النقاب و البرقع

[][ نسكآفيه ][]

بنآت إنتوآ كبرتوآ إلموضوع .!
خلآص كلٍ يعرف لبسه ورآضي عنه .!
سوآءآً كآن تخلف ولآ عآده هذآ مآ رآح يغير شي !
وإلموضوع أسآسآ مآله دآعي .! يعني إذآ قلنآ تخلف خلآص محد رآح يلبسه !

 

[لآ بيرلآ]

اللي شادين حيلهم وايد على بنت بابا جابر و ديفا ..


قبل الغزو .. نااااااااااااااااااادر تلقين احد متنقب ! بالكويت اللي تقول غير جذي مع احترامي لها .. مولودة عقب الغزو لول
انا عازمية .. يعني بدوية .. مع ان اهلي مو لبيسة نقابات ..
عادي يعني .. بس عموما القصد ..
قبل الغزو .. بالصور و جذي .. حتى الحجاب ما يلبسونه !! ييتوا على كيفكم الفتوا و قلتوا النقاب العادي بو سير يلبسونه من قبل الغزو !!
الحجاب قبل الغزو بجم سنه لبسوه
و البرقع حريم البدو كان يلبسونه من قبل الغزو صح .. و الحضريات بوشيه .. فديت امهاتنا بس :*

و بالنسبة لموضوع النقاب ..
بنقص على بعض ؟ حبيباتي .. يمكن اقل من النص يلبسونه من مبدأ ديانة
اغلبية اللي يلبسونه لان بنات العايلة كلهم نقابات و هذا شي طبيعي عندهم .. مو عيب و لا غلط كيفهم

بس لا تجادلون من ناحية دينية .. لان صح .. مو كل من تلبسه تلبسه ديانة !!!

و حق الاخت اللي قالت لـ ديفا صورتج اللي بتوقيعج مادري شفيها و ستر و تفصخ ..
ياربي انتوا ماادري شلون صايرين البنت تبيع هالشغلة .. مو رازة التوقيع عشان شي ثاني

و الله يا بنات دام كل وحدة شادة الحيل يعني انا الصح .. مادري شقول !!

 

[{ عبره وهلت }]

النقاب والبرقع البعض يلبسه عادة متوارثه والبعض للستر بأقتناع
وانا اشوف في كلا الحالتين لبسه نعمة من الله بغض النظر عن البعض
منهن اللاتي يلبسنه دون احترام له ويشوه صورته ...

عموما هو فخر لكل من تلبسه لانه افضل من التبرج واللبس المقزز

 

[ياوحشة غيابك]

حبيبتي فيه طريقه احسن من جذي تطرحين فيها الموضوع .. من غير كلمة تخلف

وبالعكس النقاب ستر للي (حابه) تستر نفسها والبرقع ايضا من عاداتنا الجميله ..طيب ممكن سؤال انا اعرف جم وحده حضريه كبيره بالعمر

تلبس عباة الراس من غير ملفع والشعر كله طالع واللبس ... تعتبر عندكم عاده او تخلف ..؟؟

اتمنى ماتزعلين من كلامـــي بس حبيت اوضح لج وجهة نظري

 

["حـــــــلا""]

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

 

[روح مغليهآ]

انا اشوفه حرية شخصيه

 

[bestchoise]

انا تنقبت من نفسي للستر
صراحة استحي لي رحت مكان الكل يخزني ...
بس انا ضد نقاب الزينة اللي يجذب الرياييييل أكثر ...
والبوشية طبعا استر واحسن ...
ويا ليت يا بنات يكون اسلوبنا راقي في النقاش ..

 

[الحبيبة 2009]

سألت مصرية وهي سفور بالحرم سماحة الشيخ بن بازالله يرحمه

ياشيخ ياشيخ وقف الشيخ وكان لاف وجه عنه قالت


انا بسألك ياشيخ عن البس الشرعي للمرأة في الاسلام رد علية الشيخ وهو لا ف وجه عليه وهو امغطيه بشماغه كلة


قال هذا البس الشرعي يعني تغطيه الوجه

اما بالنسبة لنقاب هو ستر للمراة وطوروه لان طبيعة المراة اختلقت اتجهت للعمل بأن يكون سهل مريح تقدر اتشوف


الحين روحو شوفو وزارات الدوله ماتخلى من المنقبات اذا مو الاغلبية حتى الحضر طبعا انا اتكلم عن الحضر الملتزمين


صارو يلبسون نقاب

اأنا سألت مره واحد طايش كنا بمجمع ولا يلحقون بنت سفور ولابسة جميع الالوان

جان اقوله حرام عليكم ليش تمشون وراه جان يرد علي حتى لو بنمشي وراج مااشوف منج شي كلج أ سود بأسود

عرفتو نفس الحلاوة المكشوفة والحلاوة المغطية المكشوفة دار مادارة ذبان والمغطية فاضيه ماحوله شي

 

[أمواج البحر]

تم حذف اكثر من 30 رد

وسيتم توجيه إنذار لكل عضوه قد خرجت عن صياغ الموضوع او غلطت بالكلام على اخرى

ارجو من الجميع الالتزام بأدب الحوار و ياليت ترتقون باسلوبكم

واقصد البعض طبعا

لان في عضوات ماشاء الله عليهم حتى لو كانت ضد الكلام لكنها تبدي رايها بأدب و احترام ودون تقليل من شأن احد

وفي الجانب الثاني اللهم يا كافي في عضوات تحسين انها بتطلع من الشاشه من العصبيه و الاسلوب

اللي ابسط ما نقول عنه غييييير حضاري

اجبرتوني على هالكلام للاسف

الموضوع للمشاهده فقط