير العكس افهمو