اليوم الاسود

[حياتي وأنا كيفي]

السلام عيكم
شلونكم بنات
بادش بالموضوع عالطول لو تلاحظون بنات ان كل دول العالم لما تدخل حروب تتكلم وتوثق هالشي
مثلا اليهود ذالين المانيا الى الان بالمحرقه البشريه اللي سووها والمانيا اللى الان تعتذر :rgewrg:
الا ديرتنا قام تقلل موضوع الغزو بالمناهج :eh_s(2):
فاليوم احنا كويتيات راح نوثق قصصنا بنفسنا
يالله نبي كل وحده تذكر شصار لها و لاهلها بالفتره علشان يستفيدون الصغار :eh_s(7)::eh_s(7)::eh_s(7):

 

[كويتية222]

خوووش موضوع وفعلا يجب ألا ننسى اللي سويه لان اللي صار شي مت يتصدق خصوصا ان الدولة مسلمة وعربية

هالفترة اللي مر فيها الشعب الكويتي كانت فعلا شهور وفترة مؤلمة

عن نفسي كنت صغيرة لكن اذكر كل شي خصوصا

منظر الدبابة العراقية لما شافت سيارات واقفة في الاشااارة قربت صوب الاشارة

وكسرتها وقالت للسيارات امشوا منتهى الحقارة كانوا يبونها خاربة

ودمار وفوضى

والله يرحم ولد جيرانا كان في المقاومة الكويتية اذبحوه جدام باب بيتهم

وخلوا جثته مدة جدام الباب وياويل اللي يقرب ويشيلها !!

شي بالذاكرة واحداث كثيرةةةةة جدا

لكن ما في مثل فرحتنا بعودة ديرتنا الغالية

ربي يحفظها من شر كل من كان فيه شر

ويوحد صفنا على وحدة الكويت يارب

وللرفع ​

 

[ســتارز]

الضعف وارضاء العدو صار سياسة !!!

 

[بسمتي]

لو كل وحدة تحط بصمة عن الغزو في توقيعها 000
هذا يخلي الكل بالكويت أو خارج الكويت اذا شافوا موضوع وكان توقعيج عن الغزو أو الشهداء أو أثار التدمير 00
يوثق جريمة الغزو

كل بيت كويتي فيه جرح غائر في القلب
كشهيد -طفل يتيم - أرملة
بيت دمر أثناء الغزو-أمراض من مخلفات الغزو كمرض السرطان والربو
أطفال ورجال بترت أطرافهم من جراء لغم

الله ارحم شهدااااااءنا ​

 

[FeShinGoOo]

كافي كنا انام ونقوم على اصوات المدافع والرشاشات وكافي الجثث اللي كانت مقططه بالشوارع يمين ويسار وكافي عيالنا اللي راحو ولا لقو لهم اثر للا بمقبره ولا بسجن ..
وكافي ريحة القاز والظلمه الي كنا عايشين فيها
وكافي الدخان الاسود اللي عبااا صدورنااا
وكافي بحرنا الي لوثوه وابارناا اللي حرقووهاااا
وكافي عشنا 7 شهور ولي اليوم يتمنن علينا الي يسوى والي مايسوى مو جنه فلوسنا ونفطنا اهم الي حرروناااا مع بعد رب العالمين ..
بصمتي الشخصيه .. خالي الصغير خذوه اسبوع ومادرينا عنه حي ولا ميت وعقب مارجع جسمه كله محرق ومشوه
امي لي اليوم اتقوم مفزوعه واتصرخ واهي نايمه واتقوم فازه وتتحلم بالكوابيس وحاله حاشتها من الغزو لي اليوم مع العلم انها كانت حامل وولدت قبل التحرير باسبوع
ابوي حاشه نزيف وكان بين الحيا والموت بالغزو ونجى بمعجزه حتى الدكاتره كانو فاقدين الامل منه الحمدالله
انا ماتذكر وايد اشياء لاني كنت ياهل حزتها بس اذكر السواد وريحة القاز واذكر مقتطفات عابره من اشكال الجنود والشوارع والجثث الي بالشوارع والاسلحه الي ابوي كان خاشه بالبيت عشان يحمينا .. واذكر ان ابوي وعمي الله يرحمه كانو مسوين منظار ويراقبون فيه الجنود والعساكر العراقيين الله يلعنهم ..
اذكر ابوي باقوله سياره وعمي حرقو سيارته ..

 

[OM-TURKY]

انا كنت بالروضه ما اذكر شي بس شفت وعرفت وسمعت بكل شي صار . والله شي يعور القلب او محزن جدا انه هالشي اكون من دوله كانت شقيقه او مقربه حيل ، بس للاسف ما قدروا هالشي الطمع والعنف والوحشيه عمت عينهم .

بس الله سبحانه يمهل ولا يهمل . شوف وضعنا الآن او شوفوا وضعهم. اللهم لا شماته.

بس احنا دوله طيبه انحب الناس حبيبين مو مدح بل حقيقه الكل يشهد لنا فيها . ما نستاهل اللي صارلنا بس ما بيدي شي اقول الا حسبي الله ونعم الوكيل على كل ظالم .

وعسى الله يرحم شهداءنا ويغمد روحهم الجنه اللهم آميـــــــــــــــن. ​

 

[شيماء المطيري]

مسكين صدام حسين ما كان يعرف معدن الكويتيين احنا أحببنا الحياة من أجل بناء الكويت ثم عشقنا الموت من أجل تحريرها---موضوع مؤلم عزيزتي

 

[منو انت]

عسى الله يحفظ الكويت وشعبها من كل مكروه وان شاءالله اللي صار ينذكر ولا ينعاد يارب

 

[~DeeM~]

الله لا يعودهاااا من أياام

بس سبحان الله

ربي لطف فينا والف حمد وشكر لك يا رب

 

[جوانا2010]

عسى الله يحفظ الكويت وشعبها من كل مكروه وان شاءالله اللي صار ينذكر ولا ينعاد يارب ​

 

[نور مغليها]

انا بعَد كان عمري سنه وشي ما اذكر شي بس المفروض ان الكويت ما تنسى هاليوووم الاسود يبا كافي حقدهم للحين نشووفه مناشبينا على الميناء الي سويناه ...

 

[G!RLooNa]

حسبي الله عليهم يوم انهم قرررا يلغون دروس الغزو و لا جنا مأساه صارت و ضحيتها اسرى و شهدا و مفقودين غير الجرح النفسي الكبير اللي خلته بنفوس الناس

انا ماذكر ولا شي اول الغزو عمري جم شهر و قبل التحرير بشهر شهر واحد يعني كملت سنه

لكني والله العظيم احترررر و اموت من الحره من اييبون طاري الغزو و العراقيين الجلاب لعنه الله عليهم دنيا و اخره الله لايسامحهم و ياربي يذوقهم انواع العذاب ياربي كثر ما عذبوا عيالنا و حرقوا قلوب اهاليهم عذبهم ياربي اضعاف مضاعفه

شعب زباله ما بقلبه غير الحقد و الكره شعب الحروب و المكر و الدمار ياربي تبيدهم من على وجه الكره الارضيه و تفكنا منهم

و ياربي كل حقير وقف مع الفيران و استانس باللي صارلنا نشوف حوبتنا فيه و شفنا حوبتنا بكل اللي وقفوا ضدنا كاهما مو مترقعين اللهم لا شماته و عساهم بهالحال و اردى

و الله يحفظ الكويت و شعبها من كل مكروه يارب و يخليلنا اميرنا و يعطيه الصحه و العافيه و يارب من اراد بنا كيدا فرد كيده في نحره ...

ادري شطيت عن الموضوع بس والله ماقدر امسك نفسي

 

[حلاوة عود]

الله لايعيده من ايام

 

[AtOoMy Q8]

يارب احفظ الكويت وشعبها من كل مكروه يااااااااارب

 

[حياتي وأنا كيفي]

اشكر مروركم حبيباتي

وانا صراحه كان عمري سنه في الغزو ما اتذكر بس دايما احرص اني اقرأ عن الغزو بمصادر برا الكتب المدرسيه واكثر قصه تاثر فيني قصه الشهيده اسرار اهي تعتبر من المقاومه الكويتيه واثبتت الى اخر يوم انها شجاعه حتى لما عذبوها شوفو سوت:

كان هذا صباح يوم السبت الموافق 12 من يناير 1991 .. ومن الساعة الثامنة والنصف حتى الساعة الثانية من فجر يوم الاثنين الموافق 14 يناير 1991 وعلى مدى 42 ساعة .. شهدت أسرار ما لم يشهده بشر في التاريخ .. شهدت أسرار ما شهدته الكوكبة السابقة من أبناء الكويت الذين استشهدوا على أيدي قوات البغي والطغيان .

فمن الصدمات الكهربائية المستمر لخلع الأظافر الواحد تلو الآخر إلى التسلي عن طريق تشغيل المنشار الكهربائي وتقريبه من جسدها الطاهر .

كان الألم والعذاب هما العنصران الوحيدان في لحظاتها تلك ورغم ذلك ظلت شامخة مرفوعة الرأس وهي تحقر معذبيها . كانت هي نفسها قوية صلبة حتى في لحظات العذاب الصعبة التي واجهتها .



وفي الساعة الثانية من فجر يوم الاثنين الموافق 14 يناير 1991م … في هذه اللحظة الخالدة من تاريخ أسرار القبندي وهو تاريخ الكويت ذاته نطق أحد جلاديها بالتالي :

أسرار .. تم الحكم عليك بالإعدام ، والآن سينفذ بك .

فتفاجأ الجلادون بأسرار وهي تبصق في وجوههم حسب ما ذكره أحد الجنود العراقيون لأخت أسرار التي حاولت إعطاءه المال لفك أسرار لكنه أخبرها بأنها قد أعدمت وشاهدها وهي تبصق في وجه جلاديها قبل إعدامها .



في هذه اللحظة تم إعدام ابنة الكويت .. وبطلة الكويت الخالدة في الضمير الكويتي .. أسرار محمد القبندي .

ثلاث رصاصات شكلت مثلثا في جسم أسرار الأمامي من ناحية الصدر .. واحدة أعلى الصدر واثنتين أعلى البطن .

منشار كهربائي قطعت به الجبهة وأخرج منها المخ !!

أظافر مخلوعة .

تلك هي الحالة التي وصف بها د.خالد السهلاوي في مستشفى مبارك الشهيدة لحظة وصولها للمستشفى .

الله يرحمها المفروض بكل شارع ومدرسه يخلدون هذيل الشهداء بذكر اسمائهم لان اللي شافوه مو شوي

 

[حياتي وأنا كيفي]

up up up

 

[kndora]

صج اني ما كنت موجوده

وصج ما ننسى ان وااايد انحرمو من ابهاتهم وامهاتهم

بس اذا قابلت الاساءه بالاساءه متى تنهتهي الاسااءه

ليش ما نقتدي برسولنا عليه الصلاه والسلام كان متسامح

وليش نتذكرها ونخليها تتدرج بالمناهج عشان نخلي عيالنا يكبرون وبقلبهم حقد على الشعب العراقي مثل ما ان احنا الحيين ما نشتهي نشوفهم بالشارع ؟

وعلى فكره انا عمي شهييد وريل خالتي اسير وليلحين ما لقو حثته او ما يدرون عايش ولا ميت

وحسبي الله على الي كان السبب وعلى كل من وقف ويااه

بس هذاا ماضي ورااااااح وباذن الله ماراح يرجع والله يحفظ لنا الكويت


وبالاخيير هذا رايي

 

[^^yasmina^^]

انا كان عمزي ٤ سنين بس اتذكر اصوات الطيارات والانفجارات والسما السوودة والمطر الاسوود الي نتيجة حرق الابار النفطية
العام حطو بجريدة الدار اسماء الشهدا وطرق تعذيبهم
امبي في واحد بينهم تتوقعين بشنو عذبوووه ؟! كتبوو علي ظهره اسم صدام بتيزاب
وواحد ليلحين مو ناسيه شكله نسيت اسمه بس اتذكر شكله اسمراني خال ... لقووه شايلين عيونه (((

ما انسي يوم وحدة سنه ٢٠٠١ رحنا سافرنا جروبات وشفنا وحدة تأشرر علي ولدها ويانا بالجروب كان عمره ١١ او ١٠ تقول هذا ولدته بالغزو وعلي شهري السابع او الثامن
ولدته بمستشفي (نسيت اسم المستشفي بس فروانيه او العسكري او الصباح) تقوول حطووه بالشيشه او بالحاضنه لان ليلحين اصغيرررر
وانا رخصوني تقول بس كنت اروح ازوره يوميا
تقوول يوم قعدت الصبح مبجررر طق براسي الا اخذ الياهل دقيت علي ريلي يالله خل نروح رحنا المستشفي واحن عالدكتووور انا ابي اخذ الياهل والدكتور وريلي لا لا تاخذينه ما ننصحج اهني مكانه أأمن
وانا احن واحن الا اخذه وريلي والدكتور يا بنت الحلال خليه اهني بالحاضنه احسله ليلحين اصغيررر البيبي
تقووول اخر شي سويت المستحييل وخذيته
واحس ارتحت يوم خذيته رديت البيت ولا بعد جم ساعه يدخل علينا ابوي يقوولنا زين سويتي خذيتي الياهل وصلتلنا اخبار ان الجيش العراقي دخل هالمستشفي وعفسوووالمستشفي فوووق تحت ووراحو قسم المواليد وشالو اللاجهزه علي اليهال وقطوو اليهال عالارض و باقووو الحاضنات كلهااااا والشيشه

تقوول احساس الام كان قوي ذاك اليوم سبحان الله
بس عورو قلبي اليهال قالت ان كلهم ماااتوووو حسبي الله عليهم ((

 

[Joy close]

الله يديم الامن والامان عليكم يا اهل الكويت
وعساكم ماتشوفون مكروه
سلام من السعوديه لكم

 

[mf6nt el3lat]

أنا ماكنت عايشه بهالايــام الله يحفظ الكــويت
بس أبووووي كــان من المــقاومه في أثار جروح من العراقييين بظهره

ودايماً يسولف لنــأ عن الاحــداث

الله يحفظ الكــويت يارب ​