المعلمات الى ياخذون ماجستير عندي سوال صغيروووور

[كبرت وراحت على]

ما انصحكم فيه انا اخذته ووقفت لانه

ما لج الا 30 دينار زيادة عالمعاش ولا درجة ولا شى ولا ترقيه ولاهم يحزنزن

فشحقه التعب والتغربل

 

[كاتبه حيرانه]

بالعكس اذا اخذتي الماجستير ممكن تصيرون مساعد دكتور بالجامعه ويصير لج الامتيازات اغلبها اللي تصير للدكتور بالجامعه ومعاشج راح يكون قوي
واذا كملتى دكتوراه زين على زين
بس اللي تكمل ماجستير وترد للروضه ما سوت شي لنفسها
التقديم للماجستير للتربيه راح يفتح شهر نوفمبر الياي والقبول والدراسه راح تكون شهر يناير
وموفقين

 

[84 Miss Chocolate]

الماجستير تقدرين تكملينه في جامعة الكويت اذا كنتي من خريجين الجامعة ..

يعني ما يصلح لخريجات التطبيقي !!!

ومن شروطة ...

امتياز متتالي بالدوام...

فترة خبرة بالروضة لا تقل عن 3 سنوات ...

اجتياز اختبار التوفل ...

صديقتي اخذت ماجستير هالسنة ...سنتين واهي تجاهد واعليه :eh_s(15):

بالآخير طلع مايفرق معاها ...لا بالراتب ولا بالدرجة ...بس يكتب بملفج حصولج على الماجستير!!!!!

التقديم لدراسات الماجستير في جامعة الكويت ماله علاقه بالدوام و بتقدير المعلمه بسنوات خبرتها و لا يسألون عنه ابد
و الشروط مثل ماقالو البنات
3 سنين خبره او انج كملتي سنتين و قاعده تمشين بالثالثه عادي يقبلون اوراقج
و الشرط اختبار التوفل و حيييييييل سهل لأنه مو نفس التوفل العالمي لا اهو توفل محلي بس حق الجامعات المحليه
و المعدل حاطين انه مو اقل من3 بس بالصج يقبلون المعدلات العاليه فوق 3.5 انا رفيجتي 3.20 ما اقبلوها
و بعد لازم تكونين خريجة جامعة الكويت و التخصصات المطروحه مو نفس تخخصصات الدراسه يعني تخصص
المناهج و طرق التدريس و تخصص علم الادراه المدرسيه و تخصص أصول التربيه و تخصص علم نفس تربوي

و لا تسألوني اكثر لأن هذا إلي سألت عنه انا :eh_s(6):

 

[84 Miss Chocolate]

ما انصحكم فيه انا اخذته ووقفت لانه

ما لج الا 30 دينار زيادة عالمعاش ولا درجة ولا شى ولا ترقيه ولاهم يحزنزن

فشحقه التعب والتغربل

اختي الحين الدراسه بس عشان الفلوس و زيادة الراتب !!!؟؟ دراسة الماجستير حق نفسج بتفيدج انتي و اصلا اسمها دراسات عليا و واييد حلو ان الانسان يطور نفسه و يحصل شهاده عليا و يكون عنده طموح يكمل الدكتوراه و يمسك مركز بالديره !! اذا احنا بندرس بس عشان الفلوس شالفايده من الدراسه !!

و خريجين جاااامعة الكويت اذا احصلون على الماجستير ممكن يتوظفون مساعد دكتور او اسمه معيد بعثه و بعدين انا شخصيا اذا بكمل دراستي والله ما همتني الزياده كافي انها اتميزني عن غيري و تفيدني بحياتي و اطور من معرفتي ..
اتمنى انج اتقبليين و جهة نظري و اتمنى البنات ياااااخذون بنصيحتي و يكملون دراستهم :ggdw: .

 

[(آمة الله)]

اشرايج أكمل معاج أنا مستوفيه كل الشروط

 

[عبق الورد]

نصيحه اللي تفكر تاخذ ماستر بدوون دكتورااااااه لا تعب نفسها لان بترد مدرسه حالها حال غيرها والسنوات اللي ضاعت عليها بالماستر ما تنحسب لها بسنوات الخبره .. يعني لا تغلط وتقول اخذ ماستر وبعدين يحلها الف حلال ..

 

[الحياة]

انا من التطبيقي ولقيت بالبحرين بس توني متزوجة والبحرين قبلوني بس يبون اقامة دائمة بالبحرين وانا ماقدر لانه ريلي عنده التزامات وايد هالسنة وصح اوركيد مالقيت الا بالبحرين ماجستير واهناك الماستر عندهم تخصصاته حلوة انا اخترت تربية موهوبين بس ماكملت حسافة
لعل وعسى الاقي بجامعة الكويت على الاقل بين اهلي وديرتي
وبالكويت ماستر بجامعة خاصة وتربوي ماكو .. بس اللي حابة تكمل تكمل وعفيه عليها وسيرو ونحن من ورائكم
يا حلات الواحد لما يكون عنده شهادة وعاليه بعد احلى واحلى

الله يوفقكم يارب

 

[84 Miss Chocolate]

.. بس اللي حابة تكمل تكمل وعفيه عليها وسيرو ونحن من ورائكم
يا حلات الواحد لما يكون عنده شهادة وعاليه بعد احلى واحلى

الله يوفقكم يارب[/QUOTE]


:ggdw: :tek:


:eh_s(15):

 

[بقايا همس]

ان شاء الله اكمل ماجستير واقولج شنو الشروط بالضبط
وموفقة حبوبة.........

 

[kokah]

مرحبا يا حلوين انا بعد خريجة تطبيقي و ميتة حدي على الماجستير تكفون بهالزمن لازم نرفع من مستوانا بس ماني عارفة وين يقبلونا انا معدلي لما تخرجت جيد جدا مرتفع ولله الحمد صارلي 7سنين بالوظيفة وتقديري للخمس سنوات كلة امتياز يالله خلونا نتفق ولازم انعرف نبي ماجستير بس داخل ديرتنا عندنا اعيال ووراهم مدارس مانقدر لا البحرين ولا غيرها نبي بديرتنا وليش احنا يا خريجي التطبيقي مالنا في الكويت ماجستير هذا ظلم و مافيه انصاف​

 

[كويتيه كيوت3]

حبايبي من قالكم التطبيقي مالهم ماجستير انا اخوي تطبيقي وتخرج هالسنه من الماجستير بجامعة الكويت ورفيجاتي همن دخلوا ودرسوا عادي ليش يعني التطبيقي مالهم رب ولا شنو

 

[moone GRL]

منو قال التربية الاساسية مالهم ماجستير .. مو هم وتربية الجامعة كليات يعني بكالريوس نفس الدرجة ونفس المعاش ونفس المعامله .. واجد خريجين تربية اساسية كملوا ماستر .. اعرف بنت كانت وياي ودوها ايرلندا بعثة بس معدلها قريب ال 4

وترا ماله دخل تقديرج بالمدرسة لو ماخذه جيد جدا تقدرين تكملين اساس محد راح يسألج جم تقدريج اهم شي عندهم سنوات الخبرة و معدلج البكالريوس ويا شروطهم الثانية التوفل وبعض التخصصات التربوية فيها مقابله عشان يسوون غربله لانه اللي يتقدمون واجد

وبعدين اللي تبي تاخذ ماستر لا تتوقع يتغير شي بدوامها ترا الزيادة اقل من 30 دينار وبترجع مدرسة حالها من حال المدرسات الثانين اللهم الترقيه لها اولوية فيها وانا قاريه بنفسي النشرة انه المدرسات حملة الدكتورة يبون لهم سنوات اقل للترقية وبعدهم الماستر مو ذاكره جم بالضبط بس كانوا ذاكرين التفاصيل ... عاد منو هالخبلة اللي بتكلم دكتوراه وترجع مدرسة روضة

اقول تخصصنا بايخ وفيه اكتفاء ومحد يبيه بالعربي

 

[kajool_80]

اختي الفاضله الماجستير اصبح الان يحتاج الى اجازه دراسيه مافي شي تداومين وتدرسين والاجازه الدراسية فيها اشيا وايد تنقطع من معاشج وانشالله لي تخرجتي الفرق بين معاشج ومعاش البكالريوس 20 دينار وشهاده الماجستير ماله دخل بالعلاوات والترقيات وانا وحده فكرت في يوم من الايام اني اكمل بس ماصار والسبب هالاحباطات واذا حابه تعرفين اكثر راجعي الاجازات الدراسيه بالوزاره واهوم يفيدونج اكثر

 

[الحلا^^مبتليني]

بنات اذا بكمل الماستر يصير اتوظف بمكان غير رياض الاطفال؟؟؟ ردوووو ضروري

 

[مخروووشة]

؟؟؟؟؟؟؟؟؟؟؟؟؟؟؟؟

 

[اثيرالصحاري]

السلام يصير اكمل ماستر وبعدين اتوظف بمكان ثاني غير الروضه التعيسه

 

[Om_Ksha]

عدل كلامج الماجستير ماله شغل بمعدل الخبره .. مو شرط امتياز ..

ووحده منكم جزاها الله خير عطتنى معلومه اذا كنت بالسنه الثانيه وماشية بالثالثة عادي اقدم ..

انزين مايصير بالعكس اذا كنت بالسنه الاولى وداشه الثانيه !! ومابي المعاش خل يقطعونه بس ودي اكمل ماجستير ..

بس منو قال التطبيقي مايكمل بجامعه الكويت !! لالا يكملون بس وحده من الابلات حبطتني تقول بس كلام يقووولون يقبلون وقت الصجية ياخذون تبع الجامعه الاولويه لهم ,,







وهمن قالتلي انه ماجستيرنا خرطي يعني اذا بكمل برا دكتورا مايحسبووونه لازم من الاول ويديد صج هالشي !؟








وبنات اللى تبي بعثه بره صح كلامهم لازم المعدل 3.70 وفوووق صج انهم مايكتبون جذي بس الاولويه لهم والمشكله انه كله دول اوربيه .. استراليا ولندن وامريكا وبريطانيا ..

هذا اللي مانعني ماقدر عالغربه قلت اجاهد واتحمل ومشالله السنين تركض وانشالله اصير 3 سنين خبره واقدم ويقبلوني .. الله كريم


والله من ردودكم تحبطت قلت شالله حادني اكمل بالاخير ما منه فايده خل استقيل ابرك بدال لا انطر اكمل هالسنتين


بس بليز احد فيكم عارف يقولي رايه باللي قلته عن كلام الابلات وجذي

 

[Om_Ksha]

شدعووه من رديت والنقاش وقف !!