المواجيب

[sara3]

صباح الورد كويتيات :fun:

الموضوع باين من عنوانة عن المواجيب

الظاهرة الاجتماعية اللى محنا عارفين نتخلص منها.المبلغ من منو منك من زوجك اذا كان الطرف المقدم لة فى نطاق الاسرة اختة اخوة اختك بنت عمك

طبعا دوامك وصديقاتك مالة شغل
امثلة مطروحة
عيد ميلاد

نزلة بيت جديد

استقبال وولادة

زواج

زيارة مريض


نجاح

ماهو مقدار المبلغ الحين بتقولون حسب معزة الشخص علاقتك فية

انا ابى اللمت جم

الحين السؤال يقول هل فى امل ان نتخلص من هذا الشى كونة مسبب ارهاق جايد لنا وعافس الميزانية فوق حدر,خاصة اذا اكثر من مناسبة فى الشهر

واذا مجبورين فيها هل خصصتى انتى وزوجك مبلغ من الراتب للمواجيب ؟

الحين المايك متروك لكم وهل هل بالردووووود وياريت نلقى حلول حق هذى الظاهرة :friends:

 

[شموع الفرح]

هالظاهره ما راح نتخلص منها إلا لما ننعزل عن العالم ونقعد بالبيت وما نشارك الناس أفراحهم وتجمعاتهم
انا مو متزوجه بس انا وخواتي تقط قطيه وهي مبلغ 10د.ك مع حريم خواني ويطلع مبلغ محرز وبس

 

[ام دودو المزيونه]

حبيبتي انا عن نفسي لأهل زوجي مواجيب كله مني حتي اهلي

 

[أوركيدا]

والله المواجيب مشكله حتى لو تبين تقطعينها وتقولين(نعتذر عن قبول المواجيب) هههههههههههههه

تنحرجين تروحين مكان مثل وحده والد ولاتعطينها فشله @ اول كانت المواجيب بسيطه عشره عشرين
الحين فشله امدها من ثلاثين وطالع على حسب المعزه والله يخلى المعاش ماعاد يلحق على شىء

 

[بنت باباتي]

والله انا قمت اردها للي مدوها لي واللي مابيني وبينهم شي حتى القراب ما قمت اعطي خلااااص ماله داعي اذا في مناسبه باركي وبس

 

[nadooya]

صاجه بنت باباتي تروح الدنيا وترد ولا حد عبرج حتى ببطل فيمتو مع انج رازه ويهج عند كل الناس وكل مواجيبها تسوينها ولاده - زواج - مرض الله يكافيكم الشر ......... الخ وانتي محد داري عنج .
عاد اللي يوجبج وجبيه واللي ما يذكرج بشي كلمه حلوه وسلامتكم وتعيشون .
ساعات وحده مو متزوجه مدرسه مثلا وأعرفهم شصيا مسكينه كل المناسبات تقط قطيه وتشتري هدايا واهي علبو مو متزوجه محد يذكرها بشي بالله البنت ما تزوجت شلون ذكروها بالمناسبات ردولها اللي سوته ماكو الناس صاروا يا زواج يا محد يجيبلج شي بعد حتى الزواج الناس قامت تشيل ايدها .

 

[dalal]

السلام عليكم ......:klhfl:

اول شي بنظري انه المواجيب ماتخلص طول ما احنا عايشين والحمدالله على النعمه انه ليلحين نوصل ونوجب هاذا شي طيب..

وصج انه الواحد احيانا مايلحق ومثلا تكون عنده مواجيب بنفس الوقت .. بس هاذا مايعني انه نكلف نفسنا فوق طاقتها

يعني مافيها شي الشهر الي قادره والله فيه وماعندي التزامات اكون راهيه بالهديه مثلا .. والموقت الي حسيت روحي

منزنأه هم اعطي على الي عندي مافيها مشكله او فشله ! لاني أوأمن بمثل: "مــد ريولك على قد لحافك"

وترى الهديه والله مو بقيمتها.. في بعض الناس الله يداها علبالها كل مايابت شي غالي حيل كل ما كانت اهي الاحسن !

وماشوف هالشي صح ابداا... كافي انها ذكرتج ويزاها الله الف خير تعنج وعطتج شي....

واتبعوا هالطريقه بترتاحون ... استقطعي من معاشج مبلغ بسيط كل شهر وخليه حق هالشغلات... وان نقص زيديه ...

وسلامتكم

 

[م فطومه]

خوش موضوع عموما انا روحاتي عزيزة لاهل زوجي يعني مو اي احد اروحلة بنات خالاته ولا عماته ولا الجناين ليششش رازة الوية لا اوجب الى يوجبني بسسسسسسسسسسسسسسسسسسسسسسسسسسسسسسسس وماحب مبدأ اصير احسن من الناس( مبدأ امي ) ههههههه
حتى لعروس ملوتهم او الى يصيرولنا مو اي عرس اروح ولما اشوفهم احس انهم صج فاقديني فاتعذر باي شي الصراحة بيني وبينكم اهله كلهم بنات وبنفس الاعمار تقريبا ومايطوف الشهر ولا الشهرين الا في ملجة ولاعرس وانا ماحب اروح باي بدلة اول ايام زواجي اروح اما الحين تمردت بعد 9 سنين زواج وهالفلسين اونس عيالي فيهم


عفية لاتقولون جعصة

 

[q8ya in u.s]

موضوع حلو ماشاء الله
قبل كنت اخب عمري واودي اغلى الهدايا وماشوف يردون لي هدايا بنفس المستوى (طبعا البعض موالكل)
قلت حق أمي أشفيهم الناس صايرين جذي قالتلي في ناس ودهم يعطونج احسن من الي عطيتيهم بس ظروفهم الماديه ماتسمح
كلامها صح والله
من يومها ماأودي اشياء وايد غاليه واخب عمري.. علشان ما احرج احد اولا وما اكلف نفسي وزوجي.. الفلوس هذي احنا واعيالنا اولا فيها
وسلامتكم

 

[sara3]

الموضوع بدا يسخن والردوود ما كو احلى منها والتجاوب مع الموضوع ما شاء اللة واضح

نبى بعد مشاركات وياريت اللى عندها حلول:fun:

 

[sara3]

هالظاهره ما راح نتخلص منها إلا لما ننعزل عن العالم ونقعد بالبيت وما نشارك الناس أفراحهم وتجمعاتهم
انا مو متزوجه بس انا وخواتي تقط قطيه وهي مبلغ 10د.ك مع حريم خواني ويطلع مبلغ محرز وبس

هلا حبيبتى شموع الفرح حلوة فكرة القطية ها ها بس ياريت نلقى حل للظاهرة

 

[sara3]

حبيبتي انا عن نفسي لأهل زوجي مواجيب كله مني حتي اهلي

اللة يعينك حبيبتى

 

[sara3]

والله المواجيب مشكله حتى لو تبين تقطعينها وتقولين(نعتذر عن قبول المواجيب) هههههههههههههه

تنحرجين تروحين مكان مثل وحده والد ولاتعطينها فشله @ اول كانت المواجيب بسيطه عشره عشرين
الحين فشله امدها من ثلاثين وطالع على حسب المعزه والله يخلى المعاش ماعاد يلحق على شىء

صاجة اوركيدا بس شنو الحل

 

[sara3]

والله انا قمت اردها للي مدوها لي واللي مابيني وبينهم شي حتى القراب ما قمت اعطي خلااااص ماله داعي اذا في مناسبه باركي وبس

:eh_s(9)::eh_s(9)::eh_s(9):

برافو عليك فى البداية راح يتضايقون اللى حواليك وبعدين يتعودون

 

[sara3]

صاجه بنت باباتي تروح الدنيا وترد ولا حد عبرج حتى ببطل فيمتو مع انج رازه ويهج عند كل الناس وكل مواجيبها تسوينها ولاده - زواج - مرض الله يكافيكم الشر ......... الخ وانتي محد داري عنج .
عاد اللي يوجبج وجبيه واللي ما يذكرج بشي كلمه حلوه وسلامتكم وتعيشون .
ساعات وحده مو متزوجه مدرسه مثلا وأعرفهم شصيا مسكينه كل المناسبات تقط قطيه وتشتري هدايا واهي علبو مو متزوجه محد يذكرها بشي بالله البنت ما تزوجت شلون ذكروها بالمناسبات ردولها اللي سوته ماكو الناس صاروا يا زواج يا محد يجيبلج شي بعد حتى الزواج الناس قامت تشيل ايدها .

تو ماج ناس ما تستحى يخلقون لها مناسبة اشدعوة,بس نبى حل باتع للظاهرة

 

[bnt_kwt]

واي هالظاهره المرهقه جدا

لا خصصت ميزانيه ولا شي وحدي متأزمه منها واتمنى انها تزول

الله كريم

 

[ليمونه حامضه]

شنوهالظاهره اللي عندكم ياكويتيات ممكن تفهمونا وتشرحون لنا لأن شكلها موموجوده عندنا بدبي

 

[مشتاقة لأمي]

"تهادوا تحابوا" ،ومو شرط فوق قدرتك لأن اللي بتوجبينها لازم تردها واحسن.

صديقتي تقول خواتي بنات عمي وحريم عيالنا جيش فاتفقنا نقطع التوجيبه الوحده بيروح الراتب وهي النص ما عطتهم.
تقول عارفين قدرنا عند بعض ولا إذا مسويه الحلو والفطاير بالبيت احب لهم دليل انك بتتعبين عشانها (ما شاء الله عليهم).

صراحه بس الحلو إذا بتدشين يكون في حدود 10 وانت طالع وهديه 30 وانت طالع بعد .<<<<يعني اخر الشهر يدك على خدك.

الظاهره هذي مو عندنا حتى الغرب لكن بحدود .

الحل برايي اعلني مقاطعتك للمواجيب العينيه يعني في اي جمعه ناقشي ثم صرحي وراح تمر مرور الكرام ويتقبلها الجميع.
ومن توجبك اي وحده وخصوصاً بفلوس ارفضي وقولي جيتك احلى هديه والفلوس والله ماتجي، بس لو هديه الله يعين اقبليها.

أنا قطعت توجيب بعض الناس واكتفيت بصحن حلو ومالح.(لأني عارفه وضعهم مابي يضغطون على عمرهم لو صار عندي شي).

وحده تبي تسكن بيتها راحت قريبتها كتبت الأغراض اللي نا قصتها مثل اوتي طقم صواني تيفال طقم بيالات ،ملاعق.......اشياء صغيره اسعارها من 5 دنانير إلى 50 دينار.
وبعدين مررتها على قرايبهم اللي بيهدون لها وقالت الكل بيجيب مطاطير او طقم جدور.
فكل وحده اختارت القطعه اللي بتجيبها وتكون صاحبة البيت محتاجتها فعلاً<<<<طبعاً مو بالكويت هالحركه بس اعجبيتني شاركت فيها وارتحت من هم شنو باشتري لها.

 

[صباح الخيرفي كل الأوقات]

الصراحه انا كنت ما اطوف مناسبه الا واوجب فيها ...استحي حيل بس بعدين شفت الاكثريه يكشتون ويعتذرون بضروفهم الماديه مع ان ماشاء الله ما عليهم قاصر:0bee2e8d89: ...والثانين يكشتون موليه حتى ولا يعبرونك بكلمه مع انهم من اقرب الناس لي:0bee2e8d89: >>>وحده منقهره حيل<<<<<.....فعلشان شذي امتنعت عن هالشغلات .....
مبرووووووك وكافي ووايد بعد مصيرهم يزعلون ويرضووووووووووون بعدين جحا اولى بلحم ثوره خخخخخخخخخ

 

[prestige]

متابعه بصممممممممممممت