الي الطموشات الي يقولون ليش المتزوجات مايكشخون

[أحلى قصة]

الله يكون بعونج بس لازم يكون عندج راي

 

[amami al-kuwai]

هههههه

اهم شي تسحب بالارض

نفس زوجي بس ماوصلنا لمرحله تسحب


لازم البس عبايه بحق وحده مثل وزن شعبان عباس قبل عمليه التكميم

وانا عصله تخيلي منظري

 

[amami al-kuwai]

وعلى فكره مو بس الزوج اللي يقول لزوجته خلي لبسج مبهذل

ساعات العيال لما تبين تنحاشين عنهم تروحين خامطه اي شي جدامج

وغير جذي المتزوجه انسانه يعني مو معقول اربع وعشرين ساعه تبون مودها حلو وممتاز يعني مثل مايقولون فوق النخل

 

[مصممهــ]

الله يسخر لج ريلج

والله يكون بالعون

اذا انتي لابستها الحين بشويش تقدرين تغيرين رااايه

وتغيرينها الي اقصر او فصلي عبايه ثانيه اقصر بشوي مو تخم الشارع<< ^_^

والبسيها لا رحتي مكان عام واذا قال هذي قصيره قولي لا اهي نفسها بس عيونك قامت تدور الزله << او اي اسلوب يريحج

دمتي بخير يالغلا

 

[نـازك الملائكة]

تعرفين قبل سنه ونصف أو سنتين قبل ماتزوجين
كنت تسبين بالسعوديات وبلبسهم وليش بعضهم يلبسون عبايات راس وليش تنوره مافيها كلمه ماقلتيها مع انو كل كلامك غلط و ينبع عن جهل
بس كنت متأكده انو بدور الدنيا واللي كنتِ تتشمتين فيهم بتصير مثلهم

أنا ماتشمت بس علشان مره ثانيه تحاسبين على كلامك واعرفي إذا تشمتي بأحد راح تصيرين اردى منهم أنتِ او غيرك

 

[صفحه بيضه]

تعرفين قبل سنه ونصف أو سنتين قبل ماتزوجين
كنت تسبين بالسعوديات وبلبسهم وليش بعضهم يلبسون عبايات راس وليش تنوره مافيها كلمه ماقلتيها مع انو كل كلامك غلط و ينبع عن جهل
بس كنت متأكده انو بدور الدنيا واللي كنتِ تتشمتين فيهم بتصير مثلهم

أنا ماتشمت بس علشان مره ثانيه تحاسبين على كلامك واعرفي إذا تشمتي بأحد راح تصيرين اردى منهم أنتِ او غيرك

نعم خير انتي تكلميني انا متى سبيت السعوديات حبيبتي قلطانه بالاسم
عسى ماشر شكو حبيبتي طلعي من موضوعي لاتبلين علي هي احترمي نفسج انا عمري ماسبيت احد
لاسعوديه ولا غيرها حبيبتي لاتغلبين موضوعي هوشه ماعندج شي تقولينه لاتمشين وتبلين علي الناس

 

[نـازك الملائكة]

نعم خير انتي تكلميني انا متى سبيت السعوديات حبيبتي قلطانه بالاسم
عسى ماشر شكو حبيبتي طلعي من موضوعي لاتبلين علي هي احترمي نفسج انا عمري ماسبيت احد
لاسعوديه ولا غيرها حبيبتي لاتغلبين موضوعي هوشه ماعندج شي تقولينه لاتمشين وتبلين علي الناس

لااا حبيبتي مو غلطانه متأكده 100% وكان نكك حدي طفله حتى جلست اطالع النيم وردك قلت مافيه اي توافق بينهم ارجعي للنيم الاول حقك وارجعي للردودك وراح تشوفين
ولا تخافين ماراح اخرب موضوعك ولا شيء , وسبحان نفس الاسلوب تفتقدين الذووق بالرد

و ياليت ردودي تحذف بس كلام وحبيت يوصلك

 

[صفحه بيضه]

ماابي اخذ واعطي معاج اكثر من جذي

 

[fofo90]

ههههههههه
خووش موضوع

 

[صمتي عذابي:(]

ياقلبي الستر زين وش حالتك بالعبايه واهو يحبك ويغار عليك اشتري رضه ....

في وحده مره قالت لي انها جت بتطلع من المول تقول وانا بطلع الا شباب مجتمعين تقول لمن شافوني بعدو وعطوني مجال اطلع واهي ما شاء الله عليها مايبن فيها ولاشي .. القفز والجوارب وحتى العيون ماتطلع

تتوقعين لو كانت وحده كاشخه بالعبايه السنعه والميك اب ببيعدو عن طريقها ........

اترك لك الاجابه واتمنى انك فهمتي قصدي ؟


الله يوفقك ويسعدك ويسخر لك ياقلبي

 

[صفحه بيضه]

اوكي انا ماقلت شي عن عبات الراس عادي انا راضيه فيها وادري انها ستر للبنت بس انا
الي مضايقني انا تسحب مااقدر امشي فيها وانا ماقلت عبات الراس موزينه

 

[صفحه بيضه]

مو زوجي يبي جذي انها تسحب
جذي شكلي يصير مهذل والعبايه اتوصخ بعدين انا ودي اقصرها شوي لي تحت الجوتي عزج الله بشوي والبس ادلاق عادي
بس زوجي موراضي غير دراعت البيت الي تحت العبات الي لزم البس دراعه بيت ماادري شنو الحكمه ادري بعبات الراس محد يدري شنو لبسه
دراعه بيت ولا غير بس النفسيه ودي البس شي بدله حلوه تحت عباتي حتى لو محد شايفها كافي انا ارتاح نفسيا

 

[Zinab BH]

حبيبتي لا تصيرين بعد سمعا و طاعة سيدي
و اذا كلش كلش عصقلت معاج لبسي دراعة كشخة مو ضروري مال البيت مو كشخة
يعني حلوة وناعمة و كشخة يعني ترتاحين لها ولا قعدتي في البيت تكشخي و تزيني و تمكيجي وكلشي
بنسبة لطموشات اللي يتطموش ترا ماعندهم غير الفرارة و مطالع المتزوجات شسوو وشحطو و شيابو ودراسة اذا كانو يدرسون
بالعكس انا اللي اجوفه البنت لما تتزوج تتكشخ اكثر من قبل لان الحين الكل متوعي والكشخة بكل مكان
ويلا خل يراونا شطارتهم اذا تييهم الدورة و الالم بنجوف في هاللحظة يتكشخون لو مساديح على السرير وية شباصة راسهم و بجامة ميكي ماوس

دع الخلق للخالق والملك للمالك و انشغل باصلاح حالك

 

[امـل لاينتهي]

انا مومتزوجة بس الحمدلله احب اكون مستورة لرضا ربي مو عشان رضا زوج وغيرته يعني مايحتاج يقولي لاتحطين ميك اب اساسا ماحبه وماحط الا بمناسبات واذا طلعات مهمة احط خفيف جدا مايبين وعن العباية مافيها شي عباة الراس بس ماتناسبني لان ماعرف اتحرك فيها عدل وكل شي يبين وغير اني نتفة وقصيرة احس اضيع فيها بس الحلو فيها تبيني اكبر وانا كله يصغروني فاستانس بس مالبسها ع طول لكن عباتي الكتف واسعة ومافيها اشياء اوفر واذا بحط نقشات سوداء او موديل بسيط وعندي سادة بعد وطوال بس مولدرجة تسحب عاد هالشي يضايق كلش

سوي روحج كله تعرقلين وطيحي نفسج عشان يحس او قولي خلاص مابي اطلع مابي عباية وكلش ماله داعي تسحب شنو عاد طوليها وخل تغطي الجوتي بس موتسحب وراج

مولهدرجة نسمع كلامهم بكل شي !!

 

[Sweet_jooj]

انا دايم كنت اسأل ليش المتزوجة ما تهتم بنفسها بس انا أشوف اوك بسمع كلامك بس هذا أشياء فيني ما اقدر أغيرها مثل أني أحط كحل ومسكرا البس عباية جتوف بس إذا تبيني اغطي ويهي بغطي مثل ما انت تبي تشوفني مرتبه لازم غيرك يشوفني مرتبه لان هذا يدل على أخلاقي انا أشوف أن الريال ماله يتدخل بذات بهالشي إلا إذا زاد عن حده لان إذا مشيت بسوق بيطلع علي انا الكلام (الله يعين ريلها على شكلها مهمله ......الخ )

وربي يعينج حبيبتي

 

[شطانه طفله]

اي ومرات ما عندج وقت تتسوقين وتتكشخين يدووووب تعديلن وتكشخين زوجج هذا اهم شي عشان اهوا اهم شي يكون مظهره حلو

 

[قلب الزعابي]

أنا بالعكس ريلي يحب الكشخه ويبني اكشخ
بس العبي تكون ساده او ديزاين خفيف واسود
صراحه كل مره يقولي فصلي عبي موديلهم اسود وتكون خفيفه
وأقوله ان شاء الله هههههه اروح وافصل اللي بكيفي واذا لبست يقول وااااو كشخه
واذا طلعنا اكشخ ولكن اتغشى
وفي بيتي صراحه مؤ دائم اكون كاشخه احيانا امر بضروف مثلا الدوره وعوار البطن او الحمل او لي زعلت عليه ههههههههههههه
وعن لبسي احب التنويع بجامات باطلين قمصان وجي
ويلي للحين يقولي سوي جي وجي واقوله انشاء الله وطاف ههههه ويوم يجوفني يعجبه واااايد
بس المهم يعجبني اول بادي

 

[سما الشقين]

انااقول الي عندها شغاله في بيتهم يمديها تكشخ
بس الي البيت والعيال والزوج على راسها يحمد ربه اذا تسبحت ولبست بجامه ومشطت شعرها
اما في الشارع اهم شي تكون الوحده مستوره وما دام لابسه عبايه ما حد يدري وش الي تحتها​

 

[امـ خــزامـى]

^^^^^^^^^^^^^
اي والله صادقه


بالنسبه للموضوع
لي فتررره وانا حووووووووووووووسه مو قادره ولا حتى اشتري لبس كشخه
لو شريت
اشتري سبور ومررريح عشان مايضايقني
واتحرك بسهوله عشان بنتي الله يصلحها ويععجل بمشيها قولوا امين

وطبعا انا عكس الموضوووع
عباااتي قصييييييييييره وعلى قولة غلايو زلمه

وش اسوووي مليون شنطه وعفش ماله اول من اخر وبنتي

وربي حالتي تصعب على الكااافر

فامستحيييييل اسوي عبااة تسحب

وبصررراحه انقد على الاماراتيات بهالشغله
استغرب عليهم عبايااتهم كأنها فستان زززفه

نص متر يسحب وراها

شي عجيب انا اجلس اراقبها كيف بتمشي هذي
وطبعا دبي مووووووول ارضيته تلمممممممممممممع ماشالله

انا مااشوف ان العبااايه الطويله وتسحب ستر اسمحووولي

تبين الستر البسي شراب اسووود

غير كذا اعذروني

 

[baby lotion]

موضوع البنت عن الكشخه وكلكم تتكلمون عن العباه

اولا بالششارع وقدام الرجال حق شنو الكشخه ؟

انا عن نفسي بالعباه مثلا احبها طويله تريحني اكثر مب قصيره كني اجنبيه ماعرف البس عباه

الكشخه للززوج بالبيت وعند مجتمع الحريم فقط هنا المقصد ليه ماتكشخون

ولو كان قصدهم الكشخه بالششارع فمااظن لها داعي ابدا

العباه للستر مب للفت النظر ؛

لكن انتي لاتلغين شخصيتك ولا تسوين كل شي سمعا وطاعه

ممكن شكلك هذا يكون ملفت اكثر

كل شي بالوسطيه يكون افضل

استغربت من الي تقول لواموت ماالبسها حبيبتي لامتي بتندمي وبتتمني ترجعي عشان تلبسي يعني شي غريب هاذي معصية لاتعصي ربك وتجاهري بالمعصية الله يهديك الحجاب ستر والي تبي التوفيق بعمرها وكل شي لاتعصي ربهااا شحلاتهم المتحجبات ادب وحشمة واحترام وموناقصهم شي والله يهدي الجميع عن أنس بن مالك رضي الله عنه قال : قال رسول الله صلى الله عليه وسلم : « يأتي على الناس زمان القابض على دينه كالقابض على الجمر » رواه الترمذي ​

معاهم :eh_s(15)::eh_s(17):