الموضوع خاص حق البنات اللي مايحفون حواجبهم..حياااكم

[Mrs.H]

السلام عليكم ورحمة الله وبركاته

شلوونكم بنات؟ كل عام وانتوا بخير بمناسبة اليوم الوطني ويوم التحرير.. عسى الله يحفظ ديرتنا من كل شر ويديم علينا الافرااح والامان

بنات هالموضوع حق البنات اللي مايحفون ومايشقرون ولا يقصون.. عسى الله يثبتهم ويهدي الجميع واللي عندها افكار لاتبخل

وبنفس الوقت فيه افكار حق العروس شلون الوحدة تخفي حواجبها علشان الكل يستفيد

اول شي بتكلم عنه اني ببداية لما هديت التشقير والقص توهقت حييييل لان حواجبي صاروا فلم .. يخرعووون وابتلشت فيييهم

جربت اشياء وايد ولقيت حلول وفي اشباء لازلت متوهقة فيها بس بحاول انقل تجربتي.. :d

 

[رومي]

مشكوووره على موضوعك كنت محتاجه واحد

وكل عام وانتو بخير. بمانسبه يوم الاستقلال

انا في حياتي كلها. شقرت حواجبي مرتين. وقصيتهم مره يوم زواجي وبعده

وحلفت اني ما اعيدها. ادخل النار بسبت. حواجب. استغفر الله

والله يثبتنا وياكم.

بالنسبه لحواجبي هي حلوه. لكن مشكلتها انها مو مرتبه. يعني. بعض الشعرات. مثل الكيرلي. ومو مرتبه اتمنى فهمتي علي


ووراح ادور على فيديوات يضبطون حواجبهم. بدون قص او تشقير او غيره


وراجعه ان شاء الله

مشكوره

 

[Mrs.H]

الجزء الأول: إخفاء الحواجب (للمناسبات)

بالصالونات ببساطة اول شي يسوونه يحطولج صمغ رموش شفاف على حواجبج بطرف بلاستك او اي قطعة حديد



تالي يحطون عجينة الحواجب.. وطبعا هذي سر من اسرار كل صالون


وبعدين يحطولج الاضاءة وخلاص..

انا شنو صرت اسوي بالمناسبات؟

شرينا انا واختي عجينة الحواجب من كريولاين مع صمغها وشرينا الكونسيلر الثقيل حيل منهم





اول شي الصورة اللي فوق فيها الصمغ.. حطينا الصمغ على حواجبنا وصادفتنا مشكلة ان الصمغ تقشر.. والحواجب تطلع مرات.. او يكون المكان مبقع ويضحك

تالي حطينا العجينة وخلطنا معاها شوي من الفاونديشن مالهو ومديناها.. او بدال العجينة نستخدم الثاني الكونسيلر

اهيا للامانة ماضبطت 100% بس مشت حالها.. وعيبها انها مرات ماتطول وتطلع الحواجب او مرات الحواجب تطلع بمجرد حطيت شدو.. وهم بالدمج الشكل مأساااة

يتبع..

 

[Mrs.H]

مشكوووره على موضوعك كنت محتاجه واحد

وكل عام وانتو بخير. بمانسبه يوم الاستقلال

انا في حياتي كلها. شقرت حواجبي مرتين. وقصيتهم مره يوم زواجي وبعده

وحلفت اني ما اعيدها. ادخل النار بسبت. حواجب. استغفر الله

والله يثبتنا وياكم.

بالنسبه لحواجبي هي حلوه. لكن مشكلتها انها مو مرتبه. يعني. بعض الشعرات. مثل الكيرلي. ومو مرتبه اتمنى فهمتي علي


ووراح ادور على فيديوات يضبطون حواجبهم. بدون قص او تشقير او غيره


وراجعه ان شاء الله

مشكوره

يزااج الله خيير والله يثبتج نطريني بقولج شسويت بهالمشكلة

 

[Mrs.H]

تابع اخفاء الحواجب في المناسبات..

الحين طحتلكم عالخطوات الصحيحة..

اول شي اكتشفت ان الصمغ العادي احسن من صمغ الحواجب

http://im35.gulfup.com/rc45w.jpeg[/img

واخف بصراااحة.. حطيت على حواجبج عدل يعني اكثر من طبقة.. وخليه ينشف

تالي حطي العجينة او بحالتي الكونسيلر مال كريولاين اللي حطيت صورته

وعلى طوووووول بسررررعة حطي بالاسفنجة بودرة لونها طبيعي نفس لون بشرتج او اغمج بدرجة

[url=http://www.gulfup.com/?3mQWCy][img]http://im35.gulfup.com/gNZUt.jpeg

.. وتكونين مترسة الاسفنجة بالبودر حاكتها بضمير.. وتجهزينها ليما تحطين الكونسيلر ودايركت تطبطبين عالخفيف بالاسفنجة المتروسة بالبودر.. انا يادووب اخليها تلمس بشرتي حتى ما اضغط عليها علشان لاتبقع.. واروح للعين الثانية واسوي نفس الحركة.. وبعدين ارسم حواجبي بتاتو ماك وسبب اختياري انه اصلا جل ايلاينر بس ثابت.. مايقطع الحواجب ولا شي وانصحكم تاخذون الفرشة المايلة الصغيرة عجيييبة





وبالنسبة للي حواجبهم مطشرين نفسي بعد ماترسمون الحواجب ثبتوهم بجل الحواجب من بدي شوب او غيره وبيصير شكلهم مرتب

 

[Mrs.H]

الاخطاء اللي الاغلب طاح فيها:

اذا بتغطين كسرة حواجبج مثلا.. لااازم لازم صمغ ماينفع بس عجينة او كونسيلر او قلم

الشغلة الثانية القلم الابيض مو لاخفاء الحواجب.. ممكن للترتيب او للهايلات بس لاتعتقدين انج اذا حطيتيه على حواجبج اختفوووا خلاص لانهم بيبينون ويصير شكلهم غلط

 

[Huda.A]

موفقين بنات ، أنا حاولت أقاوم ماأسوي حواجبي ماتحملت
مع إنهم مرتبات ، بس أقص الزوائد في البيت حتى

 

[ميمي..]

انا ماحف ولا اشقر حواجبي الطبيعيه مو ثقيله لونها فاتح عشان كذا لازم اغمقها
اجيب قلم حواجب بني من ماك او برجوا وارسم حدود الحاجب ماغير بشكله واجد نفس ماهو بس مجرد تحديد خفيف
بعدين اجيب شادو اكسبريسو من ماك او اي شادو بني مات يناسبك وبفرشه حواجب 266 ماك اعبي الفراغات
ويطلع شكل حواجبي ماشالله مرتب وحلوو
وارتحت من التشقير والحف الحمدلله
وترى الحواجب الطبيعيه احلى شوفي التركيات شلون حواجبهم خصوصا سمر

 

[foshia girl]

يعطيج العافية على الموضوع
هم آنا مااحف ولا اقص ولا اشقر حواجبي مخليتهم طبيعين الحمدلله
مثل ماقلتي انا شارية صمغ الحواجب والعجينة من كريولاين بس ماعجبتني النتيجة ابدا وقطيتهم
الحين قمت اعبي الفراغات بشدو بني وبعدين انظف تحت الحواجب بكونسيلر ثقيل عشان اغطي الشعر الصغار ..

 

[ما أروعك!]

جزاكم الله خير والله يجعله بحسناتكم

ولكم اجر كل من يستفيد ويتشجع يترك الحف لله

عن نفسي املا الفراغات وارتب شكل الحاجب بقلم التاتو مال المنصور وتحت الحاجب الاضاءة

ومثل ما قالت الاخت حواجب التركيات مثل سمر ولميس

ومي عز الدين

وبروك شيلدز

وحواجب نجوى كرم قبل كانت احلى من لما غيرتهم

سبحان الله كل وجه وحواجبه الطبيعية تلوق له اكثر

مجرد تعديل بالميك اب بسيط وخلاص

 

[Dana.Qtr]

الله يثبتكم .. انا عندي مشكلة ان حواجبي خفاف بس الحمدلله مرتبين مرسومين رسم ما شاء الله .. واحط كحل حواجب بني غامق واحيانا اصبغ ..

 

[Mrs.H]

موفقين بنات ، أنا حاولت أقاوم ماأسوي حواجبي ماتحملت
مع إنهم مرتبات ، بس أقص الزوائد في البيت حتى

انا كنت جذي وهديت القص وصارو طوال اللي ينزلون عالجفن بس صرت احط عليهم شي يثبتهم نفس الجل ومرة تهورت وحطيت اسبراي

 

[جامعيه فله]

السلام عليكم ورحمة الله وبركاته

الله يجزاج خير ع الموضوع الرائع

من ترك شيئا لله عوضه الله خيرا منه

وانتي تركتي تشقير وقص الحواجب وهذا شي زين
وعليج بالدعاء وكل شي يتضبط

والحين تطورو اللي يحطون مكياج

الله يخلي العجينه تخفي الحواجب

والحين الموضه حواجب طبيعيه مع شوية تحدد خفيف بالقلم

وان شاء الله اذا عندي افكار انزل بهذا الموضوع
وشكرا

 

[Mrs.H]

شوفوا هالفيديو وابد حلو.. طبعا انتوا بس سووها بالكسرة و ورا.. وبعدين لما تخلصون خطوها بجل لاينر بني من ماك او ميبيلين وفوقهم شدو بني.. ما انصحكم اذا حطيتوا عجينة او اتبعتوا هالطريقة انكم تخطون بقلم او شدو.. القلم بيخرب المكان لانج بتضغطين علشان تطلعين لون وبتخرب العجينة.. والشدو ماراح يصير حلو بيبهت حيل.. الصالونات يستخدمون شدو مائي من شارمل جنه.. يخلطون البني والاسود بفرشة مبللة ويطلع حلو

http://m.youtube.com/watch?v=2M6cno3blNc

 

[Mrs.H]

انا ماحف ولا اشقر حواجبي الطبيعيه مو ثقيله لونها فاتح عشان كذا لازم اغمقها
اجيب قلم حواجب بني من ماك او برجوا وارسم حدود الحاجب ماغير بشكله واجد نفس ماهو بس مجرد تحديد خفيف
بعدين اجيب شادو اكسبريسو من ماك او اي شادو بني مات يناسبك وبفرشه حواجب 266 ماك اعبي الفراغات
ويطلع شكل حواجبي ماشالله مرتب وحلوو
وارتحت من التشقير والحف الحمدلله
وترى الحواجب الطبيعيه احلى شوفي التركيات شلون حواجبهم خصوصا سمر

الله يثبتج ياارب.. اقلام ماك حلوة شريت قلمين وضاعوا هههههه شكلي برد اشتريهم بس هم ريميل حلوين.. انا عندي تشكيلة كبييرة.. وطبعا اسوأهم جيفنشي

 

[Mrs.H]

يعطيج العافية على الموضوع
هم آنا مااحف ولا اقص ولا اشقر حواجبي مخليتهم طبيعين الحمدلله
مثل ماقلتي انا شارية صمغ الحواجب والعجينة من كريولاين بس ماعجبتني النتيجة ابدا وقطيتهم
الحين قمت اعبي الفراغات بشدو بني وبعدين انظف تحت الحواجب بكونسيلر ثقيل عشان اغطي الشعر الصغار ..

المشكلة بالصمغ صدقيني،، علشان جذي استخدمت صمغ المدرسة لانه اخف واسهل.. والصالونات كلهم يستخدمون صمغ الرموش الشفاف.. ولا العجينة زينة لو تخلطين معاها شوية من كريمهم او اي كريم ثاني نفس مالهم ماغيره،، انا بعد احط كونسيلر ثقيل بس ما احوش الا اطراف الشعر الخفيفة وما احاول اغطي فيه شي بس بالعروس لازم احط عجينة علشان جفني مافيه مساحة اصلا

 

[Mrs.H]

جزاكم الله خير والله يجعله بحسناتكم

ولكم اجر كل من يستفيد ويتشجع يترك الحف لله

عن نفسي املا الفراغات وارتب شكل الحاجب بقلم التاتو مال المنصور وتحت الحاجب الاضاءة

ومثل ما قالت الاخت حواجب التركيات مثل سمر ولميس

ومي عز الدين

وبروك شيلدز

وحواجب نجوى كرم قبل كانت احلى من لما غيرتهم

سبحان الله كل وجه وحواجبه الطبيعية تلوق له اكثر

مجرد تعديل بالميك اب بسيط وخلاص

انا كنت احط اضاءة تلمع.، تالي اكتشفت ان الشعر يبين اوضح فصرت احط شدو بيج فاتح بس مااات مايلمع

 

[Q8_QT]

خووش موضوع يعطيج العافية

 

[Mrs.H]

الله يثبتكم .. انا عندي مشكلة ان حواجبي خفاف بس الحمدلله مرتبين مرسومين رسم ما شاء الله .. واحط كحل حواجب بني غامق واحيانا اصبغ ..

ماشاء الله.. انا كنت اصبغ لما كنت اشقر بس الحين لا احس صعبة

 

[Mrs.H]

السلام عليكم ورحمة الله وبركاته

الله يجزاج خير ع الموضوع الرائع

من ترك شيئا لله عوضه الله خيرا منه

وانتي تركتي تشقير وقص الحواجب وهذا شي زين
وعليج بالدعاء وكل شي يتضبط

والحين تطورو اللي يحطون مكياج

الله يخلي العجينه تخفي الحواجب

والحين الموضه حواجب طبيعيه مع شوية تحدد خفيف بالقلم

وان شاء الله اذا عندي افكار انزل بهذا الموضوع
وشكرا

وعليكم السلام ورحمة الله وبركاته..

ماااقصرتي فدييييتج وانا بعد بدور واقولكم