المنقبات اللي راحوا ايطاليا

[فطيرة جبن]

بنات اشلون ايطاليا ويا النقاب عادي ولا في منقبات هناك بصراصة انا رحت لندن وماليزيا وفي مشكلة مع النقاب ابي اشلون على ميلانو اللي تعرف بنات اتفيدني بليز لاني مابي اشيل نقابي بس ابي اعرف الوضع بالصيف هناك اشلون وهل في اماكن مميزة تونس حق اليهال

 

[TWEETY]

أنا من رايي تلبسين حجاب لونه فاتح ونقاب أبيض ومانتوهات ...لأنه الاجانب مومتعودين عالأسود...خاصة النقاب يتصورونه كمام!!

 

[فطيرة جبن]

مشكورة وايد تويتي انا اشوف جذي ودي اخفف من حدة الاسود بس مستحيل اشيل نقابي ابي الوان اتماشى معاهم مو اكثر عشان اخاف على نفسي بس ولا مو هاميني بس حبيت اعرف الوضع هناك هل في منقبات ولا لأ علشان اشوف شنو طريقة اللبس المناسبة

 

[أمانيQ8]

لا اصلا الاوربييين تعلموا على العبي والنقابات من قالج يطالعونج ولا يدرون عنج
اصلا تعودوا بالنسبه لماليزا ولندن اختي راحت لها وعاشت في لندن سنتين واهي منقبه ولا اشوف مره قالت شي؟؟؟
ماليزيا اسلاميه وياكثر الخمارات فيها وياكثر الخلييجيين السعودين بالذات سواده تمشي محد تعرض لهم

سمي بسم الله وتوكلي على الله ماكو الا العافيه
بالنسبه لايطاليا كلها سياحه بسياحه ماعدا ميلانو وتريتنو كلها سوق في سوق

 

[عالي مستواها]

لقيتي مشكلة بلندن مع النقاب !!

غريبة انا قعدت فيها مدة وبنقابي عااادي بالعكس حيل فريندلي البريطانين ومتعودين على لبس العرب ..

مادري عن ايطاليا بس انا رايي من راي الاخت اللي قبلي البسي ملابس ملونة عشان ما يستغربون اللبس .. لانه الأسود بالنسبة لهم غريب

انا شفت بلندن جذي منقبات بمانتوهات وملفع ملون ونقاب ابيض .. انا لبسي مثل ماهو بالكويت وبلندن بنقابي وعباتي وعادي حيل كان الوضع حتى حزتها كانت سالفة الإرهاب سنة 2003 أو 2004 وكنت صغيرة عمري 18 بس هم ما قطييييته

 

[مبدعة]

بالعكس ماليزيا ولندن اكثر ديرتين ما يطالعونج علشان النقاب و لا احد يدري عنج

عالعموم ايطاليا جدا الوضع عادي فيها النقاب و اللون الاسود لان فيها عرب وايد و مصريين تارسين المنطقه

بالنسبة لميلانو ما فيها الا سوق ما تونس حق اليهال

 

[هــــامــورة جنيــف]

شوفي حبيبتي انا بقولج عن تجربتي الصيف اللي طاف بايطاليا وانتي قرري
انا بالاساس منقبة ودايما البس النقاب اذا سافرت بالنسبة لندن كان الوضع جدا جدا عاااادي لانهم متعودين عالعرب بشكل عام وعالخليجيين بشكل خاص
لكن الصيف اللي طاف قررنا انا وزوجي نسافر ايطاليا روما وفلورنس وفينيسيا وميلانو
اتفقت مع زوجي اني ما البس نقابي واكتفي بالملافع والمانتوهات لاني كنت حامل وقتها وتجيني ضيقة تنفس بصدري على طول ومع هذا ماسلمت من نظراتهم اللي استفزت زوجي كان المفروض البس ملفع ومانتوه بيج او ابيض والله حتى تصوير والله صوروني مستغربين مني الله يقطع ابليسهم على بالهم معلم سياحي :dddds:
بالمقابل في بنات كانوا معانا بالطيارة نفسها ظلوا على نقابهم ما افصخوه بس مساكين تمصخروا وما خذوا راحتهم ينظرولهم نظرة ارهابيات حبيبتي انا اقولج هالكلام لان والله ابيج تستانسين وما تقيدين بعد

 

[BaiTotia]

بإيطاليا سواء منقبة و لا محجب ولا سفور

يطالعونج و يخزوووووووووونج خز قطيعة

وايد عانيت من هالسالفة

 

[فطيرة جبن]

مشكورين حبايبي وايد على ردودكم بديت اكون فكرة عن ايطاليا وانا الظاهر غلطت بالطباعة لان ما واجهتني اي مشكلة مع النقاب في لندن وماليزيا

 

[out of reach]

الله يهنيكم ويكافيكم كل شر

 

[فطيرة جبن]

ويكافيج حبيبتي مشكووووووووووووووووووووووووووووووووووووورة وايد

 

[manoola]

الصراحه اللي شفته انا في اوروبا العجب وعادي مالهم شغل اما التصرفات الفرديه هذي حتى بدولنا العربيه يعني الخز واللقافه بكل مكان انا شفت بطولات بالمانيا تقولي لي نقاب لوووووووووووووووووووووول وعادي مالهم شغل فيج يختي الاوربيين ناس ياحلاتهم وبعدين تعودوا اسبانيا ايام الثمانينات وهناك بطولاااات على كيف كيفج واذكر يقولون اليهال يمرون يمهم ويقولون بات مان لووووووووووول بس تعودوا خلاص

 

[اخت المزيون]

حبيبتي انا عشت بايطاليا (روما) سنة كامله وانا منقبة بالالوان (يعني لبسي كان مانتوهات وملافع ونقاب ملون )
وكانت جارتي الله يذكرها بالخير سعودية ملتزمة يعني كله اسود باسود ولاتشوفين الا عيونها وبالعكس الوضع عادي جدا" خصوصا"الفترة اللي عشتها هناك يعني سنتين كان فيه مشروع سعودي ايطالي مشترك وفيه حوالي 60 عائلة سعودية واغلبهم الله يجزاهم خير منقبات واحنا كنا العائلة الكويتية الوحيدة و كلنا ساكنين في مجمع سكني راقي فتعودوا الايطاليين على النقاب سواء بالالوان او الابيض والاسود (هههه) وبالنسبه لميلانو اللي يخزج هناك اخوانا وخواتنا الخليجيات اللي من النوع اللي يقط العباية اول مايطب اوروبا او الحضر وينظرولج باحتقار لانج فشلتيهم( حتى في ايطاليا وياج عباتج) هذا الموقف صار وياي وحده خليجيه عيني عينج قالتها بويهي (فشلتينا) وعلى فكرة ميلانو مافيها الا السوق وكلها ماركات عالمية ولا فيه اماكن لليهال...
وهذي حديقة فلتي

[/url][/IMG]

اتمنى اني فدتج

 

[فطيرة جبن]

ماشاء الله وايد حلوة فليتج ومشكورة على التشجيع وعلى الرد ومشكورين كلكم وماقصرتوا عشتوا

 

[غيـ الناس ـر]

لندن الحين مو مثل اول .. لندن صارت تخرع .. زوجي يقول ما تلقين محجبه هناك من كثر ما قامو يشددون عليهم حتى الفيزا يطلعونها بالحسره ..


ايطاليا خالتي كانت رايحه .. لا بد يكون فيه خز بس تقول عادي اهون من الالمان