المهر للرتوش !! ولا لاعادة التصنيع !!

[زبــــــــدة]

لوووووووووول حدددده

الحمدالله انا مهتمه بروووحي عدل قبل ...

ولما ملجت ماسويت شي بس شريتلي اغرااااض ...وتجهيز ملابس ومكياج ...


واشتركت بسبا عشان باكج العروس حق العرس ...وبس


وصح كلامج بالضببببببط وايد اشوف بنات لما ينخطبون او يملجون يسوون كل شي بسرعه بسرعه وتتوهق وتقول ماكو وقت

وحالتها حاله

الحمدالله مامريت بهالشي

 

[گنت أحبگ]

انا سويت ليزر بأعانتي وتبيض اسنان باعانتي اسويه بس


عمووما يعني اهوا مهرها وكيفها وزين منها تتعدل فيه

شافوها بالخطبه وراضين فيها جذي

 

[فوولي]

اب اب خوش موضوع


بس في بنات م يتذكرون الااذا ملجووووو

 

[مييريآ]

كل حد على حسب قدراته

يعني انا كنت اشتغل وسويت تجميل واسوي ليزر

والحمدلله ما احتاج اشياء ثانية

بس في بنات يحتاجون وايد اشياء ولو حالتهم زينه او تشتغل يمكن المعاش ما يكفي

وبعدين مهرها وهي حره فيه تسوي اللي تبيه

وما اشوف فيها شي حتى لو كانت حلوة انها تصير احلى واحلى عشان زوجها وحلالها

وشكرا على الموضوع

 

[غآب نورك ~]

يمكن اهي ما كان عندها الامكانيه ( المادية )

الناس بينهم فروق ماديـه

انتي تقدرين غيرج مايقدر .


فلما تستلم المهر تبتدي تشتغل على عمرها .

وفي ناس حالات موجوده ماتكون حاطه في بالها انها تزوج بهالسنه او بهالوقت
ووقت الصجيه تقول مافي وقت .


وفي الأخيرر هذا مهرها واهي حره فيه . واغلب البنات حتى لو ماكن فيهاا عيوب ادووووور انها تكون احلا واحلا ف عيون زوجهااا


يعني في بنات مايحتاجون ومع هذا يحبون الزين ويحبون يهتموون بشككل مو طبيعي

 

[عزوتي خمس صقور]

صاجه بس ترا حرام مو كل الناس تقدر في ناس معندها في ناس
اهلها حكره مايرضون كل شي لتزوجتي بصبغ لتزوجتي بسوي
ليزر لتزوجتي في ناس اهلهم عاهات الله لايبلانا بس المفروض
البنت تحاول تبدا تهتم بروحها قبل لاتنخطب واول ماتبدا تضهر
لها مشاكل زي حب الشباب وكدا وتنظيف الاسنان

 

[Shinexo]

خلوآ آلليزر ع جنب و آلتقويم

زين في بنآت مآيعرفون يشلون بشيره من نفسهم :\ آلشيره بجم

في بنآت مآيعرفون يسون خلطآت آلبيت

سكرآب آلبيت

آشيآء تلقينهم من آلجمعيه

آشيآء من قلب عآديه محد مآيقدر عليهآ .. !

في بنآت آجسآمهم مآيعرفون آلكريمآت ولآ آللوشنز

في بنآت مآيعرفون يهتمون بشكلهم , مب مرتبين

في بنآت شعرهم ميييييت مآينحط فيه زيت ولآ خلطآت

في بنآت يديهم خشنه مآيحطون كريم

في بنآت عليهم سمآر مب طبيعي

^

هذي كله علآجه آشيآ مآتتعدى 40 دينآر

حق آللي مب قآدره تسوي تقويم و ليزر زين عدلي آلآشيآء آلبآقيه .. ترى هي كلهآ نصيحه لآن آصلآ يبيله وقت لين مآ آلنتيجه تطلع و عشآن آلوقت يسآعدج في آن تجهزين آشيآء آهم ..

 

[امثال المحمد]

بصراحه في بنات مايعرفون وش يهتمون فيه بالضبط يعني محتاجين احد يفطنهم ومن تملك تجيها امها اهتمي تنظفي تجيها خالتها سوي كذا حطي كذا ويجون صديقاتها روحي المكان الفلاني سوي ليزر عدلي اسنانك سوي زوم وخواتها اضعفي وراك عررس عقققب كل هذا ينفجر راسها وتصحى على عمرها والله بنات كثير مايدرون من وين يبدون
اما انا الحمدلله سويت اسناني وليزر بدون مهري ومهتمه من زمان
ومثل ماقالوا البنات ترا كل شي يبيله ماده ومو الكل عندهم هالماده

 

[قلبها خالد]

بالنسبه لي الحمد الله مهتمه من زماااان ...

لكن مافيه بنت مهمله ... فيه ظروف اقوا منهاا تجبرهاا لين تنخطب وتنتظر المهر ... ظروف ماديه ...اجتماعيه..عادات وتقاليد

وماتبدا تهتم الا لما تنخطب ....وسبحاان الله تطلع مثل القمر ليله عرسهاا

وحراام نظلم بنااات النااس ونقول عنهم مهملين مو منهم من ظرووفهم ....

الله يعطيج العافيه .....

 

[قلبها خالد]

وعلى نياتكم ترزقون

،

صاحبة الموضوع ..
اذاانتي مقتدره غيرج مو مقتدر
اذا انتي لج مصروف يساعدج تحورفين بعمرج غيرج ماعنده
اذا عندج اعانه غيرج ماعندهم او ماتكفي الا حق الاشياء المهمه
اذا انتي موظفه غيرج طالبات وعاطلات

حَتْىّ بعض الموظفات مانشره عليهم لو مااهتموا
يمكن عندهم التزامات اهل تصرف عليهم
الناس اسرار مايصير نطالعهم هذي تهتم هذي ماتهتم
هذي بتسوي صيانه بمهرها
هذي مااهتمت الا عقب ماتزوجت

لازم نفكر في الموضوع من جميع جوانبه
ومانحكم عليه من منظورنا الخاص
ونتخيل كل الناس نفس وضعنا المادي او النفسي

وتأكدي كل بنـْْ♡ـْْت وكل انثى تحب وتتمنى
تكون بأجمل صوره ، لكن مثل ماقلت البعض عندهم عائق مادي
والبعض يمكن عائق نفسي واسري فتهمل نفسها

عموماً يعطيج العافيه ع الموضوع

هذاااااا الكـــــــــــلام الصــــــج ...~ ربي يسعدج يامناال اهنيج على عقليتك الكبيره ماشاء الله

 

[دانة_ دبي]

انا الحمد الله قبل لا اتزوج مسوية فللللللل ليزر
و مخلصة الصيانة و كل شي خخخخخخخخخ

بس اللي كان باقي : ياخذني ولد الحلال للتأمين عشان يكمل اجراءات تأمين السيارة هههههههههههههه
لا والله جد مخلصة كل اموري

 

[Mrs.H]

شوفي انا كل شي مسويته من قبل لا انخطب.. لكن لان اهلي يشجعون

في بنات اهاليهم كلش مايرضون تقول بروح اعالج بشرتي يقولون ماله داعي توج صغيرة لما تكبرين تروح.. تقول ابي ليزر يقولولها شحقه وليش خاصة ان الليزر يكلف.. تقول بسوي اسناني يقولولها ماكو مافيهم شي بس فرشيهم بمعجون زين ويصيرون احسن منهم ماكو.. تبي تسوي كيراتين لااا مايصير يقطع شعرج.. بتروح تعالج التهاباتها يشكون باخلاقها ويزفونها وشعرفج ومايصير

وكل طلب تبينه يقولولها لاتزوجتي

فحرام لاتلومينهم.. اهما مو توهم يستوعبون اهما توهم يعطونهم الصلاحيات والفلوس.. انتي ماتدرين شنو ظروفهم

 

[bride2011]

وش المشكله لاتعدلت من المهر احسن من الي تاخذ المهر وتخشه وتدخل شلحه ملحه على الريال

 

[ام شوق العنزي]

خلوآ آلليزر ع جنب و آلتقويم

زين في بنآت مآيعرفون يشلون بشيره من نفسهم :\ آلشيره بجم

في بنآت مآيعرفون يسون خلطآت آلبيت​

سكرآب آلبيت​

آشيآء تلقينهم من آلجمعيه​

آشيآء من قلب عآديه محد مآيقدر عليهآ .. !​

في بنآت آجسآمهم مآيعرفون آلكريمآت ولآ آللوشنز​

في بنآت مآيعرفون يهتمون بشكلهم , مب مرتبين​

في بنآت شعرهم ميييييت مآينحط فيه زيت ولآ خلطآت​

في بنآت يديهم خشنه مآيحطون كريم​

في بنآت عليهم سمآر مب طبيعي​

^​

هذي كله علآجه آشيآ مآتتعدى 40 دينآر​

حق آللي مب قآدره تسوي تقويم و ليزر زين عدلي آلآشيآء آلبآقيه .. ترى هي كلهآ نصيحه لآن آصلآ يبيله وقت لين مآ آلنتيجه

تطلع و عشآن آلوقت يسآعدج في آن تجهزين آشيآء آهم ..​

صح كـلامك ياقلبي

واشكر صاحبة الموضوع :eh_s(21):
موضوع مهم لكل بنت
وكل كلامهاا صحيح لافض فوها
الوحده تهتم لنفسها قبل كل شئ
بس على حسب ضروفهم البنوتات
واهلها اذا كان مساعدين او لا
يعني كل وحده وضروفهاا ياقلبي​

ربي يسسعدك
ويجزاك بالجنه يالغاليه​

~​

​

 

[بنت الكويت90]

ههههههههههههههههههه






اي والله يا اختج توني استوعب لان حسيت صاارت الصجيه ان شاءالله



بس انا يبيلي كيراتين وووتبيض اسناااان