ماشاء الله عليها وصاجه بخصوص اللي كتبتيه بموضوع ثاني عن منار ؟؟
هاذي البنت اللي تشرفنا وتشرف الكويت وترفع اسم الكويت فوق وتمثل البنت الكويتيه المثقفه المتعلمة المحترمه.؟!
غير احترامها وذرابتها ولباقتها؟! هالبنت تخليج تحترمينها لإنها شرفتنا بإنجازاتها العلميه وثقافتها؟!
مو حليمه تقول رفعت راس الكويت بشنو؟ برقصج واستعراضج ولا بمصاختج ولا انج خليتي الناس يعتقدون ان بنات الكويت على شاكلتج؟!
يبطون الجبد الناس اللي فاهمين غلط شلون يرفعون راس الكويت برا خاصة اللي بالوسط الفني عبالها ليمثلت ولا رقصت ولا غنت زادت شي برصيد الكويت؟؟! خاصة ستار اكاديمي اتذكر من اول جم موسم كان يقولون احنا نرفع راس الكويت ويبجون .. حدهم فاهمين الدنيا غلط
وللأسف مشجعينهم اهم اللي يعطونهم الدافع.. نرفع اسم الكويت مثل منار بإنجازات مفيده تفيد الناس او اختراعات ؟؟!
تخلي الناس يتكلمون عنا ويكرمونا اقصد الدول الأجنبية ؟؟! منار مرة كرموها بجائزة خذتها عالعالم بس مادري شنو نسيت اسم الجائزة
المهم خلت الناس يلتفتون لها ويكرمونها ويسألون شنو جنسيتها ؟!
أما حليمه إذا تلاحظون محد يكرمها غير دعيج لووول
