المنقبات واللي يلبسون عبي شتلبسون بالسفر أو بالغربه؟

[Mrs Al-Nasser]

السَسلام عليكم :eh_s(22):

شلونكم؟:eh_s(17): ..
طرا على بالي هالسؤال

انآ صارلي تقريباً شهرين بأمريكا دراسة ويا ريلي ..
وطبعاً بالديره ألبس عباية جتف

أما مني ألبس جاكيتات وقمصان طويله
بس طبعاً قبل لا ألبس أي لبس لازم قبلها نتناقش عاللبس ستين مره
لا ظيج , قصير , لونه فاتح وووو وآيد أشيه :eh_s(10):

انتو يالمنقبات وياللي تلبسون عباية بالديره لي سافرتو اوروبا وهالأماكن البعيده , شتلبسون ؟


نزلت الموضوع مني لأني بسأل المتزوجاااات فقط :ggdw:
لأن اللي مو متزوجه تلبس اللي تبي :eh_s(4):

وسسَلامتكم :eh_s(22):
​

 

[توايلا]

اب اب

 

[~ بنت الهدى ~]

بعباتي و حجابي بالسعوديه و براااا
تعودت عليهم صعبه افصخهم !!!

موفقه

 

[ماني من الناس]

اممم انا ماحب اتنازل عن عباتي لو شنو ماحس روحي مرتاحه بدون عباه

وماقط رحت امريكا عشان اعرف هناك شنو نظرتهم تجاه هذي الامور
وااااب

 

[كليـ دلعـ]

نلبس بكيني!!!!

ش نلبس بالله!؟

نفس لبسنا بالكويت نلبس باورباا

والا الله بس يشوفنا اهنيه!؟

مايشوفنا اهناك!؟

والا الريايل بس اهني

باوربا كله حريم!!؟


مادري عاد

اذافيه ناس تتغطى اهنيه ع شان المعارف

وشكل فقط!!

مادري

اما اللي تتغطى لدينها ولمباادئها ولربها. اعتقد ماراح تغير اهناك

 

[LadY BuG 80]

في الصيف البس عباتي و في اشتاء بما انه ثلوج و البس جاكت لين اركبه يكون من تحته تنوره بس عاديه غير ملفته يا سوده او جينز غامق و بس​

 

[أعشقني]

بالطو طويل وحجاب او لثمه

 

[عذبة السجآيآ]

لبسي بالديرة نفسه يكون لبسي برا من نقاب وعبايه

يعني نقابي مستحيل انزله عشان دولة اوروبيه

ولو تلاحظين الغرب مااهتموا فينا يعني لبسهم بديرتهم نفس لبسهم اهنيه بكل شي

 

[حلا قطر]

نقابي وعباتي
ووجهة نظري نفس وجهة نظر اختي السنافيه 305

 

[Mrs Al-Nasser]

مشكورين كلكم
​

في الصيف البس عباتي و في اشتاء بما انه ثلوج و البس جاكت لين اركبه يكون من تحته تنوره بس عاديه غير ملفته يا سوده او جينز غامق و بس​

انا نفسج :rerrerek:
​

 

[الريم اللعوب]

من 6شهور رحت لندن بنفس عباتي الكتف والشيله واللثمه يعني بس عيوني وشوي من حواجبي لا ن انا مستحيل اخلي العباه ماارضاه لنفسي

 

[لولو كـاتي]

عباه ونقاب بس مو سودا الوان غامقه

 

[انا لحبيبي .]

مع احترامي الك ،،

المبدأ مبدأ وين ما يروح الانسان

 

[reemaar]

شوفي حبيبتي ..أنا عشت باوربا وامريكا سنين

مع اني منقبه بالكويت الا اني اذا سافرت البس جاكيت طويل وتحته بنطلون ... لان غالبا الجو بارد مطر طين فصعب اتحرك بالثوب او التنوره ( راح اضطر ارفعها) النقاب مالبسه مع مراعاة مااحط ميك اب ...الوان عادي البس حسب الموجود بالسوق ( بعد انا عايشه هناك اكيد باشتري من سوقهم) وصدقيني بره كلن في حالة ولا احد يطالع لاحد

بالتوفيق

 

[DaShTeYa_Q8]

انا اقولج شيسوون p:
اول ماينزلون من الطيارة تفصخ النقاب وتقطه
اول ماتدش الفندق تدش غرفتها تطلع منها لابسة بدلة
والبععععض يظل بعبايته

هذا الي دايما اشوفه لمه اسافر
مادري الي بره الديرة مو رياييل ولا بس بديرتهم اكو رياييل؟

 

[love u 4ever]

والله نفس سؤالي أنا بسافر قريبا لدولة اوربيه والبس عباة بس

مضطره اقط العباة .. ومحتاره شبلبس لأني مو متعوده !!

وحاسه بتكون مشكلة بيني وبين ريلي لوول نفس ماقلتي اللون طويل قصير ضيج !!

ناويه البس قمصان طويلة وجاكيت لي الركبه او اطول شوي .. والملافع الاقطان احس اريح !!

 

[امواج الكويت]

البس بدل وبنطلونات ويكون القميص طويل*

 

[مياسه الحساسه]

انا بعبايتي وطرحني ونقابي ..

 

[احساااااس انثى]

استغفر الله واتوب اليه ...
الله يهدي البنات الي ينزلون العباية وماتغطوون برى ليش الله موجود بديرتك بسس
ومو موجود بالخارج الله راح يحاسبك وعليك اثم يشفونك الرجال وين راح الخوف
من الله .....

 

[حمرة الورد]

رحت سياحه وغربه. طويله ونفس لبسي بالضبط لوس انجلوس بيفرلي هيلز وامريكا رحت اكثر الاماكن هولندا ولندن وووو بلبسي الحمدلله ماغيرت شي غير عبايه الراس خليتها علي الجتف ورديت رافعه راسي بديني واللي رباني وعلمني عليه أبوي الحمدلله