المعلمات والاستثمار حيــــــــــاكم...موضوع لنــــقاش

[دوا الغوري]

مرحبـــــــــــــا ابلاتنا العزيزات...

بمــــا ان تونا مستلمين معاشات العطله ماصرلنا فترا


والكل زهقان من هالمهنه المتعبه
كنا بدوام انسولف كل وحده جم عندها سنه خبره وجم جمعت خلال هالسنين
في ناس كانت مسويه استقطاع وفتحولهم مشاريع الي مصبغه والي صالون
وفي ناس 14 و12 سنه خبره ماجمعت شي

مافكرتو تسولكم مشروع واوتحطولكم وديعه
انا طعبا كنت بسافر فيهم بس صارت انفلونزا الخنازير خيرا فقررت اني استثمر فلوسي _03BA:
منو تبدي وياي ونحمس بعض
:ggdw:
بلا هالصرف الي ماله داعي

 

[nero]

انا وحده من اجمع بيزتين اصرفهم على خرابيط

 

[^ليلاس^]

احنا على شهر 8 ماكو معاش لوول اصرف من الماستر شلون بيمع

 

[أوركيد]

جان زين...

آنا فكرة الاستثمار يايه على بالي بقوة..بس مو عارفة شسوي بالضبط..

احنا من نستلم معاش العطلة نصرفه وفوقه الفيزا..!!!!!

 

[lolowawa1234]

بناااات ترى المعاشات ولله الحمد قويه اقل شي850 اناا رايي ان الوحده تبطل حساب التوفير بالتمويل وتستقطع خمسين من معاشهاا لحساب التوفير وتنساهاااا مووليه,,,ماتدرون يمكن بعد 5سنين يطري عليج مشروع يديد تطلع شركه قويه للاسهم والا بأسوء حال يمكن تحتاجينهم لظرف مو زين يادافع البلا والا انتي عندج ظهر تستندين عليه

ترى بهالوقت لاتعتمدون على ريل ولا ابو ولا اخووو مايسندج الا ظهرج شدييه وينشد حالج

امااا اللي عندهاا فلوس وودها اتدش مشروع حلو يونس ومافيه تكلفه وايد وربحه مش بطال طبعا(حضانه+روضة)

خصوصا مع خبرتناا راح يمشي الحال واتيبين لج مدرسات كفوو وياكثرهم بالديره بس يبون الوظفيه ب120 دينار راتبهااا تمسكلج الحضانه وتربي صح

نصيحتي لكم اللي عندهااا خل تسوي حضانه خوووش مشرووع

 

[دوا الغوري]

اي والله صاجه
المفرووض الواحد مايعتمد على احد
ويفتحله مشروع يكون لنا سند مايصير الاسنين تمر واحنا واقفين بمكانا الناس كله صحت انا اشوف حماي ومرته يجمعون وحمواني كلهم وانا وريلي صرف على الفاضي

 

[مادمزيل]

انا مسوية الحمداللة حساب الاجيال في الوطني حلو وبدون بطاقة بعد3 سنين يحق لي اسحبهم

 

[moone GRL]

انا صارلي 3 سنين وجمعت مبلغ راضيه فيه مع انه انلعن خيري بالخصومات من اول ما تعينت والله ماعمره نزلي معاش الصيف كامل .. والسبب ظرووف واخاذ اجازات خاصة والله مو فارغه الموضوع وماقدر اقزرها على المرضيات حرام وبنفس الوقت مرات اقعد اشهر بالمستشفى مرافقه طبعا لانه عندي مريض ولازم دايم اكون وياه مو بيدي بس الحمد لله الله مبارك لي بمعاشي لاني مراعيه ربي فيه حيل ولا اخذ طبيه وانا مافيني شي ومو مشكلة يخصمون عادي اهم شي انا ماخذت مال مو لي

 

[دوا الغوري]

بنات الي جمعت تقول شلون عن طريق استقطا ع او شنو وجم نقص عشان بعد مانبي نقصر على عمرنا
عشان نستفيد
مدمزيل شنو هذا حساب اجيال اول مره اسمع في انا بالوطني جم الاستقطاع

 

[ملاك-77]

ياليت الكل يشارك نبي نستفيد

شكرا على موضووووووعج محتاجين له والله

وانا عن نفسي والله ماجمعت ولا دينار

وكل سنة شهر 8 تقشف خخخخخخ