اليريش او الجريش

[D.asmaa]

مرحبا خواتي ممكن تفيدوني بطريقه عمل الجريش اللحم بالتفصيل والحشو اللي فوقه وشنو احسن نوع لحم اخذ له ومشكورين وعساكم عالقوه:eh_s(17):

 

[جارة القمر]

تفضلي طلبك::

http://www.q8yat.com/t904419.html


http://www.q8yat.com/t101493.html


http://www.q8yat.com/t439485.html

 

[ام الدرر]

الجريش حب المطاحن وايد حلو
لعايلة صغيره 4 افراد مثلا
كيلو لحم عربي بعظم
2 كوب جريش مغسول ومنقوع من الليل
يحمس بصل مفروم بسمن نباتي ويوضع عليه اللحم ويقلب حتى يصير بني
نقطع عليه حبتين طماط +علبه معجون طماط +2 مكعب ماجي خضار ويقلب 5 دقايق
يضاف له 2 لتر ماي مغلي (حجم سخان الماي الكهربائي)
يترك يغلي
ثم يشخل الجريش المنقوع ويضاف للقدر
يضاف الملح ويترك على نار مع المراقبة والتقليب
انا هالخطوة اسويها افضل من اخليه على نار هاديه
اكون مشغلة الفرن من تحت
اشيل الجدر واحطه بالفرن على السلك واوطي نار
(نصيحة الجدر يكون كبير عشان ياخذ راحته بالاستواء)
وكل نص ساعة افتح واقلبه شوي اذا يحتاج ماي ولا لا
مقياس الماي لازم يغطي اللحم والحب ب3 -4 سم
مع الوقت بتشوفينه يقل
تخلينه 3 ساعات او اكثر (كلما طول بالفرن يصير احلى)
وعقب تطلعينه اذا شفتي الماي وااايد قبل لا تضربينه غرفي من الماي
وعقب ضربيه
واذا شفتيه ثقيل ضيفي من مايه شوي
الحشو بصله مفرومه
في ناس تخليها نيه وتفركها ببهارات وملح وتكثر فلفل اسود ولومي مطحون
وفي ناس تحمس البصل بدون زيت بمقلى لحد مايبدا يحمر تضيفين ماي شوي يستوي
وعقب بهارات مخلوطة وشوية سمن وممكن كشمش
قدمي الجريش بصحن غزير ممسوح بشوية سمن وفوقه الحشو
وبالعافيه ​