النخوووه يابنات جامعة الكويت ? وخاصة بنات العلوم الاجتماعيه

[fandola]

السلام عليكم


شلونكم ياحلوين انا توني سجلت بهالمنتدى الروعه

يابنات انا مستجده وبسبب نسبتي 80 دخلوني الاداب وانا مابيها لأن مافيها التخصص اللي احبه

بنات احس نفسي داجه ? ماعرف عن الكليات وحسيت التربيه زينه فستخرت وحسيت نفسي ماني مرتاحه وقلت بشوف عن العلوم الاجتماعيه وتخصصاتها واماكن التوظيف وتجاربكم وشنو المواد اللي تقبلها وللعلم مو شرط اللي ترد علي لازم بالعلوم الاجتماعيه بالعكس في بنات عندهم خلفيه عن الكليه

ارجوكم يابنات ردو علي وربي احس نفسي ضايعه مو عارفه والله يسامحهم بعض البنات اللي سألتهم .بأيام انتخابات القوائم بتعطيني عيونها والحين يوم اني سألت جم بنت ردت علي فبرود ولا همها واتمنى الكل يكتب وحتى اللي بالتربيه او الاداب ياليت يكتبون عن كليتهم

للعلم انا حيل احب التخصصات الاجتماعيه واسلك فيها لأني ادبي احب الجغرافيا وعلم النفس والاجتماعيات . واحاتي بكره وين بيقطوني اخاف بيقطوني بالشؤون ولا اخصائيه فمدرسه
فيدوني الله يجازكم خير وفرجو كربتي ​

 

[الرهيبه]

اذا تحبين هالتخصصات و تبين تكونين مدرسه ادخلي التربيه اضمن لج
لان بالاجتماعيه صعب تكونين مدرسه و شبه مستحيله


بس شنو المواد الي تاخذينها ما ادري يفيدونج البنات ان شاء الله

 

[Alrem_q8]

حبيبتي مافهمت كلامج عدل اتوقع انتي خلاص انقبلتي بالعلوم الاجتماعيه
ونسبتج ماتقبل تربيه لان التربيه يبيلها ٨٤
والتخصصات اللي تبينها مثل جغرافيا وتاريخ وعلم نفس وتخصص اجتماعيات للابتدائي كلها موجوده بكلية التربيه
رفيجتي بالعلوم الاجتماعيه وبتحول تربيه ان شاءالله
انتي اذا تبين تصيرين مدرسه حولي تربيه وترا مايضيع عليج شي
وترا كلية التربيه زينه اذا انتي تبين تصيرين مدرسه
اذا ماتبين تصيرين مدرسه خليج بالعلوم الاجتماعيه عندج تخصص اخصائيه اجتماعيه وغيره
وموفقه ان شاءالله واي سؤال لا تترددين

 

[حرم_الغلا]

up up up

 

[fandola]

ياااحياتي تسلموون على الردوود

انا انقبلت بالاداب والفصل الاول خذيت مادتين بس اناا من الحين بسعى للتحويل من كلية الاداب وحبيت احد يعطيني
معلومات عن التربيه وعلوم الاجتماعيه

 

[فـــخـــر]

اذا تبيت تصيرين مدرسه حولي تربيه اذا لا تبين توظفين بوزاره حولي اجتماعيه : )

موفقه

 

[DaLoo3t BaBaTii]

.



مثل مآ قآلوا آلبنات ..

تبين مدرسة ؟ التربية

تبين وزارات و مكان ثاني ؟ إجتماعية

.

 

[غرور وايل]

حبووووبةة ..

آنتي من دآآخلج هل لج رغغبة بآلتربية و آلتدريسس أو لآ ..!!

آنتي حددي مجآلج و مستقبلج بنفـسسج ..

شنوو طمووحج !! ..

تبيين تصيرين آبلـة !!

آو وظيفة بمكتب !! ..

ع ححسسب ميووولج ..

و آذآ ع آلجآآمعة كلهآآ 4 آو 5 سنين و تخخخلص آن ششآء اللـه ,,

حددي حيآتج بنفسج و مآعليج من كلآم آلبنآآت و آلنآآآس ..

هذآ مستقبلج آنتي اللي بتعيشينه ..

فكري آنتي بعد كم سسنة وين بتكونين آن ششآآء اللـه ..!!

بآلعلوووم آلأجتمآآعيه تخصصآتهآآ كآلآتي (علم آلنفس +علم آلآجتمآع + آلجغرآفيآ +مكتبآت +آتوقع عندها تخصص آنثروبيولوجيآآ +خدمة آجتمآعية +كم تخصص بعدد )

آلتربية (آلعربي+آلآنقلش+آلآسلآمية+آلآجتمآعيآت بفروعه +العلوم بفروعه +الريآضيآت )

آلآدآب (عربي +انقلش+آعلآلآم+ ..آلخ )..

آدخلي مووقع آلجآآآمعةة و آفتحي صفآئح آلتخررج و شووفي كل كلية و تخصصآتهآآ و شوووفي ميووولج ..

لآآ تضيع سنين عمرج وآنتي محتآرة بكـلآم آلنآآس مآ يفيدك آلآ نفسسك

موووفقه ..

وآي سسسؤآل آنآآ حححآآآضررة



؛
.

 

[CSS_]

انتي نفسي : )

كنت حابه تخصصات الاجتماعيه وانقبلت فيها والحين ثاني كورس بس قاعده افكر أحول للتربيه ..

ليش ؟ لان اذا تخصصتي علم نفس = تصيرين اخصائيه نفسيه
وعلم اجتماع او خدمه اجتماعيه = تصيرين اخصائيه اجتماعيه

وجغرافيا = تقدرين تصيرين مدرسه فيه

وفي بعد العلوم السياسيه وهذا مجاله مفتوح ..

وتقدرين طبعاً تشتغلين بأي وزاره تبينها اعلام شؤون وغيرها عادي ..

هذي تخصصات العلوم الاجتماعيه ووين تتوظفين

اما التربيه
ف عندج اجتماعيات عندج علم نفس وغيره ،، ووظيفتهم طبعاً مدرسه وتتوظفين على طول!

شوفي من الحين انتي تبين مدرسه ؟ او مو مهم عندج

لان انا دشيت الاجتماعيه وانا حاطه امل ان اذا تخصصت علم اجتماع اقدر اصير مدرسه وقالولي مستحيل ماتقدرين

وناس قالت بواسطه ..

عموماً اتمنى اني أفدتج ..

واذا تبين شروط التحويل علميني اي كليه وابشري:*

بالتوفيق يارب <3

 

[بنتmbc1]

up

up

up

up

 

[fandola]

&#55357;&#56839; ماقصرتوا عالردود ويعطيكم الف الف عافيه