الوالدة ونصيحتها المميزة

[أميرة متواضعة]

هااااي بنات شلونكم ؟؟ بنات اليوم شفت موضوع وحة امها علمتها انها تنوم زوجها مثل البيبي عشان ما يقدر على فرقاها الصراحة نصيحة تسوى كنوز الدنياالسؤال بالنسبة لج انتي شنو النصيحة الي امج قالتها لج قبل الزواج و قلتي الله هالنصيحة وبس ومستمرة فيها وجايبة نتيجة مع بو الشباب ههههههههههه قولو شنو نصايح الغالية لج أو اي نصيحة سمعتيها أو قرأتيها ومستمرة فيها :bbbiu:

 

[ام فواازي]

مااذكر نصيحه معينه بالضبط
اب

 

[زوجة عزيز]

رد : الوالدة ونصيحتها المميزة

امي عمرها مانصحتني اي نصيحه حتى يوم اول مره ياتني الدوره وعلمتها هاوشتني قالت لي ماتستحين

 

[ريــم آلمطيري]

رد : الوالدة ونصيحتها المميزة

"

يا حليل أمهات قبل ، مايقولون لبناتهم شئ

كله عيب

ما اذكر شئ

 

[*uM_MiMi*]

فديتها وايد قالتلي بس مادري ليش هاذي النصيحة اللي متذكرتها حرفيا

لا تطلبين منه شي اول مايدخل البيت من الدوام الا بعد ما يتغدى و يشبع يديها نومه و يقعد ويديها زقاير و جاي ويفج مخه بعدين قوليله شتبين بدلع وسنع ... لاتغثينة اول مايدخل يكون منلج و مزحوم بامور دوامه ويومه ومشاكلهم

لاتخلين احد يدش غرفتكم النوم.. خلي فيها خصوصيه يعني مو علبو ان بتسكنين عند الحموله تخلين شقتج مشرعة و بالذات دارج ماتدرين منو يدش ولا يتطفل على شغلج

اليهال اذا توهم مولودين وتنومينهم معاج بالفراش حدهم لي ال8 او 7 اشهر بسسس بعدين تحطيله فراش وتشيلينه من فراشكم

ووايد اشياء

 

[حور البحور]

رد : الوالدة ونصيحتها المميزة

نصايح وايد بس تقول لي لاتأخرين غسل الجنابه مو زين يسبب مشاكل ومادري شنو

نصايح وايده ناستنها

 

[jojo493]

نصايح ابوي
=بالليل اسبقيه لغرفة النوم ، لايدخل الغرفه ومايلقاك
=المره تقدر تغير طبع الرجال بالمسايس والهداوه
=دايم ابوي يوصي بحسن المعامله مع ام الزوج ..
= لاتتاخرين عليه وقت اكله وشربه و لاتسرفين بفلوسه

نصايح امي :
لا تعاندين الرجال
=اذا عصب ورفع صوته عليك اسكتي وحطي عينك بالارض .. وبعدين خوذي حقك منه بالهداوه .. وترى لو تجري جري الوحوش غير رزقك ماتحوش ..
= حقوقك اللي ماتاخذينها من رجلك بالدنيا بتاخذينها منه بالأخره .. لاتعبين نفسك

 

[اميره1980]

لاني اكبر عنوديه بالدنيا
امي قالتلي لا تعاندينه و لا تراددينه
اهتمي في بيتج و طبخج لان الريال تكبر زوجته بعينه لي شافها مهتمة فيه بنفسها و لا تجيبين خدامة اول ايام الزواج و اذا جبتي بيبي بعدين الخدامة

اممممممممم هذا اللي اتذكره في وايد شغلت انا اعرفها بنفسي من غير محد يقولي و البركه بقسم الحياة الزوجية

 

[تفداج روحي]

رد: رد : الوالدة ونصيحتها المميزة

لوول انا امي تستحي بس وصت عماتي ينصحوني لووول وعماتي يضحكون كل وحده تييني تقول شي وتبجي
بس اغلبهم قالولي لا تضغطين على الريال اذا انتي عارفه ظروفه وتشوفين ان ما يقدر

خلج نشييييطه

 

[*لذيذة حدي*]

حبيبتي امي الله يحفظها من اول ما تزوجت علمتي ان ما احط راسي عالمخده و انام اذا كان اكو خلاف بيني و بين زوجي
قالت لي لا تنامون مع مشاكلكم حلووها قبل ما تدخلون الفراش ..
و صج دايما اذكر نصيحتها الله يحفظها لي .. بس بصراحه مو دايما اسويها لوول لان مرات اتغلى و اتدلع و ابيه اهوا يراضيني مو كله انا

شكرا
​

 

[أم حيدر]

لا تبوزين بويه الريال لان الرياييل ما يحبون النكد

وانا انصحكم بالصمت لان دوا كل علة

 

[انا لحبيبي .]

رد : الوالدة ونصيحتها المميزة

ومنكم نستفيد ^_^

حلو الموضوع

اب اب

انصحو اكتر << مقبله على زواج
​

 

[قلبي سلومي]

انا قالت لي خلج مع زوجج مثل مايسوي سوي مثله وصيري نفس طبعه

فديتها وطلعت صج نصيحتها عسى الله يطول بعمرها


والحين ربي لك الحمد انا وزوجي حيييييييييييييييل مرتاحيين مع بعض

 

[iLLuMinaTion]

الله يخليها يارب

 

[Zaina-al-zaina]

رد : الوالدة ونصيحتها المميزة

انا امي قالت لي " نااااااااااامي " اي نعم قالت لي نامي ،،،

ومو تخافين اول الايام انج تنامين ويشوفج ، اخذي حقج ولاتظلمين
نفسج ،،،، لان امي تدري اني اتعب نفسي وخوافه ووممكن اواصل وايد
ولدرجه كنت ازورهم اول الايام وتحت عيوني سواد ، عشان جذي حرصتني اني
ما احرم نفسي من النوم وافكر يالريال وانسى نفسي ،،،،،

 

[ابدا يالغالي مانساك]

رد : الوالدة ونصيحتها المميزة

فديت امي كل يوووم نصاااااااائيح
مو قبل الزواج وبس
الاانتي صاحبة الموضوع شنو نصيحة امج لج
مثل البنات مايقوولون انتي قوووووولي
فديتج 000 يابعدي

 

[نووويرة]

أنا قالت لي حتى وقت الدورة ما تنامين الا متسبحة و متعطرة و نظيفة. مع ان شكثر بنات يقولون انهم ما يتسبحون وقت الدورة عشان ما يمرضون بالعكس اصلا الوسخ هو الي يجيب البكتيريا و الالتهابات و الريحة الي تلوع الجبد

 

[سارووه الاموره]

لوووووووووول موضوع حلو ..


انا امي تستحي بس قبل العرس بيوم قالت لي حجي وايد ومنه ان لا تحنين وايد ع الريال

ولا تعصين امره واذا طلب شي حتى لو مالج خلق تسوينه قومي سويه لانج بتؤجرين ع الي تسوينه عند ربج مو عنده

واهتمي بريال و سنعي بيتج

وقالت لي كلمه كل ما تعفس البيت تذكرتها وقمت ارتب

ان البيت منظرتج ونظافه البيت من نظافتج وريحت البيت من ريحتج اذا انتي صج مهتمه بنفسج راح تهتمين بهالاشياء كلها

اذا انتي تهتمين بشكلج علشانه فقط يعني مو لنفسج اكيد بيتج بيكون وسخ وكله خش ودس وانتي بس بتهتمين بشكلج الخارجي ومن داخل لا .. وانا دايما ارتب وابخر وحتى الملابس ارتبهم قطعه قطعه بس صج يتعب الله يعينا بس ..

ووايد اشياء قالت ..

قالت اثبتي وجوودج بالبيت مو اذا قالج شنو تبين شنو قاصرج تستحين لااا قوليله شنو تبين وقاصرج وبهدوء

تقريبا نص الي قالو البنات امي قالته لي ..

 

[أتراب]

امي كانت كلش تستحي بس الحمد لله قالت كم كلمه حلوه اللي اذكره كوني هاديه وياه الريال مايحب المراه النكديه وبعد خلش زينه ويا حمولتش هااللي اتذكره بس

 

[سارووه الاموره]

اي صاجه ابد ما انساك حتى ليما الحين تنصحني امي حتى لو اهوا الغلطان تقول لي ماعليه هاذا ريلج اهيا صج تنقهر
بس تدري اني متهورا لووووووووول