الهيئة العامة للتعليم التطبيقي والتدريب

[انا كيفي]

تعلن الهيئة العامة للتعليم التطبيقي والتدريب
عن تمديد فترة التسجيل الفعلي للفصل الدراسي الاول 2010/ 2011

نظرا لتوقف نظام التسجيل الطلابي على الانترنت في كليات الهيئة المختلفة بسبب أعطال فنية خارجة عن إرادة الهيئة.
لذا نهيب بطلابنا بأنه سوف يتم تمديد فترة التسجيل المتأخر والإضافة والانسحاب للأيام التالية :
السبت 2/10/2010
الاثنين 4/10/2010
الثلاثاء 5/10/2010
الاربعاء 6/10/2010
الخميس 7/10/2010
ماعدا يوم الأحد موعد انتخابات اتحاد الطلبة .
على جميع الطلبة الدخول على الصفحة الالكترونية للهيئة لمعرفة مواعيدهم .

 

[مرمووور]

رد : الهيئة العامة للتعليم التطبيقي والتدريب

يسلموووووووووووووووووو

 

[.. رفيع الشآن ..]

رد : الهيئة العامة للتعليم التطبيقي والتدريب

ندري

يعطيج العافيه حبيبتي

 

[A7bK SAMRAWI]

يسلمو على الموضوع

 

[انا كيفي]

رد : الهيئة العامة للتعليم التطبيقي والتدريب

يعافيكم يا رب ,,
بس قلت حراام في بنات ما يدروون وقلت خل اقصر عليهم الطريج من باب ..( احب لاخيك ماتحب لنفسك ) .

 

[احلى نززغه]

رد : الهيئة العامة للتعليم التطبيقي والتدريب

يسلموو

 

[انا كيفي]

رد : الهيئة العامة للتعليم التطبيقي والتدريب

بنات باقولكم ملاحظات لما تسوون جداولكم ياليت تحطونها بعين الاعتبار
لما تسجلون جداولكم اول شي انتبهوا على اوقات المحاضرة ورقم المبنى , عشان ماتوهقون بعدين يكون محاضرتين ورى بعض وكل وحدة بمبنى ولاعندج وقت ويحسبونلج تاخير والا غياب .
بعد ملاحظة ثانية اذا مكتوب لا يمكنك تعديل موعد التسجيل لانك سجلت اكثر من 13 وحدة عادي راح يحطونلك وقت تسجيل حطي وشيلي المواد على كيفج.

 

[انا كيفي]

رد : الهيئة العامة للتعليم التطبيقي والتدريب

انا اقولكم من تجاربي .. شي طييب الواحد يتعلم من اخطاءه ويعلم الناس عشان ما يقعوون بنفس الخطا

 

[مــقــآآديــر]

بعد ملاحظة ثانية اذا مكتوب لا يمكنك تعديل موعد التسجيل لانك سجلت اكثر من 13 وحدة عادي راح يحطونلك وقت تسجيل حطي وشيلي المواد على كيفج.



انا كيفي انا كاتبييلي كذا

شلووون متى احط البديل كل ماادش يقول مايصير

متى بالضبط؟

 

[انا كيفي]

رد : الهيئة العامة للتعليم التطبيقي والتدريب

شووفي بما ان السستم الايام اللي طافت عطلان على قولتهم مدري خلل فني
وحطوا مواعيد جديدة تبدا من السبت 2/10 /2010 الى الخميس ماعدا الاحد الانتخابات
فشي اكيد كل البنات راح يجددونلهم المواعيد البديلة اوكي معاي
انتي دخلي من باكر احتياط راح تلقين حاطين لج موعد بديل (موعد تسجيل ) عرفتي؟؟

 

[مزن الكويت]

بالتووووفيق