المعرس زايد الظفيري وتناقض في كلامه..؟

[hajer81]

حدهااا مسكينة ضيعت نفسها عشااااان واحد مايستاهل المشكلة انها حلوة وكويتية مناقصها شي ليشششششششششششششششش سوت جذي يعني ماكانت تشوووف عيالها ولا بس شافت ويهه ونست عيالها نظر عينها
لا أكيد هذي مووووصاحية ولا متأثرة بالافلام

 

[زهرااا]

لا حول ولا قوة الا بالله العلي العظيم

 

[زهرااا]

بنات انتوا شكوا تتطنزون على خلق الله !
الحمدلله و الشكر !!

 

[زهرااا]

اتقو الله يابنات في الي تقولونه عَنْ أَسْمَاءَ بِنْتِ يَزِيدَ رَضِيَ الله عَنْهَا، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ: "مَنْ ذَبَّ عَنْ لَحْمِ أَخِيهِ بِالْغِيبَةِ كَانَ حَقًّا عَلَى اللَّهِ أَنْ يُعْتِقَهُ مِنَ النَّارِ وحديث اخر






عَنْ أَنَسِ ابْنِ مَالِكٍ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "لَمَّا عُرِجَ بِي مَرَرْتُ بِقَوْمٍ لَهُمْ أَظْفَارٌ مِنْ نُحَاسٍ يَخْمُشُونَ وُجُوهَهُمْ وَصُدُورَهُمْ فَقُلْتُ: مَنْ هَؤُلَاءِ يَا جِبْرِيلُ؟ قَالَ: هَؤُلَاءِ الَّذِينَ يَأْكُلُونَ لُحُومَ النَّاسِ وَيَقَعُونَ فِي أَعْرَاضِهِمْ



اتقو الله اسال الله ان لايجعلنا من الذين ياكلون لحوم الناس

يعطيج الف الف عافيه

 

[آلسحرآلحلال]

يا بنات انتم ماتدرون شنو حالتة يمكن من الصدمة قام يقط خيط وخيط وغير جذي

انتم مو متأكدين من حجي الجرايد .... لاتحطون بذمتكم شي

 

[وهج الحب]

السلام:
انا لاحظت من اللي اقراه في المنتدى ان كثير من البنات انكم تحاولون تبرأ البنت ...واتمنى تحطون نفسكم مكان اهالي اللي ماتوا واللي احترقوا والله بتحسون بحرقة في القلب ان المجرم يتبرأ ويقولون عنها جميلة ..صغيرة ..ما سوت اللي سوته الا من حرقة قلبها ... بالعكس انا اشوفها انسانه مجرمة وسوت اللي سوته عن سبق اصرار وترصد راحت واشترت بنزين وهددت وركبت تاكسي ..يعني ما فيه فترة احست بتأنيب الضمير اشلون تقول انا ما كنت ادري ادور بالخيمة بالبنزين وتقول لم اقصد ...الريال حلو والا مش حلو مزواج والا غير مزواج ..لا ينكر الامر اللي سوته ابد ولا يبرر فعلتها .. اللي سوته دل على لماذا تركها زوجها لو هي بالاصل امرأة عاقل مش متهورة طائشة غير متحملة للمسؤليه .. انانية تظن ان كل الدنيا ادور حولها وحول سعادة سموها فقط والباقي كلهم بنظرها مثل الذباب يجب قتلهم وعقابهم لانهم قرروا ان يسعدوا ...وهي مش سعيدة ...
كثير من النساء تزوج ازواجهم عليهم واحترق قلبهم وبعضهم جلس مع الرجل بس اشهور قليلة وهناك ناموا بالمستشفى من الصدمة ...ما اخذوا بنزين واحرقوا خلق الله ...العيب فيها هي وهذا دليل انها امرأة رعناء ... وليس لان زوجها تزوج عليها ..
هي ارادت الشر للجميع لناس طلبت منهم كما كتب الا يحضروا وحضروا لانهم لم يستجيبوا لحضرتها وسموها ..ولم ترد معاقبة الزوج .. لان شخصية اجرامية مثل شخصيتها تقدر تخطط وتنفذ ولو ارادت معاقبة الزوج كان احرقته هو وزوجته في بيتهم او في سيارة ...ولكنها هي خططت ونفذت اجرامها لمعاقبته وهو حي مثل الان الناس تتهجم عليه بعد ان اخذ اهلها يندسون ويشنعون على الرجل وزوجته او تقول انه يعلم او او ...هي لم تعلم انها سوف يمسكونها ولكن الله جعل الخادمة تشهد عليها هذا من لطف الله على عبادة والا مشت بجريمتها ولازم تتذكرون هذا الامر هي لم يؤنبها ضميرها وسلمت نفسها للشرطة وقالت انا المجرمة عاقبوني حتى تبحثوا لها عن تبرير..

 

[(( الجـ AHF ـوري ))]

(( اللهم اغفر لأحيائنا وأمواتنا, اللهم اغفر له, اللهم ارحمه, اللهم أرجعه إلى خير مما كان فيه, اللهم عفوك, اللهم ارفع درجته في المهديين, وأخلفه في تركته في الغابرين, ونحتسبه عندك يا رب العالمين, اللهم ولا تحرمنا أجره, ولا تفتنا بعده.
اللهم عبدك وولد عبدك نزل بك اليوم, وأنت خير منزول به, اللهم وسع له في مدخله, واغفر له ذنبه فإنا لا نعلم منه إلا خيراً وأنت أعلم به )

 

[حبيبة ماماتي]

استغفر الله والله هذا ما يستاهل اني اسوي اي شي عشانه غير اني اطلب الطلاق او اشتكي عليه بالمحكمة بس اما اني اذبح ناس عشانه حمدلله اللهم لا شماته....
الله يرحم اللي ماتوو

 

[ياعشيري جعلك السلال]

طقاقه !!

ولا انا قاريه غلط

والله شي يحير كلامه مو عدل كل شوي مغير رايه

الله يرحم الي ماتوا بس
حسبي الله على الي متسبب فيه هالحريقه

 

[pocahantis]

الله العاااالم ماتدرين منو تصدقين كل وااحد يقوول شي

 

[:::جرحك وفي:::]

الله العالم



...~

 

[بدون وافتخر]

رجال خرب عرسه
واحترقو الناس
بزواجه

بالله شتبون يقول؟؟

اكيد متلخبط

واللي يرقعون يقولون
حرق قلبها ولذلك سوت جذي

وانه اخذ جنسيتها وتزوج

انتو شكو منقهرين

شكل ازواجكم بياخذون عليكم لذلك تعاطفتو
مع المجرمه


الله يحرقها بنار جهنم

 

[Ro00os]

يااااااو ليكون هو الللي بصوره ما من زوووووود تذبح خلق الله علشان حبتها القراجه وعمى بعينهااااااااا الحقيررررررره حسبي الله ونعم الوكيل فيهااااا

 

[nhr-36shan]

الظاهر زوجته عميه ذابحه نص خلق الله على شنو بالظبط!؟

اي والله صاجه لو انه مزيون ومنصب شتسوي يمكن تقط قنبله نوويه استغفر الله شي يبجي وشي يضحك

 

[M!sS MOnatOO]

اللحين اشدخل الزوج اخاف اهو بس اللي ذبح هالاوادم

تناقض الاقوال مايغير ان المجرمه اهي الزوجه وماتدرون شنو

حالته النفسيه وهوفي هالصدمه ولاتاخذكم الحميه مع الزوجه لانها كويتيه وزوجته الثانيه

موكويتيه تري كلنا بشر وهالادوادم اللي ماتو هم بشر

 

[nhr-36shan]

شكو كويتيه وبدون وهالخرابيط احنا عارفين ان الزوجه اهي الغلطانه والغلط راكبها من راسها لرجولها
العقاب والثواب مايعرف بدون وكويتي اهي غلطت وسوت كارثه بس شنو الاسباب اللي خلتها تسوي جذي واكيد اهو السبب ومادري عشان منو موتت هالاوادم وضيعت عمرها وعيالها

 

[أم حمد =)]

مادري ليش مارتحت لما شفت ويهه ..

وانا اقول لو يدخلونه بالتحقيق احسن ..





انزين بنات .. الحين العروس اليديدة شصار عليها ؟ يعني عقب الي صار للحين تبي المعرس ولا لأ :0bee2e8d89:​

 

[fdeetni]

سالفه غريبه

 

[احبج يا الكويت]

الحمدلله والشكر مانعيب على خلقة الله
بس هذا يسوا تحرق الناس وتيتم وترمل وتذبح خلق الله عشانه؟

 

[Anwary-24]

اتوقع طلقها علشان ياخذ الجنسيه

وبعدين ماردها خلاها وتزوج عليها

حسبي الله ونعم الوكيل
انا لله وانا واليه راجعون