المغتربة .. النقاب .. أمريكا ..

[هــلا الكويت]

السلام عليكم و رحمة الله و بركاته

مرحبا مغتربات شلونككم ..

بما اني على وشك اغتراب ..

حبيت أسألكم شلونكم مع النقاب و خصوصا في أمريكا ؟؟

و الحجاب ..

؟؟

ياليت تفيدوني جزاكم الله خير ..

 

[شلال إراده]

السلام عليكم و رحمة الله و بركاته
وعليكم السلام ورحمة الله وبركاته:
مرحبا مغتربات شلونككم ..

بما اني على وشك اغتراب ..

حبيت أسألكم شلونكم مع النقاب و خصوصا في أمريكا ؟؟

و الحجاب ..

؟؟
الحمد لله كنت ألبس نقابي الوضع جدا عادي ,فيه البعض يطالع بنظره إستغراب لكن بشكل عام الأمريكان شعب فرندلي ونفسيتهم ممتازه ويسلمون ويسولفون وياج عادي أشوفهم حبيبين حيل ,عكس الأنجليز الله يهداهم شايفين روحهم .
وكنت أسمع من بنات كويتيات في بعض الولايات يلبسون عبي ونقابات سودا كأنهم بالكويت يعني عادي بولايتهم , لكن أنا شخصيا كنت ألبس أفرول مع نقاب ملون غير الأسود
وأتمنى أكون فدتج

 

[الاميره النائمه]

رد : المغتربة .. النقاب .. أمريكا ..

هلا حبيبتي
انا باميركا الان
عادي البس نقاب مع مانتوات ملونه وملافع ملونه
صج جهال يخترعون من نقاب بس الشعب الاميركي بشكل عام محترم

 

[هــلا الكويت]

شلال ارادة .. مشكورة .. بس شلون يعني نقاب ملون ؟؟!!

الاميره .. مشكوره على تجاوبج ..

جزاكم الله خير طمنتوني ..

 

[حلوة الحلوين]

اتوقع عااادي

 

[0(مـــســـ(مطير)ــــــك)0]

هلا وعليكم السلام

صج انا مو بامريكا بس ببريطانيا وكنت متخوفه مثلج

المهم الوضع اكثر من عادي بصراااحه خوفنا كان مبالغ فيه

انا البس نقاب ابيض مال السسترات خخخخ وحجاب ابيض وعبايات جتف واسعه وملونه .. فاصير جني لابسه عباة راس الحمدلله شي ساتر ومريح

ومحد يلتفت لي حتى الجهال .. بصراحه حبيت الشعب حيييييييييييل قمه في الاحترام ..

بخصوص لبس البنات اللي اشوفهم يلبسون عبي ملونه .. + نقاب اسود عادي + ملافع ملونه .. وشكلهم جدا عادي


يعني لاتحاتين الموضوع


بالتوفيق

بس في بنات يلبسون

 

[شلال إراده]

أسفه توني أشوف الرد
أقصدأفصل النقاب على نفس لون الحجاب أو الملفع مثل ماقالت لج الأخت مسك مطير,يعني أبيض أوبيج أوأي لون يكون فاتح وهادي بنفس الوقت,
وأنا شخصيا رحت البلوكات وخذيت جم لون حلوين يمشون مع ألوان الأفرولات.وأتمنى أكون فدتج وأي سؤال أنابالخدمه.

 

[black_arno0oBa]

الصراحه على حسب الولايه الي بتروحين لها في ولايات مادري ما انصح فيها بالنقاب لان وايد يطالعون خصوصا بامريكا عكس الشعب البريطاني مالهم شغل فيج اهني بامريكا وايد يخزون ومعروفه انه الشعب الامريكي وايد عنصرين خاصه بين البيض والسود اكو ولايات لي الحين معتزله مناطق بيض ومناطق سود للاسف واتمنى اكون فدتج

 

[همس السعوديه]

وانا اتفق مع الاخت بلاك ارنبوا .. يعني في ولايات خلاص اتعودو ومحد حيطالع فيكي اصلا بس في ولايات لسه الناس تستغرب من الشكل بالذات النقاب
بالنسبه للحجاب فالاغلبيه عادي واحسهم اتعودو عليه .. باستثناء المدن الصغيره الي ممكن تمري عليها خلال رحلتك من ولاية للثانيه بالسياره .. يعني لو وقفتي في محطه بنزين بحكم ان هم مدينه صغيره مره يستغربو ويتفرجو ..بس مااياذو .. بس هي النظرات

 

[chanel N22]

حياج الله
وانا اشوف سعوديات متنقبات وعادي
الله يوفقج يارب

 

[المبدعة]

اعتقد ان الشعب الامريكي شعب حبوب جدااااااااااااا
وما تهمهم المظاهر
ان شاللله لو شنو تلبسين
عكس شرق اسيا
انا رفيجتي لما سافرت ماليزيا
تقولي الهنود هناك كله يخزونه و يسوولفون مع بعض و يطالعونها
بس هي ما شالله عليها عنده ثقة بنفسه تقول و لا اهتم لهم اقعد و اكل و امشي مع اعايلي
يعني عادي عندها
بس على قولتها ما تحب جذي

 

[ام كوشه منكووشه]

رد : المغتربة .. النقاب .. أمريكا ..

مااعتقد فيها مشكله بالعكس عندي رفيجاتي اهني بامريكا سعوديات واردنيات منقبات ومافي اي مضايقات لهم

 

[بنت^_^الشيخ]

رد : المغتربة .. النقاب .. أمريكا ..

انا بامريكا حاليا .. بس انا مو منقبه .. لا تحاتين هالشي لان متعودين عليه اهم ووايد اشوف منقبات فشي طبيعي عندهم يعني )

 

[هــلا الكويت]

جزاكم الله خير خواتي ماقصرتو ..

واللي عندها فكرة بعد ياليت تفيدنا و تطمنا ..

اعجبتني طريقة شلال ارادة شكلي بسوي مثلج باذن الله ..

بس شنو تقصدين بالاوفراولات بالضبط ؟ و من وين تشترينهم ..

الله يسترنا دنيا و اخرة يارب ..

 

[اختكم بالله]

هلا اختي

انا الحين بامريكا والبس نقاب وعبايه سوده والله عاااااااااااااااااااااادي الحمدلله ما احس بمضايقات ورفيجاتي سعوديات منقبات والله مافي شي

بالعكس لما يشوفوني الامريكان بعضهم يقولي السلام عليكم


لاتحاتين

انتي اي ولايه بتروحين ؟

 

[راعية الطويلة]

رد : المغتربة .. النقاب .. أمريكا ..

كن مع الله و لا تبالي

الله يوفقج و يوفق كل منتقبة و محجبة آميــــــــــــــــــــــــن​

 

[••غـلآًهْـم••]

انا توني رادهـ من امريكا

انا كنت محجبه هناك ووحده كويتيه والله كانت لابسه نقابها وعبايتها ودسووووس وكلها اسود بأسود

يقولون من ولايه لي ولايه يختلف

 

[هــلا الكويت]

الحمدلله رب العالمين الله يطمنكم ..

انا ان شاءالله ولاية كولورادو .. انتي اي ولاية "اختكم بالله "

؟؟؟

 

[طموحه بزياده]

الله يوفقكم

اتوقع النقاب عادي الحين بالغرب لان المسلمين كثروا