المنقبات واللي يلبسون عبي شتلبسون بالسفر أو بالغربه؟

[بدوية بملامح كشميرية 86]

عادي نفس لبسي الي البسه

عباية كتف
نقاب

 

[ثريا الكون]

اصلا بره مالهم شغل فيكم ان شاءالله لابسين ميني شورت من صجكم ناس متعوده على هل شئ مو مثلناا وبعدين الي تلبس نقاب خل تقول الحمدالله ان ما صار معاها شئ لان في ناس صار معاها بلاوي انا رايي الواحد يلبس لبس محترم سواء بلكويت ولا بره وخلاص ماله داعي الواحد يصير ملفوفه ههههه خوش تشبيه

 

[حبوبة الأطفال]

شوفي قلبو

الي تلبس العباية والنقاب لوجه الله

مااظن انها راح تقطهم وين ماكنت

واللحين اوروبا وامريكا تعودوا انهم يشوفون هاللبس

فلا تحط وحده حجه عليهم

ومشكووورة عالموضوع

 

[aaaa_11]

عباتي ما أفصخها برى ألا بحاله وحده لما يودوني لقبري أستبدلها بكفني اللهم ثبتني على دينك والمسلمين جميعآ

 

[كتكآت]

بلوزه طـويله وبنطـلون مع الحجاب طـبعآ
نصيحة مني لآتلبسين نقآب ولآ عبآيه
مو علشان شي
بس هناك شبهه راح تصيرين
وتعرضين نفسك لمواقف والخ
او على الاقل عبايه ملونه
الدين الحمدلله يسر

 

[om.googi]

حتى المتزوجات ( البعض ) يلبسون اللي يبونه

لأن الزوج بنظري ماله شغل بطريقة لبسها لأنها أخذها على ما اهي عليه فا تبقى نفس لبسها إلا اذا الزوجة رضت بأمر زوجها فا الله يعينها !!

مثلا ينقبها غصب أو عباية غصب فا تصير سالفة عناد والسالفة عبادة مو لبسي عشان أغار عليج والا انتي لبسج مو عاجبني ,,

مثل ما انا بالكويت نفس الشي بكل ديرة اللهم السعودية لازم عباية ( للعمرة يعني) .. ​

 

[المطوعة]

في لندن امي برقع و خالتي برقع
وانا عباية راس ونقاب
وفي ماليزيا نفس الشي
عباية راس ونقاب
وفي النمسا هم عباية راس ونقاب
والحمد لله ماعلينا من احد الي بيستغرب يستغرب اهم شي رضى ربي ثم زوجي

 

[am faisal]

اللى تقول عباية الراس بس بالمترو صعبة تسحبين بعباية الراس الهدف مو هاذا اهم شىء الاحتشام انا اشوف عبى محزحزة مبينة كل شى ولا تفهمونى غلط انا البس عباية بس بالسفر البس طويل وواسع ومحتشم نفس العباية الكتف بس الوان وحجاب بدون ماكياج وبعدين هناك لو تلبسين خيشة ما احد لة شغل

 

[الحللللوه]

عباتي ما أفصخها برى ألا بحاله وحده لما يودوني لقبري أستبدلها بكفني اللهم ثبتني على دينك والمسلمين جميعآ

 

[{هتًان}]

خلج على لبسج

وأحتسبي الأجر حبيبتي

 

[G!RLooNa]

بالنسبه للدول الاوروبيه .. ترى الدين يسر مو عسر ودرءا للمشاكل البس لبس ساتر مع حجابي
اللي يستحيل اني اقطه لأن اهني راح أأثم صج ..لكن تخيلوا نمشي بنقاب ماارح نلفت النظر ؟ ويمكن
بعد نتعرض لمشاكل ؟؟ في بنات يتفلسفون بصراحه .. وكلن يتكلم بنيته ..انا لمه لبستهم خوف من رب
العالمين .. ولي قطيتهم انجبر بحكم الوضع .. ياجماعه الغرض من لبسهم شنو ؟؟ ان المرأه ماتلفت نظر
اي رجل اجنبي عشان مايطمع فيها .. وهالدول مايطالعون لأحد وكلن بحاله والعكس صحيح لو لبستيه بتكونين
عرضتي نفسج لمشاكل ولا اقل شي نظرات منهم .. انا اقول لبعض العضوات المثاليه الزايده مو حلوه .. والافتاء

بعد ترا ماهو زين .. واشكرج صاحبة الموضوع .. وسوري حولت لج الموضوع لديني بس انحريت هههههههههه​

:rerrerek::rerrerek: نفس رايي

 

[وردة مكة]

انا لو افتح ويهي احس كأني كائن فضائي مسحيل اتخلى عن حجابي ولا غطوتي

 

[!! دلوعته !!]

اب الب

 

[سكوتي بذوقي]

بالسعوديه وبرا السعوديه

عبايه ونقاب مستحيل اكشف

هنا في رب وهناك مافيه رب عجبي بس

 

[ạ7ạśêś ~]

امممممممم يمكن الاني توني يديده على العبايه ونقاب <<< لبستهم بعد عرسي..؟
فـ اول سافره لي ما كان علي نقاب بس علي العبايه

 

[Mrs Al-Nasser]

منوورين بنات كل اللي ردو

انا من رايي اللبس المحتشم الطويل والواسع وماتكون الوانه فاقعه زينه حق هالاماكن
انا البس عبايه جتف بالكويت بس برا قميص طويل وبنطرون
​

 

[Dana.Qtr]

بالنسبة للوجه فكشفه حلال
اما ناحية لبس العبايه فانا لما سالت شيوخ الدين عن لبس البنطلون والقميص الطويل قالي لازم يكون بنفس وسع العبايه والبنطلون جيب كيلوت .. متخيلين الشكل ؟ يعني واسع بواسع مثل لبس الباكستانيات .. وقالوا لي ان المراه يجب ان تسبل اي تطول لبسها ورجولها ماتبين
انا صج اني عزوبيه بس هلي لهم قوانين علي يعني في اوروبا وكلمكان البس عبايتي وشيلتي وهني بالدوحه مرات اتغشى مرات لا والوالده الله يحفظها تلبس نقابها بقطر وبالخليج اما برا فماتلبس ..
ولاتقولون ويهين ومادري شنو .. اهم شي ماشين مع الشريعة الاسلاميه ومبادئها والمبدأ الستر وليس العادات والتقاليد والتعود ..
احترامي وودي لكم

 

[Dana.Qtr]

طوبى للغرباء .. بنات لا تفتون

 

[غلا الغوالي]

الحمدلله الحمدلله باالسسسسعوديه
وغيرها عباية راس
الله في كل مكان












​

 

[om-Jana]

اغلب الدول صارت متفهمه للبس الاسلامي
وبالعكس انا سافرت وايد شفت الي لابسه عباتها السوده ونقابها محد له شغل فيها

بس تدرون وين الملفت

الي لابسه بنطرون وقميص ولثمه ؟؟ اهني نظرات الاستغراب
غطت الويه وخلت السقان بالسكني عادي

يعني الي بتفتك بس تلفت زووووود يعني لبسها الاسود بيحترمونها بس ملون وقميص وبنطرون ولا عبايه ورديه ؟؟ والله شوف عيني ولثمه لازقه بالويه حتى الشفايف واظحه

انا احترم الي تحترم دينها في كل مكان

انا متحجبه ولله الحمد لكن مو منقبه ف لبسي نفسه بره وبحجاااابي ولبس ساتر يليق بالمتحجبات