المواعين الزايده

[لمعه]

شلونكم بنات؟
شتسون بالمواعين القديمه او اللي راحت موضتها خاصه لمحبات التغيير ؟

 

[أغلى حبيبه]

عني انا اخليهم حق البر

ولا اوديهم بيت ابوي

ولا اعطيهم اللجنه

والصحون اخليهم حق رمضان اوزع فيهم على الجيران

 

[أحمر]

حتى انا القدم اوديهم جاخور زوجي واللي يمشون حالهم اخليهم استعمال يومي لعيالي او توزيعات الجيران او اودي حق اهلي فيهم اطباق.....
اللي بالمرة ما ينفع اقطه ما احب اي شي يتكود عندي بالمطبخ من الله المطبخ صغير..............

 

[سما الكويت]

منكم نستفيد..

المواعين جديده ما مداها تقدم..بس حب استطلاع..

 

[لمعه]

جزاكم الله خير خواتي

 

[أحب ترابها]

انا مطارات الشاي والقهوه الي راحت موضتها مع صينيتها اوديها لجنه خيريه

 

[سمسميه]

احطهم بكرتون واوديهم بيت ابوي
وامي تتصرف فيهم عاد!

 

[saroon_143]

انا اوديهم لجنه
او عند امي واهيا تتصرف فيهم

 

[ورد الاوركيد]

اتصدق فيهم

 

[همسات ليالي]

انا اخليهم للبر

واعطي للجيران منهم

 

[عجزت القى اسم]

والله شوفي لا تحتارين في واحد تتصلين فيه مصري يشتري كل الاغراض اللي ما تبينها مواعين جدور صحون...........كل شي

حتى لو تعطينة من غير بيع اسمة يايج وما خذهم ولا العنوة

وبعدين انا ما افكر اعطي لجنة اي شي لانهم يبيعونهم بسوق اليمعة

او اذا تعرفين نا محتاجين عطيهم يستفيدون منهم

ومنها انتي تغيرين الله يعافي ايكيا الصحون على0 15 و200 فلس

 

[New Mum]

اعزلهم وتالي اردلهم من باب التغير