النـــواب فــي مـــجلـــس الأمــــــه ..**نـــقـــــاااش**

[zeen_el_q8]

السلام عليكم و رحمة الله و بركاته

طبعاً مع وجود مجلس الأمة بكل مساوءه

و مع الدستووووووووووور و عدم تعطيله مهما تكووون الأسباب

مشكلتنا في هالبلد انه في مخطط قديم في الغاء الدستور لأنه " ملجم " الناس ..!!

و لما حلوه بالثمانينات و حاولوا تنقيحه صار الغزو .. و عرفوا حكامنا غلطتهم وانه اللي بينهم و بين الشعب هو الدستور و مؤتمر جدة يشهد على اللي صار و الوعد كان عودة الدستور و عودة الحياة البرلمانية

من بعد الغزو و المخطط تغير و للأسف الشديد ان الناس مشت وراه و صدقته بدل ماتدافع عن هالدستور اللي انحط من قبل ناس صج كان قلبها على الكويت و من شيخ الكويت و الكويتيين لي اليوم يدينون له و هو الشيخ عبدالله السالم رحمة الله عليه

اللي مايبي مجلس امة .. و مايبي دستور ..

يرجع لفترة الثمانينات و يشوف شنو كان وضع الناس و وضع الكويت وقتها .. و بيعرف انه مهما كان الوضع سيء

بدون مجلس و بدون دستور راح تكون نهاية هالبلد

و ياريت بدل مانلوم المجلس .. و نقول النواب و النواب .. و نطعن فيهم و في الناس اللي صوتت لهم

نشوف بس الحكومة شقاعدة تسوي ؟؟

فساد على كافة المستويات .. فضيحة التجنيس .. مهزلة الفرعيات و اللي صار فيها .. مهزلة التأبين .. و ماكو أي خطط خمسية ولااا غيره

فالحين بس يبطلون اي قانون .. و مايمررون شي .. و يستفزون الشعب

المجلس انحل اكثر من مرة .. و مااعتقد المشكلة فيهم

المشكلة في الحكومات اللي من هالنوع .. اللي من شفناها ماشفنا الخير معاها

 

[*مارلين_مونرو*]

انا مع ان يلغون المجلس من الاساس لان نوابنا للأسف ماعندهم وعي كافي بالتنميه افكارهم رجعيه و موقد المسؤوليه بس فالحليج بقضايا ستار اكاديمي و منع هيفا من دخول الديره !!!!!!!!!!!!!!!!!!!! اما تنميه ازدهار تطور الديره من الناحيه الاقتصاديه والاجتماعيه والسياسيه هذا اخر اهتمامهم وحتى الحقوق الي عندهم مو قاعدين يستخدمونها بالاوجهه الامثل >>اقصد الاستجوابات قائمه على المصالح الشخصيه وليس المصلحه العامه

حياج الله حبيبتي و اسعدتني مشاركتج و مااتقصرين ​

 

[*مارلين_مونرو*]

السلام عليكم و رحمة الله و بركاته

طبعاً مع وجود مجلس الأمة بكل مساوءه

و مع الدستووووووووووور و عدم تعطيله مهما تكووون الأسباب

مشكلتنا في هالبلد انه في مخطط قديم في الغاء الدستور لأنه " ملجم " الناس ..!!

و لما حلوه بالثمانينات و حاولوا تنقيحه صار الغزو .. و عرفوا حكامنا غلطتهم وانه اللي بينهم و بين الشعب هو الدستور و مؤتمر جدة يشهد على اللي صار و الوعد كان عودة الدستور و عودة الحياة البرلمانية

من بعد الغزو و المخطط تغير و للأسف الشديد ان الناس مشت وراه و صدقته بدل ماتدافع عن هالدستور اللي انحط من قبل ناس صج كان قلبها على الكويت و من شيخ الكويت و الكويتيين لي اليوم يدينون له و هو الشيخ عبدالله السالم رحمة الله عليه

اللي مايبي مجلس امة .. و مايبي دستور ..

يرجع لفترة الثمانينات و يشوف شنو كان وضع الناس و وضع الكويت وقتها .. و بيعرف انه مهما كان الوضع سيء

بدون مجلس و بدون دستور راح تكون نهاية هالبلد

و ياريت بدل مانلوم المجلس .. و نقول النواب و النواب .. و نطعن فيهم و في الناس اللي صوتت لهم

نشوف بس الحكومة شقاعدة تسوي ؟؟

فساد على كافة المستويات .. فضيحة التجنيس .. مهزلة الفرعيات و اللي صار فيها .. مهزلة التأبين .. و ماكو أي خطط خمسية ولااا غيره

فالحين بس يبطلون اي قانون .. و مايمررون شي .. و يستفزون الشعب

المجلس انحل اكثر من مرة .. و مااعتقد المشكلة فيهم

المشكلة في الحكومات اللي من هالنوع .. اللي من شفناها ماشفنا الخير معاها

انا أايدج بالنقطه اللي ذكرتيها عن الدستور طبعا انا ضد تعديله او تغيير شي فيه .. اللهم بس تغيير الفقره اللي فيها يجب على عضو مجلس الامه ان يعرف القراءة و الكتابه !!

بس في نقطه مافهمتها اللي ذكرتيها عن مساويء الحكومه ...

نشوف بس الحكومة شقاعدة تسوي ؟؟

فساد على كافة المستويات .. فضيحة التجنيس .. مهزلة الفرعيات و اللي صار فيها .. مهزلة التأبين .. و ماكو أي خطط خمسية ولااا غيره

ياليت توضحيلي المعنى من هالنقطه لاني والله مافهمت !! :eh_s(1):​

 

[zeen_el_q8]

هلا والله اختي

اوضح لج .. مع انه يكفي تشوفين حولج و تعرفين شنو مهزلة الحكومة !!

الفساد موجود بكل الوزارات .. محسوبية .. رشاوي .. بوق ..

فضيحة التجنيس هي تجنيس ناس مايستحقون الجنسية و شخص كان متعاون ايام الغزو و للأسف اللي توسطله بالجنسية شيخ .. و بعدين سحب الجنسية لما ظهرت ادلة .. و الحين رجعوا لهم الجناسي .. ياترى هذا شنو اسمه ؟؟

الجنسية لعبة لي هالدرجة ..!!

مهزلة الفرعيات .. لما القوات الخاصة تنزل الشوارع و تطلق الرصاص و القنابل على ابناء الشعب بحجة تطبيق القانون .. و بالمقابل ما شفنا هالشي صار لما تظاهروا الصعايدة و البنغال .. هذا شنو نسميه ؟؟

لما يصير تأبين لمجرم ايده ملطخة بدماء ابناء الكويت .. و لما يحضرون التأبين اثنين من نواب الأمة .. و امن الدولة يسجل و يصور كل شي و القوات كلها مستعدة تقتحم المكان .. و مايجيهم أمر بهالشي ..!!

و يطلع وزير الداخلية يصرح تصريحات رنانة و يتوعدهم و يعلن ان هالشخص مجرم .. و بعد مدة يطلع رئيس مجلس الوزراء و يقول انه مغنيه مو مجرم ولا ذبح عيالنا .. هذا شنسميه ؟؟

و الازالات اللي حتى الاشياء اللي لها تراخيص شالوها و ماعندهم اساس واضح للازالة ..!!

و التربية و خرابها .. و هالاجيال اللي ضاعت بتغيير المناهج و النظام و صاروا حقل تجارب .. من المسؤول عنه ؟؟

و المصفاة الرابعة و فضايحها اللي ماتخلص .. مصرين يمشونه و بطرق غير قانونية و واضح انه مشروع للتنفييييييع و النهب من ثروات البلد ..

و بالاخير نلوم اعضاء مجلس الامة لما يستجوبون الوزرا و يحاسبونهم ؟؟

انزين احنا ليش موصلينهم ؟؟

علشان يتفرجون على اللي يصير ..!!

والله اشياء وايد لو باقعد اتكلم قلبي يعورني على هالديرة و اللي وصلت له

الله يكون في عون الكويت و اهلها على اللي يصير

 

[89_f9la]

صوت للحل الغير دستوري,,

أشوف إنه أفضل شي جذي,,

إلغائه مستحيــــل (لأن أغلب القوانين الإيجابيه منشأها مجلس الأم والنواب),,

 

[ظلال القرآن]

لا طبعا حل المجلس مو حل

المجلس فيه ناس ما كان لازم يوصلون الا انهم وصلو بس من ناحيه ثانيه فيه شرفاء يحبون الكويت ويغارون عليها
المشكله الي لازم نعرفها اهي مو الي قاعد يطبل لحل المجلس وان مجلس الامه هو مجلس خمه
منو من النواب قاعد يخرب الجلسات ويفتعل المشاكل والتازيم ليبرهن للكويتين ان المجلس مجلس ازيم وهو عائق لتطوير البلد
الصحف الصفراء >>> اكيد عرفتوها من افتحها الصبح الاقي اخبار تافهه وتلفيق واتهامات
الجماعه هذول صارلهم اكثر من عشر سنوات شغالين يبون يقنعون الشعب الكويتي بعدم جدوى مجلس الامه وانهم مجموعه من الحراميه والوصولين وان الشعب حرم من خيرات البلد بسبب ابتلاعهم اي النواب لهذه الخيرات
ولكن هيهات ان يقتنع هذا الشعب الحر بحياه بعيده عن الديمقراطيه

 

[ترانيم العود]

تم التصويت ب والله مدري
لاني ما ادخل نفسي بسوالف المجلس ولا ادري عنه

 

[*مارلين_مونرو*]

هلا والله اختي

اوضح لج .. مع انه يكفي تشوفين حولج و تعرفين شنو مهزلة الحكومة !!

الفساد موجود بكل الوزارات .. محسوبية .. رشاوي .. بوق ..

فضيحة التجنيس هي تجنيس ناس مايستحقون الجنسية و شخص كان متعاون ايام الغزو و للأسف اللي توسطله بالجنسية شيخ .. و بعدين سحب الجنسية لما ظهرت ادلة .. و الحين رجعوا لهم الجناسي .. ياترى هذا شنو اسمه ؟؟

الجنسية لعبة لي هالدرجة ..!!

مهزلة الفرعيات .. لما القوات الخاصة تنزل الشوارع و تطلق الرصاص و القنابل على ابناء الشعب بحجة تطبيق القانون .. و بالمقابل ما شفنا هالشي صار لما تظاهروا الصعايدة و البنغال .. هذا شنو نسميه ؟؟

لما يصير تأبين لمجرم ايده ملطخة بدماء ابناء الكويت .. و لما يحضرون التأبين اثنين من نواب الأمة .. و امن الدولة يسجل و يصور كل شي و القوات كلها مستعدة تقتحم المكان .. و مايجيهم أمر بهالشي ..!!

و يطلع وزير الداخلية يصرح تصريحات رنانة و يتوعدهم و يعلن ان هالشخص مجرم .. و بعد مدة يطلع رئيس مجلس الوزراء و يقول انه مغنيه مو مجرم ولا ذبح عيالنا .. هذا شنسميه ؟؟

و الازالات اللي حتى الاشياء اللي لها تراخيص شالوها و ماعندهم اساس واضح للازالة ..!!

و التربية و خرابها .. و هالاجيال اللي ضاعت بتغيير المناهج و النظام و صاروا حقل تجارب .. من المسؤول عنه ؟؟

و المصفاة الرابعة و فضايحها اللي ماتخلص .. مصرين يمشونه و بطرق غير قانونية و واضح انه مشروع للتنفييييييع و النهب من ثروات البلد ..

و بالاخير نلوم اعضاء مجلس الامة لما يستجوبون الوزرا و يحاسبونهم ؟؟

انزين احنا ليش موصلينهم ؟؟

علشان يتفرجون على اللي يصير ..!!

والله اشياء وايد لو باقعد اتكلم قلبي يعورني على هالديرة و اللي وصلت له

الله يكون في عون الكويت و اهلها على اللي يصير

مشكووووره بعد قلبي عالتوضيح و ما تقصرين .. الظاهر لا السلطه التنفيذيه ولا التشريعيه بيفيدون الكويت بشي ​

 

[*مارلين_مونرو*]

صوت للحل الغير دستوري,,

أشوف إنه أفضل شي جذي,,

إلغائه مستحيــــل (لأن أغلب القوانين الإيجابيه منشأها مجلس الأم والنواب),,

وانا بعد أأيد الحل الغير الدستوري .. بس للاسف في ناس موجودين خلف الكواليس راح يطلعون بهالحالة ..

وقانون الفرعيات اللي طلع و كل هالامور كانت بمثاية اختبار .. لو تحول الوضع وصار الحل الغير دستوري .. لان راح تقوم الدنيا على راسنا و خاصة من حيث القبلية و الطائفيه .. والله يستر على ديرتنا و يحفظها ان شاء الله ..

وماتقصرين حبيبتي عالمشاركه​

 

[*مارلين_مونرو*]

لا طبعا حل المجلس مو حل

المجلس فيه ناس ما كان لازم يوصلون الا انهم وصلو بس من ناحيه ثانيه فيه شرفاء يحبون الكويت ويغارون عليها
المشكله الي لازم نعرفها اهي مو الي قاعد يطبل لحل المجلس وان مجلس الامه هو مجلس خمه
منو من النواب قاعد يخرب الجلسات ويفتعل المشاكل والتازيم ليبرهن للكويتين ان المجلس مجلس ازيم وهو عائق لتطوير البلد
الصحف الصفراء >>> اكيد عرفتوها من افتحها الصبح الاقي اخبار تافهه وتلفيق واتهامات
الجماعه هذول صارلهم اكثر من عشر سنوات شغالين يبون يقنعون الشعب الكويتي بعدم جدوى مجلس الامه وانهم مجموعه من الحراميه والوصولين وان الشعب حرم من خيرات البلد بسبب ابتلاعهم اي النواب لهذه الخيرات
ولكن هيهات ان يقتنع هذا الشعب الحر بحياه بعيده عن الديمقراطيه

حيااج الله حبيبتي و ماتقصرين عالمشاركه .. ​

 

[*مارلين_مونرو*]

تم التصويت ب والله مدري
لاني ما ادخل نفسي بسوالف المجلس ولا ادري عنه

لول حياج الله بس لازم يكون عندج اهتمام بالمجلس لانه يمثلج و يمثل الناس اللي حوالينج و ها شي مطالبه فيه حتى بالدين مابي افتي بس اعتقد انج تتحاسبين على التصويت .. واللي عندها الفتوى الصحيحه تقولنا .. و حياج الله ياقلبي و مااتقصرين عالمشااركه​

 

[بدور الكويت]

بصراحة النواب ماكو منهم فايدة مايفكرون الا فى مصالحهم وبسسسسسسسسسسسسسسسس سمعوا كلامهم قبل الانتخابات وبعدهااااااااااااااااا يرفع ون الضغط اتمنى الحل الغير دستورى مليناااااااااااا نجر وهواش داخل المجلس عيب عليهم فشلوناااااااااااااااااااا جدام العالم شوفوا الدول الخليجية يتقدمون فى كل شيء احنا مكان فى كل شي نرجع للوراء حتى فى الرياضة الكويت تمنع من المشاركات اللة يحفظ كويتناااااااااااا اعذورنى مقهورة من الي يصيرررررررررر

 

[*مارلين_مونرو*]

بصراحة النواب ماكو منهم فايدة مايفكرون الا فى مصالحهم وبسسسسسسسسسسسسسسسس سمعوا كلامهم قبل الانتخابات وبعدهااااااااااااااااا يرفع ون الضغط اتمنى الحل الغير دستورى مليناااااااااااا نجر وهواش داخل المجلس عيب عليهم فشلوناااااااااااااااااااا جدام العالم شوفوا الدول الخليجية يتقدمون فى كل شيء احنا مكان فى كل شي نرجع للوراء حتى فى الرياضة الكويت تمنع من المشاركات اللة يحفظ كويتناااااااااااا اعذورنى مقهورة من الي يصيرررررررررر

حبيبتي ماتقصرين عالمرور و المشااركه .. انا اشوف ال ديرتنا احسن من حال دول واايد بره.. اذا الازدهار و التطور يكون من خلال الحرام وتجارة المخدرات و غيره هذا مانبي .. و معاج حق باللي قلتيه انا معاج أأيد الحل الغير دستوري ..​

 

[jasmine_flower]

ضد الغاء مجلس الامه مع انه سىء الى ابعد درجه بس الحكومه ما تقل فسادا عن المجلس حكوماتنا الرشيده طايحتله فساد ومصالح شخصيه بووووق بووووق بالملاييين

و الوم الشعب ثم الشعب ثم الشعب لان اساء الاختيار نواب المجلس جم سنه ونفس الويوه ما تتغير؟ ونرد نتحلطم ونتقرطم على اداء نوابنا وعلى الفساد طيب منو الى اختار

للا سف ماعندنا وعى سياسى بالمره والكويت صارت عباره عن كيكه الكل يبى ياكل منها من غير عطاء

اختيارنا للاسف قائم على الطائفيه وعلى القبليه وعلى نائب الخدمات وعلى انه واحد من الاهل او سمعت انه خوش انسان وطبعا غير شارى الاصوات وهذا السواد الاعظم الموجود وهذى الحقيقه الواضحه وضوح الشمس الى ما يغيطها المنخل


حالنا احسن من غيرنا ولكن مو معناته انى اغض النظر عن الفساد الى صاير

شوفو الصحه قبل والحين

شوفو التعليم قبل والحين

شوفو اداء المجلس ايام الستينات والسبعينات والحين

شوفو الكهرباء قبل والحين
شوفو الاسكان قبل والحين
شوفو الاعلام قبل والحين
شوفو الرياضه قبل والحين
شوفو طيران الكويت قبل والحين
شوفو الفن قبل والحين
شوفو اى وزراه من وزرات الكويت قبل والحين والفساد الى صاير فيها ما اعتقد انى بالغت بهالكلام وله اعتقد انى بالغت لو قتلكم نبى شخصيه مثل شخصيه الشيخ محمد بن راشد ال مكتوم الى عنده طموح ان تكون بلده الافضل فى كل شى وتعجبنى مقولته الشهيره" متعه الحياه ان تعمل شيئا لم يعمله احد ولم يتوقعه احد"
الكويت الى الخلف دررررررررررر

 

[انوومه]

هلا نواره سالتيني شنو الحل..!!

الحل..بايد الحكومه اول وتالي ..لازم تكون متعاونه مع النواب وما تعطل قرارات وتماطل فيها...

وتكون جديه وحاسمه بقراراتها

وتحط خطوط حمراااااء لاستهتارات بعض النواب ... الي ماعندهم غير شوف فلان وعلان وشمعنى هذا وهذاك..جنهم طلاب مدرسه مو نواب يمثلون الشعب!!

صاااااااااجه بكلااااامج بس وجووده احسن من عدمه مثل ماقالو بعض البنات


ويعطييج العافيه ياقلبي لطرح الموضووع لانه صج زهقنه

مشكوره

 

[*مارلين_مونرو*]

ضد الغاء مجلس الامه مع انه سىء الى ابعد درجه بس الحكومه ما تقل فسادا عن المجلس حكوماتنا الرشيده طايحتله فساد ومصالح شخصيه بووووق بووووق بالملاييين

و الوم الشعب ثم الشعب ثم الشعب لان اساء الاختيار نواب المجلس جم سنه ونفس الويوه ما تتغير؟ ونرد نتحلطم ونتقرطم على اداء نوابنا وعلى الفساد طيب منو الى اختار

للا سف ماعندنا وعى سياسى بالمره والكويت صارت عباره عن كيكه الكل يبى ياكل منها من غير عطاء

اختيارنا للاسف قائم على الطائفيه وعلى القبليه وعلى نائب الخدمات وعلى انه واحد من الاهل او سمعت انه خوش انسان وطبعا غير شارى الاصوات وهذا السواد الاعظم الموجود وهذى الحقيقه الواضحه وضوح الشمس الى ما يغيطها المنخل


حالنا احسن من غيرنا ولكن مو معناته انى اغض النظر عن الفساد الى صاير

شوفو الصحه قبل والحين

شوفو التعليم قبل والحين

شوفو اداء المجلس ايام الستينات والسبعينات والحين

شوفو الكهرباء قبل والحين
شوفو الاسكان قبل والحين
شوفو الاعلام قبل والحين
شوفو الرياضه قبل والحين
شوفو طيران الكويت قبل والحين
شوفو الفن قبل والحين
شوفو اى وزراه من وزرات الكويت قبل والحين والفساد الى صاير فيها ما اعتقد انى بالغت بهالكلام وله اعتقد انى بالغت لو قتلكم نبى شخصيه مثل شخصيه الشيخ محمد بن راشد ال مكتوم الى عنده طموح ان تكون بلده الافضل فى كل شى وتعجبنى مقولته الشهيره" متعه الحياه ان تعمل شيئا لم يعمله احد ولم يتوقعه احد"
الكويت الى الخلف دررررررررررر

حياااااج حبيبتي و مااتقصرين عالمشاركه .. بس انا من رايي افضل الطموح و التطور للافضل بالحلال مو بالحرام .. لان عمر التطور و التقدم اللي ايي بالحرام مااينجح ويتعاقب و يتحاسب من ربج ..

واذا تشوفين باقي الدول متطورين عمرانيا فعلا معاج حق .. لكن ولا دوله متطوره حضاريا مثل الكويت ..
لو تلفين دول الخليج كلهم ما تلقين ديره كلها مواطنين مثل ديرتنا .. و اشكرج يا قلبي عالرد ​

 

[*مارلين_مونرو*]

صاااااااااجه بكلااااامج بس وجووده احسن من عدمه مثل ماقالو بعض البنات


ويعطييج العافيه ياقلبي لطرح الموضووع لانه صج زهقنه

مشكوره

حياااج الله حبيبتي و نورتي الموضووع بمشاركتج مااتقصرين ..​

 

[SoSa !]

اشكرج اختي على طرحج لهذا الموضوع خاصه في هالوقت الحرج

بالنسبة لمجلس الأمة ما شاء الله له فضل من الاعضاء اللي فعلا على كلمتهم

وانا ما اؤيد ان يوقفون نشاط المجلس خااصه في الوقت هذا لان وبكل

صراحه في نواب ينعدون على اصابع الايد الوحده اللي اشوفهم يشتغلون

بكل صدق واخلاص اتمنى انهم يكملون مسيرتهم الطيبه لانا محتاجين احد

يطلع صوت الشعب الله يوفقهم يارب ويسامح كل نائب عطوه الشعب امانة صوته

ولا صانها ): .. وفي نقطه ذكرتها وحده من الاخوات للاسف خطيره لابعد حد

وهي فوز النواب اللي ولائهم للخارج والكل عارفهم بصراحه هذيلي المفروض

انه يسحبون جناسيهم مو يقعدونهم بمجلس الامه واللي ما يكون ولائه للكويت

الكويت مستغنيه عنه .

 

[coffee]

وعليكم السلام

صوت للحل الغير دستوري لان اعضاء هالمجلس معظمهم لو يحصل لهم يلغون الدستور ويبدلونه ابامور مبنية على انتمائاتهم بيسوونها .. فنواب من هالقبيل مو كفو.. واذا مجلس يقر بان الوزيرتين غلط وجودهم ويلغي لجنة المراه وبنفس الوقت يقولج القبلية مافيها شي ويبون الدواوين اللي مخالفه ومخلين اللجنة الدخيله .. وغير اللي منهم كان بالتابين وما اعتذر والثاني اللي ما احترم النشيد الوطني والثالث اللي شهادته مزوره وغير المداحر والالفاظ دون المستوى والاهتمام بالتوافه وتجاهل الاشياء الاهم .. فاشوفهم بيخربون الديره بدال لا يصلحونها .. (واوافق راي الاخت grl in a bottle)
واتوقع يبيله وقت يوقف لين ما يتثقفون سواء المرشحين او الناخبين

وتسلمين على الموضوع

 

[*مارلين_مونرو*]

اشكرج اختي على طرحج لهذا الموضوع خاصه في هالوقت الحرج

بالنسبة لمجلس الأمة ما شاء الله له فضل من الاعضاء اللي فعلا على كلمتهم

وانا ما اؤيد ان يوقفون نشاط المجلس خااصه في الوقت هذا لان وبكل

صراحه في نواب ينعدون على اصابع الايد الوحده اللي اشوفهم يشتغلون

بكل صدق واخلاص اتمنى انهم يكملون مسيرتهم الطيبه لانا محتاجين احد

يطلع صوت الشعب الله يوفقهم يارب ويسامح كل نائب عطوه الشعب امانة صوته

ولا صانها ): .. وفي نقطه ذكرتها وحده من الاخوات للاسف خطيره لابعد حد

وهي فوز النواب اللي ولائهم للخارج والكل عارفهم بصراحه هذيلي المفروض

انه يسحبون جناسيهم مو يقعدونهم بمجلس الامه واللي ما يكون ولائه للكويت

الكويت مستغنيه عنه .

حياااج حبيبتي و يزاج الله خير عالمشاركه الطيبه و كلامج صح ..​