الى كل لم ترزق بالخلفة للحين ...ادخلي

[شمار]

اولا ادعو لكل محرومة بالذرية الصالحة ...بدش بالموضوع على طول في دكتورة هندية سمعت عنها وايد بس المشكلة هي بالامارات بس قلت بحط الموضوع وممكن تستفيدون منه ...أنا من النوع اللي ما احب الادوية وايد وما عندي طولة بال دورتي مو منتظمة ومن كنت بنت احيانا بالثلات والربع شهور ما تيني المهم ابتليت بالتكيس المتعدد للمبايض وتعالجت بالكلوكوفاج وهلم جرة لكن ما صار شي هالدكتورة اللي سمعت عنها وايد قالولي في وحدة 7 سنين ما تيب عيال وعلى ايد هالدكتورة ربي سهل ...المهم فيوم من الايام قررت ازورها طبعا زحمة عندها دوم ما تفضى وانا فصالة الانتظار جان اسال حرمة تنتظر بعد اقولها شرايج بهالدكتورة جان تصعقني بجوابه قالت " أنا اللي تشوفيني جدامج 10 سنين ما اييب عيال وما خليت المانيا وغيرها بس على ايد هالدكتورة يبت ولد والحين اتابع وياها عشان المولود الثاني " تحمست زيادة والدكتورة على فكرة اخصائية نساء وولادة وعقم المهم تابعت وياها وعطتني ثلات ايام للجماع ...وبسبب ضروف شغل زوجي ما صار جماع لليوم الثالت وزعلت منه ....ولكن سبحان الله حملت لدرجة وانا اسوي تحليل البيت ما صدقت وناديت زوجي وانا بالحمام " وانتو بكرامة " وقتله هذا شو كان خط وضح والثاني خفيف حيل وطبعا انا متعودة كلها يطلع خط ...بس الحمد لله وياني عمار فديته عقبال كل محرومة .....واي استفسار انا حاضرة بس نصيحة اللي تنوي الحمال تصبر شوي على العلاج وما تنسحب بسرعة واولا وقبل كل شيء الدعاء للرزاق الوهاب ​

 

[ام دلال ومنال]

مشكووووره حبيبتي وسبحان الله رزقها على يد الدكتوره

 

[الزيـــــ^^ـــــن]

الله يتمم لج عى خير

لوعندنا بالكويت

 

[لومية1]

حبيبتي دليني مكان الدكتورة
وبالتوفيق إنشاء الله

 

[نورالضمير]

ألف مبروك حبيبتي انت اكيد حملت بفضل رب العالمين ومن ثم الدكتوره بس منو هاي الدكتوره ووين صايره الله يخليك.

 

[** باربي **]

الف الف مبروك عقبال اخوة انشالله

والله من طيبج تحبين الخير لخواتج

ويا ليت تحطين اسمها والمستشفى للاستفادة للجميع

 

[عطر الدوحه]

اهي وووين ساكنه بالضبط باي منطقه بالامارات

وشنوو عطتج

وضحي لنااا شنو الامور والتحاليل الي سويتيها


والله يجزاج خيييييييييييييييييييييررر

 

[شمار]

بسم الله الرحمن الرحيم والصلاة والسلام على خير المرسلين
سموا بالرحمن واعتمدوا على فكرة نسيت اقول في صديقة بعد عروس يديدة وصارلها سنتين مايابت وخبرهم عندنا بالامارات الوحدة لازم تحبل باقرب فرصة لا يرمسون عنها ...والحمد لله بعد الله سبحانه وتعالى على ايد هالدكتورة عندها الحين بنوتة الله يحفظها​

خواتي هذا عنوان الدكتورة والتلفون وكل شي :
مركز ويلكير الطبي ، تلفون 072333034=فاكس 072333432=بناية الشيخة حصة الطابق الثاني =رأس الخيمة دولة الإمارات العربية المتحدة
وليش لا الحريم يسافرون اخر الدنيا عشان العلاج ...وانا حاضرة اي وحدة تبغى رقمي الخاص تطلبه وممكن اوقف معاها لين يصير الحمل بإذن الواحد الأحد وانا والله ما أريد من هذا غير الدعاء والأجر عند الله عز وجل ​

 

[غلا عيوني]

ماقصرتي الله يجعله في ميزان حسناتج

 

[عطر الدوحه]

حبيبتي اانا بسالج شنو سوت لج وحملتي


شنو التحاليل والامور


وشنو طلع معااج


حبيبتي وضحي اكثر

 

[ام عناز]

للرفع

 

[شمار]

الغالية عطر الدوحة سبق وشرحت حالتي بس لعيونج بعيد :انا من كنت بنت قبل لا اعرس الدورة مو منتظمة تيني كل 3 شهور واحيانا اكثر بعد الزواج ابتليت بالتكيس المتعدد(بوليسيستك اوفارين) وتعالجت وايد عند غيرها بس يوم سرت لها عطتني كلوكوفاج وقالتلي امشي وايد وانزل وزني وبعدها عطتني كلوميد حبوب ولا ابر ولا شي مووووووووول وعطتني الشهر اللي عقبه الوقت اللي يصير فيه الجماع وكانو 3 ايام يوم ايه ويوم لا وسبحان الله في يوم ما صار جماع وزعلت بس بالشهر التاني وانا متعودة على تاخر الدورة جبت التحليل المنزلي وحللت طلع خط واضح وخط خفيف والله للحين اذكر هذيك اللحظات ما بنساها ناديت زوجي وقتله انا اتخيل ولا صح جان يقولي مبرووك......
وعقبال كل من تأخر حملا يارب​

 

[إباء الروح]

يابعد عمري
الحمد الله اللي عطااك وان شاء الله تجيبين له اخوان وخواات وتترسين البيت.
والله يرزق كل من نفسها بضنا.

 

[حساويه1406]

شلونكم متفائلات بالامومة انا بارسل لها فاكس عن حالتي بشوف شترد علي ادعو لي بنات خاطري اصير ام انقهر من الى يتذمر من العيال

 

[منور الإماراتية]

هيه ما شاء الله

سمعت واايد عالجووو في هالمركز

بس المشكله ان واااايد بعييييييد عناا

يباااله سياااره ودرب مدته 4 ساعااات ونص اذ مب اكثر

راس الخيمه وايد بعيييييييييييده ونحن ماعندنا مطار داخلي لو في بيكون اريح

لالان الدرب ب السيلره لحااله مشوااااار ويلله تلقين حد فاضين يوديينج 4 ساعات ونص ويردج 4 ساعاات ونص

وبجذيييه حسبيهاا راح عليينا اليوم

 

[شمار]

عادي اختي قبل ريلي كان يداوم برع بو ظبي وكان دربنا اسبوعيا 5 ساعات قبل لا يفتحون شارع الامارات ولكل مجتهد نصيب ....نسيت اقول الدكتورة اسمها نورميلا​