اشلونكم بنات شخباركم ...
بيييييييييييييييه شخباري اكتب موضوع احس مستحيه >>>> شكوووو
المهم حبيباتي انا حبيت اكتب هالموضوع للفايده لكم متزوجات و ((حزب الطماشه))
هم ما ننساهم بما انهم صارو منا و فينا و صارو اهم اصحاب البيت قبلنا بعد ...
الموضوع جدا حساس وبما اني مريت فيه فراح احاول اني اكتب التفاصيل بس بطريقة مشفره ...
و اللي خلاني بكل صراحه اكتبه اهو وجود بعض من البنات اللي رافضين الزواج بسبب تخوفهم من الشكل الخارجي
لمنطقة المهبل ...
في وحده عزيزه علي يتني و قالتلي اسوره انا الشكل الخارجي للمهبل جدا غريب و هالشي مخليني ارفض الزواج
لاني خايفه انه هالشي يسبب لي الطلاق لمن سمعت تفسيرها عدل عرفت انه هالشي اللي فيها مو طبيعي و قتلها اخذج
عند دكتوري و ارفضت هالشي لانه مستحيه انه تنكشف على دكتور ...
المهم يا طويلات العمر انا بما اني عانيت من هالشي قتلها عنه قلت يمكن اللي فيها مثل اللي كان فيني و اهو :-
بنات انا قبل 3 سنين صار فيني ورم على الجانب اليسار من المنطقه الحساسه و بما اني مهمله وااااااااايد
هملت هالشي لي غاية قبل رمضان اللي طاف و رحت الدكتور عقب ما الورم صار كبر الليمونه
و الشكل كان واااااااااايد مو حلوووو يعني شي مو طبيعي ابد و غير الفشله اللي كنت احس فيها
مع ريلي و بس قررت اروح الدكتور و قالي انه هالشي هو ( غدة بارثولين ) و هذي الغدة اهيا المسؤوله
عن افرازات المرأه و ترطيبها و كل مرأه عندها غدتين و انه وحده منهم صاير فيها خلل و متورمه ولازم
انها تنشال فهالشي اهو اللي سببلي الورم اللي كان يكبر بشكل مو طبيعي خفت وايد من العمليه بما اني مريضة بالـــ mg كنت خايفه لانه التخدير مو زين علي كللللللش بس توكلت على الله و الحمدلله دشيت العمليات
و سويتها و قلت حق دكتوري يسويلي مره وحده تجميل و ترميم المنطقه يعني (( العملية اللي تردج بنت ))
بما اني مو ناويه احمل عقب عيالي ...
الدكتور قالي العمليه يبيلها ساعه و نص و انا قعدت بغرفة العمليات 3 ساعات و نص و الصدمه انه حتى الدكتور
انصدم انه الورم واصل لي الحوض يعني داش لي داااااااخل مو بس اللي كان بارز لي بره الحمدلله انه الله سترني
و سويتها و افتكيت ...
المهم يا حبيباتي هالبنت لمن يتني و قالتلي سالفتها قتلها عن سالفتلي قلت يمكن فيها نفس اللي فيني ورم و انا ادري انه شكله يخرع و مو بيعي قالتلي لا انه الموضوع
الشكل كله مو بس الورم و بما انها ارفضت تروح معاي عند الدكتور لانها ما تبي تكشف روحها عند دكتور قتلها انا اسالج دكتوري ...
و رحت قبل اسبوعين تقريبا كان عندي موعد عشان يشوف خياطي و قعدت و سالته ...
قتله دكتور في بنات عندهم مشكله بالشكل الخارجي للمهبل فقالي هالشي طبيعي كل انسان عينه تختلف عن الثاني و شفايفه تختلف عن الثاني و يختلفون بكل شي
فقتله انزين دكتور اذا كانت المشكله مو طبيعيه يعني اذا كان الشكل مو طبيعي بالمره و مسبب ازمه لصاحبته .. قالي في ناس يكون عندهم مشكله مثلا بخشمهم و يسوون عملية
تجميل عشان يفتكون من هالمشكله نفس الشي بالمنطقه الحساسه في بنات تكون عندهم مشكله و نسوي لهم عملية تجميل و تنتهي المشكله ...
و سؤالي الحين للمتزوجات فقط يعني حزب الطماشه الكلام اللي فوق لكم بس هالسؤال مو لكم 
متزوجات البنت اللي تعز علي راحت عند دكتوره من قبل لا تقولي عن سالفتها و هالدكتوره سوت لها سونار بس اهيا مو مقتنعه بالسونار و تقول ابي اسوي اشعه عشان
اطمن انه مافيني شي وانا من خبرتي قتلها انه المنطقه الحساسه ما يسوولها اشعه و اصلا مافي اشعه حق هالمكان اذا في شي راح يستخدمون السونار بس اهيا مو مقتنعه بكلامي ...
فالجواب لكم يمكن انا اكون غلطانه انتو فيدوها بالجواب :- ( هل هالمكان يستخدون له الاشعه ام السونار عند الحاجه ) >>> اتتتتتتتتعب عالفصحى
بنات حبيباتي هالموضوع كاتبته عشان تستفيدون منه و تعرفون انه الشكل الخارجي يختلف من بنت لي بنت مثل اي عضوو (( خشم عين شفايف اذن ))
و اذا كنتي حاسه انه مسبب لج مشكله انه ابدا مو طبيعي مافيها اي حرج او عيب انج تصارحين امج او اختج العوده فيها عشان تساعدج ...
انشالله يكون الموضوع فادكم حتى لو بشوي ...
