المنقبات واللي يلبسون عبي شتلبسون بالسفر أو بالغربه؟

[reemaar]

استغفر الله واتوب اليه ...
الله يهدي البنات الي ينزلون العباية وماتغطوون برى ليش الله موجود بديرتك بسس
ومو موجود بالخارج الله راح يحاسبك وعليك اثم يشفونك الرجال وين راح الخوف
من الله .....

في فرق بين اللي يلبسها وهو فاهم شنو الحكمه منها وفرق اللي بين ماخذها عادات وتقاليد لا اكثر ... خصوصا اللون الأسود اللي مافيه من الدين... عموما.. الغرض من الحجاب هو حمايه المرأه من المضايقات... لكن اللي في امريكا واوربا احيانا تتعرض للمضايقات بسبب هالنقاب ... وصارت حوادث ياكثر مثل السعودية اللي ويا زوجها تدرس وياها واحد وقط نقابها وسجنوه... عموما كشف الوجه مسألة خلافيه بين العلماء ... فلا تحسسوني انكم ملائكه بسبة لبسكم للنقاب بره...مابي أقلب موضوع صاحبة السؤال .. سبق وأفدتها
:bbbiu:

 

[الناعمه أنا]

لا اختي خلج ع العبايه الستر افضل ولاتصرين من الناس اللي بس ينافقون اما الستر والحشمه بالكويت وبره او الكشف بالكويت وبره حتى مانكون منافقين والله العبايه ماتشوه اعرف وحده لمن تسافر اروبا تلبس نفس لبس السوووريات البالطو الملون بس موديلات انعم واذرب والوان غامجة بدون لووويه مع حجاب ساتر والله شكلها روعه مرتب

 

[flawar]

عادي عباية ونقاب
ومرات مو اسود الوان بيج وجذي
اختي كانت بكندا اول الايام كانت تلبس عباية بس بدون نقاب لما شافت الوضع عادي رجعت لنقابها
بس الفرق شنو بالكويت عباية راس اما باروربا عباية كتف محتششمة بحكم الاجواء هناك وغيرة
وبسس

 

[حقوقيه زوغه]

انا بالديره البس بدلاات والبس عباة عشان ريلي يحب العباة وينقهر من شبابنا اللي ما يستحون ف درءا للمشاكل قمت البس عباة عشان اتفادى هالشي بس بالدول الاوروبيه البس اللي ابيه جينزات وكشخه علي كيفي بس يكون ساتر ومرتب مو ضيج

 

[توتا حمرا]

ذكرتيني بمرة كنت مسافرة تايلند
لما وصلنا المطار اجوف البنات مستخفين
حاملين عبيهم وشيلاتهم بيدهم ويتمشون !!

 

[كويتية بروما]

انا اقولج شيسوون p:
اول ماينزلون من الطيارة تفصخ النقاب وتقطه
اول ماتدش الفندق تدش غرفتها تطلع منها لابسة بدلة
والبععععض يظل بعبايته

هذا الي دايما اشوفه لمه اسافر
مادري الي بره الديرة مو رياييل ولا بس بديرتهم اكو رياييل؟

هههههههه وايد شفت من هالنوعيه ولااتتعمد ماتطير ع الخطوط الكويتيه عشان لاحد يعرفهم يختارون طيران ثاني عشان تضيع الصقله
والله اللي تقط نقابها مالومها لانه وايد يثير الشبهه بالنسبه للاجانب لانه شي غريب بالنسبه لهم وعلى مجتمعهم
احنا حجاب ومو خالصين منهم ومن نظراتهم
الله يثبتنا ع دينا يارب
لكن اللي تقط حجابها ولا تخلي الملفع مفتوح ونص الشعر بره شتقولين عنها ولاتقولون مافي واااااايد بنات يسووون هالشي وجدام رياييلهم صج صج استغرب منهم
انا بالنسبه لي لبسي بالكويت نفسه بايطاليا ما غيرته جاكيتات وقمصان طويله وبناطيل
بس مكياج اخف والوان غامجه وملافع بدون ستراس:eh_s(15):

 

[كربون امها]

ممكن تلبس جاكيت بس يكون طويل



كربون امها

 

[حمرة الورد]

صاجه اهم يستغربون لبسنا بس بكيفهم حتي اهم لما أيون عندنا لبسهم مايعجبنا وعادي

 

[زبده جلوه]

السالفه مو سالفه محد يطالع احد السالفه سالفة شرع ودين وعرف ومبدئ وقيم وخلاص لله رب العالمين

عن نفسي لا طلعت البس خيمار والله يوفقج

 

[ملامح سما]

عباتي ونقابي ما اخليهم لو اروح المريخ

وانا اوافق اختي السنافيه

\\

 

[HaYoOoMa]

اللي اببببي

بنلطون وبلايز وقمصان طوال وراهين مو ضيج

او ترنقات عادي اللي ابي بس مو مخصر وضيج ولا يلفت

 

[Laidy n3ooma]

بناطلين وقمصان طويله او بالطواااااات .. وكلشي مرتب ووسيع

والحجاب علي ..

 

[تحبني ولا ...]

انا اذا سافرت البسس بدل اقط العبااايه عادي وين المششكله وانا مو منقبه البس بنطلونات و جاكيتات طويله فوق الركبه

 

[كتكوته بطبعي]

مو انااللي استحي من ديني واستحي اللي امرنا فيه ربي عشان شقار الاجانب اشيل نقابي واطلع ويهي واشيل العباة "

اذا انحطيتوا بقبوركم ترا مايفيدكم غير العمل الصاااااااااااااااااااااااالح
ماهو فايدكم لابناطيل ولا فكة ويه

والدين واضح والحلال بين والحرام بين"

 

[قره عيني صلاتي]

لبسي في الكويت وبرا الكويت نفس الشي نقاب وعبايه

 

[ام زهقانه]

وي من زمان مارحت اروباىبس قبل 11 سنه تنوره ملفه بس الحين غبائه وملفع واقط التقائه بس وجهي ما فيه مكياج

 

[Mrs Al-Nasser]

مشكورين كلكم
اللي وافقوني الراي واللي لأ :rerrerek:

وبس توضيح انا ماقصدت أفصخ حجابي
لآ بس بحكم الجو والبرد والثلج مانقدر عباية
فنلبس لبس محتشم طويل و وسيع وغامج :rerrerek:
هذا اللي قصدته

وعلى حسب الظروف والوضع اللي احنا عايشينه
الله ما قال لازم عبااة
لا قال لباس محتشم وما يفصل الجسم وما يلفت :eh_s(15):
واحنا ما سوينا عكس هالشي الحمدلله

وبعدين وايد اشوف بنات سواء كويتيات او سعوديات او اي جنسيه ثانيه :eh_s(15):
بس يطبون الديره اللي رايحين لها اوروبا او هالاماكن
قطو كل شييييي :eh_s(1):
مو بس العباة والنقاب لا حتى الحجاب استغفر الله
ليش؟ لأنهم ماخذين هالشغله مو خوف من الله لأ , ماخذينها عادات وتقاليد فقط

ومشكورين كلكم حبايبي
​

 

[Mrs Al-Nasser]

والله نفس سؤالي أنا بسافر قريبا لدولة اوربيه والبس عباة بس

مضطره اقط العباة .. ومحتاره شبلبس لأني مو متعوده !!

وحاسه بتكون مشكلة بيني وبين ريلي لوول نفس ماقلتي اللون طويل قصير ضيج !!

ناويه البس قمصان طويلة وجاكيت لي الركبه او اطول شوي .. والملافع الاقطان احس اريح !!

لووول انا كنت نفس حالتج
بس الجو جداً مايسمح ثلج يزززززلق
بالعباة بتنقلبين على ويهج لووول

طبعاً بعد المناقشات وصلنا حق هالحل ان بالشتا بحكم الجو البس جاكيتات وقمصان لي الركبه ويكونون وساع و لونهم غامج


وتناقشي انتي ويا ريلج شوفي شنو توصلون له :eh_s(15):
​

 

[um khaled]

انا منقبه البس عبات راس

بالسفر ايا كانت الدوله البس عبي جتف حتى لو فيها موديل
البس شيله بو عرضين عشان تغطي جتفي
او البس العبايه بو كبوس
مو عشاني مسافره ولا تغيير بالمبدأ لكن عشان حركت تكون اريح
حتى هني اذا اذا معاي اليهال وادري بتلعوز البس عبايه الجتف
وحق الشاليه والبر والبحر واماكن فيها حركه وايد

وبس

 

[الزيـــــ^^ـــــن]

آنآ مومنقبه ،،،بس لما اسافر لبسي اهو اهو مايتغير عباه الجتف والملفع

بس والله قاعد اتضايق منهم خصوصا السفر كله مشي فاتعب من العباه

وخصوصا احنا عبينا طوووااااااااالبس زوجي ررافض فكره اقط العباه بالسفر

حتا لو بقطها اكيد بلبس بنطلون وجاكيت طويييل علشان اخذ راحتي بالمشي وطبعا يكون اللبس وسيييع وغامج

هذا رأيي