الى عشاق الباذنجان

[برميته.]

[السلام عليكم ورحمة الله وبركاته


خواتي العزيزات محبات الباذنجان شلونكم شرايكم نخلي هذا الموضوع ملف شامل عن الباذنجان للى يحب يشوف الوصفات اللذيذة مالته وان شاء الله انتو ما تقصرون وراح اكون اول واحدة تبتدي

بسم الله

اسم الطبق : باذنجان بالصوص

المقادير : باذنجان مقطع طولي( مستطيل)ا بدون قشر ولا حب . يعني طول الاصبع.

كاتشب + hp+نخي+شوية كزبرة وبقدونس للتزيين

الطريقه


نقلي الباذنجان ونشفه ونحطه في طبق التقديم ونحط عليه النخي .

في باديه نخلط الكاتشب وhp كيفك ممكن اذا باذنجانه واحدة نحط ملعقتين من كل نوع

ونصيهم على الباذنجان ونزينه بالبقدونس المفروم ممكن تحمصين خبز بالفرن معاه او عيس مشخول (رز) وبالعافيه :eh_s(9):

 

[برميته.]

نسيت بعد مع الصوص حطي شويه صبار منقوع مع الماي الحار وملعقتين شكر لمدة 10 دقائق وبعدين تشخلينه على الخلطه .وبالعافيه

 

[شجووون]

تسلم ايدج عزيزتي ان شاء الله انجربه ونعطيج النتيجه

 

[lala2]

الله انا عاد من عشاق الباذنجان في جميع حالاته
وما استغني عنه لازم اقلي باذنجان واحطة فوق الرز في كل المناسبات
وهذا طبق من
صينية باذنجان بالفرن
المقادير
باذنجان مقطع حلقات سميكة ومقلي نص قلي
وبطاط مقطع حلقات سميكة ونفس الشي نص قلي
حلقات طماط وحلقات بصل
بهارات ملح
وكيس لحم مفروم
(مرة ماكان عندي لحم مفروم استخدمت همبورجر طلع نفس الطعم واحلى بعد)
نجيب صينية ونرص حلقات البصل وفوقهم البطاط وفوقهم حلقات الباذنجان وفوقهم اللحم المفروم وفوق اللحم المفروم حلقات الطماط ونرش فوقهم البهارات والملح
ونسوي عصير طماط (ناخذ كوب صغير ماي مع معجون طماط) ونصبه فوق الخلطة ونحطة في الفرن لمدة 45 دقيقة تقريبا لما تشوفين ان العصير اتشرب
وبالعافية...

 

[الحب الخالد]

الله انا عاد من عشاق الباذنجان في جميع حالاته
وما استغني عنه لازم اقلي باذنجان واحطة فوق الرز في كل المناسبات
وهذا طبق من
صينية باذنجان بالفرن
المقادير
باذنجان مقطع حلقات سميكة ومقلي نص قلي
وبطاط مقطع حلقات سميكة ونفس الشي نص قلي
حلقات طماك وحلقات بصل
بهارات ملح
وكيس لحم مفروم
(مرة ماكان عندي لحم مفروم استخدمت همبورجر زطلع نفس الطهم واحلى بعد)
نجيب صينية ونرص حلقات البصل وفوقهم البطاط وفوقهم حلقات الباذنجان وفوقهم اللحم المفروم وفوق اللحم المفروم حلقات الطماط ونرش فوقهم البهارات والملح
ونسوي عصير طمام (نخلك كوب صغير ماي مع معجون طماط) وصبه فوق الخلطو ونحطة في الفرن لمدة 45 دقيقة تقريبا لما تشوفين ان العصير اتشرب
وبالعافية...

انا ما قدرت اركز من كثر البدليات اللي بالمشاركه اشدعوه :eh_s(9):

 

[sadan]

يسلمو يالشيخة

 

[انا_حلوة]

مشكورين على الوصفات
هذي وصفه على السريع يعني المقادير على راحتكم
باذنجان بصلصة الطماطم:
المقادير:
1 علبة معجون طماط (حسب المقدار)
زيت زيتون
باذنجان مقطع شرائح طوليه او دائرية
اوريغانو
فص ثوم مدقوق
ملح + بهارات مشكله على ذوقكم
جبن بارميزان مبشور

الطريقة:
1 - يقلى الباذنجان ويصف في طبق بايركس
2 - نضع الزيت في مقلاه على النار ثم الثوم و الملح و البهارات و الاوريغانو ثم نضيف المعجون ونحمسه عدل
3 - تسكب الصلصه على الباذنجان و يزين بالجبن

و بالعافيه

 

[lala2]

انا ما قدرت اركز من كثر البدليات اللي بالمشاركه اشدعوه :eh_s(9):

تم التعديل ارجعي للمشاركة وراح تعجبك بس عاد جربي الطريقة وقولي لنا

 

[برميته.]

مشكورين يا الغاليات وان شاء الله راح اجرب اطباقكم السهله لاني من عشاق الباذنجان وراح اعطيكم وصفات وايد عنه.ان شاء الله

 

[برميته.]

باذنجان بالصوياصوص
باذنجان مكعبات مقلي, نحمس بصله مقطعه بشكل صغير الى ان تشقر ثم نضع الباذنجان ثم صويا صوص وكاتشب وتعالي ذوقيه مع الخبز الايراني . ممكن تحطين شطه بعد .وبالعافيه

 

[النبيطة]

أنا احب هذي المقبلات
قطعي الباذنجان شرايح رقيقة وصفيه في صينية الفرن بعد ما تدهنينها بزيت وترشين الباذنجان بالملح والفرن يكون حاااار
وتقلبينها الى ما تشقر الجهتين
قطعي جبن حلوم شرايح وطبعا بتكون مستطيلة
حطيها وسط البدنجانه ولفيها ثبتيها بعود اسنان
وان شاء الله تعجبكم

 

[برميته.]

النبطيه طريقتك حلو والله يعطيك العافيه يالله بنات طلعوا دفاتركم وكتبوا وصفات الباذنجان .

 

[جارة القمر]

برميته.

مشكوووووره

وباقي البنات العسل

وهذا باذنجان بالروب يم يم

http://q8yat.net/showthread.php?t=21901


سلطة الباذنجان

http://q8yat.net/showthread.php?t=21206&highlight=%D3%E1%D8%C9+%C7%E1%C8%C7%D0%E4%CC%C7%E4

سلطة الباذنجان بحشوة الزهرة

http://q8yat.net/showthread.php?t=32308&highlight=%D3%E1%D8%C9+%C7%E1%C8%C7%D0%E4%CC%C7%E4

سلطة الباذنجان والجرجير

http://q8yat.net/showthread.php?t=33038&highlight=%D3%E1%D8%C9+%C7%E1%C8%C7%D0%E4%CC%C7%E4


سلطة نجوم وهلال

http://q8yat.net/showthread.php?t=34744&highlight=%D3%E1%D8%C9+%C7%E1%C8%C7%D0%E4%CC%C7%E4


وهذي سلطة برميته أنا مجربته لذيذه

http://q8yat.net/showthread.php?t=24546&highlight=%D3%E1%D8%C9+%C7%E1%C8%C7%D0%E4%CC%C7%E4


سلطة باذنجان وجبن وكوسا

http://q8yat.net/showthread.php?t=15126&highlight=%D3%E1%D8%C9+%C7%E1%C8%C7%D0%E4%CC%C7%E4

سلطة باذنجان

http://q8yat.net/showthread.php?t=16554&highlight=%D3%E1%D8%C9+%C7%E1%C8%C7%D0%E4%CC%C7%E4

سلطة عجيبه صج هذي لا طوفكم بعد

http://q8yat.net/showthread.php?t=39764&highlight=%C8%C7%D0%E4%CC%C7%E4

رولات الباذنجان

http://q8yat.net/showthread.php?t=33668&highlight=%D1%E6%E1%C7%CA+%C7%E1%C8%C7%D0%E4%CC%C7%E4



الباذنجان المحشي
http://q8yat.net/showthread.php?t=19373&highlight=%D1%E6%E1%C7%CA+%C7%E1%C8%C7%D0%E4%CC%C7%E4


الباغيت المحشي

http://q8yat.net/showthread.php?t=43195&highlight=%C7%E1%C8%C7%DB%ED%CA+%C7%E1%E3%CD%D4%ED


وسلامتكم

 

[برميته.]

واو ماشاء الله عليك يا جارة القمر مشكوره وايد على هالاطباق الحلوه واكيد راح نطبقها ,شرفتي الموضوع والله يوفق البنات كلهم

 

[جارة القمر]

برميته

مشكووووووووووووووووره حبيبتي


وتسلميييييييييييييييييين يا قلبي

 

[بنت الحزن]

يسلبموا الايادي و الله لا يحرمنا من وصفاتج

 

[برميته.]

مشكورين حبايبي على المرور (سندويشات عالسريع)

اقلي (باذنجان مقطع مستطيل طولي وبطاط وزهره) وجيبي الخبز اللبناني الرهيف وافتحيه وحطي شويه كاتشب ومايونيز نتفه واخلطيهم وامسحي فيها الخبزة وحطي شويه باذنجان وبطاط وزهرة وخس وطماط وممكن زيتون اخضرر مقطع ولفيها وبالعافيه.

 

[Harmony]

تسلم الأيادي