النائب محمد العبد الجادر ( التحالف الوطني الديمقراطي ) : حفلة رويال حياة من الحريات!!

[سبائك]

حريه شخصيه

انزين الي قعد ما قام حق السلام الوطني وناشبتوه ليش ما تقولون بعد حريه شخصيه ولا الحريه الشخصيه عباة تفصلونها عالمقاس الي تبونه وتغطون فيها لعبكم

بالنسبه حق الي صار كفضيحه لمستشفى رويال حياة على حسب علمي ان كان في حفل تكريم في قاعة سلوى بفندق مارينا ولما طلعوا الشخصيات الكبيره لمجلس ادارة المستشفى وبقوا ستاف المستشفى بس بدوا بالرقص والتطبيل هذا الي عرفته

 

[سنا الفضه]

منطلقه انا ضد الحفله ضد الهبل الي صار والمسخره الي زين ربي ماخسف فينا من الي صار

بس ما سألتوا نفسكم

اشمصلحه الجريده الموقره من الي صار

اشمصلحه المصور من هاللقطات المحترفه واشمصلحتهم يقلبونها صحافه صفراء وتابلويد

ليش انمزق صوره الكويت بيدنا ليش؟؟

ليش انجازي الي اندفوا (الشيخ جابر وسعد رحمه الله عليهم )هالجزا ليش

ليش انتناقل مقولات الناس فلان قال حريه وفلان قال بوريهم ليش؟؟

ونصير وكاله يقووولوووووووون ليش؟

حق الشماته

والي مايشتري يتفرج

علشان يقولون حدث بالكويت؟؟

علشان الناس تقول شووووووووووووووفوا حريه الكويت وووين وصلت

بالاخير لمن العالم يكرهنا نقول

هاو

اشفيهم علينا!!!

اشفيهم! انا اقول لكم اشفيهم

يشوفونا انتهاوش على شي محال للتحقيق والكل ينتظر القضاء

يشوفونا مالنا خير لانفسنا ولا للارضنا وماعندنا مبدأ اذا ابتليتم فاستتروا فيكرهونا

كل بلاوينا شاهر ياظااهر

وعلى عينك ياتاجر

اشدعووه دول الجوار ماعندهم بلاووووووي متلتله بس هم خشيشيي والناس تمووت عليهم مو مثلنا حتى الي بالمتوسطه يناقشون بامر الساسه واهل السياسه

وين كنتم خير امه اخرجت للناس واحنا قاعدين نلتهي بالقيل والقال وكثره السؤال

النائب الفاضل لوو ساكت واايد افضل طبعا هذا اذا كان قايلهاا ما احب اصدر احكامي على الناس جزافا الى ان اسمع او ارى تصريحا مدوون منه

ولوو قايلها اي نااائب ثاني ماني قابلتهاا منه الوضع مو هين

بس الي سكتنا انه احيل للتحقيق وانتظر كلمه المحقق فيها لمعرفه الجناه

بوقتها

الجاني هنيه راح احاسبه واتحسب عليه وادعي عليه

 

[طوق البنفسج]

طوق البنفسج
اختي هذا رأي سياسي سواء انصكت سالفة الحفلة و الا لا ..

يعني تخيلي مثلا واحد يقول : انا مع غزو العراق للكويت ، هل انتي راح تقولين له : والله كيفك هذا الموضوع خلصنا منه و الغزو خلص ..

جيذي بتردين عليه ؟ ..

تختلف درجه اهميه الموضوع .. يعني خطا من مجوعه وافدين انحل بعتذار رسمي موجه للنواب و للكويتين و مايستاهل كل هالضجه ..

انا مو مع الي صار بس ما اشوفه يستاهل كل هالصيحه .. اذا الطبطبائي اشاد بعتذار الاداره ..

و اتوقع في امور اهم انه ايكون لها ضجه و نلفت انظار الشعب لها ..

 

[سنا الفضه]

تختلف درجه اهميه الموضوع .. يعني خطا من مجوعه وافدين انحل بعتذار رسمي موجه للنواب و للكويتين و مايستاهل كل هالضجه ..

انا مو مع الي صار بس ما اشوفه يستاهل كل هالصيحه .. اذا الطبطبائي اشاد بعتذار الاداره ..

و اتوقع في امور اهم انه ايكون لها ضجه و نلفت انظار الشعب لها ..

اوافقج الراي طوق الموضوع بيد التحقيق شكوو نعيد ونزيد فيه دعوا الخلق للخالق

 

[دلعلــــع]

حبيبتي انتي ليش حارقة عمرج

صج حرية شخصية واذا ماتبين تشوفين هالامور لاتنبشين عنها هذا رايي الشخصي المشكلة انتكم ماتحترمون اراء الناس وحرياتهم

حفلة فيها رقص شنو المشكلة ترى فيه ادهى من هالامور فيه خمور في مخدرات في دعارة والعياذ بالله لانحكم على شخص بمجرد انه رقص او ايد هالشي هذا احتفال بمكان عام وماشوف فيه شي

اذا على الرقص.. الديرة فيها مليون جنسية مختلفة والدولة سامحتلهم يمارسون كل شي

ولو انج شايفة ان هالشي فضيحة.......رسولنا الكريم قال... من ستر عبدا ستره الله يوم القيامة

شايفه الجناسي انتي اللي بتطلع حرياتها هني!!

حبيبتي احنا مو ناقصين فساد هالمره علني كملت تبين الله يخسف فينا والسبه

هذوول الله لا يهينهم حرياتهم الشخصيه يطلعونها بدريتهم مو عندنا

واذا فيه ادهى و أمر بالله شنكافح احنا قطيعه تقطعهم قرف

هذا اللي ناقص فلبن وبتخرب الديره

الله يحفظ الكويت بس

 

[قهوة عربية]

أي حرية شخصية ؟؟؟؟!!!!!!!!!!!

الحرية لها حدود ...وإذا كانت بتضرني لازم أتصدى لها ...وهالمناظر وهالإسفاف يضرني ويضر أولادي ويضر كل غيور على ديرته

احنا ندري ان فيه بلاوي أكثر من جذي تدور بالشقق والشاليهات والجواخير وبكل مكان فيه شياطين

بس مو على الملأ ...ولاصورهم تنشر بالجرايد وكل واحد ضحكته شاقه حلجه ( يامال الشقاق !!!! )

يعني هاللي ينادون بالحريات ...ماراح يرتاحون إلا لما تصير ديرتنا مثل لبنان ينعق فيها البوم والغربان .....شيبون الله يحل غضبه علينا ويبتلينا بالزلازل والفيضانات يالله يرتاحون

شوية انقطع عنا هالسنة المطر !!! شوية الغبار والعواصف اللي ياتنا ....شوية الهزات الأرضية اللي أكثر من مرة أصابت الكويت !!!!!

الله إذا بينزل عقابه على البلد اللي فيها فساد راح يشمل الكل الصالح والطالح ....واحنا لازم نكون غيورين على ديننا وعلى ديرتنا ومانرضى بالأنجاس يدمرون ويحطمون أخلاق أولادنا وعيالنا

الخيرين بالكويت هم الأغلبية والغيورين على دينهم هم الأكثرية ....لكن مايظهر على العلن إلا هالأشكال المريضة اللي ان شاء الله يفكنا منهم ويذلفهم ديرتهم بأقرب وقت

ولاتقولون حفلة عادية .....شنو هالملابس ؟؟؟ شنو هالتفصخ ؟؟؟ شنو العرى ؟؟؟ ....كل هذا وحفلة عادية رياييل مع حريم

" ربنا لاتؤاخذنا بما فعل السفهاء منا "

احنا مانلوم أصحاب المستشفى لأنهم أبدوا حسن نيتهم واستنكروا السالفة وطلعوا تصريح بالجرايد أنهم مايرضون باللي صار وراح يسوون تحقيق ويحاسبون المتسبب ( يعني كثر الله خيرهم وبيض الله وجوههم )

احنا نتكلم عن هالدخلاء في ديرتنا اللي عاثوا فيها الفساد ودخلوا علينا عادتهم القذرة وتقاليدهم المنحطة ...واذا هذه عادتهم مانقول بكيفهم ...لازم يحترمون الديرة اللي ضافتهم ومدخلتهم

يعني بالله هالشي يصير بالسعودية ؟؟؟!!! طبعا لا ...ومن رابع المستحيلات لأنهم مايتجرءون يسوون جذي فيها لأن عارفين عادات وتقاليد السعودية انها ماترضى بهالمسخرة

عيل ليش الكويت ترضى ونقول حرية شخصية وهذه عاداتهم وكيفهم ....لا والله مو بكيفهم ولازم يحترمون عاداتنا وتقاليدنا

واللي مو عاجبه بالطقاق اللي يطقه ....الباب يفوت ديناصور مو جمل !!!! ( روحة بلا ردة )


سنا الفضة :

عزيزتي ...أنا عارفة معدنج الطيب وعارفة انج غيورة على دينج وشرعج أكثر مني ومن وايد بنات بالمنتدى ...

بس حبيبتي ...لازم نستنكر اللي صار ...مانشوف بعيوننا ونسكت ( الرسول صلى الله عليه وسلم يقول : من رأى منكم منكراً فليغيره ....الخ الحديث حتى يصل إلى قوله فبقلبه وهذا أضعف الإيمان )

واحنا هني استنكرنا على هالأعمال الدخيلة على ديرتنا وليس على أصحاب المستشفى بقلوبنا وهذا أقل شي نقدر نسويه لأننا محاسبين باجر إذا الله سألنا ليش مااستنكرتوا هالمنكر حتى لو بقلوبكم ؟؟

والكلام هني مو موجه حق محمد عبدالجادر فقط ....لا ....موجه حق كل واحد مااستنكر هالأفعال وقال انها حرية شخصية

 

[دلعلــــع]

قهوه عربيه صح لسانج وعساج عالقوه

كلام بالصميم

والله يكثر من امثاااالج

 

[منطلقة بطموحي]

م فطومة

الدولة سامحة ان يرقصون في الدولة ؟؟ .. من صجج ؟ ..

يعني رياييل يرقصون مع حريم ، هالشي عادي عندج ؟ ..

دام رقص رياييل مع حريم بالنسبة لج يعتبر حرية شخصية ، عيل ليش تنتقدين على المخدرات ؟ هم المخدرات حرية شخصية ..



سبائك

هلا والله .. يزاج الله خير عالرد ..




سنا الفضة

ليش نمزق صورة الكويت ؟؟ من قال ؟؟ ..

هالشي ما انحط الا عشان يبين للناس ان احنا ضد هالأمور .. لو شي طبيعي جان ما انحط عنه ..

تسئلين عن مصلحة الجريدة ، ليش اهو اول خبر يحطونه ؟ .. عادي حاله حال أي خبر ..

و بعدين النواب اغلبهم مو راضين عن هالشي و فيه تحقيقات ..

بس انا حاطة هالموضوع عشان تعرفون منو التحالف الوطني الديمقراطي .. اي ديمقراطية يتحجون عنها ! ..

و شاكرة لج عالرد ..

و مرة ثانية اقول لج ، انا قصدي بالموضوع عن موقف النائب عن اللي صار ..

لا تقلبونه تحقيق للي صار لطاقم المستشفى ..


طوق البنفسج

شاكرة لج عالرد ..




دلعلع

يزاج الله خير عالرد ..



قهوة عربية

يزاج الله خير عالرد ..

 

[ii DareeN ii]

شوفي حبيبتي منطلقة انا اتوقع قلت لج ضد اي فعل فاضح قبل فترة كان ويانا يشتغل بالشغل فلبيني حلو

كان يبي تصريح حفلة وعقب فترة قدر يحصل علية من السفارة وسوو حفلتهم وفيها من البدايع يكفي الراي

شهور تنقلة غير حفلات غيرها وايد الي قاعدة اوضحة لج ان هالضربة موجة حق راعي المستشفي وشمعنة عقب الانتخابات وليش

عشان فلبن يرقصون لا شي اكبر من جذي بوايد في ناس قامو يضربون ناس ضربات تحت لحزام هالشي ضار حيل بالبلد

اما ان اشوفها حرية شخصية لا مو حرية شخصية الي يعيش في بلد مسلم يحترم قوانينة ماقولج حرية شخصية لكن الراي العام لازم يوعى

للاسف صحفنا تحرك لمصالح شخصيات وتجار تحرك الشارع لكويتي على مزاجها والمفروض نكون اكثر ذكاء مانسمع حق اي شي يحركنا بهالصورة ونشوف الي ورا هالسوالف ونعرف شنو وراهم


من له مصلحة يضرب سين من الناس وليش شحقة ؟؟؟؟؟؟؟؟؟؟؟؟؟؟؟؟؟

من له مصحلة ويبي يدمر الي حوالية ويبقى بروحة بليز شوي خل نفكر لانصير العاب بيد الصحافة ونعرف شنو الي ننفعل علية وشنو الي ندور وراه ونعرف ليش صار


لكويت تمر في فترة محتاجتنا كلنا خل نكبر على خلافاتنا المنهجية ونرجع مثل قبل على قلب


وحدة تقول شيعي والثانية تقول سني والثالثة تقول قبيلي وحدة تقول اخوان وحدة ليبرل وحدة فرعية وحدة تابين


لمصلحة منو هالفرقة بليز لاتفرقون الناس اكثر وخل نشوف شلي قاعد يصير حوالينا

 

[softlady]

قهوه عربيه

حسبي الله على الي يكرهج

خرعتيني


كلامج يخرع لووووووووووووول


ذكرتيني بالزلازل

 

[سنا الفضه]

للاسف محد فهمني

قهوه عربيه يابعد كل هالدنيا

اذا على انكار المنكر انتي عارفه موقفي مننه واتوقع اغلبكم تذكرون مقالاتي عن قناه الراي وتعمدها انتهاج منهج الفتن

سواء مقالتي عن لانا القسووس او عن احتفالات هلا فبرااير

وعندي نيه قوويه لانكار المنكر وكشف اوراقهم بالوقت المنااسب بس مو انسب مقوله لشخص وانا عارفه انه كلششش موو وقته

هذا القصد عرفتوا والا على انكار المنكر لا يبه بننكر وهالمسخره الي تقص الويه لازم يتحاسبوون كل الي تصوروا وهم الي صورهم مايقل عنهم عقوبه والا اشماله الحبيب مشتط وياخذ لقطات وزوايا ويتعمد يصورهم وهم يشربون ماي والا وضعيه البطل شلون يشربون منه والا ابو غتره شلون راز خشته

ماني زايده على كلام دارين مردكم بتعرفون الحقيقه وخيره الشمس تطلع وتترس الحوووش السالفه الحين سالفه تصفيه حسابات وضرب تحت الحزام

السالفه اكبر من جم فلبينيه وجم اوربيه رقصوا والا جم واحد فصخ غترته اشتطاطا للردحه

اذا على انكار المنكر انا لها وكلنا لهاا وكلنا مستهجنين وما اااابالغ اذا قلت لج اني من امس مو نايمه صاكني راسي من الي شفته

بس

لكل مقام مقال وولكل حادث حديث بس خل نعرف شالسالفه والوضع الصحيح قبل لا اقول التحالف المدري منو والا فلان وفلنتان قال وبوقتها يصير خير

لانه الحريه تنتهي عند تعدي على حدود الاخرين عرفتي وهم بفعلتهم تعدوااا وانتهكوا محارمنا حسبي الله عليهم وعلى الي قاصد المضرره

اتوقع الحين فهمتكم والي مافهمت قصدي ياريت ياريت تنطر السالفه الصجيه وبزوغ شمس الحق

 

[TeAcHeR_BeZaRiN]

حبيبتي انتي ليش حارقة عمرج

صج حرية شخصية واذا ماتبين تشوفين هالامور لاتنبشين عنها هذا رايي الشخصي المشكلة انتكم ماتحترمون اراء الناس وحرياتهم

حفلة فيها رقص شنو المشكلة ترى فيه ادهى من هالامور فيه خمور في مخدرات في دعارة والعياذ بالله لانحكم على شخص بمجرد انه رقص او ايد هالشي هذا احتفال بمكان عام وماشوف فيه شي

اذا على الرقص.. الديرة فيها مليون جنسية مختلفة والدولة سامحتلهم يمارسون كل شي

ولو انج شايفة ان هالشي فضيحة.......رسولنا الكريم قال... من ستر عبدا ستره الله يوم القيامة

حياتي السالفة بالجرايد محد نبشها !!

اهي ما اشتغلت مخبر سري وراحت صورتها ..ما قريتي الجرايد ؟؟

والفرق بين الحرية الشخصية والوقاحة واااااااااضح ماعليه خلاف

اهم قاعدين بمكان عاااااام مو بمكان معزوووول ومحد يشوفهم ...عشان نسكت وما نستااااء

ولا يكون في علمج ترى حتى لو خبرنا الي منخشين ويسون هالسوالف بنبلغ عنهم وماراح نسكت

ورانا عيال بنخاف عليهم فما اي شخص نفس هذا النائب الفاضل ويقول حريه شخصية وتالي تعمم بالكويت ويصير كباريهات بالكويت عيني عينك وعيالنا يندمرون من وراها

هذي مو حرية شخصية اهم ماكانو قاعدين في بيتهم ويخربطون

 

[jasmine_flower]

[

B]الخبر من كويت نيوز وكويت نيوز يدعمه موقع الامه ومع انه الموقع ممتاز اله انه شفت بعض الكتاب والصحفيين الشباب الى يشتغلون عن الموقع ابتعدو عن الموضوعيه فى نقل اخبار النواب الافاضل ويحطون اعلانات عن النواب بشكل مسىء ومنهم الشايجى

دشيت كل جرايد الكويت وماشفت تصريح من الجادر مالقيت انه قايل هالكلام ودشيت كونا ومالقيت تصريحه

نطرت اخبار الوطن واخبار الراى وماشفته قايل هالتصريح وطلع بقناه الراى وما تكلم اله عن تجميد على الراشد استقالته لبعد شهر رمضان المبارك

المهم سالفه الحفله برويال حياه انتهت وقدمو اعتذارهم فى اليوم الثانى واهم اصلا مو متوقعون اتصير هالضجه واكثر الموجودين من الجاليه الاسيويه واللبنانيه


وسواء قال هالتصريح وله لاء هل معناته انه يمثل كل اراء الليبرالين عزيزتى الليبرالين فيهم الصالح والطالح حالهم حال اى تيار ثانى وعندهم اختلاف فى وجهات النظر فيهم المعتدل وفيهم المتحرر ونفس الشى ينطبق على المستقل والشعبى وينطبق على التيار الدينى نفسه فيه منهم المعتدل والمتشدد والى يتستر بعباءه الدين


واذا اخطأ فى رايه هل معناته نلغى ارائه كلها ونضربها بعرض الحائط مع انه معظم ارائه ممكن اتكون صحيحه واتصب صالح البلد


والغزالى شيقول راى يحتمل الخطا والصواب وراى غيرى يحتمل الخطأ والصواب



انا من المتابعات لبرنامج التحالف الوطنى والله يشهد انى ما شفتهم قالو كلمه وحده ضد الدين وكل برامجهم تصب فى صالح البلد وتنميتها

بالعكس وايد تأذوو من التشويه السمعه من مكالمات تندق على الناس بانهم يبون يبعون الخمر علشان اقتصاد البلد

ولى اتقول حق الدكتوره اسيل انها كانت بترشحها بس فى ناس افتو لها انها اذا رشحت حق الدكتوره صلاتها ما تنقبل!!!!

فعلا فعلا افتراءات مو طبيعيه واستغلو الدين لمصالحم الشخصيه وينطبق عليهم المثل كلمه حق مراد منها باطل

والمشكله فى شنو فى التعميم الكل ينحط فى سله وحده

ليبرالين= منحل وهدف هدم الدين وتغريب البلد

إسلامى= ارهابى ومتطرف ويرجع الدوله سنيني لورا

شيعى= ولائه لإيران

قبلى= مايفكر اله بقبيلته

شعبى= حكومى بحت

اخوانجى= بايقين افلوس بيت الزكاه عيل من ويلهم افلوس دعايه حدس

بس ملينا وتعبنا من هالتصنيفات

نسيتوا ايام الغزو الكل وقف بويه العدو واستشهد السنى والشيعى والبدوى والحضرى وحتى من فئه البدون علشان هالارض الطيبه ونسو انتمائهم السياسى

واحنا نهاجم بعضنا ببعض لمجرد انه محتلفين فى التوجه السياسى وكل واحد يشوف حزبه وقبيلته وطائفته اهيه المنزه واهيه الصح واهيه الى اتعرف الدين

هل الدكتور احمد الربعى يعتبر منحل لانه ليبرالى والكل يشهد بوطنيته وادائه السياسى المميز ورقيه بأسلوب الطرح

الدكتور احمد الخطيب والنيبارى والمنيس من النواب الليبرالين المعروفين فى المجلس و اهم اول الناس الى طالبوا بمنع الخمر بالكويت منحليين
وعلى فكره على الراشد جمد استقالته لبعد شهر رمضان المبارك وانفصاله عن التحالف بسبب اختلاف بوجهات مو معناته تخلى عن ليبراليته وعن قناعاته

وصالح الملا ليبرالى بس منفصل عن التحالف واهوه من المنبر الديمقراطى

والشى نفسه ينطبق على الاسلامييين فيه إسلامين مستقلين عن اى حزب وتحالف


ااعضاء الملا والتحالف ما صوتو لانهم يبون ايعرفون شنو اهيه العادات الدخيله فى المجتمع ؟؟؟ وهالشى من حقهم ما يبون يتبعون تبعيه عميه [/B]

​

 

[F@ntG Q@t]

تأكدي من الخبر وتري الليبرل مو جذي ؟

 

[منطلقة بطموحي]

و هذا المصدر :

http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=399948

نزل في جريدة القبس ..

 

[منطلقة بطموحي]

دارين

حبيبتي مشكورة على ردج ..

بس انا مو قاعدة افرّق الناس .. قاعدة اوريكم حقيقة التحالف الوطني الديمقراطي ! ..

عضو منهم يقول هذي حريات يجب ان تحترم ..

هذا واحد يستاهل يكون في مجلس الأمة اللي يمثل الشعب ؟ ..




سنا الفضه

حبيبتي احنا بموضوعنا هذا مالنا شغل بـ قناة أو جريدة الراي ..

انا قصدي أبيّن موقف النائب هذا بالحفلة اللي صارت ..

اتمنى منكم عدم خلط المواضيع ببعضها تكفون ..





تيتشير بزارين

هلا و الله يا الغالية .. شاكرة لج عالمشاركة ..




ياسمين فلاور

اختي حطيت المصدر في الرد السابق ..

و ترى موقع الامة اصحابه لبراليين يعني ربع محمد العبد الجادر .. مو ضده ..




نارينه

ما فهمت ردج ..

 

[منطلقة بطموحي]

و هذا المصدر :

http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=399948

نزل في جريدة القبس ..

و هذا من جريدة الوسط :

http://www.alwasat.com.kw/Default.aspx?MgDid=65267&pageId=26


بعد قولوا جريدة القبس ضد العبد الجادر ! .. قوية عاد ..

 

[منطلقة بطموحي]

و هذا من جريدة الجريدة (( ربع التحالف )) ..

http://www.aljarida.com/aljarida/Article.aspx?id=63614

 

[noty]

يا جماعة الخير

اللي حاصل ترى والله نشر غسيل

كل وااحد يطلع فضايح غيره

و اعطيج مثال :

صورة رولا دشتي مع حزب الله

صورة الحمود بالحجاب

صورة النائب اللي ما قام حق السلام الوطني

صورة مادري شنو

حشا هوليوود مو الكويت

شسالفه !!

و ارقصوا << شي يديد يعني ولا شي غريب

اشووف لما الامريكان يابوا بوسي كات دولز و جاسيكا << ماحد نطق بحرف << ولا عشان القاعده الامريكيه لا يحوشك

اهي بديرتنا صارت و عنفصه و رقص بالهواء الطلق و انحطت بالجرايد !!

ماشوف احد ياب طاري شلون دشوا << اذا ماتعرفون فرقه بوسي كات دولز و اتعرفوون شنو اغانيهم و لبسهم !!

اقدروا يوقفون بويه هيفا و غيرها و يقولون لا يدشون الديره و ذووللاك عااااااادي ليش عشان امريكان غير !!

الشرب متوفر لهم و قاعد يدخل عاااااادي ليش عشان امريكان

ماحد قال لالا هذي قوانين البلد و لازم و غصب عليهم يلتزمون

يا جماعة الخير اصحاب رويال حياة لازم اتعرفون منو << ذيك الساعه اتعرفون ليش سووا جذي

ولا الله اخليكم شفتوا بس ليالينا حفله الفلانيه في الاكوا بارك و لا المخيم الفلاني و غيره

و لا حفلة ااشركه مادري شسمها رفص و كل شي

و شوفي عاد الصور و الرقص و عااااااااادي ماحد نطق

شمعنه على رويال حياة

الناس وين و احنا وين والله فشله !!

انا لو ريال و نائب استحي اطلع بالتلفزيون و بهيبتي اتكلم عن رقص و مطامر و مادري شنو

عندك شكوى روح اشتك حق المكان المختص بلا تصعيد

احترم هالشارب والله فشله

االشي التافه لازم اتفهه مو اقعد اصعد فيه و اخليه اهو الاساس و المحور و القضيه و مادري شنو !!

يا ماما الوضع حده تعبااان يبيله ضبط

الناس اطلع الديره بصورة حلووه و اهم لي ورا

كل الدول فيها بلاوي العن منه عمرنا ما شفنا بتلفزيونهم شي

احنا بخوووووووور السووق و فرحاااانين و يتشمتون على بعض مو بالنهايه هذا كله بيعكس ديرتك

و بس كافي هذا علماني هذا ليبرالي هذا سلفي هذا حدس هذا مادري شنو

بسكم من هالتقسيمات لي متى يعني استغفر الله

و يا جماعه ترى اللي تتكلمون عنهم اعيال عوايل كويتيه اذا ما حشمتوا الريال حشموا اهله على الاقل

و اسلامنا يوصينا ( اذا ابتلينا نستر على هالببلوه ) << احنا الله وكيلج من طق طبله قال انا قبله

اول ناااااااااااااس وي فلان قال جذي فلان ملحد فلان كافر هذا اللي تبونهم شوفوا شنو بسوون حق البلد

يعني مثل هذي المواضيع لازم انعيد الحساب فيها ترى حلو الواحد يتعلم من اخطائه

حتى لو انا مقتنعه بفكره احاول اسمع على الاقل اسمع مو الا اقتنع احنا اهني بس خلاص ننطر الزله على اي احد عشان انشب عليه

اكلني و اكلك !!!!!!!!!!!!!!!!!!!

 

[منطلقة بطموحي]

نوتي

اختي شاكرة لج مشاركاتج الطيبة ..

يا جماعة الخير اصحاب رويال حياة لازم اتعرفون منو << ذيك الساعه اتعرفون ليش سووا جذي

يا ليت اختي توضحين هالنقطة ؟ ..

باعتقادج ليش صار هالشي ؟ ..


مع العلم ان المقصود بالموضوع هو إيضاح موقف هذا النائب للي صار بالحفلة ..

يعني لو سمحتوا اتمنى ما تطلعون برة الموضوع ..

احنا ما نتكلم عن الحفلة و عن جريدة الراي .. نتكلم عن موقف العضو ..


بس حطيت اقتباس على جملة الاخت نوتي عشان اعرف شنو قصدها ..