النوم والرضاعة؟!؟!

[-فلانة-]

فلانه الله يحليلج بنتج ويحفظها
بس اللي اعرفه ان الرضاعة الليليه مفيده للام اكثر ولجسمها وحتى سامعه انها تمنع الحمل والله اعلم
وانا كنت كله الصقهم فيني بالليل خخخخخ


بس على طارئ العين صج بعد تفز من موضوع ينكتب بالنت :bbbiu:

حبيبتي يا شادن ما قصرتي يالغالية..
انا أرضعها صناعي للأسف..
الحليب وقف عندي وانا بالنفاس..
بس سألت الدكتور اللي بالمنتدى..
قالي ماله داعي ترضعينها وأهي نايمة..
إذا ياعت بتقعد من نفسها..
ربي يخليلح عيالج و يبلغج فيهم إن شاء الله.
:eh_s(7):​

 

[-فلانة-]

ماشاءالله ربي يحفظها لج
الرضاعة ضرورية للطفل بس دامها ماتصحا عادي أحسن من اتصحينها واتأذيج بنومتها
والحين اهيا بسن مؤ معتمدة على الرضاعة دخل الأكل لغذائها يعني تشبع اكثر
ونصيحة لحد ينزل مواضيع جذي عالاقل جان لا ذكرتي الساعات والله العين ما ترحم

انا بديت أوكلها صارلي أسبوعين تقريبا..
الحمدلله الأمور ماشية معاي تمام..
تسلمين على ردج حبيبتي.
​

 

[BubbLe87]

فلانة بقولج قصتي مع نومة بنتي الله يحفظها
الله يسلمج الحبيبة كانت ما تنام الا على صدري طبعا امي نصحتني قالتلي اول ما تنام و اهي ترضع شيليها و حطيها بفراشها بس انا ما سمعت الحجي خليتها تنام على صدري و تنام بيدي فكانت ماااااا تبي تنام الا بالايد و على حلمتي بحلجها تخيلي و كل ما اشيلها فلمممم لول
عقب لما كملت الشهر بديت معاها فلم يديد اني اشيلها و افتر فيها ليما تنام
الاخت ما تبي تنحط بس تبي تنشال و يفترون فيها وااااي
عقب ريلي ادبها قام يحطها بفراشها و مصاصة و يخليها
اول شي ما رضت و تببببجي حبيبتي
الحين تاقلمت شوي شوي و قامت تنام اسرع تبارك الرحمن

فنصيحة يا امهات بجريات لا تعودونهم عالشيل و الصدر انه ينامون عليه
المصاصة مفيدة و السبوح عجيب حق الياهل

و الله يحفظ عيالكم يا رب من كل شر

 

[-فلانة-]

فلانة بقولج قصتي مع نومة بنتي الله يحفظها
الله يسلمج الحبيبة كانت ما تنام الا على صدري طبعا امي نصحتني قالتلي اول ما تنام و اهي ترضع شيليها و حطيها بفراشها بس انا ما سمعت الحجي خليتها تنام على صدري و تنام بيدي فكانت ماااااا تبي تنام الا بالايد و على حلمتي بحلجها تخيلي و كل ما اشيلها فلمممم لول
عقب لما كملت الشهر بديت معاها فلم يديد اني اشيلها و افتر فيها ليما تنام
الاخت ما تبي تنحط بس تبي تنشال و يفترون فيها وااااي
عقب ريلي ادبها قام يحطها بفراشها و مصاصة و يخليها
اول شي ما رضت و تببببجي حبيبتي
الحين تاقلمت شوي شوي و قامت تنام اسرع تبارك الرحمن

فنصيحة يا امهات بجريات لا تعودونهم عالشيل و الصدر انه ينامون عليه
المصاصة مفيدة و السبوح عجيب حق الياهل

و الله يحفظ عيالكم يا رب من كل شر

هههههههههههههه نفس سالفتي مع بنتي بالضبط..
بنتي كانت ما تنام إلا و هي تمص صدري..ما تبي حليب شبعانة بس لازم صدري بحلجها.. بغيت أموت والله صج تعذبت..
بس انا على طول وانا بالنفاس غيرت الوضع عشان لا أنهار :eh_s(4):
شريتلها مصاصة و و عقب ما أرضعها على طول أحط المصاصة بحلجها و أحط يمها تي شيرت مالي فيه ريحتي عشان تحس بالأمان..
و من عقب النفاس يوميا لازم أسبحها..صار هذا الروتين مال النوم..
الحمدلله رب العالمين ما عندي مشاكل من ناحية النومة..
كلامج كله صح..لازم الياهل ما يتعود على الشيلة والحضن..محد بياكلها إلا الأم مسكينة..
ربي يحفظلج بنيتج و يبلغج فيها حبيبتي و تشوفينها أحسن الناس..
​

 

[فرزاشيهـ]

بجريه بس استفدت من كلامج يالغاليه .،

يعطيج الف عافيه والله يخلي لج العروس يارب

 

[-فلانة-]

بجريه بس استفدت من كلامج يالغاليه .،

يعطيج الف عافيه والله يخلي لج العروس يارب

تسلمين يا حبيبتي..
عسى ربي يقومج بالسلامة و تفرحين بشوفة ضناج بخير و عافية إن شاء الله..
:eh_s(7):​

 

[BubbLe87]

فلانة يسلمج ربي من كل شر يالغالية مشكوورة عالدعوة الحلوة و انتي بعد ربي يحفظ بنيتج الحلوة من كل شر ياا رب

 

[KOKO_284I]

حبوبه يقولك اسأل مجرب ولا تسال طبيب

أنا إنسانه ارضع وما خليت اخصائي او دكتور ما ألجأ له بمسائل الطفل ووادي اقرأ كتب بهالخصوص

والرأي يقولج مؤ المفروض يرضع ألياهل بليل واهو نائم اهم سببين ان الرضاعة وراسها منخفض بسبب وضع النوم يسبب التهاب الاذن
والاهم من هذا يضر ليتها ويؤلمه اتسنن راح يؤسسون بسرعه وهذا اللي صار مع ولديوالحين قاعده أغالبة باسنانه

اسم الله عليها ينتج تنام والكلام لا اتقولينه اي مكان لا اتروحين بالعين

غيري حفاضتها واهي نائمه عشان لا تلتهب واذا قعدت شرربيها شوي ماي بمميه وراح أترد اتنام

ان شالله اكون فدتج والله يحفضها

 

[مترجمه]

فلانه واااي انا الحين كليتها ماينام بسربره توني نفاس وبكمل شهر والله انهار طول الليل يبجي ومايسكت واحطله مصاصته بحلجه يقطها ارضعه يسكت ارد احطه يبجي ههههههههه لاعب باعصابي حبيبي


المهم بسالج شلون تطلعين الغازات ؟ لاني اعطيه ادويه وهم يتعصر ومو كل مرة يتريع :/


والله يحفظلج بنوتج يارب

 

[-فلانة-]

حبوبه يقولك اسأل مجرب ولا تسال طبيب

أنا إنسانه ارضع وما خليت اخصائي او دكتور ما ألجأ له بمسائل الطفل ووادي اقرأ كتب بهالخصوص

والرأي يقولج مؤ المفروض يرضع ألياهل بليل واهو نائم اهم سببين ان الرضاعة وراسها منخفض بسبب وضع النوم يسبب التهاب الاذن
والاهم من هذا يضر ليتها ويؤلمه اتسنن راح يؤسسون بسرعه وهذا اللي صار مع ولديوالحين قاعده أغالبة باسنانه

اسم الله عليها ينتج تنام والكلام لا اتقولينه اي مكان لا اتروحين بالعين

غيري حفاضتها واهي نائمه عشان لا تلتهب واذا قعدت شرربيها شوي ماي بمميه وراح أترد اتنام

ان شالله اكون فدتج والله يحفضها

تسلمين يا حبيبتي و الله وايد أفدتيني..ما كنت أدري عن سالفة التهاب الأذن و تسوس الأسنان..
بس خلاص بطلت أرضعها بالليل لأن حرام تكسر خاطري أقعدها من عز نومتها و أرضعها..
تسلمين يا حبيبتي و عسى ربي يحفظلج ولدج و يبلغج فيه إن شاء الله.
​

 

[-فلانة-]

فلانه واااي انا الحين كليتها ماينام بسربره توني نفاس وبكمل شهر والله انهار طول الليل يبجي ومايسكت واحطله مصاصته بحلجه يقطها ارضعه يسكت ارد احطه يبجي ههههههههه لاعب باعصابي حبيبي


المهم بسالج شلون تطلعين الغازات ؟ لاني اعطيه ادويه وهم يتعصر ومو كل مرة يتريع :/


والله يحفظلج بنوتج يارب

حبيبتي ربي يحفظلج ضناج من كل شر إن شاء الله و هونيها ترى أيام و تعدي و تنسين هالعذاب كله..
حبيبتي بالنسبة للغازات..انا ما استخدمت أي نوع من أنواع الأعشاب و الأدوية.. انا كنت أغير وضعية تفريغ الغازات من بطنها..يعني مرة أحطها على صدري و أمسح على ظهرها من تحت لي فوق..و مرات إذا ما فادت هالطريقة أحطها على فخذي..بحيث يكون صدرها على فخذي و ريلها تحت و أطبطب عليها لين تطلع الغازات ولاحظت الوضعية هذي وايد تريحها..جربيها مع ولدج.
و بالنسبة للنومة حبيبتي..طبيعي البيبي في هالمرحلة يبجي و يبي حظن أمه و ريحتها..
انا كنت في البداية أنومها بالسرير الصغير مال المواليد بس لاحظت إنها وايد كانت تتعسر فيه لأنها تكون شوي بعيدة عني..قمت حطيتها يمي..إذا فراشج مو نفرين لا تسوين هالحركة حبيبتي مو زين خوفج تقلبين على البيبي و إنتي نايمة لا قدر الله..
ثاني شغلة سويتها و هذي اللي صج فادتني..إني كنت أحط يم راسها تي شيرت مالي فيه من ريحتي..سبحان الله وايد تغيرت نومتها و صارت أحسن..و لي يومج هذا ما تنام إلا لامة هالتيشيرت.. و ترى بنتي بعد ما كانت متقبلة المصاصة أول شي..مليون مصاصة شريت يالله لقيت اللي بنتي ترتاح عليها..حلمة المصاصة أنواع حبيبتي..اللي مشت مع بنتي أهي اللي حلمتها سيدة مافيها انحناء..ماركتها أفنت موجودة بمذركير و مركز سلطان..وراعي إنها تكون حق عمره ما تكون أكبر من عمره..
شغلة ثانية سويتها بس عقب ما طلعت من النفاس على طول..إني كنت أسبح بنتي يوميا قبل لا تنام ..السباحة وايد تريح البيبي و تعلمه على نظام معين يمشي عليه..يعني خلاص البيبي يبدي يعرف إنه صارت حزة النوم فتلاقينه عقب السبوح يدوخ وينام بهدوء من غير زيطة.
حبيبتي أدري قرقت على راسج وايد بس قاعدة أحاول أفيدج كثر ما أقدر..
ربي يحفظلج وليدج و تشوفينه معرس قولي آمييين.​

 

[مترجمه]

فدييييييتج والله كفيتي ووفيتي يازينها من قرقه تصدقين بجرب هالوضعيه مالت انومه ع البطن امي تسويها له ويرتاح بس انا قريت عنها صراحه دكتور بتويتر كاتب خطرة جدا ولاسمح الله تودي للوفيات المواليد فخفت ومرة جربت احطه وقعد يبجي واستعسر فما عدتها ... وبحاول احطله تيشرت عند راسه معنه احس صعبه عليه يشمشم لووووول لانه ممهد بس بحاول .. وماقصرتي حبيبتي بعتمد ع نفسي ان شالله واحاول اسبحه لانه اخاف امي الي تسبحه

 

[-فلانة-]

فدييييييتج والله كفيتي ووفيتي يازينها من قرقه تصدقين بجرب هالوضعيه مالت انومه ع البطن امي تسويها له ويرتاح بس انا قريت عنها صراحه دكتور بتويتر كاتب خطرة جدا ولاسمح الله تودي للوفيات المواليد فخفت ومرة جربت احطه وقعد يبجي واستعسر فما عدتها ... وبحاول احطله تيشرت عند راسه معنه احس صعبه عليه يشمشم لووووول لانه ممهد بس بحاول .. وماقصرتي حبيبتي بعتمد ع نفسي ان شالله واحاول اسبحه لانه اخاف امي الي تسبحه

حبيبتي الوضعية اللي تؤدي للوفاة أهيا إنج حزة نومته تنومينه على بطنه..هذي وايد خطرة لأن الياهل ممكن يصير ويهه على المخدة و مايقدر يرفع راسه فيختنق..الله يحفظلج ولدج..حطيه على فخذج و سندي حنجه بايدج حبيبتي..
والتي شيرت مو يم خشمه يا غالية ديري بالج..تحطينها يم راسها بس بحيث يقدر يشم الريحة حبيبتي..
و أي استفسار ثاني يا حبيبتي انا بالخدمة :eh_s(17):​

 

[KOKO_284I]

حبيبتي فلاانه تسلمين عالدعوه الطيبه

بس قاعده اقرا موضوعج وانتبهت انج اتكولين بنتج واهي عمره 4 شهور والسن المناسب للبيبي للاكل 6 شهور لان عالاربع شهور تكون للحين مو مكتمله معدة البييبي وفي طور تكونها الكامل .. وهالشي له تاثير سلبي عالياهل بالكبر ..

يعني الدكتور يقولي بالرابع اذا بتعطين مجرد عصير برتتقال واتخففينه بماي

في كتاب بجرير اسمه موسوعه الفراشه للعنايه بالام والطفل

كلمة عجيب شويه عليه ويعطيج حلوووول لكل شي يخصج او يخص البيبي

وانا من ولدي الاول وحتي الحين حامل كل شي ابي الجا له لان فعلا مفير ويعطيج معلومات احنا او امهاتنا كنا نجهلها

يعني امهاتنا 4 شهور يبلشون فينا الاكل وهذا اكبر غلط وذكرت لج السبب فوق ..

وان شالله اكون فدتج وربي يحفضها

 

[-فلانة-]

حبيبتي فلاانه تسلمين عالدعوه الطيبه

بس قاعده اقرا موضوعج وانتبهت انج اتكولين بنتج واهي عمره 4 شهور والسن المناسب للبيبي للاكل 6 شهور لان عالاربع شهور تكون للحين مو مكتمله معدة البييبي وفي طور تكونها الكامل .. وهالشي له تاثير سلبي عالياهل بالكبر ..

يعني الدكتور يقولي بالرابع اذا بتعطين مجرد عصير برتتقال واتخففينه بماي

في كتاب بجرير اسمه موسوعه الفراشه للعنايه بالام والطفل

كلمة عجيب شويه عليه ويعطيج حلوووول لكل شي يخصج او يخص البيبي

وانا من ولدي الاول وحتي الحين حامل كل شي ابي الجا له لان فعلا مفير ويعطيج معلومات احنا او امهاتنا كنا نجهلها

يعني امهاتنا 4 شهور يبلشون فينا الاكل وهذا اكبر غلط وذكرت لج السبب فوق ..

وان شالله اكون فدتج وربي يحفضها

انا فعلا بلشت أوكلها بناء على نصيحة أمي..مع إني قارية إن الطفل لحد 6 شهور المفروض ما ياكل..
بلشت أوكلها سيريلاك قمح و لما عرفت إنه ممكن يسببلها حساسية وقفته على طول..بدلته بسيريلاك أرز..
و قاعدة أوكلها كل 3 أيام مرة مو يوميا..لأني بصراحة خايفة مابي أضرها..
ساعات أذوقها تذويق بس الموز والفواكه..يعني مو أوكلها..لأ..بس ذواقة..
وساعات أفوحلها كوسا و أهرسها و أوكلها جم لقمة بس..
يعني ما أوكلها بانتظام..بس والله هم خايفة مع إن الحمدلله صحتها زينة حاليا بس خايفة يأثر عليها بالمستقبل مثل ما قلتي..
الله يسهل بحاول أوقف عنها الأكل ولو إنها عاجبها الوضع اسم الله عليها..
ربي يجزيج ألف خير يا حبيبتي و الله يقومج بالسلامة و يرزقج الطفل السليم المعافى من كل شر إن شاء الله.​