الوالدة ونصيحتها المميزة

[الدلوعه2008]

منكم نستفيد

حزب الطماشه

اب








اب

 

[opera]

رد : الوالدة ونصيحتها المميزة

امي الله يرحمها متوفيه من سنه 99

بس كنت اشوفها طريقتها بالتعامل

ما عمري شفتها زعلانه ولا تصرخ ولا تعاند او ترادد ابوي

كانت تعلمنا نحترم ابوي ونسويله قدر وهيبه ومانكسر كلمته بشي

كانت تسويلنا كل شي بايدها من اكل ولبس و دراسه وتشاركنا اهتماماتنا

كانت تحترم اهل ابوي ولا مره شفتها تتكلم عنهم بالشينه او تشتكي حق احد



اما لمن اختي العوده تزوجت ابوي نصحها بعض النصايح وانا كنت اتسمع

لووووووول

ومايدري اني واقفه اسمع بعد ماخلص التفت شافني قالي زين انتي هني عشان ما اعيد الحجي مره ثانيه <<< بس تصدقون نسيت شنو قالها


وخالتي العوده قالتلي ( الكلام اللي تسمعينه والشي اللي تشوفينه ببيت حمولتج تحطينه تحت الزوليه قبل لا تطلعين من بيتهم)

يعني ما انقل حجي ولا اشتكي منهم لاحد


جني قرقت وايد

 

[لمبه ضاويه36]

دايما تقولى ((الصبر مفتاح الفرج))
وتوصينى ان اى مشكلة تصير بينى وبين زوجى ماتطلع برة البيت ابدا
وانى لازم اعتمد على نفسى فى حل مشاكلى
لانه محد دايم لاحد
وانى ما انام بليل الا مراضية زوجى
حتى لو انه اهوا اللى غلطان
عشان تضل الموده والمحبة بالقلوب​

 

[<<ام تركي>>]

ما اذكر والله بس جنه قالتلي سمعي كلام زوجج
بس امي من النوع إلي تصف مع الزوج حتى وهو غلطان <<ماتبي تخرب حياة بناتها

 

[AL ANOOD]

1- لا تدورين ورا ريلج تتعبين

2- لا تدقين عليه وايد .. خليه اهو يشتاقلج ويدور عليج

 

[يكفيني حنانك..]

والله النصااايح كثيره ناسيتها امي حبيبتي الله يخليها ان شالله
بس فيه نصيحه من اخووي الله يحفظه ثبتت براااسي
قالنا انا وخواتي قال زوجك لو تشوفينه محتاج فلوس تسلفي واعطيه؟؟استغربت من نصيحته بصراحه وهو رجال يعني متزوج وعنده عيال

 

[dalloah]

رد : الوالدة ونصيحتها المميزة

امي الله يسامحها مانصحتني بشي ابدا دخلت حياتي الزوجيه وانا قطه مغمضه عسى الله يخليها لي ويحفضها من الحيا الزايد ماتقولي شي بس الحمد لله اختك واعيه وصاحيه هههههه

 

[أميرة زوجي أنا]

ومنكم نستفيييييييييد بس قالتي ربي يخليها لي بيدج تخلين حياتج سعيدة قلت لها شلووون ؟؟؟؟؟؟؟ س ك ت ت ما علقت​

 

[إيمي1987]

عسى الله يخلي الوالدين يا رب

متابعتكم بنات

 

[velvet rose]

رد : الوالدة ونصيحتها المميزة



الموضوع يجنن واستفدت منه اخدت كم نصيحه لان توني داخله الحياه الزوجيه صار لي شهر

وبصراحه احتاج لخبره في التعامل وحياتي الاجتماعيه مع زوجي واهله

وامي عطتني نصايح وايد بس اكثر شغله ثابته في بالي

لاتطلعي اسرارج الزوجيه او خلافاتج لاي احد كان
حتى لو اختج او رفيقتج

ترا انتي تنسين بس الناس ماتنسى ولين شاركتي الناس بمشاكلكم راح يكرهون زوجج ويصفون معاج

كلامها صحيح لاني ولله ماانسى كلام صديقاتي عن ازواجهم حتى لو شئ تافه

بطبيعه الناس ماتنسى..

فـ عشان جدي قررت اتكتم عن اي خلاص يصير بيني وبين زوجي لاسمح الله

 

[MiiMoo]

رد : الوالدة ونصيحتها المميزة

انا عبالي بس امي الي تستحي طلعدفي بنات وايد امهاتهم تستحي


انا ما نصحتني بشي خخخخ حتى بسالفت اول ليلة زواجي ماااايبت طاري ابد عكس خالتي ام ريلي اهيه الي كانت تسالني خخخخ بعدها خالتي اخت امي الي عطتني نصايح وانا ما طبقتها لان ما كنت اعرف خخخخ

 

[عشق الطنايا]

:eh_s(15):

الموضوع حلو والنصايح احلى اي والله محتاجينها :eh_s(2):

 

[~ بنت الهدى ~]

ااااااااااب

 

[لمست ود]

رففع

 

[Aloe Vera]

انصحتني اني بين فترة و فترة اقعد مع زوجي قعدة هادية بدون اليهال
تقول الزوج يحتاج اوقات جذي

 

[Mrs.Q]

آنا بنصحكم نصيحة مني تعلمتها بالحياة محد قالها لي
صيري رفلة
هههههههه بتضحكون ادري
قصدي بالرفلة ان لاتسوين عمرج سوبر مان وكل شي تسوينه بنفسج ولهلوبة واللي ماعليج قاصر
غلط غلط غلط
كوني انسانة طبيعية وتقبلي عيوبج وكوني انثى دلوعة ماتسوي شي كوني باردة برود صحيح الامور مو شغلج من شغل الزوج مايسويها لانشغاله او كسله انتي ابدا ابدا لاتسوينها لان راح يتكل عليج دايما ويريح مخه و إنتي راح تاخذين دور المرا والريال بنفس الوقت وبيبين عليج التعب


انتي دلعي نفسج وسوي جدام زوجج الأشياء اللي تحبينه يسويها لج ومع الوقت بيسويها بنفسه وبدون ماتطلبين
مثل ما تعاملين نفسج اهو راح يعاملج
صرتي انثى ودلوعة بيدلعج صرتي واحد من الشباب تشيلين وتحطين وتسنعين يعني انتي سنعة بيعاملج مثل الشباب

وبس :**

 

[New_bride]

قبل الزواج ابوي دوم كان يقولي حافظي على فلوس ريلج ولاتصرفين وايد مثل ماتصرفين بيت ابوج

اما امي ماقالت شي وحتى ماعلمتني شنو اسوي في بداية الزواج
لدرجة اني من الخوف كنت اشرد واقوله ردني بيت ابوي
لين كلمت اختي وهي فهمتني كل شي

بس بعد الزواج امي دوم تقولي عاملي اهل ريلج مثل ماتعاملين هلج وخلج قريبه من خواته لاتدخلين البيت ويدج فاضيه اخذي لهم اي شي حتى لو بسيط واللي تاخذينه لنفسج اخذيه لخوات ريلج
طبعا ماطبقت هالنصيحه بالملي لان بقعد على بساط الفقر

 

[حساس القلب]

ااااااااب

 

[جاي أخضر]

موضوعكو وايد حلو ..
Mrs .Q كلامج عين العقل ، احنا عندنا فكرة غلط عن مفهوم السنع بالمرأة لدرجة نخليها تكون سوبر ومن والريال يتكل عليها بكل شي فحلو كل واحد يعرف شنو دوره ويمشي على هالأساس .

انا أمي ما نصحتني بشي لأنها من نوع عامية الأمهات اللي يستحون ..بس رفيجتي نصحتني نصيحة حلوة : لا تكلمين الريال أو تطلبين منه طلبات بثلاث حالات : أول ما يرجع من الدوام ، أول ما يقوم من النوم ، لمن يكون جيبه فاضي ..
وصج فعلا لاحظت بهالثلاث حالات الريال ما يستحمل كلمة وغالبا بيعصب عليج او بتتهاوشون .
وشكرا .

 

[حبيبه جاسم]

م قألت لي شي .. آنآ آعلم ديرره بكبرهآآ هههههههه