الي اظافرها ضعيفه وتتكسر بسرعه ولا تطول تجي هنا ندور حل

[جـ&ـوجـ&ـو]

بسم الله الرحمن الرحيم..


:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):

الموضوع هاذا فتحته عشان ندور حل
للاظافر

انا اظاافري حالتها حاله حاولت وجربت ولا نفع
راح اكتب لكم وش جربت:
جربت الثوم
وجربت حركة المناكير
>>>>انو احط عليها مناكير دائم ولا اشيلها الا وقت الصلاة

:eh_s(17)::eh_s(17)::eh_s(17)::eh_s(17):
الي عندها خبره او حل ياليت تتفضل فيه هنا
ولها مني ومن جميع العضوات دعوه لهاا :eh_s(7):

*********************************
ملاحظه::اتمنى كل واحد يكتب لنا تجربته مع الاظافر..:eh_s(22):

 

[بنت احلام]

اممم حبيبتي
علاج تكسر الاظافر:


تدهن الاظافر و ما يحيط بها من جلد بعصير الليمون الحامض 3 مرات في اليوم

لمدة عشرة ايام مع مراعات غسل اليد قبل الدهن
علاج الاظافر الضعيفه:

يجب دهان الاظافر بخل التفاح و عصير البقدونس حيث تفرم مقدار من اوراق

البقدونس ثم توضع في كوب ماء مغلي و تترك لتتخمر ثم يضاف اليها ربع

كوب خل التفاح و تدهن الاظافر 3 مرات في اليوم على ان تغسل بعد مرور 2

ساعه من دهنها:


ان شاءلله اكون فدتج ولو بالقليل

 

[{سيد العذارى }]

حبيبتي انا الحين حاطه على ايدي ليمون وزيت زيتون وسكر يمدحونه واجد حق اليدين ولبسه قفاز فوقهم ويقولون الزيت زيتون يقوي الاظافر حبيت اقولك تجربتي

 

[tt2tt]

اب اب

 

[tbola]

خووش موضووع ان شاء الله نلقه حل

مشكوره صاحبه الموضوع

 

[وافرر]

اضم صوتى لصوتكم نبي حل
مشكورة صاحبه الموضوع على الفكرة

 

[عيون النداوي]

وهم أنا أبي حل

 

[أسيرة_أحزاني]

اي والله ضعاف ويتكسرون بسرعه
اببببب

 

[Perfect J]

انا اظافري تطول بسرعة

بس خفيفة حيييييييييل من الننووع الشفاف ما احسها سميكة
ومو ملسا عليها خطوط

شالحل

 

[bal8es]

انا الله يسلمج قبل فتره نزلت مثل هالموضوع بركن الاستفسارات وماقصرو البنات عاد خل اقولج شنو سويت

اول شي مثل ما قالت وحده من الخوات احط زيت زيتون وليمون وسكر وألبس قلفز بو نص ساعه جذي واغسله

بعدها احط من محلول ecrinal وانطر لين ينشف
بعدها احط كريم يوكو مال الاضافر ابيض بأسود او كريم الرمان اخذته من ايران حلو للايدين وريحته حلوه ومقوي بنفس الوقت للاضافر

وقبل لا انام احط حولين اضافري كريم mavala و زيت mavala

وفي هذا الموضوع حلو يفيد http://www.q8yat.com/t823971.html

وبث الحمدالله احس في تحسن بأضافري
ادعولي تطول اضافري

 

[حبيبه جاسم]

أأنا أظأفرري قبل شقوولج لووعه وقصآآر ومآيطولون آآبد وآن طالو تكسرو بسرعه
عانييت حيل وكنت احط نفس اللي تقولون زيت زيتون وشكر وليمون واللذي منه
ماقولج ماينعم اليد بالعكس والله حلو يعني ينعم اليد ويصفيهاا بعد بس ماحسيت نتيجه بأظفآآري ألآ لما قريت خلطه الاخت ملاك اللي دوم ادعيلها والله كل ماشفت اظآفري
قلت ربي يوفقها ويرزقهاا
كانت هي تسوي الخلطه وشافت نتيجه حلوه للبيع وقالت خلطتهاا بالمنتدى
عااد انا سويتها خلطتها سهله مايبليها شي .. حسيت فعلا تغير باظافرري
قاامو يطولون وصارو قووين مب زي ااول وصرت مااستحي منهااا
اهلي قالو لوعتي جبدنا بآظفارج تررى .. ومعآنأه قبل كل مناسبه اركب اظافر
وتعالي شوفي بعد ماشيلها يووووووووه تسؤؤؤؤء اظافري اكثثر

بس صج صج بعد خلطه الملاك ,, صدقيني بتشووفين تغير

بدوورلج الراابط واعطييج اياه..

حببببي ادري اقرقرت رااسج بس حبيت اقولج تجربتي

يعطييج العااافيه

 

[CUTIE-THUG]

زيت زيتون اصلي + ثوم + ليمون

الثوم يكون مهروس 3 او 4 فصوص و عصير ليمونة كاملة و زيت زيتون لا تكثرين 4 ملاعق كبار يكفي و حطيهم بصحن عميق شوي و حطي ايدج 10 دقايق بعدين جيبي فرشة اسنان قديمة ماتبينها و ادعكي اظافرج و غمسي الفرشة بالصحن و ردي دعكي اظافرج و عيدي مرة و اثنين و ثلالث لكل اظفر بياخد منج 20 دقيقة للايد تقريبا و سوي هالحركة كل يوم لمدة اسبوع 10 ايام بعدين صيري سويها كل اسبوع مرة او مرتين و بتدعيلي

 

[r1ksa]

انا ايام المراهقه كنت اشرب حليب كثييييييير
يمكن لتر باليوم

اظافري كانت قويه وبيييييييييييييضا والله لدرجة ان لما يجي واحد يعاكس بالسوق يمدح اظافري قبل اي شي

و كنت اسوي كم شغله بكتبهم لك الان


طبعا الحين تغيرت العادات الغذائيه فا انصحك بحبوب كالسيوم كالترات مره باليوم و يفضل تاخذين معه زنك و بالليل خذي فوليك اسيد و حديد
لا تغيرين خلطة الحبوب لان الحديد ما يجي مع الكالسيوم! لازم كل واحد بوقت

و فرك الاظافر بالليمون اسبوعيا وخليها تجف عاااااااادي

و فرك الاظافر بزيت الزيتون وبرضو البسي قفازات بلاستيكيه و خليها على قد ما تتحملين ((حطي الزيت مع لوشن عشان ما تقرفين من الملمس))


و اخيرا استعملي مقوي الاظافر من اكرينال

 

[أحبه موت]

بنات وين احصل مقوي الاظافر اكرينال؟​

 

[CUTIE-THUG]

up up

 

[UNICORNA]

بالعكس انتى لما دوم تحطين فوقها مانيكور هذا بيضعفها اكثر لانك بتمنعين الاظافر من التنفس

افضل شى هو زيت الزيتون يخليها قويه ولينه بحيث لو انثنى الظفر ماينكسر ويرجع لمكانه مره ثانيه

 

[لمى...]

انا أكثر وحدة عانيت من الأظافر وجربت كل شي كللللللللللللللللل شي من منتجات طبيعية الى منتجات صناعية

ولقيت الحل من خمس شهور تقريبا ونصيحة جربيه ولاتجربين غيره

تعرفين الزبيب اليمني اكلي كل يوم على الريج 15 الى عشرين حبة (( انا استخدمت هالطريقة مو عشان اظافري استخدمتها

عشان فيني فقر دم ))

الصدمة انو أظافري صارو مشاء الله حدييييييييييييييييييييييييييد رغم اني سنين وانا اعاني ماعمري تهنيت فيهم يوصل طولهم

طول ملي وبعدين يتقصفون ويتقشرون ويتكسرون .........

فجأة بعد ماكليت الزبيب اليمني انصدمت برموشي واظافري رموشي كثرو واحس انهم طالو ووجهي نور ........

وأهم شي اهم شي اظافري صارو طواااااااااااااال وقويات ومايتكسرون قمت أتفنن بصبغ الأظافر .......

بس ترا استمريت على الزبيب شهر كامل واهده شهر وارد له شهر روعة روعة روعة ..........

اللي تستفيد امانة تدعي لي

 

[الحنونهـ]

موضوع مهم ..
بعد اعاني من اظافري بعد ماجبت ولدي الثاني وهي متدمره ويطلع الاظفر طبقتين خفيفتين..
ولا لقيت لي حل..
ان شاء الله نساعد بعض..
مشكوره عسوله..

 

[ام سعود ديكسون]

حبوب الشعر اللي بالصيدليات كنت اشتريهم عشان أطول شعري لانه نموه كان موقف
تخيلي أظافري كانوا يطولون و شعري ما طال ههههههههه

مو نوع واحد
لا كذا نوع شريت
و النتيجة ان الأظافر تطلع اسرع
لانها مكونة من نفس المادة اللي تكون الشعرة

 

[manoooram]

الله يعطيهم العافية البنات ما قصروا