الي تحاتي استقبالها تعالي شوفي شنو كنا ناسين؟ شنو آخر هبات الهدايا التذكارية فيدي؟

[NaThYa85]

قوة حوامل

طبعاً كلنا نحاتي (غير الولادة) استقبال الولادة

شفت مواضيع تكلمت عن الضيافة والسوفنيرات والستاندات ماشالله بناتنا ما قصروا

بس في شي أنا محتارة فيه وحابة استفيد منكم وافيدكم الا وهو

الهدايا التذكارية اللي بالتوزيعات

أنا مروا علي قلاصات زجاج ولهايات شواروفسكي وعلب فيها كريم ولا شاور جل وميداليات

نبي افكار يديدة شنو الجديد في هالمجال؟

الله يسهل على من ترد وتعطينا فكرة عسى الله يعطيها ليما يرضيها قولوا آمين 

 

[ام مهدي الحلوه]

السلام عليكم
موضوع شيق الصراحه
و انا من اول ما حملت و انا افكر بالسوفنيرات للولاده
مابي شي ما يستفيدون منه الناس ،، يعني ياخذونه و بس يوصلون البيت يقطونه او يعطونه حق خدمهم
و انا قاطه عليه فلوس (

 

[ام مهدي الحلوه]

فكره الكريم و الشاور جل حلوه بعد
حتى باث اند بدي عندهم اشياء تنفع اتوزعينها
بس مشكلتي للحين مووو مقتنعه بشي

 

[yasmeen_q8]

انا خذيت قرآن حجمه مو صغير ولا عود مقاسه كبر كف الايد
وبراويز والعاب
ما قدرت اخذ كل شي يستفيدون منه لان ما القى ١٥٠ حبه من كل شي فنوعت خذيت ثلاث ارباعهم اشياء يستفيدون منها براويز وقرآن وشوي العاب

 

[مناي]

انا رحت المطبعه وسويت عندهم علب تقريبا حجمهم ثلاث ارباع كف الايد علي لون الكفر وسويت معاهم كتيب ادعيه للبيبي ممكن يقرونه ويدعون فيه لعيالهم طبعا غلاف الكتيب مكتوب عليه اسم وعايلة البيبي وحطيته داخل العلبه مع عطر اينن من الفارس العربي اللي بالمباركيه

 

[ام الحلوااات]

اااااااااااب​

 

[NaThYa85]

عااااشوا البنات

بس ياليت تقولون لنا من وين سويتوا هداياكم وجم كلفت الحبة تقريباً؟

 

[فلافل وبطاط]

حلووو موضوعج ... انا للحين محتاره مادري شسوي
وبنفس الوقت مافتريت ادور شي ...

الله يسهل ...

ولايوقف بنات ومنكم نستفيد ...

 

[المسكـ]

فلفووله شفت وحده موزعه قلاصات صغار فيها سمج وناسه شكلهم تحفه
وشفت وحده موزعه فتاحة بيبسي وشمع هذول من موقع اجنبي هم شكلهم يشووق
وبولادتي على ولدي وزعت حصالات كبار على اشكال اسد وبقره وام عليوي ونحله طبعا الكل ينننن عليهم لان شكلهم حده كيووووووت
طبعا السر >>>>>>>> امي ماخذتهم من سوق الايرانيين قبل
وبعد في استقبال مرت اخوي سوينالها حصاله على ارنب طبعا كبييييره ولبسنا الارنب كبوس حياكه هم شكلهم عجيييييب طلع

انا بصراحه ماحب اشتري جاهز احب اسوي بايدي عشان يطلع مميز

 

[احلى عروسه]

يعطيكم العافيه بنات
بعد نبي افكار يديده الموضوع وايد حلو

 

[~LiBrA~]

مادري اغلب الاستقبالات الي اروحها هالايام ما يسوون سوفينيرات
الكل يقول صار شي قديم الحين

بس تركزين علا توزيعات الككاو يكون شي راقي ومن محلات كشخه

اصلا لو تروحين باتشي وريبيل ما تلقين عندهم علب توزيع الككاو فيها لويه وشغل واايد بالعكس شي بسيط كافي اسم المحل عليه

 

[فلافل وبطاط]

المسك نااااايس حدهم يشوقون

انا على بجري بس وزعت ككاو ما تفنتقت بالتوزيع
وحق اليهال نفس الشي سويت حلاو ...

هالمره ودي بشي مميز للكبار والصغار يتم ذكرى ..

 

[NaThYa85]

في وحدة معانا بالمنتدى (تاجرة) تبيع علب عسل وفوط صغيرة مسويتها بطرق حلوة وهمن مجموعة بدكير ومنكير بس أسعارها مبالغ فيها الصراحة وايد غالي

بس هم ما يصير ايونج ضيوف ويطلعون ايد من ورا وايد من جدام

أنا بولادتي الأولى يبت قلاصات داخلهم ككاو وبيض الصعو وبسكوت وماي لقاح ومكسرات كل وحدة منهم مغلفة بسيلوفان ومربوطة بشريطة ذهبية وعليها حبة ستراس والقلاص واللي داخله مغلفين بسيلوفانة كبيرة وفيونكة ذهبية من محل فوق بياع الورد

ووزعت القلاصات على شكل هرم فوق وحدة من الطاولات ما يبت ستاند ولا شي

صح بعض الناس يقولون أولد فاشن عشان جذي بدال الستاند لازم يكون في هدايا حلوة للضيوووف

اووووف محتااااارة *

 

[ملاك ^ الحب]

انا بولادتي سويت استاند مربعين فوق بعض الي تحت كبير والي فوق اصغر منه وحطيت فيهم كاكاو حطيت نصه في علب ونصه عادي العلب حق الكبار والعادي حق البنات والرياييل المهم وسويت فوق الاستاند قاعده حق كتاب وخليته يسويلي الكتاب نفس خامه الاستاند لون اوف وايت مخمل واي احد يزورني اخليه يكتب ذكرى بالكتاب طلعت عجيييييييييبه الفكره الكل يسالني عنها طبعا هالكلام من ثلاث سنوات والله كل ما ضليت افتح الكتاب واقرا ذكريات حلوه واخوي كاتب لي قصه لاني انا تاخرت بالحمال 7 سنوات كاتب كان ياما كان كان في قديم الزمان كان في وحده حلوه تزوجت وطبعا هالوحده اهيا اختي والله مارزقها ذريه وبعد 7 سنوات ياتنا بخبر حملها واستانسنه وصفقنا واحتفلنا وبعد تسع شهور يانه احلا خبر يابت احلا بنوته وخلصت وملصت ويات الديايه وعنفصت

والله كل ما اقراها تخنقني العبره وبنفس الوقت اضحك وبعضهم كاتبيلي سوالف حلوه بالكتاب هذي الذكرى صج

يعني خليت الذكرى حقي مو حقهم

اي نسيت اقولكم سويت استاند ثاني مثل العلاق وحطيت دهن عود في ميداليه صغيره والله يابنات لي الحين يسالوني عن دهن العود من وين ماخذته لان صج كان عجيييييييييييييييب


واسفه عالاطاله انشالله اكون فدتكم واي استفسار عالخاص اخاف ما ادخل الموضوع مره ثانيه

 

[الدنيا غير]

انا اسوي شغلي كله بنفسي مفارشي وو الكفر مالي و لبسي و لبس البيبي كله فس الشي وبالنسبه للهدايا اسوي علب صغيره فيها نفس الميداليه على اشكال بيبيات حلوه و تونس مع كاكاو و على العلبه اسم العايله

 

[Rasp Berry]

انا بولادتي سويت استاند مربعين فوق بعض الي تحت كبير والي فوق اصغر منه وحطيت فيهم كاكاو حطيت نصه في علب ونصه عادي العلب حق الكبار والعادي حق البنات والرياييل المهم وسويت فوق الاستاند قاعده حق كتاب وخليته يسويلي الكتاب نفس خامه الاستاند لون اوف وايت مخمل واي احد يزورني اخليه يكتب ذكرى بالكتاب طلعت عجيييييييييبه الفكره الكل يسالني عنها طبعا هالكلام من ثلاث سنوات والله كل ما ضليت افتح الكتاب واقرا ذكريات حلوه واخوي كاتب لي قصه لاني انا تاخرت بالحمال 7 سنوات كاتب كان ياما كان كان في قديم الزمان كان في وحده حلوه تزوجت وطبعا هالوحده اهيا اختي والله مارزقها ذريه وبعد 7 سنوات ياتنا بخبر حملها واستانسنه وصفقنا واحتفلنا وبعد تسع شهور يانه احلا خبر يابت احلا بنوته وخلصت وملصت ويات الديايه وعنفصت

والله كل ما اقراها تخنقني العبره وبنفس الوقت اضحك وبعضهم كاتبيلي سوالف حلوه بالكتاب هذي الذكرى صج

يعني خليت الذكرى حقي مو حقهم

اي نسيت اقولكم سويت استاند ثاني مثل العلاق وحطيت دهن عود في ميداليه صغيره والله يابنات لي الحين يسالوني عن دهن العود من وين ماخذته لان صج كان عجيييييييييييييييب


واسفه عالاطاله انشالله اكون فدتكم واي استفسار عالخاص اخاف ما ادخل الموضوع مره ثانيه

ماشاء الله وايد حلوه فكرتج بالكتاب بس مافهمت شلون علاق ودهن عود ؟؟ يعني توزيع دهن عود ؟ ومن وين سويتي الستاند مع الكتاب شكلي ببوق فكرتج اذا تسمحين طبعا :eh_s(7):

 

[NaThYa85]

بنات يقولون ماله داعي توزيعات شرايكم

حيرتوووونا 

 

[mrs.ls4]

قوه بنات
انا عن نفسي ماكنت مقتنعه اني اسوي سوفينيرز لاني الصراحه قاطه على
حلو التقديم والموالح مبلغ موهين والكل لامني

بس امي حبيبتي والله يطول بعمرها قالت لاء وكلا وابدا مايطوف ستقبال
حفيدي الاول من غير سوفينيرز
راحت لبنان ووووووو بس ماراح اكمل بخليها مفاجئه لكم لي عرضت عليكم
صور ستقبالي
هههههههه نحيسه صح

 

[NaThYa85]

حدج خخخخخ

الله يقومج بالسلامة انشالله وتورينا صور استقبالج

 

[أبله هنوف]

up===up===up
up===up
up