المكاتب السياحيه

[mooomooo]

هل تسافرون عن طريق سفريات ؟؟؟

اخواتي الكويتيات
السلام عليكم ورحمة الله وبركاته

سؤالي ... هل تسافرون عن طريق السفريات ( يعني قروبات ) او لا ؟ وليش لاء ؟

واللي جربت شركات تعلمنا شنو احسن شركة من حيث المعاملة والحجوزات وتنظيم الرحلات

عشان الكل يستفيد

 

[mooomooo]

مشاركة: هل تسافرون عن طريق سفريات ؟؟؟



اشدعوه ولا وحده سافرت عن طريق السفريات

 

[coffee]

مشاركة: هل تسافرون عن طريق سفريات ؟؟؟

اهلين مومو والله حلوه القروبات بس عاد انتي وحظج بنوعية الناس اللي وياج وكوكش اليهال!

والله انا انصح بسفريات المستقبل طيرانهم سنع ويختارون مرشدين سنعين ويعطونج الخطة مسبقا وحريصين

اما سفريات الفضاء فسيئة جدا جدا!! ابتداءا في تعاملهم وانتهاءا بالخطوط الجوية مالتهم اوكرانيه ويونانيه زين ما تطيح الطياره! ما يسوى على ابو ارخص.. واي شي المرشدين يبيلهم احد يرشدهم خاصه واحد ينقاله جاسم اشكناني تحذرو تروحون معاه..

وسمعت يمدحون سفريات السيد؟

 

[mooomooo]

مشاركة: هل تسافرون عن طريق سفريات ؟؟؟

يعطيج العافيه كوفي على مرورج

ومشكورة وماقصرتي ... وانا كل اللي اتمناه انه نستفيد من خبراتكم مع السفريات خصوصا ان الصيف قرب



اهلي سافرو مع المستقبل ... راحوا ماليزيا اشوي تغربلوا مع القايد لانه غيروه باخر لحظه بس استانسوا
لان ماليزيا حلوة

 

[noony_online]

مشاركة: هل تسافرون عن طريق سفريات ؟؟؟

انا ولا مره سافرت مع قروب
والصراحه ما افضل احب اكون بالسفر على راحتي ما اتربط باحد ولا اربط احد فيني

 

[شهدQ]

مشاركة: هل تسافرون عن طريق سفريات ؟؟؟

اكيد بس السفريات والله ناسيه

وحتى لو عندي ماراح انصحك فيهم لان حجزنا شي ولقينا شي ثاني

ويظل السفر عن طريق السفريات افضل من التبهذل

 

[mooomooo]

مشاركة: هل تسافرون عن طريق سفريات ؟؟؟

مشكورين بنات على تفاعلكم

ليش مانسوي تصويت ؟؟

 

[طير الحب]

مشاركة: هل تسافرون عن طريق سفريات ؟؟؟

سافرت مع قروب بش نسيت اسم السفريات والله كان خوش شى

 

[mooomooo]

مشاركة: هل تسافرون عن طريق سفريات ؟؟؟

حسافه يا بطه

نبي نعرف الزين والشين

وشنو اللي يميزهم عن غيرهم

 

[Dancing^Queen]

مشاركة: هل تسافرون عن طريق سفريات ؟؟؟

انا ماسافرت قروب ولا مره كله انا ارتب سرتي
ودايما تعامل مع غلوبال هوليداي
ارتاح معاهم
حتا مره حصلت الفندق ارخص منهم
قلتلهم قامو سوولي اب غريد سيداااااااااا
ويطلعلي حجز من تحت القاع ان بغيت



اهلي دياما يسافرون مع السيد ومرتاحين عليهم

 

[mooomooo]

مشاركة: هل تسافرون عن طريق سفريات ؟؟؟

شكرااا عالمرووووووووور


اتصدقين كوين انا بعد بنات اعرفهم وايد يمدحون السيد

 

[بطة^حليوة]

مشاركة: هل تسافرون عن طريق سفريات ؟؟؟

انا بعد سمعت عن سفريات السيد بس ياربي مادري شلون قروبات وناس ماتعرفينهم ماتاخذين راحتج
بس اهم شي يأمنونلج السكن والحجز والمواصلات عشان لاتتغربلين
اما الباقي حلاته تكونين انتي ساءله عن الديرة اللي بتروحيلها وتروحين كل مكان على راحتج
لانه صراحة ماتضمنين نوعية الناس اللي معاج مثل ماقالوا البنات كوكش يهال وصراخ ولوية عاد الواحد وين يستانس

 

[mooomooo]

مشاركة: هل تسافرون عن طريق سفريات ؟؟؟

اي عدل كلامج

بس في ناس تقولج انا احب اسافر قروب عشان اتعرف على النااس

وفي ناس تقول انا احب اسافر بروحي ماحب ارتبط باحد

والناس اجناس

وعلى طاري نوعية الناس اعرف ناس اتشوف اسامي القروب كله خخخخخخخ


وشكراااا علامرووووووووور

 

[كيكة كاكاو]

السلام عليكم ....
شلونكم يا بنات
يا ليت كل وحده تدخل تقول لنا شنو احسن مكتب سياحي تعاملت معاه وشنو يميزه ؟
( مثلا اسعاره او حجوزاته مضبوطه .................)
وتقول لنا اسوأ مكتب تعاملت معاه وشنو السيئ فيه
حتى اللي تحجز بالانترنت يا ليت تشارك وتقول لنا المميزات والعيوب والطريقه
عشان الكل يستفيد
خصوصا ان الصيف على الابواب
ان شاء الله ما يكون الموضوع مكرر والكل يستفيد منه

 

[خبيرة اعشاب]

مشاركة: المكاتب السياحيه

اسوا مكتب تعاملت وياه
ماركو بولو ...صراحه وهقتني الارمينيه ...كنا حاجزين قبل سنتين للمغرب رايح جاي ..و كنت ويا زوجي و عيالي ..و على اساس عندنا تاريخ العوده 9/11 ..
و الا يوم جينا نبي نرد الكويت قالو لنا حجزكم للعوده ما كان مؤكد من المكتب السياحي و ما في مجال قبل 15/11 ..و حنا كنا ناوين نرد اول شي عشان دوام زوجي و ثاني شي عشان عرس ولد عمه تاريخ 13/11
يعني يا الله نلحق ..
و الله و نقعد ...و ندق على المكتب و ندق على اخوان زوجي يدبرون له طبيه للدوام ...و اخر شي حتى تاريخ 15 ما حصلنا ..و اضطرينا ندفع فلوس زياده و نحول تذاكرنا درجه اولى عشان نرد الكويت تاريخ 17 ..صدج بهذله ..........................

و تاني مره كنا تعاملنا ويا مكتب الي على لفه الجليب ...ما اذكر اسمه ...و كنا رايحين فرنسا ..و عندنا ترانزيت في دبي ...اترا الهندي الخايس ما حط لنا الورقه الورديه مالت الفندق ..و اضطرينا نسكن على حسابنا و نطلع للخدامه فيزا حق الامارات اب 12 دينار ....
صدج الواحد لا صار مسافر لازم ياخذ باله من ابسط الاشياء ...

لا كله و لا المصري مره ...حسب لي التذاكر اب 680 دينار ...و يوم بغينا ندفع اذن الظهر و قال زوجي ابروح اصلي و ارد ...طلعنا و صلينا و دشينا المكتب الي قدام المسجد و نسالهم قالت تذاكركم تطله 560
يا نعمه الله .................

صراحه انا اخواننا المصريين على راسي ..بس ما احب اتعامل وياهم ..احس فيهم جشع

 

[كويتية أمورة]

مشاركة: المكاتب السياحيه

خوش موضوع
انا ماعندي فكرة عن المكاتب السياحية بس بستفيد من الردود
وياليت تقولون احسن الفنادق بعد بكل مكان رحتوله وشنو مميزاته

 

[كيكة كاكاو]

مشاركة: المكاتب السياحيه

مشكوره seule12 على المشاركه حبيبتي انتو المفروض تسئلون اكثر من مكتب وتقارنون الاسعار قبل الحجز , المره اليايه حطو بالكم
كويتيه اموره اشرايج انخلي هالموضوع حق المكاتب ونسوي موضوع ثاني حق الفنادق عشان ما نلخبط البنات

 

[ام خالد33]

مشاركة: المكاتب السياحيه

انا اللي سمعت عنه سفريات السيد يمدحونها حيل

 

[قهوة عربية]

مشاركة: المكاتب السياحيه

خوش موضوع ...في إنتظار باقي البنات


يعطيج العافية أختي

 

[أوركيد]

مشاركة: المكاتب السياحيه

سفريات السيد وااايد زينين ...

آنا ما رحت معاهم ..بس كل من جربهم يمدح فيهم

وأحلى شي حق القروبات ...