الي بتسافر بهالتاريخ او اهيا موجودة بلندن الحين تدش علي حدي خايفة بلييييز

[hbenc]

السلام عليكم
بنات بليز بليز الي موجودة الحين بلندن او بتروح تاريخ 1/6/2012 لندن على الكويتية عليها الله تحاجيني انا حدي خايفة وبروح بروحي لندن بهالتاريخ ومحد معاي واول مرة اروح بروحي كل مرة اهلي معاي بس هالسفرة صارت الظروف كلها ضدي وامي حييل تحاتيني تقول شلون تنزلين بالمطار ومنو بياخذج اهناك واشدرانا ان يكون امين ولا لاء

فعليكم الله الي بتسافر بهالتاريخ تخليني اكون معاها بس توصلني للشقة الي فيها خالتي وخلاص لان انا رايحة مرافق حق خالتي علاج بالخارج ومافي احد يستقبلني اهناك لان خالتي المريضة بليييييييز دبروني لا تحقروني بلييييز حدي خايفة

 

[غرام القمة]

حبيبتي بس باسالج ماعندج اخوان او عيال خالة مثلا
وبعدين شنواللي حادج تروحين بروحج تعرضين نفسج للتهلكة كان امج راحت معاج
عموما الله يعينج ويشفي خالتج
عاد تمنيت اروح لندن كان رحتي معاي عادي

 

[اخت خالتهم]

ررفـــع

 

[وحشني شوف الكويت]

الله يحفظك من كل شر حبيبتي :*
و يارب يشفي خالتك ويفرحكم بعافيتها
درب السلامه إن شاء الله ..
​

 

[بخـــارى]

اختي احنا مانعرف شنو ظروفج وليش مسافره من غير رضا امج
ورضاها مهم
لاتظنين راح تتوفقين واهيا زعلانه

 

[hbenc]

امبي شفيكم قمتو علي ترا انا مسافرة وكل العايلة راضية واولهم امي وابوي واخواني وامي مو زعلانة بس قاعد تحاتيني وعلى فكرة انا مابي هالسفرة بس انجبرت عليها واضطريت اني اوافق ولا منو يبي يروح مرافق لمريض بروحه لاصديق ولا ونيس بس انا اضطريت واقتنعت ووكلت امري ل الله اشفيكم بس زاهبين للانتقاد وطلعتوني مزعلة امي ترا امي عندي بالدنيا كلها وبعدين انا مو اول مرة اروح لندن بس كل سفراتي قبل مع اهلي بس هالمرة عشان ظرف خالتي اضطريت اكون بروحي ومن ناحية ليش محد بروح معاي ترا حاولنا وايد بس للاسف ظروف اهلنا ماتسمحلهم بهالوقت الحالي كلش كلش وكل واحد وظروفه مثل ماانتوا عندكم ظروف وبدال لا تنتقدون دشوا سوو رفع لان صج انا متوهقة وكل خوفي من هالموضوع سالفة لمن اطب المطار واشيل قشي واركب مع التاكسي لان كل خوفي من التاكسي مابي اركب معاه بروحي اخااااف ولا باجي الامور الحمدلله سهالات اعرفلها

بليز انا ابي احد اركب معاه بالتاكسي ويردلي الونس مابي احد يقعد يخرعني فوق ما انا مخترعه بلييييز الي ماعندها رد تسوي اب مو تنتقد جني رايحة العب ما جني رايحة مرافقة حق مريضة فيها سرطان بالمخ وهادة كل دنيتي (امي) بالكويت ودوامي وكل شي ومضحية تدرون ليش لان خالتي ماعندها احد كلش كلش وماني مجبورة اقول كل ظروف اهلي والبيوت اسرار وعلى فكرة امي راضية واهيا الي جابرتني اروح مع اختها بس كل السالفه انها تحاتي وكل الي ابيه منكم وحدة تساعدني بلييييز بلييييز لان صج خايف

 

[hbenc]

واااااااي شكله محد راح يفهمني خلاص خلاص ربكم يدبرها

 

[al_3needa]

والله لو سفرتج بنفس تاريخنا

جان قلت لج يا مرحبا والعين اوسع لج من التاكسي

بس للاسف احنا اول ٧ اذا الله يسر امورنا

الله يسر لج الامر ويحفظج من كل شر

 

[بخـــارى]

اول شي احتسبي الاجر فعيادة المريض
وثانيا انتي مو اول مره تسافرين يعني سهاله الشغله عندج
المهم احد يوصلج المطار بالكويت واحد يستقبلج هناك
والتكاسي بلندن امان
وودي ماجلتج
وربي يحفظج

 

[hbenc]

اي انا ادري ان اهناك امان بس انا مو متعودة عالمسئولية واهلي كانو بالسفرات يسوونلي كل شي بس الحين احس نفسي
ضايعة وخايفة انا طبعي خوافة حييل انزين ماتعرفون رقم تاكسي اميين بلييييز كسبو فيني اجر

 

[hbenc]

والله لو سفرتج بنفس تاريخنا

جان قلت لج يا مرحبا والعين اوسع لج من التاكسي

بس للاسف احنا اول 7 اذا الله يسر امورنا

الله يسر لج الامر ويحفظج من كل شر

بعد قلبي تسلمين يا حلو كلامج مشكووووووورة ماتقصرين

 

[مارون جلاسيه]

رفع

 

[بخـــارى]

اول ماتطلعين من المطار في تكاسي وايد
وكلهم امان
بس جهزي العنوان عدل

 

[كلي فخر]

حبيبتي التكاسي امان حيل لاتحاتين انا كله بروحي كنت اطلع ومضطرة اطلع بروحي بس كنت اعرف كذا تاكسي زينين بس ماعندي ارقامهم بس بشوف اخوي عندة يمكن

انتي وين شقتج بلندن واي مستشفي خالتج


تروحيين بالسلامه والله يقوم خالتج بالسلامه

 

[كلي فخر]

صج اذا خايفة ليش ماتروحين بالباص او القطار

 

[الجميرا]

اختي توكلي علي الله ولا تحاتين الديره امان بس اذا ركبتي التاكسي ركبي مع التكاسي الاسود الرسمي لا تركبين مع السواقين روحي صوب التكاسي او اطلبي تكسي المطار وتاكدي من عنوان خالتج عدل وسهالات واجر وعافيه ان شاء الله وعسا الله يشافيها

 

[hbenc]

اسم المستشفى wellington hospital south

عنوان المستشفى wellington place -london NW8 9LE

جان زين الاقي تاكسي زين انا ادري ان اهناك امان بس انا خوافة

 

[alreemmohamad]

استعيني بالسفاره ماأعتقد يقصرون معاج
وقولي لهم ان انتي مرافقه وجايه بروحج

 

[صفاء عبدالله]

شوفي حبيبتي انا صارت لي نفس ضروفج زوجي راح يسوي شيك اب علي قلبه جان يسوونله عمليه قلب مفتوح

 

[صفاء عبدالله]

وانا عقب اسبوع رحتله ابروحي وكنت خايفه نفسك بس صج سهالات لا تحاتيين لا تركبين الا مع التكسي الرسمي