المواساة ولا رويال حياة

[fatma]

رويال حياة حبيبتي كلشي فيهم 100% وايد ارتحت اهناك وانصحج فيه وكمامهم حلو وسستراتهم روعه ودكاترة الطوارئ ايننون وخاصة اللبنانية

 

[cuta_saroona]

حبيبتي انا بقولج من واقع تجربتي برويال حيات
انا قبل 3 اشهر ولدت برويال حياه وهذا اول مولود لي والحمدالله
حياتي والله انه احلى واروع من عنايتهم واهتمامهم ماكو
والله العظيم روعه شوي عليه
من خدمه ويهتمون فيج 24 ساعه
حتى الحمام وانتي بكرامه تدس معاج وتلبسج وتغسلج وتنظق خياطج بالكريمات وكل شي اهتمام مو طبيعي
الستاف مالهم يهبلون ماتووقعتهم جذي خدمه ورعايه 24 ساعه
ولاتشوفين ريوقهم ولا غداهم ولا عشاهم والله فندق 5 نجوم مو جذي
تخيلي الكل الكل اللي يولي وزاروني المستشفى استخفوا عليه يقولون احنا داشين فندق ولا مستشفى ههههه
وشافوا اشلون كل شوي السسترات اييولي ويهتمون فيني ويسالوني تبين شي
يعيشونج جنج ملكه مايقصرون عليج بولا شي
هذا غير الغرف اللي كل وحده احلى من الثانيه من الصغيره ليه العووده
جم مره اروح رويال قبل ما اولد اجيك عالغرف والله مره صادفت بنات الصباح
ومره الشيخه رشا الصباح مناك
ومره سعاد الحميضي
يعني الشخصيات الكبيره هاذي مو معقوله تروح مستشفى اي كلام ولا عليه قاصر صح ولا لا ؟؟
لا تسمعين اللي يقولولج رويال بس شكل لا حياتي والله روعه واسالي مجرب ولا تسالين طبيب على قولتهم
انا جربت وخلاص انشالله كل مره بروح اولد هناك
اتمنى اكون افدتج ياقلبي

 

[رواسي الشوق]

المواساة يلووووووووووووووووع الجبد عن تجربه
رويال شكل عالفاضي
تبين العنايه صج صج صج السلااااااام وبس

 

[جوهرة الليل]

*******الدكاترة بالمواساة أحسن و أغلبهم خبرة عالمية بس رويال حياة اكشخ و يشبه فندق درجة أولى***********
*************************************************************
************************************************************

 

[العصفورة]

المواساة صج رعاية واهتمام ونظافه انا ولدت عندهم بس ترى كمامهم خفيف يعني الي تفكر تاخذ ابرة ظهر تروح هناك لان كمامهم انا جربته وووووووعذبني يعني عشت كل ثانيه بولادتي بس بين الدعايات انام ههههههههه وكل الم حسيت فيه واللتساهيل من رب العاليمين

 

[cuta_saroona]

رواسي الشوق اشلون حكمتي رويال شكل عالفاضي ؟؟
انا اقولج ولدت فيه بجري قبل 3 اشهر
احلى منه ماكو
عنايه واهتمام ورعايه يهبلون والله يخلونج مثل الملكه
وكمامهم يهبل والستاف مال الولاده يهبل اخلاق ورعايه وخبره بعد
الللي مو مجرب بنفسه لا يفتي على كيفه

 

[رواسي الشوق]

رواسي الشوق اشلون حكمتي رويال شكل عالفاضي ؟؟
انا اقولج ولدت فيه بجري قبل 3 اشهر
احلى منه ماكو
عنايه واهتمام ورعايه يهبلون والله يخلونج مثل الملكه
وكمامهم يهبل والستاف مال الولاده يهبل اخلاق ورعايه وخبره بعد
الللي مو مجرب بنفسه لا يفتي على كيفه

اولا انا ما افتي على كيفي وما اسمحلج تكلميني بهالاسلوب بصراحه وعيييييب عليج .. ثانيا نص بنات العايله والدين فيه ومجربينه ولا وحده منهم امدحته لي .. وكلللللللهم ذموه واغلبهم ولدو قيصريه .. ثالثا يمكن انتي حظج يكسر الصخر عشان جذيه تسنعوو لج والناس حظوظ :eh_s(6):​

 

[تاجرة كويتية]

--------

 

[تختوخه22]

سلام يالغاليه

انا ولدت مرتين عند دكتورتي الحبيبه امل عبدالعزيز

خوش مستشفي من الخدما وكل مارتفعتي بالطابق تدللتي اكثر

والعنايه عجيييييييييييييييييييييييبه انا حسيت نفسي اميره وماتحسفت بلي دفعته

 

[عايشه بعز زوجها]

الصراحه المواساه خبره ويعرفون شغلهم

رويال يقولون مايعرفون حق البيبي من الناحيه الطبيه

 

[um khaled]

انا مجربه المواساه روعه ووايد اسمع من حريم والدين برويال يقولون روعه بعد ..
ونا نفسك محتاره بين المواساه ورويال حياه

 

[مو عايشة بالدنيا]

رويال حياة لا يعلى عليه

 

[cuta_saroona]

اولا ياقلبي اسلوبي مافيه شي اوكي ؟؟ متعلمه السنع والحمدالله
ثانيا اهلي بنات خالتي كلهم ولدوا هناك ولا وحده

 

[cuta_saroona]

اولا ياقلبي اسلوبي مافيه شي اوكي ؟؟ متعلمه السنع والحمدالله
ثانيا اهلي بنات خالتي كلهم ولدوا هناك ولا وحده ذمت المستشفى
اول مابطلوه كان الستاف مو شي
لكن الحين وايد تسنع وصاير روعه
انتي سمعتي من ناس لكنن انا جربته لا حظ ولا شي مثل ماقلتي هذا الواقع اوكي ؟؟
رويال وبس والباجي خس

 

[Marymary]

ايوا صارت صارت بين سارونة و رواسي لووووووووووول
يالله لاتتهاوشون عيب عليكم

شوفي حبيبتي صاحبة الموضوع انا الصراحة وايد مدحولي مواساة و انا وحدة اراجع عندهم
بالنسبة حق رويالللل وايد وايد ذمولي اياه بالبدايية على قولة ارفيجتي سستراتهم ما يعرفون يغزون االابره وتوهقت وايد بالعملية لانها كانت عسرة وسستراتهم على قولتها ما يعرفون شي غزوها ابره بالغلط الي تفخت ايدها
بس الحين قالولي ان الستاف تغير وايد وصار وايد احسن "
و انا عن نفسي صج اني ناوية اولد بالمواساة بس شفت رويال حياة جنه فندق واو حلو بس وايد انصحوني قالولي اذا تبين تولدين فيه ييبيلج دكتورة من برا لان دكاترتهم ميح

والله العالم "

 

[هدولى]

أنا ماصار لى 6 اشهر والده بالمواساه والله لوعه مع انى كنت والده قبل عندهم كان مافى احسن منها بس الحين ولا شى السسترات تغيرو كلهم تقريبا والمعامله ماعجبتنى والله تحسفت ماولدت برويال حياه انا قاطه قاطه والله يسهل عليج

 

[cuta_saroona]

حياتي انصحج برويال
الستاف كله غيروه ويابوا خبره وروعه رعايتهم والله
خبره خبره صج
والحمدالله اهلي كلهم جربوا رويال والكل يمدحه وصج تغير وايد
فخم ورعايه واهتمام وغرف روعه ويعاملونج جنج ملكه غير الاكل اللي احلى من الحلو
يعطيكم العافيه

 

[تاجرة كويتية]

حبيت اسالج حلو المواساة او لا وجم كلفتج الولاده وجزاج الله خير ومنو ولدج اي دكتور

حياتي روحي وانتي مغمضه .. اكييد حلو المواساه ما يبيله كلام
انا والده فييه 3 مرات يعني انا خبرة فيييه وباقتناع تاااام
وانتي اذا تبين تحكمين على اي مستشفى ما تحكمين من ولاده وحده لان ممكن يكون حظج زين في هالولاده وتلاقينهم بالاساس يكونون ولا شي او مو ذاك الزود والعكس صحيح

اما انا ولدت 3 مرات ومرتاحه منهم من خبرة درجه اولى بدون منازع و نظافه واهتمام ورعاية لج وللبيبي والسسترات يهباون
وما يخلون معاج قاصر اي شي تبين بس اشري بصبعج .. يخلونج اميرة ويييلز
وحتى السستر بعد الولاده تغسلج وتدلعج وتلبسج .. علشان الوحده بعد الولاده تكون تعبانه
واذا ما تبينها تدخل معاج الحمام .. قوليلها طلعي برة هههههههههههههههه
واسعار الغرف بصراحه غالية
اغلى من رويال حياه

الغرفه العادية 550
وال في اي بي 700 وشي
والنيو في اي بي 1000 وشي
والجناح الملكي ب 1500 واكو ب 2000 وشي و اكو 2700
طبعا بدون سعر الادوية

بس والله نصيحه قطي فلوس زياده وروحي المواساه ولا تتحسفين انا خبرة فيهم
وان شاء الله بولد فييه هالمرة وما ابي أغامر بأي مستشفى
انا رحت هالمرة كل المستشفيات وشفتهم وسألت عن مستشفى مستشفى
وبالنهاية ما ارتحت الا حق المواساه لاني مو مقتنعه الا فيييه
السلام خو ما احبة من الله .. ليش ما ادري .. والراشد احسه بوطقه ومش حالك .. ولندن ما ارتحتله
ورويال حياه رفيجاتي ومعارفي خوفوني منه وذموه اكثر من وحده وخصووصا رعايتهم الطبية للياهل وهالكلام من وحده مجربة من معارفي يعني مو كلام من عندي
بس هم فيه ناس تمدحه بس انا شخصيا اللي ذموه لي اكثر من اللي امدحووه لي من اللي والدين فييه

وانا ولدتني الدكتوورة شادية مرتين ممتازة درجه اولى بس اهي مو بالمواساه الحين اهي فتحت عياده بروحها
بس تقدرين تطلبينها وتييلج برسم الخدمه بس اعتقد 100 او 150 دينار زياده اذا الدكتورة من برة المستشفى
كل شي بحسااابه ههههههههههههه

والله يسهل الولاده علي ان شاء الله .. ترى التساهيل من رب العالمين اولا واخيرا حبيباتي
وانشاء الله اكون فدتج يا حياتي

​

 

[Aro0ora]

cute sarona
عند منو ولدتي برويال حياة من نفس المستشفى والا من برة؟؟؟؟؟؟

 

[cuta_saroona]

حبايبي يالي استفسار عالخاص عن رويال حيات والغرف اللي فيه
حبايبي المستشفى مافيه نقاش مافيه روح وتعال المستشفى فخم فخم لدرجه ماتتصورونها
انا اخوي لمن زارني هناك والله مستغرب يقول هذا فندق ولا مستشفى
والكل شاف الاهتمام والرعايه اللي فيه
كل شوي خلال كل ربع ساعه تييلج وحده تهتم فيج وتوديج وانتو بكرامه الحمام وتلبسج وتساعدج
ونظافه وخبره اهم شي خبره
اول مابطلوه قولوا صح ماكان الستاف قوي
لكن غيروا الحمدالله الستاف كله ويابوا ناس خبره بالولاده والرعايه وللبيبي وكل شي
مو بس انا ولدت مناك
وايد بنات من اهلي من بنات خالتي وبنات عماتي واللي يصيرون حق امي كلهم جربوه والحمدالله كل وحده تمدح فيه لا شافت الشين ولا شي
وانا ما اتكلم عن تجربه وحده انا اتكلم عن عده تجارب
المستشفى رعايه واهتمام ونظافه وفخامه وكل شي فيه كامل والكمال لله سبحانه
انا انصحج فيه حياتي والله روعه
وكمامهم ماكو منه يهبببل
تخيلي عندهم كمام على فراوله وفانيلا ومادري شنو تخيلي
وكمامهم قوي وريحج
يعني الحمدالله وايد وايد استانست من رويال روعه شوي عليه
وانشالله كل ولاداتي راح تكون هناك وراح اختار الجناح الافخم طبعا