النوم والرضاعة؟!؟!

[-فلانة-]

السلام عليكم جميعا..
بنات انا بنوتي عمرها 4 أشهر..و عودتها من زمان إنه الساعة 9 أو 10 بالكثير إهيا بفراشها أسبحها و أرضعها وتنام..واسم الله عليها تنام متواصل لي 8 أو 9 الصبح..
سؤالي أهوا..
هل أرضعها رضعة بالليل والا ما يحتاج؟؟
انا كنت أرضعها و إهيا نايمة بعد عمري و أردها فراشها.. بس قريت إن هالشي غلط لأن النوم وايد مفيد للطفل..
بنفس الوقت أحس بتأنيب الضمير إذا تركتها كل هالمدة من غير رضعة..
مع العلم إني جربت ما أرضعها بشوف إذا تقوم بالليل أو لأ..اسم الله عليها ما قعدت..
علموني بنات شنو الصح اللي لازم أسويه؟
وجزاكم الله ألف خير.​

 

[Melazlaza]

انا الي اعرفه ان غلط نقعد الطفل لان فسيولوجياً الجسم يعرف يطلب حاجاته مو لازم انتي تذكرينه فاذا ياعت بتقعد لكن دامها نايمة معناته محتاجة النوم اكثر..

الله يخليها لج،،

 

[-فلانة-]

انا الي اعرفه ان غلط نقعد الطفل لان فسيولوجياً الجسم يعرف يطلب حاجاته مو لازم انتي تذكرينه فاذا ياعت بتقعد لكن دامها نايمة معناته محتاجة النوم اكثر..

الله يخليها لج،،

تسلمين يا غالية و ماقصرتي
و الله يخليلج كل من يعز عليج
:eh_s(17):​

 

[Melazlaza]

^^
الله يسلمج ياقلبي
اجمعين..

 

[BubbLe87]

لا تقعدينها دام نامت معناته مو يوعانه
الله يحفظها لج و يخليها
و ادعيلي بنيتي تنام عدل

 

[طيبة83]

امبيه بنات الله يهداكم لا تنزلون مواضيع ولدي ينام ولا ولدي ياكل

هاذي ثاني موضوع ينزل جذي واخر موضوع صاارت سالفه والياهل تخسبقت ما قامت تنام

ذكروا الله على عيالكم

مرات في ناس من غير ما تقصد اتي عينها على الشي خصوصا النوم او الوزن

عموما ماشاء الله تبارك الله

اقري ع بنيتج والله يحفظها

وماله داعي تقعدينها وحاولي ترضعينها اكثر في النهار اذا طبيعي كل ساعتين واذاا صناعي كل ٣

 

[-فلانة-]

لا تقعدينها دام نامت معناته مو يوعانه
الله يحفظها لج و يخليها
و ادعيلي بنيتي تنام عدل

تسلمين يا غالية و يحفظلج بنيتج و يبلغج فيها إن شاء الله..
تبينها تنام عدل علميها كل يوم في وقت معين تسبحينها و ترضعينها رضعة مشبعة و حطيها بفراشها..وإن شاء الله تتعدل نومتها :eh_s(15):
​

 

[-فلانة-]

امبيه بنات الله يهداكم لا تنزلون مواضيع ولدي ينام ولا ولدي ياكل

هاذي ثاني موضوع ينزل جذي واخر موضوع صاارت سالفه والياهل تخسبقت ما قامت تنام

ذكروا الله على عيالكم

مرات في ناس من غير ما تقصد اتي عينها على الشي خصوصا النوم او الوزن

عموما ماشاء الله تبارك الله

اقري ع بنيتج والله يحفظها

وماله داعي تقعدينها وحاولي ترضعينها اكثر في النهار اذا طبيعي كل ساعتين واذاا صناعي كل ٣

ههههههههه طيبة جنج تدرين كنت بنزل موضوع ثاني عن الوزن بس هونت..
انا هذي بنتي بجري فماني عارفة بالضبط شنو الصح و شنو الغلط..
وإذا عن العين..انا موكلة أمري حق ربي والله الحافظ إن شاء الله..
تسلمين يا حبيبتي :eh_s(17):
​

 

[نـعـومـه]

مادري جنه حرام كل هالمده ماتشرب لاحليب ولا ماي !!

وشي ثاني شلون تخلينها كل هالساعات بدون ماتغيرين حفاظتها !!! حرام بتحوشها التهابات بعدين !!

وبخصوص رضعه ونوم سألي دكتور احسن بقسم المواضيع المثبته في دكتور زين ويرد بسرعه

 

[-فلانة-]

مادري جنه حرام كل هالمده ماتشرب لاحليب ولا ماي !!

وشي ثاني شلون تخلينها كل هالساعات بدون ماتغيرين حفاظتها !!! حرام بتحوشها التهابات بعدين !!

وبخصوص رضعه ونوم سألي دكتور احسن بقسم المواضيع المثبته في دكتور زين ويرد بسرعه

اي مو عشان جذي استفسرت بخصوص الرضعة حبيبتي..
لأني سألت وايد وأغلبية الردود تقول لا تقعدينها من نومتها..إذا يوعانة بتقعد من نفسها..والكل يقول إن نومة بالليل للطفل وايد مفيدة له..وحالها من حال الرضعة..بس انا ضميري يأنبني مو قادرة أقتنع بهالحجي :eh_s(16):
وبخصوص الحفاضة هم سألت وايد..كل الأجوبة تقول نفس الشي..إذا البيبي متضايق من حفاضته بيقعد من النوم..طبعا هذا في حالة لو البيبي تبول بس وإنتي بكرامة..أما الخروج أكيد بغيرلها لو هي بعز نومتها..بس انا بنتي ما تخرج بالليل وقت النوم..تخرج الصبح عقب ما أرضعها..والحمدلله رب العالمين ما واجهتني أي مشاكل معاها من هالناحية.
مشكورة وايد يا حبيبتي وإن شاء الله بميزان حسناتج..:eh_s(7):

​

 

[مرينا 23]

ما شالله انا حامل وابي استفيد عشا ن بعدين

اخليها تنام بالنهار اولا

شلون طريقتج عشان تنام متواصله بليل ما شالله

 

[-فلانة-]

ما شالله انا حامل وابي استفيد عشا ن بعدين

اخليها تنام بالنهار اولا

شلون طريقتج عشان تنام متواصله بليل ما شالله

حبيبتي,, أول شي ربي يتمم عليج حملج و يرزقج الطفل السليم المعافى من كل شر إن شاء الله..
بخصوص نومة البيبي يا غالية.. حطي في بالج شغلة..بالنفاس راح تطلع عيونج :eh_s(11):
البيبي إذا نام ساعتين على بعض بوسي إيدج ويه و قفا..
بس مرحلة و تعدي إن شاء الله..
انا لما كنت نفاس شريت مصاصة اليهال..علمت بنتي عالمصاصة حزة النوم بس..مسكينة مصاصتها كانت أكبر من ويهها
و ثاني شي سويته حزة النوم كنت أحط يم راسها تي شيرت مالي فيه ريحتي..
أرضعها و أشبعها و أطلع الغازات من بطنها و أحطها يمي مصاصتها بحلجها و تي شيرتي يم راسها..
طبعا هذا بالنفاس كنت أسويه عشان ما تتعلم على الشيلة و الحضن وقت النوم..
لأنه يتني فترة حسيت إني خلاص بنهار مو قادرة..كانت ما تنام إلا و هي تمص صدري و إذا شلتها قعدت من النوم تصارخ..مت صج صج تعبت.. فغيرت الطريقة على طول.
أول ما طلعت من النفاس و رديت بيتي..نفس الليلة سبحتها و رضعتها و وطلعت الغازات من بطنها و نفس الشي أحطها يمي مصاصتها بحلجها و الخرجة إياها يم راسها..وخلاص صار هذا نظامنا يوميا حق النوم..تسبوحة و رضعة و تنام بروحها اسم الله عليها..
طبعا أول فترة ممكن تقعد بالليل من نفسها مرة أو مرتين تبي رضعة..
شوي شوي يبدي الياهل يميز بين النهار والليل فتلاقينه فترات نومته بالليل تطول أكثر..
حاولي تعلمين البيبي على نظام معين..و راح ترتاحين وايد..
إن شاء الله أكون فدتج حتى لو شوي..
وأي استفسار انا حاضرة وبالخدمة حبيبتي :eh_s(7):​

 

[-فلانة-]

اي و بخصوص نومة النهار عادي حبيبتي..أصلا أول شهرين البيبي معظم الوقت نايم.. حرام هذي حاجة جسدية لا تحرمينه منها..
و حتى انا بنتي الحين تنام بالنهار..تاخذلها غفوات قصيرة..ماكو مشكلة..وبالعكس الغفوات تساعد البيبي على النومة الهادية بالليل..إذا تعبتي البيبي أو حرمتيه من الغفوة راح تتعسر نومته معاج..مثلنا إحنا يالكبار..إذا أجهدنا نفسنا وايد تصير نومتنا صعبة بالليل..
اللي عليج تسوينه لما البيبي يكون صاحي أثناء النهار حاولي تلاعبينه..تسولفين معاه..تبتسمين بويهه..حتى لو ما يفهم عليج ماكو مشاكل..المهم الفترة اللي أهوا قاعد فيها جابليه و عطيه كل وقتج..حسسيه بالحنان كثر ما تقدرين..جذي البيبي يميز إنه و هو صاحي إنتي معاه..وإنه و هو نايم ينام بروحه.​

 

[مرينا 23]

مشكوره ع نصايحج حبيبتي

 

[بنك بااستا]

خووش فلم عجيب ياام الشخصياات

 

[مشتطـه]

فلانه ياعمري ما الومج انتي بحاجه انج تعرفين

بس انا ما احب اذكر شي زين بحياتي هني

بصراحه في ناس تحسد
وفي ردود تبين انها غيرانه
استغفر الللللللللللللللللللللللللله واتوب اليه

عادي دام نايم لا تقطعين نومته
خليها مرتاحه

 

[-فلانة-]

فلانه ياعمري ما الومج انتي بحاجه انج تعرفين

بس انا ما احب اذكر شي زين بحياتي هني

بصراحه في ناس تحسد
وفي ردود تبين انها غيرانه
استغفر الللللللللللللللللللللللللله واتوب اليه

عادي دام نايم لا تقطعين نومته
خليها مرتاحه

فدييييتج يا مشتطة..
والله أحبج لله في الله..:eh_s(22)::eh_s(22)::eh_s(22):
من أشوف نكج ويهي يصير جذي>>>>
ربي يحفظلج ولدج و يبلغج فيه و تشوفينه معرس إن شاء الله :yaaaaaarb:
​

 

[مشتطـه]

هههههههههه فلانه اقسم بالله اني ابادلج مثل الشعور سبحان الله

 

[شادن33]

ههههههههه طيبة جنج تدرين كنت بنزل موضوع ثاني عن الوزن بس هونت..
انا هذي بنتي بجري فماني عارفة بالضبط شنو الصح و شنو الغلط..
وإذا عن العين..انا موكلة أمري حق ربي والله الحافظ إن شاء الله..
تسلمين يا حبيبتي :eh_s(17):
​

فلانه الله يحليلج بنتج ويحفظها
بس اللي اعرفه ان الرضاعة الليليه مفيده للام اكثر ولجسمها وحتى سامعه انها تمنع الحمل والله اعلم
وانا كنت كله الصقهم فيني بالليل خخخخخ


بس على طارئ العين صج بعد تفز من موضوع ينكتب بالنت :bbbiu:

 

[توتا حمرا]

ماشاءالله ربي يحفظها لج
الرضاعة ضرورية للطفل بس دامها ماتصحا عادي أحسن من اتصحينها واتأذيج بنومتها
والحين اهيا بسن مؤ معتمدة على الرضاعة دخل الأكل لغذائها يعني تشبع اكثر
ونصيحة لحد ينزل مواضيع جذي عالاقل جان لا ذكرتي الساعات والله العين ما ترحم