اليوم يايبه لكم نظام فرررررش(رجيم د ربا الضمان)

[ام بنتها]

مرحبااااا بنااات


اخيــــــــــــرا اليوم رحت حق دكتورة ربا الضمان

بعد ما شوقوني البنات بالمنتدى على نظامهاا و انه يضعف و حده عجيب
قلت خنجرب محنا خسرانيييين

:eh_s(1):<<<<<<< فاره على نص دكاترة التغذيه بالكويت

امس طبعا دقيت خذيت موعد اليوم الساعه 11 و نص الصبح
بس قمت من الصبح لأن وراي نادي و كنت بمر الكليه فقلت بما انه اول خطوه راح اسويها اني اقط بنتي بيت هلي بالجابريه خل اروح اول شي العياده لانها بالجابريه فدقيت عليهم و غيرت الموعد لي 9 ونص قالتلي عادي لان اصلا المراجعات ما يطولون فندخلج بينهم
و حمدلله اول ما وصلت دشيت على طول ماكان عندها احد بس لمن طلعت كانوا 5 قاعدين لاني شوي طولت عندها لانها اول زياره
الي قاعدين كانوا مو وايد متان متروسين شوي

اول ما دشيت الغرفه قالتلي
أي شو شوبكي لأييش جايه هوون ؟ رجيييم ؟
قتلها اي

حدي فاضيه صح :dddds:

سألتني اذا فيني امراض ، هل خذيت حبوب تخسيس من قبل ، جم رجيم سويت ، متى اخر مره سويت رجيم ، هل اخذ فيتامينات و شنو اهي و سألتني بعد عن شعري هل يتساقط او لأ وكل شي سجلته بالملف
المهم خذت وزني الي حدددددددددددددددددددددددده زاااااااااااااااااايد صاااااير يخرررررررررررع من كــــــــــــــــــــــــــــــــــــــــــــــبـــــــــــــــــــــره
تخيلوا وانا حامل كان جذيي
بس ماراح اقول وزني لاني اسستحي بس راح اقولكم كل اسبوع اشكثر نزلت و انشالله انزل عدل

و عقب قالتلي اصعد على جهاز شكله نفس الميزان بس لازم بدون دلاغات صعدته و شاافت
و قالتلي نسبة الدهون عندي مرتفعه عن الطبيعي و نسبة الماي عادي بس قالت لازم اخفف من الملح ومممممممممم شقالت بعد ؟؟
اي قالت انه طبيعة جسمي مو الي يحرق بسرعه
يعني راح اعاني على مااضعف شوي قالتلي لازم التزززززززم عدل اذا ابي اضعف بسرعه
يعني حده راح اتعب :cxxxp:

و عقب عطتني النظام العجيب _03BA:



لحد يرد على ماا اكتب النظاام
[/FONT][/COLOR]

 

[ام بنتها]

رد: اليوم يايبه لكم نظام فرررررش

اي نسيت اقول قبل لا اكتب النظاام

قالتلي الرياضه مو ضروريه
قتلها انا مشتركه بنادي كيرفز بس نص ساعه باليوم قالت حده كافي ولا تسوين زياده لان لي هديتي الرياضه بتسمنيين

و قالتلي لازم قبل كل وجبه كوبين كبار ماي
و بين كل وجبه ووجبه 5 ساعات وانا الحين ميته يوع :cxxxp:

قالتلي اكلي شوي شوي و يفضل انج تاكلين بالشوكه عشان اتطولين بالأكل

قالت الشاي الاخضر والزنجبيل و المراميه وايد مفيدين مع الرجيم

و الفواكه بس بالعشاا يعني مو بين الوجبات لانهم اصلا يسمنون و قالت بما انها حاطه لي فواكه بالعشا كافي
و بين الوجبات اذا حسيت بجوع قالت مالي الا الخيار والخس الا اذا كلش تعبت او حسيت اني مشتهيه شي غير مالي الا جريب فروت

الحين بكتب النظام ولي ذكرت اي شي قالته اكتبه لكم

لح يرد نطروا

 

[ام بنتها]

رد: اليوم يايبه لكم نظام فرررررش

بسم الله الرحمن الرحيم
وبه نستعين


الافطار يوميا :
شريحتين توست اسمر +2 شريحه اي نوع جبن قليل الدسم او ملعقه جبنه بيضا او شريحة مرتديلا + سلطه خضرا او اي خضره بتحطينها بالسندويشه


الغدا و العشا ( لازم بالترتيب عشان النشويات بس عادي اذا بتغيرين اللحم بالسمج او بالدياي عادي بس النشويات ما تغيرون ايامهم الي اهم عيش و معكرونيا ) و (ما يصير تحذفين ولاجبه عشان الجسم يظل يحرق )

1- اليوم الاول :
الغدا :سمك مشوي او تونه بيضاء بالماء او اذا عندكم بالزيت تصفى جيدا و تغسل بالخل + 4 ملاعق ارز مشخول + سلطه خضره بدووووووون زيت .
العشا : فواكه بأي كميه ماعدا (البلح - المانجو -التين - الموز-المشمش-العنب-الكاكا - الكريز ماادري شنو هذا الكريز )


2- اليوم الثاني :
الغدا : معكرونه مسلوقه 2طاسة روب يعني يعادل 8 ملاعق طعام + خضار مسلوق + سلطه و قالت خلطي المعكرونه بالخضار احلى .
العشا : شريحتين توست اسمر + شريحة مرتديلا او بيضه مسلوقه + سلطه خضرا 3-


اليوم الثالث :
الغدا : دجاج مشوي او مسلوق (صدور ) بأي كميه + خضار مسلوق + سلطه خضرا .
العشا : فواكهه . و نفس الممنوعات الي فوق .

4- اليوم الرابع :
الغدا : لحم مشوي او مسلوق + خضار مسلوقه + سلطه خضرا + 4 ملاعق ارز مشخول او 4 ملاعق معكرونه .
العشا :روبه وحده خالية الدسم + فواكهه ( نفس الممنوعات )


5- اليوم الخامس : سمك مشوي او تونه ( اي نسيت التونه بأي كميه عادي بس شرط بدون زيت حتى اول يوم ) + خضار مسلوق + سلطة خضرا .
العشا : فواكهه ( نفس الممنوعات ) .


6- اليوم السادس :
الغدا : دياي مشوي او مسلوق + خضار مسلوق + سلطه خضرا .
العشا : 1 او 2 بيض مسلوق +سلطه خضرا .


7- اليوم السابع : لحم مشوي او مسلوق + خضار مسلوق + سلطه خضرا
العشا : فواكه ( نفس الممنوعات ) و بس

طاحت ايدي وانا اكتب بس
تــــســتـــــــــاااااااااااااااااهـــــلـــــوووووووون

انشالله بروحلها الاحد الياي
و اذا الله احيانا انشالله احط لكم الانظمه اول بأول

عفييييييييييييييييه ادعولي اوصل الوزن الي ابيه بســـــــــرعه حدي قاعده اعاني :0bee2e8d89::0bee2e8d89:

 

[F.A]

رد: اليوم يايبه لكم نظام فرررررش

الله يوفقج ان شاء الله مع هالرجيم
وناطرين النتائج

 

[غريبه قصة احزاني]

رد: اليوم يايبه لكم نظام فرررررش

الله يوفقج يارب
وتسلم ايدج... جم ينقص بالاسبوع؟

 

[* Na3oMa *]

رد: اليوم يايبه لكم نظام فرررررش

الله يعطيج العافيه .. وعساج عالقوه ..
وان شاء الله توصلين الوزن اللي تبينه

 

[حنون المزيون]

رد: اليوم يايبه لكم نظام فرررررش

مشكوووووووره نظامج يشوق
بس مايصلح لي لاني نباتيه

 

[@Miss Dio@]

رد: اليوم يايبه لكم نظام فرررررش

حلو والله ومنوع موفقه

 

[$$مذهلة$$]

رد: اليوم يايبه لكم نظام فرررررش

موفقة وناطرين النتيجة

نبي ضعف صجي والتزمي

 

[s0sa]

رد: اليوم يايبه لكم نظام فرررررش

يعطيج العافية ام بنتها على الرجيم وحبي بنتج
انزين اقدر الغي العيش؟ او اي شي مو عاجبني؟
وشلون اسوي جاي اخضر ومرامية؟؟؟؟ يعني انقعهم؟؟
ماعطتج حبوب تساعدج
انا لمن كنت رايحة حق ميري عطتني نوع اسمة كروم؟؟

 

[بنت العديليه الشقرديه]

رد: اليوم يايبه لكم نظام فرررررش

ناايس خوووش نظاام والله ... يعطيج العافيه وتسلم الايادي

 

[ام بنتها]

رد: اليوم يايبه لكم نظام فرررررش

مشكوووريننن كلكم علىردوودكم
و تشجييكم لي
ما تقصرون

دلوعة اهلها
قالتلي ينزل من 2.5 لي 4 كيلو
على حسب الجسم
ومو اقل من 2 كيلو
بس لازم التزاااام

 

[ام بنتها]

رد: اليوم يايبه لكم نظام فرررررش

يعطيج العافية ام بنتها على الرجيم وحبي بنتج
انزين اقدر الغي العيش؟ او اي شي مو عاجبني؟
وشلون اسوي جاي اخضر ومرامية؟؟؟؟ يعني انقعهم؟؟
ماعطتج حبوب تساعدج
انا لمن كنت رايحة حق ميري عطتني نوع اسمة كروم؟؟

الله يعافيج سوساا

و حبتج واصله مشكووووره الغاليه
العيش و عموم النشويات الي موجوده قالت عشان ما يرجع الوزن لي هديتي
و ممكن يصير نظام تثبيت لأن ما فيه اي حرمان
و اهي قالت انها منظمه وقت اكل النشويات عل يعني ما تقدرين تغيرين بالايام
و انتي علىراحتج
واذا بتلغين شي قالت عادي بس مو وجبه كامله او شي اساسي
ولي لغيتي ما تبدلين
و ما عطتني ولا نوع حبوب بس انا قتلها اخذ حبوب اوميغا3 قالت استري عليهم

موفقه خيتو

 

[s0sa]

رد: اليوم يايبه لكم نظام فرررررش

يعطيج العافية ام بنتها على الرد السريع قواج الله وادعيلي اني استمر فية ولا امل:cxxxp: واضعف واستانس بجسمي:eh_s(3):​

 

[ام بنتها]

رد: اليوم يايبه لكم نظام فرررررش

انشالله سوسا يا رب اجمعين
و يشد جسمنا و نصير مثل جسم سندي كروفرد

 

[login]

رد: اليوم يايبه لكم نظام فرررررش

مشكووووووووووووووووووووره على النظام الحلو وتسلم ايدج وبوسيلي كتكوتج

انزين هالنظام لمدة اسبوع بس ؟؟؟ ماقدر اكرره اسبوعين او ثلاثه؟؟؟

 

[ام بنتها]

رد: اليوم يايبه لكم نظام فرررررش

حياج الله الغاليه و بوستج واااصله

اي لجين هذا بس اسبوع
و انا انشالله كل اسبوع بروحلها و بحط النظام عشان كلنا نستفيد
و الي تجربه ختقول شكثر نزلت بالاسبوع وانا بعد
و اهي قالت تقريبا بالاسبوع ينزل من 2.5 لي 4 كيلو على حسب الجسم

انشالله اكون فدتج

 

[ام بنتها]

رد: اليوم يايبه لكم نظام فرررررش

up up up
عشان تشجعونيي _03BA:

 

[شيخه***البنات]

رد: اليوم يايبه لكم نظام فرررررش

حبيبتي يعطيج العافيه يارب ..

وتسلم ايدج ..

و ان شاءالله يارب توصلين للوزن اللي تبينه يارب ..

 

[s0sa]

رد: اليوم يايبه لكم نظام فرررررش

شلووونج ام بنتها
تصدقين ماعندي ارادة:cxxxp: صايرة اتغدى مثل اكل البيت كل شي أكل:botetoo:
تتوقعين اضعف؟؟:cxxxp: تعبت من هالمتن ابي اكشخ وألبس وياية هالعروووووس بالطريج مابقى شي :balo: يعني بس أتغدا و أتريق مو قاعدة اتعشى
ابي اسوي الرجيم بس مالي خلق انتي شلووونج وياه؟ تخربطييين ولا ماشية مضبوووووووط​