اليوم الي يطوف ماكو احسن منه

[دكتورة الكويت]

حبيباتي واخواتي المغتربات ....... انا اختكم حياتي كلها قضيتها في الدراسة علشان كنت وايد طموحة والحمد لله الله ساعدني ووصلت الي الدكتوراه

ودي اقولكم شي اخذوه نصيحة من اختكم الكبيرة

اهم شي في الغربة اتحطين الهدف الاساسي في بالك على طول

علشان توصلين حبي المكان اللى انت فيه

خافي ربك في اي عمل اتقومين فيه بالغربة

دايما حطي في بالك ثقة اهلك فيج

نظمي وقتج عدل

انتي في عمر الزهور حاولي نفس ما تدرسين وتكدحين في الدراسة انج ترفهين عن نفسج خاصة مع الصحبة الصالحة


بالنهاية لما توصلين للهدف واتردين للديرة سالمة غانمة راح تكتشفين شي


ان احلى ايامك كانت وانت في الدراسة والايام اللى طافت ما راح اتعود بنفس النكهة الحلوة



وسلامتكم


اعتبروني اختكم اذا تبون اي نصيحة وراسلوني على الخاص اذا في احراج

:tek:

 

[كلي مشاعر هايمه]

عيل شفيني آنا وقتي اغلبه بجي .. وبعدهاا ادوخ وانام

والله حتى الكتاب مافتحه بالمره .. معنى كله بروحي وفاضيه

ودي مره ارد من المعهد وادرس .. بس ماكوو

احس ان بالي كله مشغوووووووول وماقدر ادرس

 

[UK_Girl]

:}صح صح صح معاج بالراي

 

[فلونة احلى وردة]

كلي مشاعر هايمة وايد يتمنون يكونون مكانج بس ظروفهم ما تسمح او اهلهم ما يرضون
المهم انج موجودة استمتعي بالغربة وبوقتج
واستفيدي
وتحكمي بمشاعرج

 

[دكتورة الكويت]

فلونة احلى وردة كلامج ذهب جزاج الله خير

 

[ربيعه]

حبيبتي جزاج الله الف خير ابي منج نصيحه .. شنو احسن دوله للدراسه بريطانيا ولا امريكا ؟ والله احترت ناس تقول بريطانيا وناس تقول امريكا شرايج؟؟

 

[~NaNo0oSha~]

يعطيج العافيه ع الموضوع دكتورتنا :eh_s(6): وجزاج الف خير​

 

[دكتورة الكويت]

يعطيج العافيه ع الموضوع دكتورتنا :eh_s(6): وجزاج الف خير​

حياج الله اختى والله ايوفجج انشاء الله

 

[كعيب الضبي]

الله يوفق المغتربين يارب

 

[ربيعه]

حبيبتي ليش ما رديتي على سوالي ؟ والله محتاجه الاجابه وانا سالتج لان لج تجربه بالدراسه بالخارج .. عالعموم مشكورة وما قصرتي

 

[Stylista_Q8]

ربيعه برد عن دكتورة

اهوه على حسب التخصص والدولتين زينين بالدراسة

وصح لسـآانج دكتوورة ^^

 

[دكتورة الكويت]

حبيبتي ليش ما رديتي على سوالي ؟ والله محتاجه الاجابه وانا سالتج لان لج تجربه بالدراسه بالخارج .. عالعموم مشكورة وما قصرتي

السلام عليكم حبيبتي صراحة ما اتوقعت التواصل مالكم وياي بعدين انا اشوي مشغوله في دوامى ورمضان كل عام وانتى بخير


شوفي بالنسبة حق اي وحدة احسن صراحة سؤالج صعب علشان للامانة انا متعصبة للندن لانى درست فيها البكالوريوس والماجستير والدكتوراة في البحرين

وصراحة دراسة بريطانيا وايد قويه ونظامييين وايد وانا لما قوة الدراسة في لندن ما كملت ماجستير ودكتوراه خاصة ان تخصصى نادر واعتبر الاولى فى الكويت


حبوبتي اذا سالت احد دارس في امريكا راح يكون متعصب حق امريكا


لازم اكون امينة وياج انا بعد ما رحت لندن وخلصت دراستى صراحة رحت رحلة حق امريكا بس ما اعجبتني تدرين ليش والله تضحكين

لانحسيت ان امريكا وايد بعيدة بس اكثر من شذي ماكو


شوري بعد وسوي استخارة (ما خاب من استشار) والله ايوفجج انشاء الله

 

[دكتورة الكويت]

اشكركم يا بنات على تجاوبكم واسالو اذا اقدر اساعدكم

 

[مخدوشة الوريد]

موفقين يارب ..

 

[ربيعه]

مشكوووووره حبيبتي ويعطيج الف عافيه انا مرتاحه لبريطانيا مادري ليش والله يكتب اللي فيه الخيروموفقه ان شاء الله .


.مشكورة حبيبتي اللي ردت على استفساري ماقصرتي يالغاليه

 

[UK_Girl]

صباح الخير
ربيعه حبابه شوفاي
انا ماستر خلصت في بريطانيا ..للامانه صعب بصراحه ويبيله مجابل من قلب ...بس لكل مجتهد نصيب وعمره اللي يدرس ماراح يخاف من الفشل او السقوط .

وسمعت وعرفت من اصدقائي ان الماستر في امريكا اسهل بوايد .

بس الدكتوراه في بريطانيا اسهل اما في امريكا فاصعب ..وهذا راي الدارسين في البلدين ...انا كنت حابه اروح امريكا دكتوراه بس غيرت رايي 360 درجه من الخرعه ..وخلاص تعوت على السستم البريطاني ..
وبصرااااحه اموت في شي اسمه امريكا حلوا وشعبها اينن ..بس صار دمي وهواي بريطاني ..يعني من المتعصبين لها مثل ما قالت الدكتوره
وبالتوفيج

 

[0(مـــســـ(مطير)ــــــك)0]

موفقين يارب ...