اليورب بارك ( محتاجة مساعده)

[da3doda]

السالم عليكم بنات

انا ناوية اروح زلامسي و ميونخ بهالصيف و ودي اروح اليورب بارك بس مو عارفه شلون اخلي برنامج الرحله من مطار ميونخ بروح زلامسي بقعد 10 ايام و عقب ودي اروح اليورب بارك بس ابي اعرف شلون و جم ساعه الطريج ؟ و اللي عندها اقتراح تساعدني بس انا لازم اخلى ميونخ اخر شي لاني برد من مطار ميونخ

 

[d-k_group]

انا انصحج ترحين اليوربا بارك من ميونخ



لانها اقرب وتبعد ثلاث ساعات ونصف بالسياره



وبالنسبه للفندق انصح وبشده الفندق الايطالي Colosseo


http://resort.europapark.de/lang-en/c583/default.html


اخذي الغرفه العائليه family room



لان بعد ماتسسكر الالعاب تبتدي في الفندق الفعاليات



من موسيقي والالعاب والمطاعم

 

[da3doda]

مشكورة بعد قلبي

بسألأ سؤال ثاني 10 وايد على زلمسي ؟

انا حاطه ابالي اروح سالزبورغ و المناطق القريبه من زلامسي بس السكن بزلامسي

 

[keeka]

انا من التقارير اللي قريتها عن اوروبا دايما ينصحوون تقعدوون بمكان واحد وتروحون تووور منه يعني 10 ايام زلمسي روحي كل يوم رحلات بالمناطق القريبه والمبيت يكون بزلمسي ومثل ما قالت دي كي من ميونخ احسن تروحيين اليوروبا بارك لانها 3 ساعات ونص تقريبا ومن زلمسي لي ميونخ ساعتين وربع

 

[أم الغلا كله]

وايد 10 ايام بزلامسي روحي منطقة كابرون 10 دقايق عن زلامسي منطقة ريفية وحلوة وفيها الثلج لاااايطوفج

 

[همامة]

للرفع

 

[q8tia27]

مرحبا
اختي من تجربتي لان احنا عايلة رحت ميونخ صراحه مدينه او عاصمه اثريه ماتسوا تقمت القلب احلى مافيها السوق بس لكن تحسفت رحت لها لان عقبها رحنا زلامسي بالسياره ساعتين تقريبا قعدنا فيها 5 ايام حلو وكافي عليها منطقه طبيعه وعجيبه وكابرون بعد حلوه احنا ساكنين بزلامسي ونروح لها كل شوي عشان التلفريك والثلج بس لو تقسمين الايام 5مثلا 6 ايام زلامسي و4 سالزبورج عشان تستانسون اكثر ونصيحه مني لج لاتروحون يوروبا بارك رحنالها من زلامسي يمكن 7 ساعات بالسيياره عفنا روحنا اهي موجوده بمنطقه اسمها روست بس منطقه كئيبه ونتفه مافيها الا فندقين بس واحد كشخه والثاني عادي واصلن ماتسوا العنوه والتعب قديمه حيل الملاهي داثره احلى مافيها قبل لاتسكر يوون عروض والا احنا مالعبنا شي شكبرها اطيح الحيل وكل لعبه بقلعة وادرين لو رايحين يوروب دزني احسنلنا بس حمدالله واي شي تبين عن زلامسي ساليني حاضرين

 

[dandoosh]

وين ممكن تلقووون صور عن اليوربا بارك..؟!