الموضوع جاد بمعنى الكلمه

[النهج الاسمى]

بنات قبل كل شي


الموضوع حساس جدا >>بس ياليت مايكون فيه سب او اساءه>>>اسمح بس بكلمه الله ياخذ حقنا من كل ظالم

>>انا يوم قلت مابي سب مو عشان الظالم لأ بس عشان الموضوع مايكون كله سب>>لانه حساس

الموضوع هذا ماجبته عشان اثير فيه فتنه>>لأ والله لأ >>>لاني محتاره حيل فيه>>والله ماتصدقوني

وقبل لأقولكم>>ابي اذكركم بكذا شغله

قصة النجاشي>>هذا الرجل قاتل المسلمين وكان شديد القوه واهو اللي قتل حمزه رضي الله عنه عم الرسول عليه الصلاة والسلام

وهم اكل كبد حمزه>>>>عاد النجاشي اسلم ومات وهو مسلم>>>ولو انه ما اسلم جان كما قهمت ماراح يدخل النار>>>


لان كبد حمزه في جسمه>>>>لكنه من اهل الجنه


يعني الله غفرله لتوبته وراح يدخل الجنه


موضوعي اللي محيرني>>>>صداااااااااااااااااااااااااااااااااااااااااااااام<<<<<<<<<<<<<


بنات هذا الرجل كل شي سواه من قتل وتعذيب حتى اقرب الناس له ماسلموا منه>>وكانوا يحبونه من الخوف منه مو لعينه


وفوق هذا حارب ايران 8 سنين>>>>وياكث اللي ماتوا من العراق وايران<<<لاتنسون انا كنا نساعده وندعيله بالنصر<<

>>>ماادري ليش كنا نشوفه قدوه للابطال والشجاعه ومابقى احد من العرب الا كانوا معه>>>مستحيل ننكر هالشي

علما ان ايران جارته ولها حق الجوار

>>>عقب ماخلص من ايران>>>ماقصر حاب يسلم علينا

وطالب فينا وصرنا عراقيين على غفله>>طبعا في نظره

واهو غزانا بفلوسنا لان كل الاسلحه اللي عنده من خير الخليج>>>وذبح عيالنا وعذب وعفسنا ومشى>>عمي شهيد

وبفضل الله انتصرنا ورجعنا لديرتنا

>>>لاتنسون بنات ماابي ضجه لان عندي احاديث من قول الرسول عليه السلام واحترام للرسول مابي اعتراض

بس ابيكم تنتبهون للي ابي اقوله لان الموضوع حيل محيرني>>تدرون ليش

لاني كويتيه وعمي شهيد واللي صار فينا بالغزو ماراح انساه ماحيييييييت

قال الرسول عليه السلام>>من كان آخر كلامه لا اله الا الله دخل الجنه<<

ادري ألحين كأنكم عارفين شنو ابي اقول

ابي اقول وباختصار

اولا >>صدام مات مقتول من قبل اليهود<<الامريكان

ثانيا >>مات في اعظم يوم عند الله>>>يوم الاضحي

ثالثا>>كانوا حوليه عراقيين وامركييين وكانوا مسوين بلبله واهم معلقين رقبته >>خاصه بهالموقف الانسان يكون في

عالم آخر وهو الخوف من الموت >>>ولكن >>>>>>>>>صدام طول الوقت يتشهد

فهمتوني

هل صدام>>>تاب الى الله توبه تجعله آخر كلامه لا اله الا اله؟؟؟؟؟؟

هل مات شهيد >>>الكفار قتلوه ومخلينه اضحيه

والله يابنات اني محتاااااااااااااااااااااااااااااااااااااااااره


مااقدر اقول انه شهيد>>>>>لاني كويتيه>>وهم مااقدر اقول لأ لانه تشهد >>>الله غفور ورحيم

هل يحق لي اني اتذكر النجاشي لما اتذكره

والله ماادري شنو اقول لان النجاشي كان اكبر اعداء الاسلام ولكن اسلم ومن التابعين بعد

**بنات ماراح ألومكم باللي تقولونه بس ماابي سب

**************وحسبي الله ونعم الوكيل****************


وسامحوني لان لي حق اني افضفض على خواتي ياخواتي

 

[املى كبير]

الله غفور رحيم بعبادة ,,, وجزاته عند الله واهو اعلم بحاله ,,, ومااحنا اقوى من الله

 

[*مارلين_مونرو*]

والله ياحبيبتي العلم عند الله .. وتشهده هذا كله تظهول جدام الكاميرات و علشان يثير مشاعر العرب ويقولون ( ... ) ماحب اذكر اسمه .. مات واهوا يتشهد يعني شهيد ..

اللي واه بحق نفسه و عياله و ديرته و كل الدول الثانيه مو شوي .. ولاتنسين انه ظااااااااااالم ..

عسى الله مايغفر له ولا يتقبل توبته ..

ويقولون هذا اللي مات شبيهه مو اهوا !!

 

[o-2ansa candy-o]

هذا شي ما يعلم فيه الا رب العالمين
الله يرحم موتى المسلمين
ويغفر لهم
الموضوع خطييير

 

[جـــواهر]

والله ياحياتي الله خبير في عباده ... والله يهدي من يشاء ... ويمكن تاب لله ... والله مغفرته وااااااااااااااااسعه وباب التوبه للحين مفتوح ... !!!!


وماتدرين ,,,,,, الله اعلم ​

 

[النهج الاسمى]

تصدقون بنات

يعني لو آمن بأنه شهيد

هل اذا جابوا سيرته >>>بنقول اذكروا محاسن موتاكم او بقول الله يرحمه؟؟؟

والله مااقدر اقول هالكلمتين>>>>>>>

قسم بالله قصبن علي!!!!

لاتتضايقون من موضوعي >>>>والله هم بشوف احد مثلي؟؟؟

 

[نواره الدنيا]

السلام عليكم حبيبتي انتي الحين تقولين مابي فتنه هذا الموضوع ليش كاتبته صدام وماصدام الله يرحم جميع المسلمين والله غفور والعلم عند الله يعني تبين نقولج اذا اهو راح الجنه او لاء ؟؟
انا اقول شيلي موضوعج وتعوذي من ابليس موضوعج شكلج تبين احد يسب واحد يقول كلام هذا موضوع والعلم عند الله سبحانه وتعالى
هذا رايي
ومشكوره

 

[النهج الاسمى]

وعليكم السلام حبيبتي

ولا ازال مابي فتنه

قاعده ابين لكم >>>>ان على كثر ماسوى صدام من اجرام<<<في حقنا وحق شعبه!!!


رأيت فيه موته حسنه>>>فهمتي؟؟؟

بس يجب علينا ان نعلم ان الله هو العدل الحكيم العزيز سبحانه وتعالى

المسأله مابي من وراها بلبله>>>الرجال مات وخلص موخاشته عندي وقاعده اسوم عليه

لأ انا قلت انتوا لاحظتوا اللي لاحظته بس>>>>>>خو خواتي اقول لمنوا يعني ؟؟

والفتنه اصلا مالها داعي لاني مو من جنسيه ثانيه وقاعده اسوي فتنه على الكويت والعراق

ولاننسى ان فيه أظلم من صدام>>>نسيتي فرعون وابو جهل؟؟هذيلا ألعن اهل الارض

وسلامتكم>>>ماأقول الا حسبي الله على كل ظالم

 

[shai5at al3arab]

اول شي تصحيح معلومة ،

النجاشي ما كان عدو للاسلام والمسلمين بالعكس كان مسلم لكنه كان مخفي اسلامه عن قومه والرسول صلى الله عليه وسلم صلى عليه صلاة الميت ، ومو اهو اللي قتل عمر بن الخطاب رضي الله عنه ، قاتل عمر اهو الوحشي وهذا كافر ولا اسلم ..

شغلة 2 ،

بالنسبة لموضوع صدامو /

اهو تشهد وربنا العالم بنيته وقت التشهد ومحد يدري هل انقبلت شهادته ولا لا الا رب العالمين .. هذا 1

2 ، احنا ما نقول ربنا ما راح يغفر له ، استغفر الله ، ربنا سبحانه رحمته واسعة .. لكن

الأنفس اللي قتلها من غير ذنب ، البشر اللي عذبهم ، الدول اللي دمرها وخربها ، كللهم يوم القيامة راح يحاججونه ، وهذا من عدل رب العالمين ، فالله سبحانه وتعالى يقبل توبته فيما بينه وبين الله عز وجل ، لكن حقوق العباد راح يطالبونه فيها يوم القيامة ..

كل نفس قتلها راح تسئله ليش قتلتني ؟؟

غير دعوات المظلومين واهي مستجابة وكلها صاااادرة من مسلمين موحدين ..

فحتى لو كان شنوو ، لو كان اعدل انسان واحسن حاكم وتقي - خاااف صج - ما نقدر نجزم له بانه شهيد

لانه هذا الشي غيبي لا يعلمه الا الله سبحانه وتعالى ..

ممكن واحد يكون ظاهريا مقاتل وخوش واحد بس محد يعلم بنيته الا رب العالمين ..

عرفتيني ..

هذا من الناحية الشرعية ..

عندي نقطة بقولها وما اقصدج فيها والله بس وايد حارتني ،

الحين الناس اللي يمجدون له ويحبونه ويقولون اهو بطل ليش مسترخصين الارواح اللي قتلها ..

ليش الدمار اللي سواه بديرتنا عندهم حلال ..

هل اهم شايفين دمنا حلال .. ترى هذي طامة !!

هل تحرير فلسطين بقتل ابناء ديرتنا ؟؟

في ناس لليوم واهم يعانون من اثار هالغزو ..

انتشرت الامراض بديرتنا بشكل خيالي وبصورة ما كانت كلللش موجودة قبل ..

روع مسلمين قتل ابراياء ، يقتلون الكويتي ويحطونه عند باب بيته وينادون امه عشان تشوفه مقتول ..

عشان يعذبون قلب الام ..

لاااااااااا شي ما ينسي

انا وحدة ما راح اغفر له طوووووول عمري الى يوم القيامة .

 

[نواره الدنيا]

الله اعلم مو انتي الي تقررين مصير صدام ولا احنا والله يكون بعونج على هالموضوع الي ماله داعي تكتبينه موخوش موضوع ايب الفتنه والنقاشات الموحلوه بحقج يعني ولا وحده فادتج بشي وفي ناس الي شافته بعينها ايام الغزو لو تشوف شنو بتقولج لا ماشفت الي شفته لان في اشياء محد يقدر ينساها لان اهو الي سوها فيهم موضوعج يجرح بعض الناس ومشكوره

 

[نواره الدنيا]

الله اعلم مو انتي الي تقررين مصير صدام ولا احنا والله يكون بعونج على هالموضوع الي ماله داعي تكتبينه موخوش موضوع ايب الفتنه والنقاشات وانتي شكلج ماحاشج شي من الي سواه صدام ايام الغزو صج الواحد ينسى بس هذا جرح كبير حق بعض الناس ويقول الله يسامحه والله يرحمه وخلصنا

 

[tooota_]

حتى لو تشهد مليون مره ماراح يفلت من عقاب سبحانه
الي سواه مو شويه
مو كلمن تشهد فلت من الحساب والعقاب
ومو كل من قال انا مسلم دش الجنه

 

[بطاط مهروس]

لا حول ولا قوة ....... الله يعلم ما فى الصدور
مشكورة على الموضوع

 

[MiSs SaLsA]

تصدقون بنات

يعني لو آمن بأنه شهيد

هل اذا جابوا سيرته >>>بنقول اذكروا محاسن موتاكم او بقول الله يرحمه؟؟؟

والله مااقدر اقول هالكلمتين>>>>>>>

قسم بالله قصبن علي!!!!

لاتتضايقون من موضوعي >>>>والله هم بشوف احد مثلي؟؟؟

حبيبتي أنا مو كوية و يمكن ما وااايد حاسه بعمق الجرح إلي انتو حاسين فيه
و لكن صدقيني حبيبتي مثل ما تقولين اذكروا محاسن موتاكم
و الله يغفر له و يرحمه إن شاء الله أكيييد في يوم من لأيام حس أنه ظالم خاصة لما تعذب على يد الامريكان
صدقيني إن الله غفور رحيم فما بالج فينا إحنا البشر ما ندعو له ولو دعوة صالحة

تقبلي مروري أختي العزيزة

 

[GoLdeN~$~LaDy]

اختي غريبه الدار اسمه وحشي وليس النجاشي الذي اسلم وصلى عليه المصطفى صلاة الغائب

والمعلومه اللي قالتها شيخه العرب صحيحه

إلا من خطأ ورد فيها وهو ان وحشي اسلم وحسن اسلامه وهو الذي قتل مسيلمه الكذاب بنفس الحربه التي قتل فيها سيدنا حمزه

وكان ذلك في حروب الرده بعد وفاة الحبيب المحب

اما بخصوص موضوعج فانا اتصور ان كل اللي قلتيه علمه عند الله وما يحق لأحد ان يدعي ان رأيه هو الصواب

ولا ننسى قصه الذي مات بعد ان قتل 100 نفس وهو في طريقه للمدينه التي سيعلن فيها توبته (وهو ماتاب بعد)

لكن الله غفر له

وانا اشوف ان الأفضل ان احنا مانتكلم في الغيبيات

وعذرا للإطاله

 

[MiSs SaLsA]

يا نات ا حبيباتي إن الله غفور رحيم
و بعدين م احنا إلي نقرد نقرر الله رح يسامح أو لا استغر الله
صدقوني حبيباتي كل شي بيد الله و أحسن ننسى الماضاي و نعيش كل لحظة بلحظتها
و ما ندعي عليه و نقول الله ما رح يسامحه صدقوني لا أنا و لا وحده فينا تعرف شنو مصيره

 

[fatomy]

العلم عند الله

 

[ice_cream]

احنا بشر شلون بنعرف منو بدش الجنه ومنو بدش النار

بعدين مافي ارحم من رب العالمين غفور رحيم


العلم عند الله

 

[هيوونه@]

يا قلبي صج الله اعلم باللي في الصدور
وانت مثل ما قلتي عمج شهيد يعني الحرقه اللي بالقلب حسيتي فيها

بس هذا ما يمنع اني ما اواطنه ولا عمري راح اترحم عليه
وعشان ما اخرب الموضوع بس بقولج شغله
فرعون لما بيموت قال ( آمنت بالذي آمنت به بني اسرائيل )
وتسلمين

 

[q8iLady]

اختي .. في امور كثيره بالحياة , يبقى سرها للأبد عند الله عز و جل و سيبقى كذلك .. و لأنه سبحانه و تعالى أعلم بحدود عقولنا و حتى لا يشطح تفكيرنا للغلط او الحيره من أمرنا , يقول عز و جل ..............

بسم الله الرحمن الرحيم

{ تلك أمة قد خلت لها ما كسبت ولكم ما كسبتم ولا تسألون عما كانوا يعملون }

صدق الله العظيم ( البقرة : 141 )

و تحياتي :wqedqw: