الولد ف اليمين والبنت ف اليسار

[سراب الريان]

مسااااااكم الله بكل خير كويتيااااات :eh_s(17):

انا حمالي باولادي في اليمين ,يعني اول ما احمل احس بالم بالمبيض الايمن واول ما يتحرك الياهل يتحرك في اليمين , وتحسون انه متمركز ف اليمين (لووووووول:krkrkr::krkrkr
والعكس صحيح, انا في البدايه قلت يمكن صدفه ,لكن تكرر معي هالشي ,
والحمد لله على عطاياه:rerrerek::yaaaaaarb:
انتوا نفسي ؟

 

[kanoosha]

صح كلامج انا ابنتي ماحسيت ولا كنت مركزه انه يمين ولا يسار بحمالي الثاني امي قالتلي زكزي وشوفي باي صوب اول حركه للياهل حسيت باليمين ويبت ولد

 

[سراب الريان]

شكرا حبوبه ,وانت اللحين اول مؤيدة :ggdw:

 

[shak!shoka]

معقوله صج ؟!

شوفي انا ببجري ما انتبهت ما كنت اعرف
الحين لاحظت ع اليسار!! واحس بنت

بسوي سونار و اقولج اذا هالنظريه صح ولا لا ؟

 

[غلا عموري]

انا ببناتي ياليمين
والله اعلم

 

[الخزامه]

ماركزت باول حمل لي

 

[الأميرة جوري]

اذكر امى تقول البنات يمين خصوصا لمن تقوم الصبح بالشهورالاولي....انا عكسها

 

[جمالي خيالي]

مو شرط

 

[سارونة المملوحة]

موشرط
آنا 3 مرات باليمين ومرة باليسار وكلهم صبيان

 

[أعشقه]

انا بحملي الاول في بنتي الحركه كلها في اليمين وجبت بنت
والحين حامل ونفس الشي والله اعلم
يعني مو شرط الي يصير معك يصير مع غيرك

 

[بخـــارى]

انا فيني بنت
ومن اول ماحملت واهيا عاليمين

 

[لياليـ]

موشرط او اي شي من الله حياه الله
اتقبلي مروري

 

[QYtiya.com]

انا فبنتي بالسونار الدكتوره تحطه يمين.
والحين تحطه يسار واحتمال فيني ولد يعني مووو شرط

 

[بتبوتااا]

مو شرط

 

[ورده عنابيه]

والله ماركزت في حمالي

 

[yummy girl]

:eh_s(22):انا سوست سونار قالولي ولد وهو كله يمين لوووووول انشالله نشوف شيطلع

 

["*آآآنؤؤؤقهـ*"]

فبنتي ماركزت يمكن لأني بجر

 

[نجمة فجر]

انا فيني بنت
ومن اول ماحملت واهيا عاليسار​

 

[ام كوشه منكووشه]

سبحاان الله انا صدف معاي جذي بحمالي هذا
ببجري ماكنت اعرف لكن بهالحمال رفيجتي قالت لي عن هالشغله وكان البيبي متركز باليمن وللحين بنفس المكان وقالوا لي ولد
واللى معاي 2 حمل كانوا يحسون باليسار وماشاءالله توهم اولدوا ويابوا بنات ..

اختي عروس خاايفه
السونار اذا كانوا يحطونه يمين فمعناته ان الياهل بالجهه اليسار واذا حطوا لج عاليسار البيبي يكون باليمن على كلام دكتورة السونار

 

[نور الدنيا 88]

مو شرط
انا اليسار ولد ان شاء الله