الناس ما عاد فيها خير .... حدي منقهرة

[صوت الحق]

رد: رد : الناس ما عاد فيها خير .... حدي منقهرة

اختي اول وتالي بتحطين سايق لج لمشاويرج مو بس روضه الولد
وبعدي انتي امه تقولين جدي
لازم كل يوم اروح مع السايق وماعندي دوام يعني معنى كلامج مالج خلق عيل لاتلومين الناس انتي مالج خلق مسؤوليه ولدج تبين الناس تتحمل

انا اقصد مو مالي خلق اقصد انا قاعدة قاعدة ورايحة ايحة ليش سايق اضطر اروح معاه اسوق انا ابرك واوفر للمعاش

بس زوجي مو راضي

 

[Model Look]

حبيبتي انا ما قلت ما فيها خير من فراغ
هذي مو اول مرة تسري هالحركة مرة قبل اسبوع تقريبا
انا كل يوم اطل من الدريشة فوق اشوف ولدي لين يركب السيارة ويروح هذاك اليوم شفتها ركبت بنتها معاها السيارة يوم جا ولدي يرركب بطل الباب كان تطرده قالت انطر عمك لين يجي ياخذك
وقعد ولدي بالحوش ينطر لين الساعة ثمان جا عمة من الدوام وداه الرروضة يوم قلت لزوجي وانا منقهرة جان يقول لا بنتها قعدت تبجي تبي امها فاخذتها معاها عادي ما فيها شي
اللي قاهرني ان زوجي يشوف الوضع عادي وانا ما بي منت الناس تعبت شسوي مع زوجي ادري ان الناس مو ملزومين فيني بس زوجي مو مقتنع يقول انتي تكبرين الموضوع

يا حياتي صج اهم موملزومين بولدج ولو انها ما فيها شي لو تحتسب الاجر
بس الناس يالله لها تشيل عيالها
انا ليش قلت جذي لانه فيه ناس اجيد منها واعتقدت هذي المره الاولى اللي يصير جذي
بس حبيبتي اللي عليج انه تكلمين ريلج بالموضوع وتصرين على رايج واذا بيت اهلج عندهم سايق تاخذينه منهم يوصل ولدج او اجري سايق وكل يوم وصليه مع السايق وردي اخذيه مع السايق
ولا منت احد

 

[انسام الكويت]

شوفي مرت حماج ماسوت شي غلط بعد اهي مو ملزمه تودي ولدج واتييبه بعد حمدوا ربكم ولدكم كان يروح وايي معاهم

خلاص ماله داعي منة الناس يعني لازم تنقرصون عشان اتحسون كلمي ريلج يا انج اتسوقين او يحط سايق وخلاص

 

[ديانا سبنسر]

المشكلة موبحماج ومرته المشكلة بزوجج اللي ماعزج وعز ولده عن منت الناس ماقطع قلبه ولده يتحاذفونه مثل الكورة حدي احتريت كسر خاطري الولد لازم يفهم انج بمشكلة وقاعدة تمرمطين وهو عادي دوري باص واذا خايفة على الولد من الصبيان طرشي الخدامة معهم حبيبتي انا ماشيشج بس زوجج لازم يفهم انج متضايقة من هالوضع اذا موعلشانج علشان ولدج

 

[صوت الحق]

زوجي مو فاهم ان الناس مو ملزومين فينا تخيلوا هذاك اليوم كان باجر اجتماع امهات بالروضة وانا قاعدة عند خالتي المغرب كان يجي حماي وقال لي باجر ما اقدر اوديكم عندي شغل قلت مو مشكله اوكي وانا انحرجت وجهي صار احمر حسيت كاني طرارة والله
يوم جا زوجي بليل قلت باجر استأذن انت من دوامك وودني الاجتماع اخوك يقول كذا وكذا قال ما عليج منة انا ادق علية الحين اخلية يوديج باجر قعدت ابجي قلت ماني رايحة معاه استحي وعصبت
خليتة غصب يستاذن من الدوام ويوديني

 

[صوت الحق]

ادري المشكلة الكبرى بزوجي

 

[حلوة وحبوبه]

رد : الناس ما عاد فيها خير .... حدي منقهرة

ياقلبي .. حرام عليهم ليش هيك يسوون عاد تبين الصدق الحق على عم ولدك حرام مايفكر باهل اخوه الي بعيد عنكم .. صدق منه

بس الحمد لله الي روضه مو مدرسه اكيد الوضع كله غلط خلي زوجك يجبلكم سواق انتي لا تسوقين
ولا اشتركي بالباص مال الروضه ... بس والله بالهالبرد احسن له يقعد وليدك عندك ,, الله يعينك حبوبه

 

[تبطي عظم!]

حطيلج سايق بدال منت الناس ~

 

[برد ابو الذهب]

وااااي والله احتريت الشرهه على زوجج اشلون يرضى بمذلتكم جذي

 

[ام شووووق]

رد : الناس ما عاد فيها خير .... حدي منقهرة

صج موقف يقهرر

 

[eman84]

مالومج والله شي يقهر

الله يعينج شنو هالنحااااسه

 

[Smetk 3'lay]

حطي سايق وارتاحي

 

[Vouge]

رد : الناس ما عاد فيها خير .... حدي منقهرة

لا تحرين عمرج فتره و تعدي

مرده بدش الابتدائي و الغياب مافيه روح و تعال

و بالإبتدائي حمولتج مو ملزومين يودون ولدج و لا تطلبين حتى منهم هالشي!

و بتلاقون لكم حل باص يوديه .. إنتي تسوقين
المسألة لازم تنحل و الأمور بترتب



و بعدين احسني الظن فيهم

يمكن فعلا ريلها كان ما يبي يودي البنت و دق على ريلج فريلج دق عليج
لكن يوم قعدت مرته واهي تدري ان في رحلة لبست بنتها و طلعت

و لو تطلب منج تقعدين ولدج بياخذ الموضوع شويه وقت
واهي ملتزمه بدوام و تأخير و سوالف


:

أو يمكن اهي ما تبي ولدج يركب سيارتها
الولد ياهل و يمكن يوصخها .. أذكر ولد خالي يوم كان بعمره
يعضض كشن السيارة .. ياهل توقعي منه كل شي



و الصراحة .. الناس يالله متحملين عيالهم مالهم خلق عيال الناس



لا تحرين عمرج حبوبه .. فترة و تعدي

 

[Tom ♥ Jerry]

.


يمكن مرته ودت بنتهآ بدون لا ريلها يدري
لا تسوئين الظن في مليون احتمال
الرسول قال حطي حق اخوج المسلم ستين آحتمآل : )

الله الهآدي .!
الغلط مو منهم صراحه منكمـ !
يا ريلج يودي بنتج الروضه او يخليج تسوقين
أو اييبلج سايق ! ليه متى تبين تعتمدين عليهم ؟

 

[الابرار75]

اجري سواقه اريح لش من السايق

 

[brettey]

رد : الناس ما عاد فيها خير .... حدي منقهرة

لازم تقنعين ريلج بالسواقه لااااازم
قولي له يا تخليني اسوق يا تييب سايق

 

[عــود كمــبودي]

الله يعينج ويفرج عليج

 

[اشتياق]

والله حق القهر!

 

[الحلا و الزين كله]

تبين الصراحه........مالج اي شرهه عليهم كيفهم احرار اذا بودونه بطيبهم مو اجباري
نصيحه...اغني نفسج دبري روحج مع زوجج

 

[om_dodo]

الله يعينج
والناس من زمان مافيها خير الا من رحم ربى
الحين القرايب مايرحمونج تبين مرت حماج الغريبة ترحم >>>> غلطانه
ماعاد فى رحمة ولاحشيمة ولا حياااااا