الملازم سالم الراشد وهند بنت عتبه والفرق بينهما

[أنوار العشق]

السلام عليكم ورحمة الله وبركااته

كلنا نعرف قصة هند بنت عتبه
عندما قتل عبدها وحشي
عم الرسول صلى الله عليه وسلم
أسد الله حمزه بن عبدالمطلب رضي الله عنه
فأتت هند وشقت بطن حمزه وصدره ونزعت كبده ومضغتها ثم لفظتها !!
فأهدر الرسول صلى الله عليه وسلم دمها
وبعد فتح مكه أسلمت هند فأتت إلى الرسول صلى الله عليه وسلم وأعلنت أسلامها
فعفى عنها رسول الله صلى الله عليه وسلم ..

نعم هذا ماعلمنا الرسول صلى الله عليه وسلم التسامح والعفوو عند المقدره ..


ونعرف قصة الزانيه
التي أتت إلى الرسول صلى الله عليه وسلم وقالت يارسول الله أن حاملآ من الزنى فطهرني!!
قال أذهبي حتى تضعيه
فذهبت وعادت إلى الرسول وقد وضعت
قالت يارسول الله طهرني
قال أذهبي حتى تفطمي أبنك
فذهبت وعادت بعد سنتين
قالت يارسول الله طهرني
فأمر برجمها
فرجمت حتى الموت
فرجمها أحد الصحابه وسبها
فقال الرسول صلى الله عليه وسلم مهلا
والله قد تابت توبه لو قسمت على سبعين من أهل المدينه لوسعتهم !!


الرااشد يقوول سامحوني أخطأت
سامحوني أنا حــــ......

كل بني آدم خطائين وخير الخطائين التوابين

سامحنا العراقيين
سامحنا الفلسطنيين
سامحنا الاردنيين
سامحنا السودانيين

ما نسامح ولدنا اللي منا وفينا
وهو ندم وأعترف

مثل مامحمد المطيري عنده عائله
سالم الراشد عنده عائله

وأخذه جزائه من التشهير والدعااوي

الرسول صلى الله عليه وسلم عندما فتح مكه
قال ياقريش ماتظنوني فاعلآ بكم ؟
قالوا خيرآ .. أخ كريم وابن أخ كريم ..
قال فأذهبوا فأنتم الطلقاء .. لاتثريب عليكم اليوم .. فليغفر الله لكم ..


الراشد يقووول آنا آسف سامحوووني يا أهل الكويت ..
قال تعالى ( ألا من تاب وأمن وعمل عملا صالحا فأولئك يبدل الله سيئاتهم حسنات وكان الله غفورآ رحيما )

سامحووه يأهل ديرته محد راح يرحمه غيركم
ومحمد إن شاء الله من أهل الجنه

 

[ii DareeN ii]

رد : الملازم سالم الراشد وهند بنت عتبه والفرق بينهما

انا بتكلم بصفتي عضوة من قال سامحنا الاردنيين ولا سامحنا الفلسطينين ان كان عادت العلاقات السياسية فالسياسة شي ومشاعرنا كشعب شي

واي انسان ساهم بتعذيب وقتل مواطن ماعتقد سماحة امر هين وكل انسان عنده ضمير بينطر القصاص من السفلة الي قامو بعمل ماتقوم فيه الحيوانات حسبي الله ونعم الوكيل ان شاء الله نشوف حسابهم بالدنيا وبالاخرة لانهم مارحمو بني ادم يعذبونه اسبوع كامل بكل خسة وحقارة ودنائه قبحهم الله

 

[dob106]

اهل القتيل هم اللى لهم الحق يعفون ولا لآ ولازم القانون يأخذ مجراه حتى يعتبر الاخريين

 

[أم جوري]

رد : الملازم سالم الراشد وهند بنت عتبه والفرق بينهما

خل يسامحه المقتول يوم الدين

فليستغفر الله اولا ومو علشان انفضح اعلن التوبة ؟؟؟!!!!!!

 

[مطيريه ماركه]

رد : الملازم سالم الراشد وهند بنت عتبه والفرق بينهما


آلفرق بينهم آن آلرآشد مسلم وفعل فعلته هو وآللي معآه وهم مسلمين

آمّآ هند كآنت كآفرة وآسلمت وآلآسلآم يجب مآقبله

وعلى فكرة آلرسول صلى آلله عليه وسلم رفض مقآبلة هند حتى يوم آسلمت !!

آمر عقآبهم في آلآخرة عند رب آلعآلمين تآبوآ آو لآ

آمآ عقآبهم في آلدنيآ يجب ولن نسآمح فيه آبدآً

وينهم مآسآمحوه يوم ضربوه وينهم يوم آتهموه تهم مآسوآهآ

آنآ وحدة من آلكويتيين بِ غض آلنظر عن آن آلقبيلة تجمعنآ

مآرآح آسآمح لـ آسبآب عديـدة منهآ مظلوم وكويتي وممكن آللي يصيرله يصير لنآ

!

 

[ice_cream]

من وجهة نظري المرأه الزانيه عندما اخطأت وتابت اخطأت بحق نفسها وبحق رب العالمين


ما اخطأت بحق انسان اخر

صحيح ان الدين الاسلامي دين تسامح والرسول عليه الصلاة والسلام كان يحثنا على التسامح


ولكن احنا خل نفهم شنو المبرر الي خلاه يعذب انسان لي الموت

احنا ليلحين محنا فاهمين ليش عذبوه وشلون قدرو يتحملون الموقف

بالنهايه اكيد ماكانو متوقعين انه راح يموت بس قدر الله وماشاء فعل

والموضوع هذا بيد اهل المرحوم

احنا لا نقدم ولا نأخر

والله يسامحه ويتوب عليه عساه يكون درس له ولغيره وعساه يتعض

احيانا الشباب تاخذهم الحميه واني انا قوي واقدر اسوي وضابط يفرد عضلاته على العالم

 

[emynice]

رد : الملازم سالم الراشد وهند بنت عتبه والفرق بينهما

والله اذا على قولتج .. باجر كل واحد يذبح واحد وبعدين يقول سامحوني ونسامح راحت الديرة

لا والله كل واحد ياخذ جزاه على فعلته ويتحمل خطأه .. الدنيا مو فوضة

والرسول صلى الله عليه وسلم مع الزانية خذت عقابها رغم توبتها

ولو انه احد من اهلج او اهل اي احد مايرضى بهالشي ولا يسامح

 

[أنفاسي دخون]

الله لا يسامحه ولا يحلله مثل ما شتت شمل اسرته وحزن وبكى اهله واهل ديرته بدو وحضر سنه وشيعه الكل تعاطف وتأثر من اللي صار لمحمد يكفي ان اللي صار خلانا ما نثق بداخليتنا ولا بضباطنا بالعكس صار الخوف الاكبر منهم

والامر كله يرجع لاهل محمد بالعفو او العقاب

مع اني اتمنى يعزرون فيهم ويقيمون حد الحرابه عشان يذوقون من نفس الكاس

حسبي الله ونعم الوكيل

جرحك يالميموني بقلوبنا عسى الله يجبر مصاب اهلك

 

[&رعبوووبه&]

ليش احنا نقدر نسامح لاننا بشر وفينا رحمه واحساس وهم مسلمين بس هل الراشد يملك هالصفات ما اعتقد اذا هو لابشر ولاعنده احساس ولا رحمه واللي سواه مايتفق مع صفات الاسلام والمسلمين -- اللي سواه شي همجي يتفق مع صفات الكلاب الضاله اعزكم الله اذا يتحاسب حاله حال كلب ضال -- لو في شي اقسى من الاعدام ياليت يطبقونه عليه

 

[::كيك وعسل::]

رد : الملازم سالم الراشد وهند بنت عتبه والفرق بينهما

حسبي الله ونعم الوكيل
عسى حوبة المذبوح ماتعداهم

 

[*مناوى*]

رد : الملازم سالم الراشد وهند بنت عتبه والفرق بينهما

الله يهديج بس واللي صار شي سهل وحده معانا تقول امه كل يوووووم تروح لا شعوووووري حق المغفر وتقول ابي حق ولدي ويرجعونه

للبيت وكل يوم هذا حالها اشذنب بنته وأمه وزوجته وأهله ..

والله اللي صار أعوووووذ بالله ما ينسي تاخذوووووووونه للجاخور وتعذبونه اي رجوله واي دين اتكلمين عنه شنو سوى عشان هذا كله والله

اذا بنسامحه وبنسامح غيره وبطول السالفه وكل من يذبح ويعذب يقووول يالله باجر أهل ديرتي يسامحوني لا والله الاعدام اشوي عليهم ويكووونون عبره لغيرهم ..

وانا والله ما أعرفه ولا أعرف أهله عشان أقول هالكلام بس والله صار يعور بالقلب والتنكير بالمسلم ما يجوووووز مهما كانت جريمته في قانون

ياخذ مجراه وياخذ حقه بس اللي صار لا والله ما ينسكت عنه ..

حسبي الله ونعم الوكيل ..

والله يرحمه ويغفر ذنوبه ويتجاوز عنه ان شالله ويتقبله قبوووول حسن اللهم امين هو وجميع أموات المسلمين ..

 

[فاقده ابوهاااا]

رد : الملازم سالم الراشد وهند بنت عتبه والفرق بينهما

انا الي اعرفه ان حتى الراشد وحيد امه وابوه والله يكون بعون اهله بس مو من حق احد يسامحه غير اهل المطيري احنا الكويتيين فقدنا ولد من عيال ديرتنا بس مالنا حق ان نغفر له بروحهم اهله لهم الحق ان يسامحون ويغفرون وبالنسبه لي لوكنت بمكانهم لا اغفر ولا اسامح ومثل ما صار في ولدي اسوي فيه بالضبط لي ما يموووت الولد وضنا غالي ومحد يحس بحرقه اهله الا الي عنده عيال وعارف اشكثر راح يعانون بعد موته الله يرحمه ويصبر قلب اهله

 

[sondos]

رد : الملازم سالم الراشد وهند بنت عتبه والفرق بينهما

ليش يسااامحوونه؟؟؟؟؟ وشنو هالمقااارنه اللى مافيها منطق؟؟


يوم انه دش الكليه وتخرج ضابط مسئول عن امن وطن ومواطنين .......ما قييم نفسه اذا اهو كفو ولا لا؟؟ولا اذا عنده سيطره على نفسه والفصل بين العمل والمسائل الشخصيه؟؟

يعذذب انسان مسلم وكويتى واعزل يعنى مايساويه بالقوة ويطلع مراجله عليه .......وياريته اكتفى بضرب وتعذيب ....ذبح الريال ويتتم عياله ورمل زوجته .......من غير مايفكر بحساب ولا عقاب ولا سؤال رب العالمين له يوم القيامه باساءة السلطه ويقوول ساامحوونى؟؟؟؟!!!

لو سامحوه بيفتحون المجال حق كل وقح وقاسي وحقيير انه يمسك امن بلدنا ويهين شعبها .......منوو خلاه يقبض على الرجال ويحاكمه وينفذ فيه الحكم غير ثقته الزايده بقوته وسند ظهره؟؟

تبوون تقوون باس امثااله <<<<<<<سامحووة

انا ماعرف محمد المطيرى ولا يصير لى ولا اهو من قبيلتى .......واضح من مشاركتى انى حضريه شيعيه ....بس عندى عيال اخاف عليهم يصير فيهم مثل ماصار فيه وماتمنى اشكال هالضبااط تظل على راس السلطه

 

[أحب ترابها]

لو كل واحد قال انا اسف سامحوه خربت الديره ....خافي ربج يالي حاطه الموضوع ماذقتي حرت اهله عليه ..يوم انكشف قال سامحوني !!!ان شاء الله قضاء الكويت عادل وبياخذ بحق المظلوم

 

[عهود الحب]

رد : الملازم سالم الراشد وهند بنت عتبه والفرق بينهما

الله لا يسامحه ولا يسامحج معاه
ولد الناس راح بتعذيب مو حادث
راح مقهور مظلوم مغبون
وانتي تقولين سامحوووووووووووه
نسامحه عالظلم ولا التعذيب ولا الكذب ولا الطعن بالسمعة والشرف
كل شي انقال عن محمد وكل خيوط القضية ما اتضحت ولكم عين تقولون سامحوه

الله لايسامح من سعى بطلب السموحة
الله لا يبايحك يا سالم لا انت ولا الي معاك

وان كان صادق خل يقول اسم الشخص الي ما انذكر اسمه للحين


خل يحوشه شوي من التشهير

الله لا يسامحه ولا يبايحه

و اهل محمد ماراح يتنازلون

دم محمد مايضيع
دم محمد ما يضيع

 

[دخــــــــــــــــون]

رد: رد : الملازم سالم الراشد وهند بنت عتبه والفرق بينهما

آلفرق بينهم آن آلرآشد مسلم وفعل فعلته هو وآللي معآه وهم مسلمين

آمّآ هند كآنت كآفرة وآسلمت وآلآسلآم يجب مآقبله

وعلى فكرة آلرسول صلى آلله عليه وسلم رفض مقآبلة هند حتى يوم آسلمت !!

آمر عقآبهم في آلآخرة عند رب آلعآلمين تآبوآ آو لآ

آمآ عقآبهم في آلدنيآ يجب ولن نسآمح فيه آبدآً

وينهم مآسآمحوه يوم ضربوه وينهم يوم آتهموه تهم مآسوآهآ

آنآ وحدة من آلكويتيين بِ غض آلنظر عن آن آلقبيلة تجمعنآ

مآرآح آسآمح لـ آسبآب عديـدة منهآ مظلوم وكويتي وممكن آللي يصيرله يصير لنآ

!

:icon30:
:hjy5jewf:

 

[كرز أخضر]

عفوا" انا مادري هذا كلامج والا منقول ...لكن :

العفو عند المقدره...نسمع دايما" عن ناس تتنازل عن دم عيالها لأن القتل صار في لحظة غضب .وماقدرالقاتل يتحكم

باعصابه . لكن الراشد واللي معاه سووا مثل السفاح اللي نشوفه بالافلام شلون يتلذذ ويتفنن بقتل ضحيته...

انا متأكده لو ان الراشد قتل المطيري بسلاح لحظة مسكه..اهون واخف على المطيري من العذاب اللي عاش فيه 5 ايام

وعلى اهله من الحسره والقهر اللي عايشين فيه الحين...الله يرحم محمد المطيري وينتقم من كل اللي عذبوه بالدنيا والآخره..

 

[3emya_Berry]

السالفه الحين بالقضاء ومحد له دخل فيها الا القضاء نفسه واهل المتوفي بسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسس

 

[جوري الزبير]

العراقيين..الاردنيين.الفلسطينيين.. مافي احد سامحهم السياسه شي والمشاعر والتقبل شي ثاني ..وهذيل مو كويتيين منه وفيه في اخ يسوي باخوه جذي؟؟ وله قمنا نطبق الي يصير حوالينه ؟؟
انا اقول العقاب واجب والحمد لله انه تاب هالشي ينفعه باخرته

 

[عهود الحب]

رد : الملازم سالم الراشد وهند بنت عتبه والفرق بينهما

الموضوع انكتب مو للسموحة
لرفع الضغط
حسبنا الله ونعم الوكيل
نعنبو دارهم حتى شرفه هتكوه وتقولون سامحوهم !
حسبي الله ونعم الوكيل
انا لا اعرفه ولاني منه ولكن الحق حق
والله و بالله لو يضيع حق محمد لتضيع حقوق العالم وراه

ومن يقول انها اول مرة سالم يعذب احد !
سالم وربعه صابتهم حوبة احد غير محمد
ما اتوقع رب العالمين سلط عليهم الفضيحة من اول زلة
الله يمهل ولا يهمل
الله يعينكم يا اهل محمد يا ما بتشوفون وتسمعون وبتعانون
الله يعينكم