حسافة يوصل التفكير لهدرجة الحين النقاب صار تخلف ؟!!
أولا : النقاب حرية شخصية الي تتنقب كيفها واللي ماتبي تتنقب كيفها, والله مو عشان جم وحدة اساؤوا للنقاب مثل مافي جم وحدة تسيء للحجاب نقوم نحارب النقاب !! ,, الحجاب فرض وحلو ,, والنقاب عاد احلى وأحلى ,, والبوشية هاذي وصلت للكمال بالستر عاد !
ثانيا: سالفة انها عادة دخيلة ! يازينها من عادة دام فيها الستر , اولا قبل ماكان في نقاب بوسير ماكان مخترعينه توه ! لكن من عادات الكويتيين الأصيلين يلي تقولون نبي نحافظ على الهوية الكويتية , أقول من عادات أهل الكويت الأصيلين الستر , كانوا حريمنا لما يطلعون يتغطون بالبوشية والا تحط عباتها فوق راسها ولي مر يمها رجال نزلت عباتها على عيونها وطلعت عين وحدة بس , واما البدويات الي بالبر فكانوا يتغطون بالبرقع , وهاذي عوايد أهل الكويت الأصيلة كل الحريم كانوا يتغطون ماعدا بعض العجايز الكبار فكانو يكشفون وجيهم وكذلك ماعدا بعض عبيد وموالي العوايل هاذي عادات أهل الكويت يلي تسئلون عنها , روحو شوفو مسلسل الفرية , حياة الفهد اهتمت بهلمسلسل حتى بأدق التفاصيل ,شفتوها شلون متغطية اهي وكل حريم المسلسل, هذا كان لبس نساء الكويت أيام أول وهاذي عوايدهم , تالي طلع نقاب بوسير الي أشوفه انه اريح من البوشية خصوصا للي ماتشوف عدل , حاولت البس البوشية بس يالله أشوف دربي ! وتروالي غيري شكثر منقبات اختاروا النقاب لانه عملي اكثر من البوشية , مع انه البوشية طبعا أفضل واستر من النقاب , مثل ما النقاب كذلك أفضل وأستر من الحجاب ,
ثالثا : الحجاب فيه بنات يسيئون له , وكذلك النقاب فيه بنات يسيئون له , كل شيء يُحتمل استخدامه على وجهين , وجه زين ووجه سيء , فيعني الحين وقفت على المنقبات؟! ليش تسيئون بطريقتكم هاذي للمنقبة المحترمة , اتقوا الله وكفوا السنتكم عن المنقبات , ترى حتى الحجاب البنات اساؤوا استخدامه , بس البعض لاقيها حجة للهجوم على فئة !
رابعا : انا وحدة تنقبت باختياري رغبة بالستر وللعلم محد من اهلي فرض علي النقاب ومحد من خواتي متنقب انا الوحيدة فيهم المتنقبة وبمزاجي وتقرب من الله , لما اقرى موضوع مثل هذا واكيد غيري منقبات واجد شنو ياترى بيكون شعورنا؟ اتمنى من صاحبة الموضوع توضح وجهة نظرها من جديد لأني لن أقبل الا بالاعتذار مقابل هلتهكم على النقاب والاساءة له والاساءة للمنقبات وحسبي الله على الجويهليين والجويهيليات هلآفة انتشرت بشكل رهيب بالمجتمع الكويتي وماعادت الكويت مثل أول كل فئة تحاول اقصاء الفئة الثانية وصاروا يصنفون الناس على لهجتهم وعلى لبسهم !
خامسا : النقاب بالكويت مو لفئة دون ثانية كما يحاول البعض أن يهيء لنا بطريقة الدفان والتلميح " الطريقة الجويهيلية" ! ,
انا بدوية وايام الدراسة الجامعية ماكنت منقبة وكانوا معاي بنات حضريات منقبات وبدويات متنقبات ! يعني في اقبال عليه من كل الفئات ومو مقتصر على فئة دون الثانية ! ,
سادسا : في بعض بنات في قلوبهم مرض اتجاه فئة من فئات الكويت وهو مرض "جويهلي " انتشر في الفترة الأخيرة بالكويت بشكل مقزز , يحاولون هؤلاء الاساءة لفئة من فئات الكويت وخنكون أوضح هدفهم " البدو " , فمن ردود هلبنات بهلموضوع وبموضوع ثاني مابي اقول عنوانه عشان ما أشهر الموضوع وازيد ردوده لانه طايح حظه ونازل والي بالموضوع طايحينله نغزات عن البدو لا ووحدة اشكره تقول لما جونا الهيلق !, ماعلينا , المهم, أحب أقول , الله يشفيكم وهذا ان دل على شيء فيدل على عقدة النقص الي فيكم ومن تلميحكم ونغزاتكم علبدو أقول ترى ماحركتوا شعرة من روسنا , والقافة تسير والكلاب تنبح وكفى !
